tg-me.com/gdsjnvd/14421
Last Update:
قصيده ثگيله للهلال لسان حال السيده زبنب عليها السلام
------------------
لاتجي يا شهر الحزن توجعني منك روحي
بيك انكسر گلبي شكثر زادت عليه جروحي
ماحمل اذيتك
لسه مانسيتك
لاتجي شهر الحزن توجعني منك روحي
--------------
لاتجي حيلي انهدم كل حيل ماظل عندي
ياشهر كلك هظم بلحزن لا لاتبدي
مني خذت كلهم هلي طيحت سوري وسدي
مانسيت الي جره لاوحق دمعت جدي
طشرت شملنه
راحت المحنه
گلبي من عندك رجف واذكرت مذبوحي
ام ✍️حسين الحسني
«««««««««««««««««««««««
لالا تجينه يا شهر كلبي بي جم لوعه
لوعات من زغري شفت ودوم انه مفجوعه
حرك باب امي انضرت ونار بي مدلوعه
وتالي احسين وبحوافر مكسرات اضلوعه
كلبي منك انصدع
ودمه ايهل الدمع
كلبي من عندك رجف وذكرت مذبوحي
ام ✍🏻زين العابدين لمحمداويه
««««««««««««««««««««««
روحي ما تحمل بعد والنار الحزن ضل بيه
شلون المصايب تنحمل وانه وعلي مجويه
يروحون خوتي وكل هلي
وبهل الشهر معميه
بلغربه جني صبحت وبدارهم مسبيه
هذا الشهر بجاني
وتجمعت أحزاني
كلبي من عندك رجف وذكرت مذبوحي
ام ✍🏻علي السماوي
««««««««««««««««««««««
اهلالك اعلينه من بزغ بانت الاحزان
يهلال ابعد لا تهل بيك الكدر بان
ذبح وسبي ونار وحرگ
ورماد دخان
راحو هلي كلهم سوه ذولاك الحنان
راحو طبگ اهلنه
وخلوني اجر بالونه
گلبي من عندك رجف وذكرت مذبوحي
ام ✍🏻محمد الساري
«««««««««««««««««««««««
كلبي يوجعني واون ما احملك يا شهر
بيك اشوفن كل حزن عيوني ذبلهه السهر
حسين اعوفه بلا غسل نايم بشمس الضهر
حسين بيه مادره
عكبه اروح ميسره
كلبي من عندك رجف وذكرت مذبوحي
✍🏻 العلويه ام رقيه لبطاط
«««««««««««««««««««««««
ياريت ماشوفك بعد شوف يطفي اعيوني
راسم حزن ماينحمل منه تطيح امتوني
كلما اشوفنك تهل اذكر غصب مشوني
جيت اخوتي ومدلله بيد الغرب ردوني
شلك تعاود لينه
ماتخجل اتلاكينه
گلبي من عندك رجف وذكرت مذبوحي
✍ام اسعد الشمري
««««««««««««««««««««««««
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه
عملنه هاذا نهدي لمولانه الحسين عليه السلام نترجه القبول
خادمة الزهراء الشاعره أم محمد الساري
اظهر سيدي طال انتظارك
https://www.tg-me.com/us/خادمة الزهراء الشاعره أم محمد الساري/com.gdsjnvd
BY خادمة الزهراء الشاعره أم محمد الساري
Share with your friend now:
tg-me.com/gdsjnvd/14421