عاجل | غالانت: سأعارض أي حكم عسكري إسرائيلي لقطاع غزة لأنه سيكون دمويا ومكلفا وسيستمر أعواما

@الدول_العربية

برجاء الرد على الناس اللي بتلقّح علينا دي 😠

يوم صعب على الصهاينة..
لكنه أصعب بكثير على منافقي العرب!!
اللهم أدم غمهم وسود أيامهم..
والله أكبر ولله الحمد..

ما هذه العظمة التي نشاهدها من المقاومة؟

لمن لا يتابع، رجالة القسام منذ أيام وهم يدكون العدو دكًا، ويقاتلون بشراسة، ونشروا فيديو عظيم لمجاهدين يخرجون من نفق ضيق جدا لا تدري أيحبس الأنفاس من ضيق النفق أم من بطولة المجاهدين..!

وفي منطقة جباليا التي أعلن الصهاينة سيطرتهم عليها مجددًا، قصفت القسام سديروت بوابل من الصواريخ. حتى صار الجنود يصرحون أن هذه العملية خائبة ولا مكسب لها.

ومنذ قليل أعلنت القسام مقتل 12 جنديًا على الأقل في عملية مركبة.

فاللهم احفظنا من سخطك بجهاد أولياءك لأعداءك..!

فقد قال أبو الدرداء رضي الله عنه: "لولا أن الله عز وجل يدفع بمن يحضر المساجد عمّن لا يحضرها، وبالغزاة عمّن لا يغزو =لجاءهم العذاب قُبُلًا".

اللي بيحصل دلوقت ف غزة حرفيا مذهل .. القسام مش بس لم تنهزم ومازالت صامدة وإنما تشتبك مع الجنود بشراسة واستبسال كما لو كان هذا اليوم الأول من الاجتياح.

شهور من ادعاءات تفكيكهم وهزيمتهم و و غيرها من الحكايات لكن اللي بنشوفه من يومين فاتوا بيقول أن الناس دول عندهم صلابة الجبال وأعادوا تنظيم نفسهم ولسا مستمرين ف التصنيع والاستباك والتصوير وكل شي.

بالمناسبة منذ قليل عملو عملية راح فيها 20 جندي ما بين إصابة أو موت.

الله محيي الرجال.

من ألطف الأوصاف التي أحب أن يوصف بها الرجال هو وصف "رجل نظيف" .. وأقصد بها الإنسان النزيه ،اللي تعاملاته منضبطة مع الناس، ولا عنده شبهات ف تعاملاته المالية ولا عنده علاقات نسائية مشبوهة، وسجله السياسي مش متلطخ بدعم الظلمة والمجرمين، ولا باع مبادئه ولا حد اشتراه بقرشين ..

فالراجل النظيف دا إنسان ثقة وجدير بالاحترام حتى لو كنت تختلف معاه ف كل حاجة، لكنه يظل نظيف وصاحب مبدأ ومش عكّاك .. ودي من أحب الصفات لقلبي حقيقة، ونادرة جدًا في هذا الزمان .. فمن وجد صاحبًا نظيفًا فليستمسك به فإن زماننا هذا قلما يجود بمثله.

" نحنُ غزة بسمائِها وهوائِها وبحرِها ورِمالِها "

- أبو عبيدة.

" الأثرُ الوحيد لِحضارتِنا الغربية على المَشرق هو أنها تُفسِدُهم وتجعلهم تُعساءً "

- غوستاف لوبون.

عيب لما يكون اختبارك في كيس شيبسي وازازة بيبسي .. ومش عارف تنجح فيه!

- من أجمل ما قرأت.

مش فاهم ليه الناس عملت أغضبني على البوسط؟

ببساطة كدا:
طالما الموضوع كان in public ومافيش أي feelings .. يبقى so what؟ 🥹💕

عاجل | بلينكن: أكدنا أن أي هجوم على #رفح باستخدام القنابل الكبيرة التي تزن أكثر من ألف رطل ستكون له تداعيات خطيرة

أقل من ألف رطل فمافيش مشكلة عندنا 💕

اللهم آمين ❤

يعني لما حصل والنادي الأهلي أعلن دعمه لبعض المُنتجات اللي هي المفروض مُقاطعة، فلقينا رد فعل من الناس قوي، وإننا هنقاطع النادي ومش هنشوف ماتشات له تاني و.. الخ.

أنا شخصيًا مُقتنع إن ذاكرة العوام ثلاثة أيام، ولازم اللي يقول يثبت بفعل، لأن الكلام مافيش أسهل منه.

ماعدتش إلا فترة صغيرة وكتير من الناس اتفرجت على الماتشات وبتحرق نفسها لما جول يضيع ولا هجمة ماكملتش.

عارف؟ أنا مش المُشكلة عندي إن الناس تشجع ولا لا، المُشكلة عندي إننا كبشر خارج حدود أرض المعركة الحقيقية في غزة، وبعيد تمامًا عن الجهاد الحقيقي اللي هو بالسلاح ومُلاقاة العدو، واحنا مطلوب مننا حاجات بسيطة في إننا نقاطع كُل حاجة تخصهم ومش عارفين نعمل دا حتى!!

احنا وصلنا لدرجة قليلة أوي قدام نفسنا وقدام عدونا للأسف، حتى مُعظم الناس بقت ترجع تاني لكُل حاجة مُقاطعة وعادي برغم إن فيه مُنتجات محلية كويسة وتؤدي الغرض نفسه، بس إحنا لا عارفين نجاهد بمالنا، ولا بمُقاطعتنا، ولا بنفسنا، ولا حتى بالكلام.

هو شوية كلام وفرقعة إعلامية إننا هنقاطع، والعدو نفسه دارسنا أكتر مما تتخيل وعارف إن فيه ناس كتير هتنسى، وفيه ناس مش هتقدر تكمل مقاطعة حُبًا في المنتجات.

وخلي بالك هو بيختار الأشخاص أو الحاجات اللي لها تأثير كبير على الناس، زي النادي الأهلي مثلاً عارفين إن فيه كتير بيشجعوه، فيخليه يدعم مُنتجات المُقاطعة عشان يحطك في صراع نفسي بين تقاطع النادي نفسه ولا لا، بس أنت هتقول في الآخر: دي كورة يعني مش هتقف الدنيا على إني أتفرج على ماتش تسلية، بس حابب أقول إننا كدا وقعنا في فخهم.

أبسط الحاجات مش عارفين نجاهد بها، فماحدش من الناس دي تيجي تقول:

- أنا نفسي أروح أجاهد في غزة.
- أنا لو شوفت يهودي هقطعه... الخ.

أنت نفسك مش عارف تجاهد نفسك، ولو يهودي وقف قدامك بس فأقسم بالله هتخاف ترفع في وشه قصافة.

ربنا بيكشف حقيقة كل واحد فينا قدام نفسه.

لما تروح تحرر أسرى فتتأسر معاهم:

فكُنا من ملوكِ الأرضِ شعبًا
لأجلِ الحقّ نَقْتَلعُ الجِبالا