tg-me.com/eshek_3aza2/8901
Last Update:
الدنيا نار
وگلبي كطنه بحبك وخايف علي من نار غيرك
نار غيرك للگلب تعني انتحار
الدنيا ما تتأمن وخايف تغدره بجرحه ويغَير المسار
وانه ثارك شايله بگلبي هويه
شلون وي ثارك اخلي الدنيا ثار
جرح غيرك ابد مايستاهل احرك دمي الاجله
انه بس وياك حار
يا وقاري منيلي غيرك وقار
يارئيس الگلب ريتك تصدر بگلبي قرار
من الضياع من الدروب التاخذه وتمحيك منه
وقع اعليه بالحصار
حاصره بغربة جروحك ،، بالعطش ،،
حيرة عيونك بالنواضر
بـ الا من ناصر وماجاك ناصر
بـ طفلة بسمتهه ابوهه وذبحة البسمه الحوافر
بـ الخضار التارس خيامك محنه وفجئه يحتلهه الصفار
شلون اصير الغيرك ومملوكك انه
شلون اديرن گلبي عنك والگلب يمك مكانه
بعالم الميثاق والعهد الاخير
امك انطتني امانه
حبگ وجرحك ودمعي ،، شلون افرط بالامانه
وانه الموقع بدمع الانكسار
شلون چفي يجيب منديل الذنوب
و يذبح من عيوني دمعة
وانه شراي البواچي
شلون چفي يشمر اضماد الجرح طفله ابأذنهه
و يلتهي يدور التراچي
ويرجع ايعالج الغلطه بغلطه أكبر
من يكول شبيدي انه الصار صار؟
استغفرك مولاي عن كلشي يغثك من جنابي
ياجبير الله رحمتك عالزغار
انته تدري وانه ادري
انه حيل يغثني باجر
خاف مو وياك باجر
وتنطبگ صفحت سنيني ومالي فرصة اعتذار
زحمه المسوي بچفك ابيض يلوحه السمار
زحمه المعمره بجراحك يشتري ابأيده الدمار
وتيهت حَلي ولكيته
بمعركة روحي وذنوبي
دمعة الحب انتصار
،،،،،
الموفق--- عباس اديب المالكي
BY عشق العزاء
Share with your friend now:
tg-me.com/eshek_3aza2/8901