وزن عكيلي
~~~~~
ياليل العاشر طولنه
باﺟر اسمع بس الونه
✿❥❥❥❥❥❥❥❥❥❥❥✿
ونه وحافر گسر صدره
ويخلص باجر نوح وعبره
وجاسم والأگبر على الغبره

ومن گفالي الضنه
✿❥❥❥❥❥❥❥❥❥❥❥✿
اگطع باجر كل اضنوني
وتروح من النوح عيوني
وعدانه وياهم مشوني
رحنه من بعيد وسلمنه
✿❥❥❥❥❥❥❥❥❥❥❥✿
باجر كلشي مني يروح
وحته اليرضع هم مذبوح
اضل السلوئ بس النوح
دهري يابويه حيرنه
✿❥❥❥❥❥❥❥❥❥❥❥✿
يادهري دومك غدار
من زغري گلبي محتار
اريد اندب حامي الجار
عن حالي الليله اخبرنه
✿❥❥❥❥❥❥❥❥❥❥❥✿
بس هليله تفل العشره
وكلها اخواني تنام ابغبره
وحسيني وهم يخلص عمره
ياموته الوالي لوعنه
✿❥❥❥❥❥❥❥❥❥❥❥✿
تمت بعون الله بقلم خادمة اهل البيت عليهم السلام الشاعره ام ✍🏻زين العابدين لمحمداويه
غير مبري الذمه اليحذف الاسماء او تلاعب بيهه
قناة تحتوي على جميع القصايد الحسينيه

قصايد رجاليه ◇ نسائيه ◇ على كافة الأوزان

موشحات ◇ تجليبات ◇ نعي ◇ فزاعيات

بأشراف وتدقيق الشاعره ام زين العابدين المحمداويه

يشرفنا انظمامكم الينه
https://www.tg-me.com/قناة الحوراء زينب ع/com.z_zaynabb

قصيده لرجوع زينب من الشام
😭😭😭😭😭😭😭
زينب جايه من الشام

وياها علي الونه
😭😭😭😭😭😭 زينب جايه من بعيد
تعبانه وتشوفه تريد
تنادي خويه ياصنديد
غيابك حيل ماردنه

✍️ خادمة الزهراء أم أحمد الدريعي
😭😭😭😭😭😭😭
ردت تشكي للوالي

تكله ضيم ياحالي

موتك ماهو ابالي

عليك العزا انصبنه

ام✍🏻 زين العابدين لمحمداويه
😭😭😭😭😭😭😭

عليك النوح خوية حسين
خوية وماافل لونين
اجينة خوية متحزنين
وابولية غرب چنه

✍🏻الملة نور الساعدي
😭😭😭😭😭😭😭😭

اجيتك كابعه ابهمي
وعيني من دمه تهمي
اخلافه الحزن ضل سهمي

عليك النوح اجيمنه

ام✍🏻 رحمه الكاظميه
😭😭😭😭😭😭😭😭
متعنيه وأجيت بنوح
ألطم والدمع مسفوح
صحت بصوتي يامذبوح
محتامه أرد أشوفنه
✍🏻آلــــّعــلّويِـــه آلّمٌوسويِــــۿ
😭😭😭😭😭😭😭😭
جابت روس اهاليها
هضم وفراك عاميها
اختك عالو اعليها
درب الشام لوعنه
ام ✍احمد الحسناوي
😭😭😭😭😭😭😭

تمت بعون الله بأقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه


،✍️الشاعره ام زين العابدين المحمداويه

قناة تحتوي على جميع القصايد الحسينيه

قصايد رجاليه ◇ نسائيه ◇ على كافة الأوزان

موشحات ◇ تجليبات ◇ نعي ◇ فزاعيات

بأشراف وتدقيق الشاعره ام زين العابدين المحمداويه

يشرفنا انظمامكم الينه
https://www.tg-me.com/قناة الحوراء زينب ع/com.z_zaynabb

فزاعيه للامام للباقر ع
~~~
شدن حيلجن والزهره عيننها
على الباقر اجت اليوم واسنها
___
واسنها الزجيه ابدمعه سجابه
مسموم الولي ويكتل امصابه

يحله اليوم لو شدينه نكابه
على الباقر حيل الونه علنها

ام✍🏻 زين العابدين لمحمداويه
┈┉┅━━❀❀━━┉
شدن حيلچن گومن يخيات
ونصبن للعزه مو خيمه خيمات
على باقر علمنا العدل مامات
لاگنها الزهره// بلوعه لاگنها
✍🏻 ح؟
┈┉┅━━❀❀━━┉
ابو الصادق حنين ويصعب وداعه.

نون اعليه مانهده فرد ساعه.

تبجي عليه دم الليله اتباعه.

وبنيته تون بالونه عازنها.

ام ✍🏻فاطمة الزهراء
┈┉┅━━❀❀━━┉
نعازيها ونزيد الطم وياها
بعيدات الحبايب ماهن أحذاها
تون على الأبو ومطوله مبچاها

شايل ياحماها والبچي فنها

إم✍🏻 حيدر العبادي ناصريه
┈┉┅━━❀❀━━┉
واســـن فاطــمه وتريد عوانــه
تراها حاضـره بالمجلس اويانه
محــنية ظلوع وحيــل تعبــانه
واللطمه اعله ابنها اليوم شدنها

أم صــ✍️ــــادق المنصوري
┈┉┅━━❀❀━━┉
انواسي فاطمه بدموع مجريه
على الباقر لطمتنه وبعداليه
ننصب ماتمه ابكل بيت يوميه
ورايات الحزن بدموع ارفعنها
✍️ام محمد الساري
┈┉┅━━❀❀━━┉
بحضور ام حسن نلطم على الباقر
ويانه تون مكسورت الخاطر
الله ايساعدج وربج الج ناظر
عالمسموم فاطم ينسمع ونها

✍🏻 ام زينب الأسدي
┈┉┅━━❀❀━━┉
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه
قناة تحتوي على جميع القصايد الحسينيه

قصايد رجاليه ◇ نسائيه ◇ على كافة الأوزان

موشحات ◇ تجليبات ◇ نعي ◇ فزاعيات

بأشراف وتدقيق الشاعره ام زين العابدين المحمداويه

يشرفنا انظمامكم الينه
https://www.tg-me.com/قناة الحوراء زينب ع/com.z_zaynabb

كام مسلم وفنه الخياله
ابعاد اهله ومحد تعناله
~~~~~
محد من هله دره مسلم ذبيح

موذر وبسيوف عدوانه جريح

ما يهيد الگلب لجله ويستريح

وين ابن عمه يجي برجاله
•───✧◐◐✧──
حشمت طوعه لمن شافته
وين عنه حسين يحظر موتته

ليش بيد اعداه گومه خلته
محد المسلم اجاله وشاله
•───✧◐◐✧──
خانته الكوفه ومسلم غدرته
ريت للكوفه ما صارت جيته

بايعوه وتالي خانو بيعته

وحيد ضل ومحد ادناله
•───✧◐◐✧──
مسلم اعله اطفاله تجري عيونه

يدري من فوك القصر يرمونه

خايف اعله حسين يذبحونه

خانت الكوفه خبر وداله
•───✧◐◐✧──

قصته مسلم تره مثل الحسين

مات عطشان وعلى الغبره طعين

بين عدوانه وحيد ابلا معين
وعينه مشبوحه بقت لطفاله
•───✧◐◐✧──
هم غريب وعانه ظيم ابغربته

الله يعلم بالغريب اشحالته

ابعيد عن اهله وحانت موتته
جثته على الكاع ياهو ابحاله
•───✧◐◐✧──
ياغريب الكوفه ناده اعله الغريب
ناده وين احسين ابن عمي الحبيب

لا يجي الكربله عنها خل يغيب

بكربله جيش ال اميه انذاله
•───✧◐◐✧──
تمت بعون الله بقلمي الاقل خادمة اهل البيت عليهم السلام✍🏻 الشاعره ام زين العابدين لمحمداويه


https://www.tg-me.com/قناة الحوراء زينب ع/com.z_zaynabb

لطميه نخوه لمسلم ابن عقيل عليه السلام
~~~~~
مسلم مايقصر من ندك بابه
اجته اليوم تبجي وتلطم احبابه
~~
جتك شيعتك تنخه يبو طاهر
تعبها وكتها والفكر حاير
تدرون الجره مولاي والصاير
من عندك تريد الجاجه طلابه

ام ✍احمد الحسناوي
┈┉┅━━❀❀━━┉
اطلب حاجتي منك يبو الغيره
انه فكري تعب وضاع تدبيره
امشي عليك من ضلت هيه ابحيره

وبحسين السبط والاكبر اشبابه

ام ✍🏻زين العابدين لمحمداويه
┈┉┅━━❀❀━━┉
اجيتك والدمع من عيني سجاب
امشي عليك عمك داحي الباب
نخيتك سيدي رد ليه الجواب
مسلم بالكرم امشرعه ابوابه

ام ✍🏻سجاد الاعرجي
┈┉┅━━❀❀━━┉
ياباب الحوائج مسلم انخيتك
مجرب بالشدايد شايع تره ابصيتك
كلك زود يالمنعوت انه جيتك
هذه ابن الكرم مايرد طلابه

✍🏻 ام زينب الأسدي
┈┉┅━━❀❀━━┉
ملهوفه اعتنيت وروحي محتاره
ودلالي تشب. ياسيدي. ناره
احلفك بالذبيح حسين ونصاره
دلالي اريدك تجبر. اصوابه

✍🏻ام زهراء الزيداويه البصراويه
┈┉┅━━❀❀━━┉
ياباب الكرامه والنعم منك
شايل زود انته من علي عمك
حطينه الحوائج سيدي يمك
ادري ما تردنه كلك اهيابه

✍️. ام احمد المنصوريه
┈┉┅━━❀❀━━┉
اطلب سيدي منك واهل دمعي
تحقق طلبتي مسلم بعد عمري
وناذرلك نذر وفي انه بنذري
والشيعي ياغاتي سهل احسابه
ام✍🏻 رافد السامر
┈┉┅━━❀❀━━┉
┈┉┅━━❀❀━━┉
تمت بعون الله بأقلام شاعرات رابطة سيد الشهداء عليه السلام
شرعاً لانجيز حذف الاسماء او تلاعب
بكلمات القصيده
القناة تحتوي على جميع القصائد الحسينيه

قصائد رجاليه ¤نسائيه ¤وعلى كافة الأوزان

موشحات ¤ تجليبات ¤ نعي ¤ فزاعيات ¤دارمي

                بأشراف وتدقيق الشاعره ✍🏻
              ام زين العابدين المحمداويه

يشرفنا انظمامكم القناتنا
https://www.tg-me.com/قناة الحوراء زينب ع/com.z_zaynabb

قصيده لمولانه مسلم بن عقيل عليه السلام ((دارمي))
~~~
بالكوفه كالو طاح مسلم الريسان
مهره عثر وسفات ابأرض كوفان
┈┉┅━━❀❀━━┉
وحده وماكدرو سواها افنون
طشرها الجيمات ابخزرات العيون
من عمه ماخذ زود ابن اليثنون

يرهب مثل عباس ابساحة الميدان
┈┉┅━━❀❀━━┉

مسلم گلب كوفان طباها ابزود
وگف اعداه اصفوف وثبتها الحدود

فرحانه طوعه بيه طيب الجدود

يومه علينه الحيد ابدا ولا هان
┈┉┅━━❀❀━━┉
ياطوعه لتعوفين مسلم أوحيده
هو غريب الدار فاگد عضيده
كوفه الغدر خلوه صاير طريده
كلهم كفر والحاد عبادة اوثان
┈┉┅━━❀❀━━┉
صح وحده بالميدان لاكن عشيره
صاحو مدد للجيش ياهو نصيره
ماشفنه مثله ابطال لاكو نظيره
مشهوده اله الصولات تشهدله كوفان
┈┉┅━━❀❀━━┉
ياطوعه لتهمين مسلم تراني
مايوم ابد فريت للموت اتاني
وشما يزيد الجيش هذا مكاني
لحسين اضحي الروح ونذبح عطشان
┈┉┅━━❀❀━━┉

مسلم الضحه الروح لجل القضيه

اول شهيد ايصير بالغاضريه

باع العمر وانطاه لبن الزچيه

والله كوفو ونعمين من هاي الخوان
┈┉┅━━❀❀━━┉
تمت بعون الله بأقلام خدام اهل البيت عليهم السلام الشاعر✍🏻 ابو كاظم الحمداني)) ✍🏻والشاعره ام زين العابدين لمحمداوي))
┈┉┅━━❀❀━━┉
تمت بعون الله بأقلام شاعرات رابطة سيد الشهداء عليه السلام
شرعاً لانجيز حذف الاسماء او تلاعب
بكلمات القصيده
القناة تحتوي على جميع القصائد الحسينيه

قصائد رجاليه ¤نسائيه ¤وعلى كافة الأوزان

موشحات ¤ تجليبات ¤ نعي ¤ فزاعيات ¤دارمي

                بأشراف وتدقيق الشاعره
              ام زين العابدين المحمداويه

يشرفنا انظمامكم القناتنا
https://www.tg-me.com/قناة الحوراء زينب ع/com.z_zaynabb

لطميه للسبي ((بحر طويل))
~~
لو سار الضعن يحسين
خويه شلون حاجيني
اجيت بهيبتي وياك
والكافل يباريني
❥━──➸➽❥💔❥━──➸➽❥💔
كلي شلون يبن امي
امشي ميسره لشام
متكفله بحرم وايتام
عكب الكافل الضرغام
يحدون الضعينه انذال
وراسك عالرمح جدام
كل هذ الجره والصار
وبعد دهري مدري شضام
لضل طول العمر انعاك
وماينشف دمع عيني
ام ✍احمد الحسناوي
❥━──➸➽❥💔❥━──➸➽❥💔
انعاك العمر كله
ولا فل حزني انه ابيوم

احساب الحسبيته انه
طلع مضبوط يالمضلوم

تالي ترجع الانذال
من ذاكه الوكت مرسوم

يغدرونك يوالي اليوم
وعلينه النوايب دوم

وبهاذا المچان حسين تخلص كلها اسنيني

ام✍🏻 زين العابدين لمحمداويه
❥━──➸➽❥💔❥━──➸➽❥💔
اشوف اكبالي الحومه تشلع كلبي وعيني
ويوم الي جنت وياك وشحده اليحاجيني
تالي ويه الغرب جا ليش يبن امي التباريني
اريدن خويه اضل وياك لكن من يخليني

الملايه ام حسين الابراهيميه ناصرية
❥━──➸➽❥💔❥━──➸➽❥💔

تحديني الغرب ياخوي
وامشي بغير كفالي

وجتالك يبعد الروح
طول اليسر يبرالي

وراسك من اشوفنه
معلك يالاخوا اكبالي

وطول الدرب يالمظلوم الحزن يحسين غاطيني

✍️ام حسين الفريداوي
❥━──➸➽❥💔❥━──➸➽❥💔

ودعتك شلت ايدي
خويه من عله الناگه
مجبوره رحت گوه
تجری ادموعي حراگه
ما خلوني اضل يمه
اخيي يصعب افرگه
ريت الموت اخيي اوياك
وانه اویاك نتلاگه
خليت الگلب عندك
مشيت الشمر يحديني

✍🏻 ام زينب الأسدي
❥━──➸➽❥💔❥━──➸➽❥💔
ميشت وعيني عل وليان ضلت شابحه اربيه

بيدي ورگبتي الاحبال فوگ الناگه محنيه

راح الخدر يحبابي اسمي صار مسبيه

ابكل ديره يمرَونه كتلتني المهضميه

ابسكته ونتي خويه وادموعي على خديني

ام✍🏻 ستار الكعبي
❥━──➸➽❥💔❥━──➸➽❥💔
خلص مايها عيوني
ضلن خويه يجرن دم

اوياخويه مثل نحرك
كلبي نكطع وتخذم

وكومن كوة بلونات
حيلي عليكم تهدم

لوتدرون بيه شصار
ربي بحالتي يعلم

صعبه روحتي اوي جناب
وام الخدر تدريني

ام✍🏻 مرتضى الحواسي
❥━──➸➽❥💔❥━──➸➽❥💔
تمت بعون الله



┈┉┅━━❀❀━━┉
تمت بعون الله بأقلام شاعرات رابطة سيد الشهداء عليه السلام
شرعاً لانجيز حذف الاسماء او تلاعب
بكلمات القصيده
القناة تحتوي على جميع القصائد الحسينيه

قصائد رجاليه ¤نسائيه ¤وعلى كافة الأوزان

موشحات ¤ تجليبات ¤ نعي ¤ فزاعيات ¤دارمي

                بأشراف وتدقيق الشاعره
              ام زين العابدين المحمداويه

يشرفنا انظمامكم القناتنا
https://www.tg-me.com/قناة الحوراء زينب ع/com.z_zaynabb

حال وصول السيده زينب عليها السلام
▪️▪️▪️▪️▪️▪️▪️
للطفوف اليوم جيت وبيها نزلوني اخوتي
اوصلت ليها بالهيابه وبيها دكو خيمتي

اليوم اجيتج كربله //كفي عني هلبله

كلها هايه الناس انه بخدمتي
▪️▪️▪️▪️▪️▪️▪️
جايتلج كربله وكلي مصاب
رحمي ابحالي ما احمل عذاب
خايفه اتغدرين وتروح الشباب
تدري بيه امدلله…كفي عني هالبله

قدري يا خيبه انتي حالتي

✍🏻هدى المطر ام محمد
•───✧◐◐✧──•───✧◐◐✧──
خافن تغدرين وانه ام الخدر
وبفكد اخواني يوليني الشمر
ياكربله بهونج ابعد اشئنتضر
منج دمعتي هامله كفي عني هابله

ضلمه ابعيني صارت دنيتي

ام ✍🏻مرتضى الحواسي
•───✧◐◐✧──┈
•───✧◐◐✧──
انا مهيوبه وتعرفيني شكول.

بت علي كرارها وفحل الفحول.

الكون كله يوكف كبالي خجول.

عيلتي اعظم عايله. كفي عني هالبله.
اليوم كبرت ياخيبه بالوتي

ام فاطمة الزهراء
•───✧◐◐✧──•───✧◐◐✧──
كربلاء اتلگي ضوعوني وهلهلي
استقبلي خدري اجيتج وي هلي
سلمي وأدي التحيه البت علي
اتكلمي گولي هله
كفي عني هالبله

لا تنزليها ابأرضج دمعتي

✍🏻 ام زينب الأسدي
•───✧◐◐✧──•───✧◐◐✧──

انــه زينب جــيتج اتلكيني
ويه اخوي حسين گلبي وعيني
كـــلهم اعزاز اخــوتي تدريـني

فراگهم لامحمله،،،كفي عني هالبله

كل اخوتي ليه همه سلوتي

أم صــ✍️ـــــادق المنصوري
•───✧◐◐✧──•───✧◐◐✧──
جيتج ودمعتي مانشفت ابد
من وصلنه هل ارض گلبي ارتعد
خيم عليه الحزن شال السعد

شگد مصايب شايله كفي عني هلبله

هاي اول يوم الج طبتي

ام ✍️حسين الحسني
┈┉┅━━❀❀━━┉•───✧◐◐✧──
جاب ضعني ابشيمته وكال خويه ادللي
وياي لا تفل الكفاله ولا تعوفه محملي
لو رحت عباس عني منهو يلزم محملي
شمر منهي يسايله ،،،،كفي عني هالبله
خويه عكبك من ينشف دمعتي

الملايه ام حسين الابراهيميه ناصرية
•───✧◐◐✧──┈┉┅━━❀❀━━┉


┈┉┅━━❀❀━━┉
تمت بعون الله بأقلام شاعرات رابطة سيد الشهداء عليه السلام
شرعاً لانجيز حذف الاسماء او تلاعب
بكلمات القصيده
القناة تحتوي على جميع القصائد الحسينيه

قصائد رجاليه ¤نسائيه ¤وعلى كافة الأوزان

موشحات ¤ تجليبات ¤ نعي ¤ فزاعيات ¤دارمي

                بأشراف وتدقيق الشاعره
              ام زين العابدين المحمداويه

يشرفنا انظمامكم القناتنا
https://www.tg-me.com/قناة الحوراء زينب ع/com.z_zaynabb

قصيده للحسين ع في يوم عرفه
((موشح))
~~
حسين يم الكعبه يشكي حالته
يدعي رب الكون يسمع شكوته
___
حسين واكف يدعي يم رب السمه
من ظلم حكام زمره ظالمه
محشدين ابغدر ابنها فاطمه
يدعي للمعبود وتهل دمعته

✍️ام حسين الفريداوي
✿❥❥❥❥❥❥❥❥❥❥❥✿
محشدين اشعدهم وياه من طلب
حتى الباري من هاذا غضب
اليوم ابو السجاد طالع من غصب
كل موالي عليه ايدك هامته

ام ✍🏻زين العابدين لمحمداويه
_____
للبقيع اتوجه يودع هله
ماخذ اطفاله وجميع العايله
يودع امه وعينه من دم هامله
يدري هاي السفره بيها موتته

✍️ام حسين الفريداوي
✿❥❥❥❥❥❥❥❥❥❥❥✿
ودع امه وجده والمدمع يهل
عليه والله هل أمر لامو سهل
حسين مايرجع بعد طيبه عدل
ولچ يا دنيه قدري حالته

ام ✍🏻زين العابدين لمحمداويه
✿❥❥❥❥❥❥❥❥❥❥❥✿
اتوجه حسين لارض طف كربله
فارك ادياره ابن عقد الوله
وروح امه فاطمه متعلعله
تدري لو يوصل يفارك عيلته

✍️ام حسين الفريداوي
✿❥❥❥❥❥❥❥❥❥❥❥✿
الدنيه ويه اهل البخت مياله
اصوابها بالعتره اهي چتاله
غدر راح احسين هو ورجاله
طلع لجل الدين والحق غايته

ام ✍🏻زين العابدين لمحمداويه
✿❥❥❥❥❥❥❥❥❥❥❥✿
تمت بعون الله بأقلام شاعرات خادمات اهل البيت عليهم السلام الشاعره✍🏻 ام حسين الفريداوي)) ✍🏻والشاعره ام زين العابدين لمحمداوي


┈┉┅━━❀❀━━┉
تمت بعون الله بأقلام شاعرات رابطة سيد الشهداء عليه السلام
شرعاً لانجيز حذف الاسماء او تلاعب
بكلمات القصيده
القناة تحتوي على جميع القصائد الحسينيه

قصائد رجاليه ¤نسائيه ¤وعلى كافة الأوزان

موشحات ¤ تجليبات ¤ نعي ¤ فزاعيات ¤دارمي

                بأشراف وتدقيق الشاعره
              ام زين العابدين المحمداويه

يشرفنا انظمامكم القناتنا
https://www.tg-me.com/قناة الحوراء زينب ع/com.z_zaynabb

قصيده لسان حال مولاتي زينب عليها السلام تنعه اخوتها عليهم السلام
~~~💔
ردينه من دون الولي ردينه
وضل وحده ابكربله غالينه

من غيره مكسورت جنح
وبكلبي لجمات وجرح

وسلمنه من ابعيد ومارد لينه
ردينه من دون الولي ردينه
❥━──➸➽❥💔
سلمت علخوان بدموع الأسه
وبصدري جن اسهام دهري غارسه

والضعن يمشي بدون ذاكه الحارسه

ضل علنهر مطروح
من دونه يحله النوح

وبسكته لمعاتب صفه ومشينه
ام ✍🏻زين العابدين لمحمداويه
❥━──➸➽❥💔
امشينه اوعفنه الاخو بالحومه

يكتل مصابه علينه انه مالومه

ويلاه يبن امي سليبه اهدومه

وبصدره دايس حافر
حسين يكسر خاطر

مكطوع نحره اميه ما منطينه

ام✍🏻 رحمه الگاظميه
❥━──➸➽❥💔
عطشان أخيي منذبح مارحموه

وبعيني أشوفن خنصره من گصوه

وعياله تتباچه عليه من سحگوه

عيونهم من دم تصب
هل المنظر يگطع الگلب

وتالي الذباح يحدي بينه

إم حيدر العبادي ناصريه
❥━──➸➽❥💔
هم الكلب طافح تضل نيرانه
خسران بالدنيه الفكد خوانه
لا كافل ولا حسين ضل ويانه

وبهدمي ظلت اثار
لصار بينة ولاصار

وجمر السبي لساعة امجوينه

✍🏻الشاعره مريم العبوديه اسيرة الاحزان 💔
❥━──➸➽❥💔
رحنه اومشينه بالسبي اوعفناكم

من بعيد صحنه يخوتي الله اوياكم

ومن فوك هزل نبچي وننعاكم

مقصره انه عذروني
عنكم غصب مشوني

عدوانكم لشامت امودينه

✍️ ام احمد المنصوريه
❥━──➸➽❥💔
عفناكم ابلايه غسل لا تچفين
نايمين اعله الثره ومطاعين
والغطه صار الرمل وفراش الطين

حالتي تبچي الصخر
حشمت فارس مضر
ضاع عمري مني وكضت اسنينه
✍️ ام مهدي الفرطوسيه
❥━──➸➽❥💔



┈┉┅━━❀❀━━┉
تمت بعون الله بأقلام شاعرات رابطة سيد الشهداء عليه السلام
شرعاً لانجيز حذف الاسماء او تلاعب
بكلمات القصيده
القناة تحتوي على جميع القصائد الحسينيه

قصائد رجاليه ¤نسائيه ¤وعلى كافة الأوزان

موشحات ¤ تجليبات ¤ نعي ¤ فزاعيات ¤دارمي

                بأشراف وتدقيق الشاعره
              ام زين العابدين المحمداويه

يشرفنا انظمامكم القناتنا
https://www.tg-me.com/قناة الحوراء زينب ع/com.z_zaynabb