tg-me.com/gjjyfko/597
Last Update:
(فائزي )لشباب كربلاء القاسم ابن الحسن المحروم
(شده)
ايا الشباب الراح من عندي وخسرته
كلبي على الويلاد ماتبرد حسرته
🖤🖤🖤🖤🖤
مثل الورد شبان راحوا من ادينه
عريس ابني ومن دماه مخضبينه
الله ايعين الوالده الظلت حزينه
عريس ابني تكول علكوله شمعته
🖤🖤🖤🖤🖤🖤
شبان مثل الورد ياحلوين الاطباع
عفتوا الاهل عفتوا النزل نمتوا على الكاع
جاوين وداكم زماني وشلوا ابساع
للضيج والعازات المدلل ذخرته
🖤🖤🖤🖤🖤🖤
شبان مثل الورد بالميدان يزهون
كل الاسف ياحيف عالغبره ينامون
ظلت تنوح الوالده وتهل العيون
تكول المدلل عافني ليش اعلى بخته
🖤🖤🖤🖤🖤🖤
ا يالشباب الراح من عندي ونساني
لا كال امي اولا رجع حلو المعاني
ياناس دهري بغيبته وليه ولاني
حاربني دهري وابني المدلل فكدته
🖤🖤🖤🖤🖤🖤
حاربني دهري والولد راح امن اديه
ظليت انوح لفركته صبح ومسيه
شيعود دهري ويرجع اوليدي عليه
شيكول كلبي والولد مذبوح شفته
🖤🖤🖤🖤🖤
ماينحمل يوم الشباب ويمرد الروح
امه تنادي اعليك ابد مابطل النوح
ياهوالي مثلك بالعرس يايمه مذبوح
للموت ابد ماتنطفي بكلبي جمرته
🖤🖤🖤🖤🖤
خادمه اهل البيت
الشاعره
ام حسين الهلالي
اسالكم الدعاء لي ولوالدّي
لا اجيز شرعاً حذف الاسم
https://www.tg-me.com/us/قناه الشاعرة أم حسين الهلالي للخدمه الحسينيه/com.gjjyfko
BY قناه الشاعرة أم حسين الهلالي للخدمه الحسينيه
Share with your friend now:
tg-me.com/gjjyfko/597