يوميات عبودي

طبعاً كلنه عدنه خوات وبنات گرايب انخاف عليهن ومن نحجي ونسولف سوالفنه بحظنه وبختنه ومثل مانرضه على نفسنه حجايه همين بنات الناس والعالم مانرضه عليهن سوء ..
وبما ان البنات هن شريحه كبيره من متابعات صفحتنه .. أحب أوجه كلامي الهن بالخصوص ..اختي العزيزه اتركينه من مواضيع القصف وانتبهي وياي واذا كلامي غلط اتجاهليه وانتي غير ملزمه بالرد .. هواي اكو ذكور ( اشباه رجال ) ساقطين اخلاقياً هدفهم بالحياة تجميع اكبر تشكيله من البنات حتى يتفاخرون كدام اصدقائهم اني اعرف فلانه وعلانه وتعالو شوفو هاي صورهن .. يا بنات .. تذكرو تربية أهاليكم .. تذكرو ان الدنيا مابيها امان .. تذكري صورج الي دزيتيها ممكن تنتشر وتكون فضيحه ألج ولأهلج .. وممكن توصل للأبتزاز اما عن طريق الفلوس او الجنس .. لا تنطين لزمه على نفسج الي يحبج صدك ويريدج يكلج وين بيتكم حتى اجي اخذج كدام اهلي واهلج .. الأنسان بطبيعته يميل للعاطفه اذا وكع بالحب .. علمود هيج الله خلقلنه عقل علمود نفكر بيه .. فكري بنفسج فكري بمستقبلج فكري بأهلج فكري بسمعتج فكري بسمعة اخوانج وكافي غباء وسذاجه بحجايتين توديج وحجايه تجيبج .. ترى هواي اكو اشباه رجال فأحذري ثم احذري ..
وترى مو كل اصابعج سوه لا من ناحية جنس ادم او جنس حواء الثنين بيهم الصالح والطالح وانتي تعرفين تميزين ميحتاج تعلوم وعبقريه لا كل البنات ساقطات ولا كل الشباب ( اشباه رجال ) ..الي يخاف على عرضه اكيد راح يخاف عليج .. وهمين الي تخاف على سمعتها ومحافظه على نفسها هاي احنه نوزنها بالذهب ومانوفيها حقها

#عبودي @fabodo

www.tg-me.com/us/يوميات عبودي/com.fabodoo/1368

464 viewsآلـُمهـيبَ الـركـن شۘـيۘـِخ❥ •💭💛 ۶ عبودي 200ك ، اأني األثــكيل الي ماأ ملا عيني اأحـدّ .!! #Fûčl_ãłł, Jul 1, 2020 at 10:36

طبعاً كلنه عدنه خوات وبنات گرايب انخاف عليهن ومن نحجي ونسولف سوالفنه بحظنه وبختنه ومثل مانرضه على نفسنه حجايه همين بنات الناس والعالم مانرضه عليهن سوء ..
وبما ان البنات هن شريحه كبيره من متابعات صفحتنه .. أحب أوجه كلامي الهن بالخصوص ..اختي العزيزه اتركينه من مواضيع القصف وانتبهي وياي واذا كلامي غلط اتجاهليه وانتي غير ملزمه بالرد .. هواي اكو ذكور ( اشباه رجال ) ساقطين اخلاقياً هدفهم بالحياة تجميع اكبر تشكيله من البنات حتى يتفاخرون كدام اصدقائهم اني اعرف فلانه وعلانه وتعالو شوفو هاي صورهن .. يا بنات .. تذكرو تربية أهاليكم .. تذكرو ان الدنيا مابيها امان .. تذكري صورج الي دزيتيها ممكن تنتشر وتكون فضيحه ألج ولأهلج .. وممكن توصل للأبتزاز اما عن طريق الفلوس او الجنس .. لا تنطين لزمه على نفسج الي يحبج صدك ويريدج يكلج وين بيتكم حتى اجي اخذج كدام اهلي واهلج .. الأنسان بطبيعته يميل للعاطفه اذا وكع بالحب .. علمود هيج الله خلقلنه عقل علمود نفكر بيه .. فكري بنفسج فكري بمستقبلج فكري بأهلج فكري بسمعتج فكري بسمعة اخوانج وكافي غباء وسذاجه بحجايتين توديج وحجايه تجيبج .. ترى هواي اكو اشباه رجال فأحذري ثم احذري ..
وترى مو كل اصابعج سوه لا من ناحية جنس ادم او جنس حواء الثنين بيهم الصالح والطالح وانتي تعرفين تميزين ميحتاج تعلوم وعبقريه لا كل البنات ساقطات ولا كل الشباب ( اشباه رجال ) ..الي يخاف على عرضه اكيد راح يخاف عليج .. وهمين الي تخاف على سمعتها ومحافظه على نفسها هاي احنه نوزنها بالذهب ومانوفيها حقها

#عبودي @fabodo

BY يوميات عبودي