Al risaala tube Telegram Web

161 viewsZiyad, 07:31

90 viewsZiyad, 07:00

"የሐራም እይታ ወንጀል ነው"
.
የፍልሚያ ወቅት መርህ «የትኛውም ስህተት ህይወትን ሊያስከፍል ይችላል።» የሚል ነው ገጣሚው እንዲህ ነበር ያለው፡-

የቆንጆ ዐይን ውበቱ፤
ስንቱን ገደለ ብርታቱ፤
ደካማ አይመስል ተፈጥሮው፤
ልብን አሳስሮ ሲጥለው፤
የሸሪዓ ጠቢብ የሆኑት ኢብኑልቀይም አልጀውዚ ልብን ለሞት የዳረገውን በሽታ መርምረው የሚከተለውን የህክምና ሪፖርት ፅፈዋል። ሐራም እይታን ጨምሮ የወንጀል በሽታ የሚያስከትላቸውን ጥፋቶች ተንትነዋል።
«ተገቢ ያልሆነ ውሎ፣ የአመለካከት ብክለት፣ እውነታን በግልፅ ማየት አለመቻል፣ የልብ መበላሸት፣ የማስታወስ ችሎታ መንጠፍ፣ የጊዜ ብክነት፣ የፍጡራንን ፍቅር ተቀባይነት ማጣት፣ የልብ ድርቀት፣ የሲሳይና የዕድሜ በረከት ማጣት፣ የዕውቀት ችሮታን መንነፈግ፣ ውርደትን መከናነብ፣ በጠላት መናቅ፣ የውስጥ ጭንቀት፣ በመጥፎ ጎደኛ በመፈተን ልብን ማበላሸትና ጊዜን ማባከን፣ የማያቋርጥ ሃሳብና ድብርት፣ የኑሮ መመሠቃቀል፣ የልብ መሸፈን፣… እነኚህ ሁሉ በወንጀልና አላህን ከማስታወስ በመራቅ ምክንያት የሚከሰቱ ናቸው። ለክስተቶቹ መነሻዎቹ ሁለቱ ምክኒያቶች ናቸው። ወንጀልና አላህን ከማስታወስ መራቅ። የከባድ ቃጠሎ መነሻው የእሳት ፍንጣቂዎች እንደሆነው ማለት ነው። ከላይ የተዘረዘሩት በሽታዎቸ ተቃራኒ የሆኑ መልካም ነገሮች ደግሞ አላህን በፍፁም ልቦና በማምለክ ይገኛሉ።» (አል-ፈዋኢድ)
ከነዚህ ሁሉ መከራዎች በላይ የከበደው መከራ ግን አንድ ባሪያ ጌታውን የመገናኘት ፍላጎት ማጣቱ ነው። ሥራውን የመተሳሰብና የቅጣት መዓትን መስጋትም ሌላኛው የወንጀለኝነት ቅጣት ነው። ምናልባት ከሌላ ሰው ላትሰማው የምትችለውን የኢብኑልጀውዚን ንግግር በጥሞና አዳምጥ። እንዲህ ይላሉ፡-
«ከወንጀል አስጠነቅቅሃለሁ፤ አደራህን ወንጀልን አትቅረብ። ከአላህ ጋር መገናኘትን መጥላትህ ብቻ ቅጣትህ ቢሆን ኖሮ ከቅጣት በኩል ይበቃል። ለነብዩላህ ያዕቁብ (ዐ.ሰ.) እጅግ አስደሳቹ ነገር ልጃቸውን ዩሱፍን (ዐ.ሰ.) ማግኘት ነበር። ለነቢዩ ዩሱፍ (ዐ.ሰ.) ወንድሞች ደግሞ ከባዱ ነገር ዩሱፍን (ዐ.ሰ.) መገናኘት ነበር።»
የሐራም እይታ ባለቤት ሆይ! የትኛውን ወረስክ? የየዕቁብ ወራሽ ትሆን ወይስ የዩሱፍ ወንድሞች? ምርጫው ያንተ ነው።
.
( ‘የምጥቀት ጎዳና’ (ቅፅ-1) ገጽ-33-34)
#የሃሳብ_ስንቅ
#ኡስታዝ_በድሩ_ሁሴን

130 viewsZiyad, 07:00