الشاعر
موسى البديري✍


وصاني حيدر يا زينب باچـــر عاشــور
باچر عينچ بالطف تنظر مذبـح النحور
تسهل هل الطبره        يا بــويه  الحره
باچر عينچ بالطف تنظـر مذبح النحور

(يامهدي)


بـيـن البقيع وكـربلـه  **  نـدري بدموعك هـامـلـه

             طـول الــزمــن نـدعـيلـك
             يـبـن الحسن شـد حـيلـك

*----------------------*--------------------*
صعبه الصبر  وانـت بجمـر   نـار المصايب
وحدك عشت  زين احملت   بُـعـد الحبايب
اشكـم جـرح  وشكم رمح  شفت العجايب
تـحـمـل ألـم   مثل السهم   هـدم الاطايب

المثلك تحيّـر حـالتـه  **   ليل ونـهـار بـدمعته
              مـاتـهـدئ حـتـى ابـليلـك

*-------------------------*-------------------*

تـنـزف دمـع  چنك شمع  خلصت حياتك
اشعندك بعد   ماضل أحد  بـس ذكرياتك
يـمـتـه تـهـل  حكم العدل  نـدري أمنياتك
هيبت علـي   أوارث علي  كـلـهـن صفاتك

المتحمل اجـروح العـده  **  يـوميـه حزنه ايجدده
            اليـمتـه الـبـچـي وعـويـلـك

*-----------------------*----------------------*

ظهره انحنه  وبـكل سـنـه   نعـرف تكابر
بـهـل مـحـن   طول الزمن   بالغربه صابر
كسـر الگلـب  كلش صعب   ماصحله جابر
صبـرك عبـر  حجم الدهـر    والحده عابر

مايحصل الجرحك دوه  **  الحد ما ترفرف بـالـوه
                خـل الصبـر يـحـچـيلـك

*-------------------------*-----------------------*

شفت الحطب  شفت الگُبب  ظالم هدمهن
دمـعـك دمـه   وتبچي السمه   اعيونك ألهن
هـمـك جبـل   جـفـنـك ذبـل    يكتل حزنهن
تـذكـر هـلـك   وجـروح ألـك   يكثر عددهن

يالوضعك ايبچي السمه  ** دنيّـه بعيونك مظلمه
               نـار بــوســط دلـيـلـك

*----------------------*--------------------------*

أگبـور المجـد   ساوه الحقد   ونته تنظره
الـمـثلـك نـعه   بهـل فاجعه   أنعظّم أجره
مـن الظـلـم     تحمل هظم    يوميه كسره
ابـلا حچـي    وي الـبـچـي   صارتله عِشره

حيل المصايب جرحته **  گلبك يمهدي وأذتـه
               نـدعـي ألـلـه ونـصليلـك

*-------------------------*----------------------*

✍خـادم الـحسيـن ع
الشاعر رعد الجريخي
🍂🍂

نعي ليلى ام علي الاكبر
*
چنت بالبيت يامدلول شمعة
طفت واليوم بس ظليت دمعة
لون كَلبي تشوف شلون وضعة
يكسر خاطرك بالبيت حالي
****
افرشلك فراش ابجية الليل
وهدومك اشمها يالولد حيل
اغطيها بعباتي ودمعتي تسيل
اخاف من الهوه تبرد يغالي
*
الله ايعين من فكَدت ابنها
شباب وبالكَبر وبعيد عنها
يبعد امك نحل امك بدنها
لا هادت نهار ولا ليالي


أسالكم الدعاء رائد الاسدي
🍂🍂🍂

عتاب ايام العيد
للفاكد




ماظنتي الراحو يرجعون
ياگلبي منهم گاطع اظنون
ليهم كضه یا دمع العیون

ما ظل دمع بلعین اهیله
روحي على راحو نحيله
يا قرگة الوالي ثجيله
✍ام قاسم البوغبيش
*
يا فركه الوالي عمتني
يتجه عل الحيطان متني
بالعيد فجتهم جوتني

العيد اجاني شلون عيدي
وكلساع اكل للروح هيدي
عالراح اضل اصفك ابايدي

يم الكبر وشمر بديه
بكل حيلي اصيحن عالشفيه
تردولي لو هاي هيه

اكعد وعاتبكم على الراح
لا هاد كلبي وعيب مرتاح
كلساع اوجن وطفه بنياح


✍طالبةالزهراء
**
راح الولي ماريد الأعياد
دمعي عل الخدين يزداد
ونار الحزن بالكلب وكاد

شلون اعيد عكب الأحباب
حدر الضلع يانار الغياب
والهم صلاني والكلب ذاب
✍🏻سلمى أم جعفر
*
تم النعي باقلام شاعرات  رابطه
الطفوف

قصيده ثقيله
حال *العليله** بنت الامام الحسين سلام الله عليهما

*كل مغربيه*


كل مغربيه بغربتي
عالراحو تهل شمعتي
لجمه اعل لجمات العمر
مرسالي شكوه ابلا حبر
يمته يردون
وتكر العيون
*
ابيا ذنب يا وحدتي مامن ونيس الوحدي
اتوسلت بيهم دمع مو عالركب هم احدي
اخدم ضعنكم يلابو بالماي لو ردت ابدي
تدروني ما اصبر انه نامت العله بجبدي

اسنيني عله اتفرهدن
خطواتي مني اتباعدن

اشضل الي ياهيبتي 
كل مغربيه بغربتي
اشلون بشلون
يمته تردون
✍طالبةالزهراء
**
اتوسلت بيهم دمع لو خادمه آنه اخذوني
ماريدن اكعد بالنزل ابوحدي  لاتخلوني
ونه على ونه صفت امجرحات اجفوني
اعليله والهم والكدر مابيه اشيل امتوني

انه العليله البلحزن
وي ذكرياتي الماجزن


اندبكم انه بحسرتي
كل مغربيه بغربتي
ياسهر الجفون
يمته تردون
✍🏻سلمى أم جعفر
****
اشظل الي يا هيبتي وانت ارحلت عن داري
ليلي ونهاري ابونتي دمعاتي تشرح ناري
اشلون اصبر بالكلب والكلب يعلم ثاري
كل يوم ابعثلك دمع يرسم جميع اسراري

ايامي صارت مظلمه
حلفتك بعز فاطمه

امنيتي ترجع ضحكتي
كل مغربيه بغربتي

ماضلي كل لون
يمته تردون

   ام حيدر العباديه عماره
**
خياتي كلهن حملن ودموعي ضلت تجري
اركض وراهن صيحت مادرى الوالي ابأمري
والدار من اهلي خلت ضليت اعاتب دهري
مشتاكه لمسامر انه لن زاد وجدي وجمري

كلش نحيله من المرض
بالكعده اديه الفرض
غصيت حته بشربتي
كل مغربيه بغربتي

ماكلتو  تبطون
يمته تردون
✍️ #علويه ام فاضل
**
عيني عل ادروب الولي تهمل دمع سجابه
كلما اصد خالي النزل حملوا كل احبابه
بلكي يجي طارش كلت
يشوف الهظم بغيابه
وجهي تغير بالهظم شال الفرح سد بابه
الفركه جتاله وعلي
وانه الوحيده بلا ولي
اذكر دلالي وعزتي
كل مغربيه بغربتي 

تعبانه العيون
يمته تردون
خادمه ام البنين ام رضا
**
راحو هلي وضل الگلب امجلب  ابحسراته

کلساعه احس امن القهر یتخربطن دگاته

والجفن ماطبگ ابد ما بطلن دمعاته

ونظر نزلهم ضل خلي تكتل كتل وحشاته

افراگهم یحرگ حرگ
والفرگه صارت من صدگ

ضليت اون ابلوعتي
کل مغربیه ابغربتي

ضل حيلي مرهون
یمته تردون
✍🏻المیرزه ام ليلي الخاقانی
**
تمت القصيده باقلام شاعرات رابطه الطفوف
لا تجيز حذف الاسماء

https://www.tg-me.com/sakiAtashi

ضلت تهمل العين
اجانه العيد يحسين
كلبي كايد بنار
ابونا مفارك الدار
اجانه العيد يحسين..
***
اذا دك بابنه العيد خل اتعاتب اوياه
اكله والدي الجان اصبح حزن طرواه
بس الحزن والنوح ضل واهس يتاماه
المثله وبحنانه يغطي البرد بغطاه
الحزن يوميه خطار
ابونا امفارك الدار
اجانه العيد يحسين...
***
مثله شلون ننساه ونلبس ثوب الفراح
علي المامثله موجود حسافه شلون من راح
شايل ضيم الايتام من بعده الحمل طاح
هامه بسم تراده وخلف اصعب جراح
دهري بلحقد صار
ابونا مفارك الدار
اجانه العيد يحسين.....
*
كل عيد يتمنون وانه اتمنه اشوفك
وحط راسي اعلى صدرك ولا لحظه اعوفك
كون وبلحلم ريت طيرت اعليك اطوفك
افزن ورجع انعاك علي يا سر حروفك
زماني والالم جار
ابونا امفارك الدار
اجانه العيد يحسين..
****
اليسالني اعلى حالي صبر كوه اعل صبري
تمنيته عدل كون وفديه انه عمري
البيت ابلايه ابو شلون كون الكبر كبري
مشتاكين ملكاه بينه الشوك يسري
يلهبت طيفه  المار
ابونا امفارك الدار
اجانه العيد يحسين......
**
دفنه العمر وياه  بس نصفك بدينه
صبحنه ابلايه حضنه وصوته الضيعينه
لمتنه اعلى ابونا خلصت ونتهينه
بطبره هامه يا ناس طفت شمعه سنينه 
الطبيب بعلته حار
ابونا مفارك الدار
اجانه العيد يحسين


🖋#طالبه_الزهراء_القريشي

يا لثارات البقيع

عـليـك بـفـاطـمـه الـزهــره  ..  وبنها
يـمـهـدي اعـلـن ضليمـتـهـم  ..  وبنها
أگــبــور الـهَـلــك شـيّــدهــا  ..  وبنها

وخـلـي انـشـوف مـرقـد للـزچـيــه

*--------------------*----------------*


يـضـل دسـتـور لـلـعـالــم  ..  عـلـمـهـم
ويجي يوم اليرف بالجو  ..   عـلـمـهـم
چـف الـجـسَـر بالسـطـره   .. على امهم

فـجــعـنــه وعـاد يــوم الــغــاضــريــه

*-------------------------*---------------------*

✍خادم الحسين (ع)
الشاعر رعد الجريخي
🍂🍂

🕊الســلام علــى جنة البقــيع 🕊
...........
ـــــــــــــــــــــــــــــــــــــــــــــــــــــــ
للبقيع
.
.
.

يابو صالح .. بينه لوعه وبينه نار
يابو صالح .. عـالزيـاره وعالـمزار
لامـنـايــر لاقــبــاب
والبقيع اصبح تراب
يابو صالح

_

مـن كـثر ماشوگ بينه نارنه يالمهدي تلهب
الله يشهد بينه وجت چنها نار اخيام زينب
المـراقد سـيدي مـن هـدمـوها
اظلوع احسين چنهم كسروها
البقـيع استـفردو بيـهـا اولـوها
مثل عمتك يمـهدي مـن سبوها

يابو صالح .. والشـمر رد من جديد
يابو صالح .. امتونها ايـزورگ يريد
جايب ابسوطه عذاب
والبقـيـع اصـبح تـراب
يابو صالح

_

مظلمه اگبور البقيع وچنها ليلة وحشه بيها
وراح تـذكر حـال عمتك انته من اتمر عليها
يشبــه حـال زيـنــب والنـساوين
مـن ظـلت وحيـده وتهـمل العين
اتصيح ويرتفع من عدها الونين
لاعـبــاس يــبـرال ولا احــســين

يابو صالح .. صوت اذا تسمع حنين
يابو صالح .. هـذا صـوت ام البـنين
تبچي بس عدها عتاب
والبقـيع اصـبح تــراب
يابو صالح

_

اي وحق ادمـوع قبــة زيـنب ودمعـات ناسك
شيبت روس المراقد مثل ماشاب انته راسك
اعيونك سيدي من البچي راحن
مـنارات البقــيع ابيــوم طــاحن
مـنارات الحسين اويـاك نــاحن
عجـل طلعتك يالـمهـدي صاحن

يابو صالح .. صحن ابو اليمه يصيح
يابو صالح .. بالبقيـع ابــنـي ظــريح
قبته ابعلـو السحاب
والبقيع اصـبح تراب
يابو صالح

_

اتبـَلل اتـراب البـقيع ابكـثر مـادمعـك تـهله
وحزنك اعله اگبور اهلك سيدي وياك صله
مـايـوگـف ابـد الـهـم بكـائك
اوياهم مسـتمر انته ابلقـائك
نحلفـك يالحـبيـب ابكـربلائك
من اتـزور اذكـرنـه ابـدعـائك

يابو صالح .. اذكرنه يمهم يالحبيب
يابو صالح .. الــك الله يـستــجـيب
يالدعائك مستجاب
والبقيع اصبح تراب
يابو صالح

_

يامن ايـدك بـاب الله يمـته باب الله نـقبَله
يمته يامهـدينه تظـهر لاتـظن الغـيبه سهله
على اغـيابك يمـهـدي الله شـاهد
اگلوب الشيعه چن صارت مواگد
يــايـوم وتــحـت ظـلـك نــجــاهد
ونبنـي بالبـقيــع احـنـه الــمـراقد

يابو صالح .. ونبني گبه الفاطمه
يابو صالح .. گـبه تـوصل للـسمه
يمته يخلص هالغياب
والبقـيع اصبـح تـراب
يابو صالح
_
حيدر تركي الكربلائي

🍂🍂

🕊الســلام علــى جنة البقــيع 🕊

ـــــــــــــــــــــــــــــــــــــــــــــــــــــــ

اعادة نشر

ذكرى هدم قبور ائمة البقيع ع


عمر الصبر يالغالي مو گد عمرك
تبني البقيع الياوكت ننتظرك
يالمهدي وينك  يالمهدي وينك
****
ليش اتعطلت يالغايب اخبارك
اذا مو النه تظهر اظهر الثارك
غافي بغمده صار سنين فقارك
انه ادري بگد حنينك تشتعل نارك

يالجمره شايل ثارك اعله صدرك
تبني البقيع الياوكت ننتظرك
يالمهدي وينك  يالمهدي وينك
****
چم روح البقيعك تدري ولهانه
نطبه بلا لطم ما ترهم اويانه
تعال ابني ولو يالمهدي بيبانه
حشود بعتبته يالغالي تلگانه

شوگك چبير وما نقص من صبرك
تبني البقيع الياوكت ننتظرك
يالمهدي وينك  يالمهدي وينك
****
بلياك البقيع امن العزء خالي
شوكت ما ندري بس تلفينه بالتالي
وحگ اجروحك اعله حسين يالغالي
المدينه كربله نگلبها بليالي

اندگ المواكب وانته صاعد مهرك
تبني البقيع الياوكت ننتظرك
يالمهدي وينك  يالمهدي وينك
****
لون تبني يبو صالح منايرهم
بگد صحن الحسين انريده مرقدهم
حتى اتصير تلله سيدي ابصفهم
مزار ام الحزن والآه عمتهم

تستاهل الدمعتها كسرت ظهرك
تبني البقيع الياوكت ننتظرك
يالمهدي وينك يالمهدي وينك
****
امانينه تجي وبجالك انقاتل
ولكن عدنه طلبه اتعجز العاذل
تنقل للمدينه چفوف ابو فاضل
يظل الخوف بيهم صاعد ونازل

ماكو عذر والكل يجي ينصرك
تبني البقيع الياوكت ننتظرك
يالمهدي وينك يالمهدي وينك
****
شوكت ام البنين وفاطمه الزهره
تجمعهن يمهدينه بفرد حضره
وعله الگبه شعار انشاهده اشكبره
ابنهن ذني بالطف انسحگ صدره

عل منذبح تهمل دمع ننظرك
تبني البقيع الياوكت ننتظرك
يالمهدي وينك يالمهدي وينك
****

الشاعر اياد الديراوي
🍂🍂🍂

الصبر حدب

قصيده ثقيله الموالي يبث شوق انتظاره لصاحب الزمان عجل الله فرجه الشريف
*****



آنه يوميه بدمع للغايب
آنه مو ذاك الكبر بس شايب

من الفراك
من الفراك
*****
الغيبه طالت والصبر حدب ظهر
الدقيقه بيومها عدت شهر
وانه وي اليل عشرتنه سهر

يمته تلحك يمته وتحسر سنين
ودعي عجل بالفرج بسم الحسين
وانه واثق ما اردن خايب
أنه يوميه بدمع للغايب

من الفراك
من الفراك
*****
ارد اكحل عيني لحضه بشوفته
يعتبر انجاز عمري محبته
ابو صالح سر الهي بغيبته

هوه اخر نور مشكات الوجود
هوه رحمه وهوه نعمه ابلا حدود
من اذكره ابطولي انهض طايب
آنه يوميه بدمع للغايب

من الفراك
من الفراك
✍طالبةالزهراء القريشي
**
من أذكره يفيض بعيوني الدمع
كلبي من افراكه ذايب جن شمع
يمته أسمع جلمة المهدي طلع

يمته يكرمنه ألآله أبهل حبيب
فاضت كلوب البشر طال المغيب
وبدعاء الندبة نبقى نعاتب
آنه يوميه بدمع للغايب

من الفراك..
من الفراك..
✍🏻آلّشآعرهً آلــــّعــلّويِـــه آلّمٌوسويِــــۿ
**
يضيج خلكي ومن اذكره ينشرح
هوه بلسم لو نغز بيه الجرح
هوه معنى ولذه احجايه ملح

خاف يلفيني غفل مر الممات
حسره وتضل شوفته طول الحياة
شوك بالدلال احسن صايب
آنه يوميه بدمع للغايب

من الفراك
من الفراك

✍🏻ام عباس السكيني
*****
مثل بلسم هوه لجروحي الدوه
يا اعز انسان واغلى من الهوه
وانه نار افراكه لكليبي جوه

يمته اكرن عيني بانوار الامان
روحي تهده وترتقي لتاج الزمان

همت بيه وكلبي لجله ذايب
اني يوميه بدمع للغايب

من الفراك
من الفراك
✍ام حيدر العباديه عماره
*****
تمت القصيده باقلام شاعرات رابطه الطفوف
لانجيز حذف الاسماء

تم                                             الزيارة المختصرة يُزار بها كل إمام من أئمة أهل البيت (عليهم السلام):    روى الصدوق في كتاب من لا يحضره الفقيه أنّه سئل الرضا (عليه السلام) عن إتيان أبي الحسن موسى (عليه السلام) قال: صلّوا في المساجد حوله ويجزي في المواضِع كلها (أي يجزي في زيارة كل من الأئمة أو في مطلق المزارات الشريفة المقدسة كمراقد الأنبياء وسائر الأوصياء (عليهم السلام) كما هو الظاهر) أن تقول:     السَّلامُ عَلى اَولِياءَ اللهِ وَاَصفِيائِهِ، السَّلامُ عَلى اُمَناءِ اللهِ وَاَحِبّائِهِ، السَّلامُ عَلى اَنصارِ اللهِ وَخُلَفائِهِ، السَّلامُ عَلى مَحالِّ مَعرِفَةِ اللهِ، السَّلامُ عَلى مَساكِنِ ذِكرِ اللهِ، السَّلامُ عَلى مُظهِرى اَمرِ اللهِ وَنَهيِهِ، السَّلامُ عَلَى الدُّعاةِ اِلَى اللهِ، السَّلامُ عَلَى المُستَقِرّينَ في مَرضاتِ اللهِ، السَّلامُ عَلَى المخلِصينَ في طاعَةِ اللهِ، السَّلامُ عَلَى الادِلاّءِ عَلَى اللهِ، السَّلامُ عَلَى الَّذينَ مَن والاهُم فَقَد والَى اللهَ، وَمَن عاداهُم فَقَد عادَى اللهِ، وَمَن عَرَفَهُم فَقَد عَرَفَ اللهَ، وَمَن جَهِلَهُم فَقَد جَهِلَ اللهَ، وَمَنِ اعتَصَمَ بِهِم فَقَدِ اعتَصَمَ بِاللهِ، وَمَن تَخَلّى مِنهُم فَقَد تَخَلّى مِنَ اللهِ عَزَّوَجَلَّ، وَاُشهِدُ اللهَ اَنّي سِلمٌ لِمَن سالَمتُم، وَحَربٌ لِمَن حارَبتُم، مُؤمِنٌ بِسِرِّكُم وَعَلانِيَتِكُم، مُفَوِّضٌ في ذلِكَ كُلِّهِ اِلَيكُم، لَعَنَ اللهُ عَدُوَّ آلِ مُحَمَّدٍ مِنَ ا

⚜بسم الله الرحمن الرحيم⚜
نقدّم لكم باقة من أجمل و أطيب القنوات الدينية
🌸❄️🌸❄️🌸
ℹ️ يتم نشر اللسته كل يوم الساعة 11 مساءاً
💢♻️💢♻️💢
للتواصل مع الناشر و الإشتراك باللسته
راسلنا على معرّف⬅️ @Noor_El_Anwar
و البوت ⬅️ @wadisalam_bot
☀️✨☀️✨☀️
⚠️ غير مبرئ الذمة من يحذف البوت و لم يبلّغ الناشر.