‏تباطيت العيون ولا ضوى نجم السّنين وْبَان
‏وأنا صدر بدويٍّ ما توجّس غير من خوفه

‏يا وجهٍ ما وراه إلّا جميل، وعزوة، وْسلوان
‏تعبت أدوّرك وأثر الأيادي عنك مكتوفه

‏ذكرتك كنّ ما لي غير وجهك: وجهة، وْعنوان
‏وغديت بْـ خِف ما كنّي ثقيل، وداخلي شوفه .

‏أنت فيّ و وجهك للذات الصباح بدايه
‏جعل وجهك بعد مسؤول الداوم و وجهه

‏وأنت والله شف عين وشف قلب وغايه
‏مال قلبي غير حبك يا حبيبي وجهه .

‏يا غزالٍ علّق الوسم في قلبي وراح
‏يحسب إني مثل ناسٍ تضيع حقوقها .

‏بنات الفكر ياقربها من بنات الحور
‏لو ان ابلغ التشبيه ماهيب تحتاجه

‏مزاجية الشاعر لها في قصيده دور
‏وانا الشاعر اللي هاجسه مصدر ازعاجه

‏اللي داخله فاضي لايتعب على الديكور
‏واللي مـاهو بـ رجال لا يضحك حجاجه

‏الابداع مايحتاج له منبر و جمهور
‏الجمهور و المنبر للابداع محتاجه .

‏جت تثنّى كنها الصبح في عيون الفقير
‏راح ليله لاتعلل ولاجاه المنام

‏ينتظر فرصة حياته مع الصبح الكبير
‏ ساقها حظه عقب كان خانقه الظلام

‏ناعمه وانعم من اللي عليها من حرير
‏ودها بالستر لكن يجرّحها اللثام

‏قالت اليا قلت (احبك) توقع وش يصير ؟
‏قلت ابا اجلس بالثريا ومركاي الغمام .

صبحكم بالخيّر عيدكم مبروك وعساكم من عواده🤍.

‏على كل وجهن من وجيه الجميل اسين
‏لا قامت صواديف الليالي تلوى به

‏وعلى كل دارٍ ضمت أحبابنا الغالين
‏سلامٍ يرش الكبد من فاقد أحبابه

‏يقولون عجلات الليالي تشيب العين
‏وانا اقول من يستعجل الوقت يشقى به

‏تعجلت والدنيا تمشي العجول بزين
‏ومن عاند الايام يصبر على مابه .

‏لافترق شمل المحبه لايطريك الرجوع
‏الوصل روحه من الارض راحت للسماء

‏لو بعد فرقاك شفت الحزن من كل نوع
‏مستحيل انسى لياليك ياعذب اللمى

‏التوى حبك على القلب من بين الضلوع
‏مثل ماتلوى الفريسه من الداب العمى .

‏لو قفلت دنياك في وجهك الباب
‏وقام الزمن في وسط روحك ينّتش
‏
‏عليك بالضحكة من الناب للناب
‏ماحداً على لوعات قلبك "مفّتش" .

لافترق شمل المحبه لايطريك الرجوع
‏الوصل روحه من الارض راحت للسماء

‏لو بعد فرقاك شفت الحزن من كل نوع
‏مستحيل انسى لياليك ياعذب اللمى

‏التوى حبك على القلب من بين الضلوع
‏مثل ماتلوى الفريسه من الداب العمى .

يعدل مزاجي كل ماخربوه الناس
‏انا وين ابلقى واحدٍ كنه الشاهي :) .