Telegram Group Search
Forwarded from لقيتكٌـ أجمل أيـاميّ ♡💛 (‏ᴍɪsʜᴀ ☕️🎻) via @sharre_bot
Media is too big
VIEW IN TELEGRAM
عزيزتي الواعية لمن تسعى الى تطوير نفسها قلبا وقالبا انصحك ب كوروس ابني ثقتك وابدأي من جديد رائع تابعي الفيديو لمعرفة التفاصيل 👍👑
💌سلسله يارب تموت(١)💌

كلمه يا رب تموت نسمعها فى كلام ناس كتير سواء صرحوا او كانت فى ملامحهم من شخص معين

نسمعها
من زوج لزوجته
من زوجه لزوجها
من ام لابنها
من ابن لامه

السبب فى قول الكلمه دى ان الشخص بيكون فاكر ان من يدعى عليه هذا هو العقبه فى طريق حريته انه بيمنعه من الاستمتاع بحياته و علشان مش يخسر كتير فهو يري ان موته هو الحل الأمثل علشان يحصل على حريته

حريته اللى حابسها الطرف الاخر ده و اللى خانقه و اللى لو اختفى من الحياه حتكون الحياه احلى و زى العسل

حريته اللى بعدها ممكن يختار ناس جديده و المرة دى حيكون اختياره صح و يعيش بقى
يتبع

#ريهام_محمود
#مستشاره_علاقات_زوجيه_وتربويه

💕كلماتى بكل الحب  كتبتها فضلا لا تمحى اسمى عند النقل 💕
💌سلسله يارب تموت(٢)💌

اتكلمنا الحلقه السابقه عن احساس و اسباب ان الشخص لما يدعى على حد انه يموت

و نشوف مع بعض تفكيره بعد فقد اللى منغص عليه حياته حيكون ايه

🙈اما تفكير الزوج

لما تموت الزوجه يرتاح من اللى طلباتها لا تنتهى و من الزن و قرف العيشه مع واحده نكديه اللى كل شويه بتقول رايح فين و جى منين و اللى مش بتهتم الا بالعيال و الاكل و الشرب اللى مش بتفهم ف حاجه الا الطبيخ و الشكوى
حيتزوج الاجمل و اللى تريحه و تشوف طلباته و تكون حاجه كده ميكس من هيفا و نانسي ع شاكيرا

لكن لو طلقها حيدفع نفقه و العيال يتشردوا و يمكن تاخد الشقه و تطلع عينه اكتر ما هى مطلعاها

🙈 اما تفكير الزوجه

لما يموت زوجها حتعرف تدخل و تخرج من غير خنقه و يمكن تاخد فلوس من موته و المجتمع كله حيكون مساند لها لانها حتكون ارمله مسكينه مش مطلقه موصومه و يمكن تتجوز واحد يريحها و يسعدها و يفهمها اكتر من الراجل اللى معاها اللى معذبها فى حياتها تتزوج واحد يقول لها كلام حلو و يدلعها و يجيب لها هدايا و يهتم بيها يطبطب لما تبقي زعلانه يتحملها فى تعبها و يسمعها فى شكوتها

يتبع باذن الله

#مستشاره_علاقات_زوجيه_وتربويه
💍💍ا / ريهام محمود 💍💍
💌سلسله يارب تموت(٣)💌

🙈تفكير احد الابوين فى موت احد الابناء

طبعا ده من اصعب التصورات اللى ممكن تتصورها ان اب او ام ممكن فعلا يدعى ع ابنه او يتمنى موته بس الحاله دى حاله المثل المصرى ادعى على ابنى و اكره اللى يقول امين

تفكير الاب و الام هنا
ييكون انا ضحيت بكل حاجه فى الدنيا علشان خاطرك و انت مش تستاهل
انت خيبت ظنى و املى فيك و انت فاشل بتحسسنى بالفشل
انت مش عارف تحقق حلمى اللى حلمته و اللى مش عرفت احققه و كنت اخر امل ليا و احبطنى بفشل
انت السبب فى تحملى لشريك حياتى و التعاسه اللى انا فيها
انت ابن اللى عذبنى ف حياتى و انتقاما منه بدعى عليك

لكن الحقيقه الحاله دى هى الوحيده اللى عمر الاب او الام يقولوا فيها لو مت ممكن يجي لي ابن تانى يحقق لى اللى انت مش عرفت تحققه

لانه ببساطه ابنهم و ان كان فيه حالات فعلا يتمنى الاب القاسى موت ابنه لكن احنا هنا بنتكلم عن الناس الطبيعية الاسوياء مش الناس القاسيه لدرجه تمنى الموت بالفعل لاولادها


#يتبع

#مستشاره_علاقات_زوجيه_وتربويه
💍💍ا / ريهام محمود 💍💍

💕كلماتى كتبتها فضلا لا تمحى اسمى عند النقل 💕
💌سلسله يارب تموت(٤)💌

🙈تفكير الاولاد فى موت ابائهم

الموضوع هنا حينقسم قسمين قسم الطفوله و ده صعب جدا تفكير الطفل السوى فى تمنى موت احد الوالدين لانهم بالنسبه له الامان في الحياه لكن اكيد يفكر انه لو بابا مات او ماما ماتت يحصلى ايه و يخاف عليهم

اما مرحله المراهقه و الشباب الفترة دى لانها فترة تقلبات فى الهرمونات ومحاوله فرض الشخصيه يفكر هنا انه بموت الاب او الام القاسين عليه ممكن يحصل على حريته و يخلص من الاهانه و المن عليه بالفلوس و التخلص من السخريه من افكاره و شكله و كلامه و انه فاشل و انه عديم الفايده
حيخلص من الفكر القديم و من التخلف و الغباء فى معاملته على انه طفل لا يفهم شئ

و يعيش بعد كده فى عدم تضيق او نكد كل شويه و التحقيق لليومى رحت فين و صرفت ايه و بتكلم مين و مش تكلم ده وووو
يخلص من الخنقه دى كلها و يعيش حريته

يجى بعد كده التفكير لما يستقل الابن عن الاهل و يكبروا و يكونوا عبيء عليه فى خدمتهم و كبرهم و يمكن يفكر انه احسن بضع اهله فى دار المسنين و كفايه عليهم كده الحياه و الموت ارحم لهم و المصاريف اللى بيصرفها عليهم بيته و اولاده اولى بيهم و يمكن لو ماتوا يورث و يكون معاه قرشين يتمتع بقى و يعيش

🙈 اخر الكلام فى التفكير فى اى انه يموت ان الانسان يتخلص من هذا الشخص سواء كان بعيد او قريب علشان يعرف يعيش حياته بحريه على حسب تفكيره

الحلقات القادمه حنتكلم عن شى مهم لو فعلا الناس اللى بندعى عليهم ماتوا ازاى حتكون حياتنا

#يتبع

#مستشاره_علاقات_زوجيه_وتربويه
💍💍ا / ريهام محمود 💍💍

💕كلماتى كتبتها فضلا لا تمحى اسمى عند النقل 💕
💌سلسله يارب تموت(٥)💌

احنا حنفتراض ان ربنا استجاب دعوتك و اللى بتمنى يموت مات بالفعل فجاءه ازاى حتكون حياتك

🙈زوج فقد زوجته
اصبح بلا زوجه بلا ام لأولاده
اصبح بلا احد يطهو طعامه
اصبح بلا احد يشكو له همه
اصبح بلا سكن و موده و رحمه
اصبح ببيت من جدران ليس به سكان
انهار عمود البيت

هناك رجل ماتت زوجته و عنده اربع اطفال فأتى بعامله لتقوم باعمال الاولاد قالت له
٤٠٠ ريال لرعاية الاطفال
٤٠٠ ريال لتنظيف المنزل
٤٠٠ ريال لمذاكره الاولاد
و لها مواعيد رسميه ليس بعد السابعه

هذا غير كسوتها و أجازاتها و مكافآت في الأعياد و غير مسؤله ان مرض احد الاطفال او المشاوير للاطباء

هذا كله و ليست بديله للزوجه و الام و الصاحبه فى الدنيا و السكن و الموده و الرحمه به و باهله و باولاده

هل فكر هذا الرجل ان معه سيده
صحيح ليست كهيفاء و نانسي لكنها مع كل تعبها و ارهاقها مع اولادها و بيتها و محاوله اسعاده بالطعام الطيب و نظافه بيتها تتودد اليه و تحاول ارضاءه كزوج
و مع العلم انها لو كانت سيده المدلل فانها ستكون افضل من افضل ما ترى عينيك و تسمع اذنيك من نساء لكنها صابره راضيه مقدرة امكانياتك

و كل هذا لا يراه انما يريد استبدالها لانه يري هى مقصره فقط
يركز فقط على النواقص
يركز فقط على العيوب
يركز خارج البيت و لا يلبي طلبات الزوجه من حنان و رعايه و عنايه

رجل الرجال فى قضاء حاجات الاخرين و ان طلبت الزوجه شى فهى زنانه

يقول لكل الناس عيوب زوجته و قد يصارحها فى المشاجرات لكن لا يجلس يهدوء و يحاول حل المشكله معها و يسعى بالتفاهم والحب ان يصلح ما يراه عيبا

واخيرا أخى الزوج تصور حياتك بدون زوجتك و كيف ستكون عسى ان ترى الجميل في حياتكم و تكون بدايه جميله لحياه سعيده

#يتبع

*محبتكم
#مستشاره_علاقات_زوجيه_وتربويه
💍💍ا / ريهام محمود 💍💍
💌سلسله يارب تموت(٦)💌

نكمل سلسله الافتراضات
🙈زوجه فقدت زوجها

زوجه اصبحت بلا زوج
اصبحت بلا سند بعد الله سبحانه
اصبحت اب و ام للأولاد
اصبحت متسوله لمن يقضى لها حاجاتها
اصبحت رجل اكثر من انثى
اصبحت مطمع ان كانت ذا مال او جمال
اصبحت ارمله


كان هناك سيده جميله وذات مال و عيال ما عنها زوجها و اخواتها يتقاذف مسؤلياتها كل واحد على الاخر و ف الاخير فكروا ف تزويجها لرجل يحمل همها و يستريحوا كلما وجدوا رجل مناسب حتى و لو عنده اطفال يعتذر لانها عندها اطفال ايضا و يقول انا اتحمل اطفالى بضعوبه فكيف اتحمل مسؤليه اطفال جدد ليسوا اولادى و ف الاخير اعتمدت على الله ثم نفسها تربي اولادها و تتحسر ع زوجها و تقول كان شايل همنا

زوجك قد لا يكون الافضل فى المشاعر و الكلام المعسول لانه يري ان لقمه العيش اولى
زوجك قد لا يكون مثالى ف معاملتك او حل المشاكل لانه عنده بالفعل مشاكل ف عمله و يثق فى قدرتك على التعامل مع البيت و الاولاد افضل منه
زوجك قد لا يكون الافضل على الاطلاق لكنه افضل اب لاولادك
زوجك قد لا يتذكر ذكرى زفافكم لكنه اكيد متذكر انك زوجته

فكرى أيتها الغاليه بضع ثوانى لو فقدتى زوجك كيف ستكون حياتك ابحثى عن حلول للمشكلات بينكم صارحيه ووضحى له ما تريدى يدون صياح

عسى ان تكون هذه الكلمات بدايه جديده لحياه سعيده

#يتبع

*محبتكم
#مستشاره_علاقات_زوجيه_وتربويه
💍💍ا / ريهام محمود 💍💍

💕كلماتى كتبتها فضلا لا تمحى اسمى عند النقل 💕
💌سلسله يارب تموت(٧)💌

نكمل سلسله الافتراضات
🙈ام او اب فقد احد ابناءه

صحى احد الاباء فوجد ابنه ميتا
مات فلذه كبده
مات زرع عمره
مات امتداده
مات حلمه
مات امله حتى بعد موته

اصبح بلا ولده هذا و ان كان عنده عشره

ما بديل الابن
هل يمكن استبدال ابن مكان ابن
هل يمكن ان تفكر ان الله استجاب دعوتك و مات ابنك
هل سيكون اولادك الاخرون بك بارون ام عليك سيدعون
هل كنت سترضى ان يدعو عليك ابويك بالموت و تكون بدعائهم سعيد

لا يرى هذا الاب او الام ثمرة حياتهم فى ابن ناجح فى مجال ما ليس عيبا ان يكون فاشل فيما انت تتمناه له
ليس عيبا الا يحب الدراسه التى انت اخترتها له
ليس عيبا ان يفشل فيما فشلت انت فى تحقيقه


قال على بن ابي طالب رضي الله عنه علموا اولادكم فانهم خلقوا لزمان غير زمانكم

ابنك او ابنتك ليس ملكيه شخصيه او دميه تضعها حيث تريد
انما هو انسان له افكار ومشاريع مستقله عنك
ابنك او ابنتك الذى تحاول بسيف البر ان يكونوا بدون عقل يفكر و يفعلوا ما تؤمرون هذا ليس دين انما البر فقط ف ان يتقى الله فيكم فى المعامله و حياتهم عنكم مستقله انما عليك النصح فقط فهو من سيحاسب عن عمله و ليس انت

اتقوا الله فى اولادكم و فكروا للحظات لو فقدت هذا الولد كيف ستكون حياتكم

احضنوا اولادكم تقربوا اليهم افهموهم فعسى أن تكون هذه الكلمات بدايه جميله لحياه سعيده باذن الله

#يتبع

*محبتكم
#مستشاره_علاقات_زوجيه_وتربويه
💍💍ا / ريهام محمود 💍💍

💕كلماتى كتبتها فضلا لا تمحى اسمى عند النقل 💕
💌سلسله يارب تموت(٨)💌

نكمل معا سلسله الافتراضات
🙈ابن فقد ابويه

بعد معاناه مع المرض او مات فجاءه
بعد وقت طويل فى المشفى او فى البيت مات

فارق الاب او الام

اصبح بلا اب
اصبح بلا ام
لن يكون له من يدعو له و يتمنى ان يكون افضل منه
لن يكون بعد الان ابن يذهب الى ابويه فيكشف همه و يفضى غمه دون ان يكون هناك خوف من الشماته

ماتت من بعد موتها يقال فى السماء كما ورد ف الاثر ماتت من كنت ترحم من اجلها فاعمل لنفسك

كان هناك ولد عنده اب مريض ودخل المشفى لمده طويله و لانه بخاف كلام الناس وانه مقصر مع ابيه اصبح يتسلف من الناس و فى عمله حدث انهم يستغنوا عن العمال لديهم يقول كنت اقول يارب ما كل هذه المصائب
و مات الاب فى المشفى و قدر الله ان اخر يوم فى حياه هذا الوالد هو ايضا اخر يوم فى عمل هذا الولد وورث الولد اباه و قضى ديون مرض والده و سبحان الله كل ما ورثه دفع ف الدين و بقي القليل القليل

فقد الولد الوالد الذى كان يساعده بماله
فقد عمله الذى يتعيش منه هو اولاده
فقد ورثه الذى كان يخطط و ابيه ع قيد الحياة كيف سيصرفه
و الاهم من كل هذا فقد دعاء ابيه فى كل صلاه فى كل يوم
اصبح ولد بدون والد

قد يكون الاباء و الامهات تفكيرهم غيرك او يحاولوا ان تكون ع هواهم لكن كل هذا من حبهم
قد يكون الاباء و الامهات قاسين فى كلامهم فى افعالهم لكن هم يفكرون ان هذا ما سيصلح حالك

تقبل ابيك و امك و اعلم انهم مهما قسوا عليك فهذا ليس لانهم يكرهوك انما لانهم يحبوك

و لكن هذه طريقه تفكيرهم على قدر علمهم و اعلم انك كما تدين تدان و انك لن تعلم كيق كان اهلك يحبوك حتى يكون لك ولد تحبه

جزاهم الله خيرا فهم حاولوا العبور بكم الى بر السلامه

واخيرا فابيك و امك باب من ابواب الجنه فلا تغلقه فانت لا تعلم هل لك باب اخر تدخل منه الجنه ام بعقوقك لهم ستغلق كل الابواب فى الدنيا و الاخرة


تفكر و تدبر فى هذا الكلمات و تصور حياتك بدون ابيك و امك و كيف ستكون عسن ان ترى الجميل فى حياتكمو تكون بدايه جميله لحياه سعيده



#يتبع

*محبتكم
#مستشاره_علاقات_زوجيه_وتربويه
💍💍ا / ريهام محمود 💍💍

💕كلماتى كتبتها فضلا لا تمحى اسمى عند النقل 💕
💌سلسله يارب تموت(٩)💌

خاتمه

قد نقابل في الحياه اشخاص فى العمل فى الاسره فى اى مكان نتمنى ان يختفى من الحياه بالموت لكن الحقيقه هذا ضعف فيك لانك لا تستطيع مواجهه هذا الشخص و فرض شخصيتك و أسلوبك عليه
وليس معنى هذا هو الشجار او الصوت العالى أبدا

انما هو تقبل هذا الشخص كما هو فانت تتعامل مع الشخص كوحده واحده بحلوه و مره
فان كان به مر فانه اكيد به اشياء جميله
مثلك تماما بك الحلو و المر
بك الصالح و الطالح
فكما تريد ان يتقبلك الناس لابد من تقبل الناس

الشى الثانى انت من تعطى للناس الحق فى ان يعاملوك معامله حسنه او سيئه فانت من تسمح لهم و ان لم تسمح لن يفعلوا فهم يفعلوا ما انت تريد منهم و ليس ما يفرضوه عليك

الشئ الثالث ان تفترض ان من تريد اختفاءه من حياتك قد اختفى بالموت فاكيد هناك من سيحل مكانه فهل تضمن انه سيكون افضل ام ستتمنى موته ايضا ع الاقل من معك انت تعلمه فحاول التعامل معه

و اخيرا كلما اتت هذا الفكره لديكم تذكروا فيما روى مسلم (3014) أن النبي صلى الله عليه وسلم قال : ( لَا تَدْعُوا عَلَى أَنْفُسِكُمْ وَلَا تَدْعُوا عَلَى أَوْلَادِكُمْ وَلَا تَدْعُوا عَلَى أَمْوَالِكُمْ لَا تُوَافِقُوا مِنْ اللَّهِ سَاعَةً يُسْأَلُ فِيهَا عَطَاءٌ فَيَسْتَجِيبُ لَكُمْ ).

#انتهى
*محبتكم
#مستشاره_علاقات_زوجيه_وتربويه
💍💍ا / ريهام محمود 💍💍
اللهم اجعله خالصا لوجهك الكريم يارب العالمين

#أحدث_الإصدارات

في زماننا أصبحنا لا نربي أبناءنا بمفردنا، وممكن جدًا أن يتأثروا بفعل شخص في القطب الجنوبي دون اللقاء، أصبحنا نحارب عدوا خفيًّا ،معلنا ، فلزم علينا أن نتعلم وتعلم كيف نحمي أبناءنا ودينهم من هذا الخطر العظيم.
قوتك الحقيقة في تربية أبنائك هو ثقتهم في دينهم وثقتهم في ربهم، فيمكن جدا ألا يعلموا إجابات كثيرة في الدين، لكن ثقتهم بالدين ستجعلهم ثابتين في البحث وطلب الحق ليصلوا له.
وهذا الكتاب جزء سيساعد بإذن الله كثيرًا في حماية ابنك من خطر الإلحاد.
_ كتاب "أبنائنا والإلحاد" للكاتبة ريهام محمود سيكون متاحًا في جناح #كتبنا بمعرض القاهرة الدولي للكتاب 2024 📚📚
(صالة 1 جناح A50 بمركز المؤتمرات بالتجمع الخامس _الفترة من 24 يناير إلى 6 فبراير)
📌يمكنك أيضًا طلب نسختك الورقية عبر خدمة Bosta للتوصيل، والمتاحة في جميع أنحاء الجمهورية، والدفع عند الاستلام، من خلال هذا الرابط:
https://bit.ly/Kotobna-OrdersEG
للاستفسارات يسعدنا تواصلك معنا على رقم خدمة العملاء: 01220222242
#كتبنا_في_المعرض
#الكتب_شغف_لا_ينتهي
#معرض_القاهرة_الدولي_للكتاب_2024
2024/03/29 07:46:50
Back to Top
HTML Embed Code: