tg-me.com/gddaogt/20080
Last Update:
.❨﷽❩┈
نزلة حماسية لاستشهاد الامام علي ع
بده غيض الكمر من هالليله
فارس وللحرب جهز حيله
⊰᯽⊱┈──❊╌─┈⊰᯽⊱
بحكمه لمن کالها صح المثل
ابد مامات اليخلفله فحل
أمجان حيدر ابنه عباس ارتجل
جندي عد خوانه راعي العيله
فارس وللحرب جهز حيله
⊰᯽⊱┈──❊╌─┈⊰᯽⊱
اشلون اجو للمرتضى غدرو غدر
غيض ابو فاضل نهر ظل ينحدر
السيف خانس ظال بجفوفه السمر
ال اميه كون اسمها ايشيله
فارس وللحرب جهز حيله
⊰᯽⊱┈──❊╌─┈⊰᯽⊱
عيونه لمضت بالزعل غاب الابو
صار كافل عيلته نعم وكفو
راح حيدر يعني رايح كل دفو
روحت الكرار والله اثگيله
فارس وللحرب جهز حيله
⊰᯽⊱┈──❊╌─┈⊰᯽⊱
من الزغر مهيوب من يگرب اله؟
ياحلات السيف بجفوفه حله
هذا ابوفاضل وزوده من هله
مثل حيدر شمرته وتفصيله
فارس وللحرب جهز حيله
⊰᯽⊱┈──❊╌─┈⊰᯽⊱
محله البتار يحصدهم حصد
فنه الي يلاكيه ولعينه يصد
ولكرب يمه سالم ما يرد
من زلمهم گنطره ايسويله
فارس وللحرب جهز حيله
⊰᯽⊱┈──❊╌─┈⊰᯽⊱
هو فارس لاجن يعادل الف
بالمراجل هالكمر شي مختلف
مغمض ودرب البطولات ايعرف
الشدد بس بالكمر تبريله
فارس وللحرب جهز حيله
⊰᯽⊱┈──❊╌─┈⊰᯽⊱
تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم
https://www.tg-me.com/us/ الشاعره مــريم العبوديــه اسيرة الاحــزان/com.gddaogtط
BY .الشاعره مــريم العبوديــه 💔اسيرة الاحــزان
Warning: Undefined variable $i in /var/www/tg-me/post.php on line 280
Share with your friend now:
tg-me.com/gddaogt/20080