tg-me.com/focusdilla/1434
Last Update:
Obbo Taaddasaa Dambii jedhamu. Godina Gujii Lixaa, aanaa abbayyaa, Ganda Ooddoo Miiqee, bakka addaa 'Samaroo' jedhamutti dhalatanii guddatan. Erga dhalataniis hanga sadarkaa fuudhaa irra gahanitti maatii isaanii tajaajilaa turan. Erga fuudhanii kaasanii jireenya isaanii foyyeffachuuf tattaaffi cimaa taasisaa turan.
Naannoo isaan jiran manni barnootaa gahaan afaan oromoon itti baratan itti dhiyeenyaan waan hin jirreef barnoota malee guddatan. Jaalalli isaan ummata isaaniif qaban garuu kan ajaa'ibaa ture. Keessumaa bakki isaan afaan isaaniif (afaan oromoof) qaban kan ajaa'ibaa ture. Haa ta'u malee ofii isaanii afaan isaaniin barachuuf carra hin argannee. Kanaaf waa'ee ofii isaanii irraa waa'ee borii ijoollee isaanii yaaduu jalqaban. Osooma kanaan jiranii daa'ima godhatan. Daa'imni isaaniis gurguddatan. Amma obbo Taaddasaan taa'anii yaaduu gaafa jalqaban, "an takkan barnoota malee guddadhe, daa'imni koos barnoota malee guddataa?" Jedhanii gaaffii of gaafachuu jalqaban. Sanaan booda murtoo tokko fudhatan. Murtichis mana barnootaa banuu ture. Kana irraa ka'uun naannoo yuniversiitii duubaan bakka addaa "Arraabbi" Jedhamutti bara 2009 A.L.I.tti maqaa "Mana barumsaa abdii boruu" jedhuun kan kutaa 1-4 banan. Ijollee isaaniis, ijoollee nannoo sanaas afaan oromoon akka baratan taasise. Yeroo ammaa kanas manni barumsaa kun kutaa tokkoo hanga jahaatti barsiisaa jira. Keessumaa quuqama lammii isaaniif qaban irraa kaasanii hojiin isaan FOCUS DILLAA hundeessuu keessaa qaban daraan kan ajaa'ibaati. FOCUS DILLAAN yeroo ammaa lafa isaan kennaniif irra jirti. Abbaa focus dillaa jedhamaniis beekamuu. Ijaarsi guddichi focus dillaas cinaama mana isaani lafuma isaan kennaan sana irratti ijaaramaa jira.
Haa ta'u malee yeroo ammaa kana obbo Taaddasaan mana barumsaa sana gabbisuuf deeggarsa ilmaan oromoo hunda gaafachaa jiru.
#Akka jedhanittis yeroo ammaa kana kan akka:
👉Miindaa barsiisotaa fi waardiyaa kanfaluu
👉Kitaaba barataaf maxxansiisuu
👉Daree dabalataa ijaarsisuu.
👉Gabatee, boronqii bituu, teessuma barataan irra taa'u bituu Fi kkfn rakkachaa jira jechaa jiru.
Namni dhuunfaas ta'e dhaabbanni kam iyyuu hadaraa keessan Nama kana cinaa dhaabbachuun deeggarsa taasisuun ilmaan keenya kan gujii aanaa abbayyaa Ganda Ooddoo Miiqee jiran afaan oromoon akka baratan haa taasisnu!!
Kanneen deeggaruu barbaaddan lakkoofsa herrega baankii obbo taaddasaa armaan gadiirra hanga humna keessanii deeggaraa!
#OIB:- 1154334600001
#CBE:- 1000566286606
Odeeffannoo dabalataaf +251916189826
BY Focus Dilla Media
Warning: Undefined variable $i in /var/www/tg-me/post.php on line 280
Share with your friend now:
tg-me.com/focusdilla/1434