tg-me.com/gdsjnvd/14416
Last Update:
قصيده *لهفة الانتظار*
الوزن هجري
+++++++++
*التفت يسره ويمين وانتظر ثار الحسين*
*وادعي من رب البرية يعجل بقرة العين*
++++++++++
سيدي عجل فديتك وانت للثقلين امل
صار حال الدنيا ظلمه عجل الساعه العجل
عيوننا تربي وننادي وين ابن خير العمل
*نگول يارب برحمتك نطلب النصر المبين*
*خادمة العقيلة ام احــ✍️ـمد*
++++++++++
سيدي عود علينه احنه كاتلنه الظلم
صار بينه المايصير ومانشوف من الهظم
كم طفل صاروا يتامه بس نسه بليه زلم
*ارجع النه يبو صالح ولم شملنه تائهين*
*ام محـ✍️ـمد الساري*
+++++++++
تايهين ابلايه شخصك اظهرلنه يالولي
عيد حملات الصميده جدك الضيغم علي
گلي يمته الطلعه گلي يابعد روحي و هلي
*على جمر الشوگ ننطر ولطلعتك ناظرين*
*الحجيه ام عـ✍️ـلي*
+++++++++++
اتعبنه من جور الليالي
حتى مل منه الصبر
نضره منك يبو صالح
گبل مايفنه العمر
كثره الهموم وثگيله
بالفرج ندعوا اليسر
*الشيعه تترجه حضورك*
*يبن امير المؤمنين*
*ام منـ✍️ـذر الحجار*
++++++++
الدهر تعبنه كلش مارحم بينه ابد
شكد اخذ شبان حلوه راحوا بعمر الورد
احرار علمتونه نحيا بلاقيود من المهد
*على سيرتكم مشينه واحنه الكم مخلصين*
*ام مرتـ✍️ـضى الخفاجيه*
++++++++++
شوكت تظهر يبو صالح لاتطول غيبتك
گلوبنه مشتاگه تدري ماترد من سفرتك
اظهروشوف اشعليها من الظلم ياشيعتك
اريد منك ثار تاخذ للغريب ابنصرتك
*ومانعوف حسين تدري عله دربه سائرين*
*الشاعره كريـ✍️ــمه البوحلوه*
++++++++++
اظهر وعجل علينا ياامام الرافضه
احنه يا مولانه ننطر عالدرب وبكل فضى
ننتظر جيتك ياغالي انتاني بشوك القضى
*وتاخذ بثارات جدك واحنا ويه الثائرين*
*ام مهيـ✍️ـمن الكعبي*
++++++++++
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
خادمة الزهراء الشاعره أم محمد الساري
اظهر سيدي طال انتظارك
https://www.tg-me.com/us/خادمة الزهراء الشاعره أم محمد الساري/com.gdsjnvd
BY خادمة الزهراء الشاعره أم محمد الساري
Share with your friend now:
tg-me.com/gdsjnvd/14416