يشع وجه الكمر ليله ظهر لاك
عضيد وجان بالحومه ظهر لاك
عليك بساعة الزمته ظهر لاك
انكسر من طاح اريد تحن عليه
...................
الشاعر
أياد الفرح المهدوي

حياتي دونك بصحرة وشلها
وغيابك نحل عظامي وشلها
ذكرك نشف چروحي وشلها
دخيلك صد ولو طارف اليه
.........
الشاعر
اياد الفرح المهدوي

عليك السيروهن غصب ضلعن
عليك انوب يبن الحسن ضلعن
بحق الوكفت وبالشمس ضلعن
اخوها حسين اريد تحن عليه
..........
الشاعر
اياد الفرح المه‍دوي

الك كلبي بعطف ميله ولينه
ولي والي منو غيرك ولينه
نريدك سيدي تحضر ولينه
تخصنه برأفتك يبن الزجيه
.........
الشاعر
اياد الفرح المهدوي

احلفك بلي رأسه انمله غيره
وبحق المالك ويحسين غيره
عليك الزهره حالي هاذ غيره
بضلعها المنكسر انفر عليه
........
الشاعر
اياد الفرح المهدوي

يمن بيك ابتلينه ومتحنه
غيابك عدنه اصعب ومتحنه
تعال انت اختبرنه ومتحنيه
نجاوب بس دمع يبن الزجيه
.........
الشاعر
اياد الفرح المهدوي

يصاحب كل أمر سيد وكتنه
يكتنه الدمع ابدونك وكتنه
يهزنه الوكت ياغايب وكتنه
نتاني جيتك يابو الحميه
........
الشاعر
اياد الفرح المهدوي

ويشبل اليث يالغايب وسدها
مرض لحك عالعيوني وسدها
عليك البالطف جفوفه وسدها
اريدك نفتح عيوني إليه
.......
الشاعر
اياد الفرح المهدوي

ادورك وين يالغايب وجدلاك
عشك بيه يبو صالح وجدلاك
عليك ابأمك الزهرة وجدلاك
الكاني تهت عينك عليه
............
الشاعر
اياد الفرح المهدوي

رساله وبدموع العين وديت
الك يا ما ازورك صدك وديت
عله بعد الدرب مولاي وديت
شوك زيارتك فرج عليه
......
الشاعر
اياد الفرح المهدوي

الدهر عن شوفك عيوني حجزلي
ونخيتك وادري ابجفك حجزلي
شوكت يوصلي ياضامن حجزلي
بعيادة حضرتك احجز اليه
.............
الشاعر
اياد الفرح المهدوي

عليك البالعطش جوده وردلك
سلامي وحالة عيوني وردلك
بقيت انه انتضر فضلك وردلك
عليك الزهره رد يبن الزجيه
................
الشاعر
اياد الفرح المهدوي