tg-me.com/gwaher57gjvdt/1174
Last Update:
" ﺳﺐّ ﺍﻟﺪّﻳﻦ "
ﻇﺎﻫﺮﺓ ﻛﺪﻩ ﺑﻘﺖ ﻏﺮﻳﺒﺔ ﻭﻋﺠﻴﺒﺔ ﻓﻲ ﺍﻟﺸﺎﺭﻉ .
ﻓﻲ ﺃﻣﺎﻥ ﺍﻟﻠﻪ ﺗﺠﻲ ﻣﺎﺭﻱ ﺑﻤﻴﺪﺍﻥ ﻭﺗﺸﻮﻑ ﺷﻔﻊ ﺑﻠﻌﺒﻮ ﻛﻮﺭﺓ
ﻓﺠﺄﺓ ﺗﺴﻤﻊ ﺟﻤﻠﺔ " ﻳﺎﺥ ﺃﻧﻌﻞ .... " ﺗﻘﻴﻒ ﻭﺗﺴﺘﻐﺮﺏ ﻭﺗﻐﺎﻟﻂ
ﻧﻔﺴﻚ ﺇﻧﻮ ﺍﻟﺠﻤﻠﺔ ﺩﻱ ﻣﺎ ﻳﺎﻫﺎ ﺍﻟﻔﻲ ﺑﺎﻟﻲ ﻷﻧﻮ ﻣﺎ ﻣﻤﻜﻦ ﺷﺎﻓﻊ
ﻋﻤﺮﻭ 12 ﺳﻨﺔ ﺑﻘﻮﻝ ﻛﻼﻡ ﺯﻱ ﺩﻩ !
ﺇﺗﻨﻴﻦ ﻳﺘﻼﻗﻮ ﻭﻭﺍﺣﺪ ﻳﻘﻮﻝ ﻟﻠﺘﺎﻧﻲ ﺣﺎﺟﺔ ﺑﺘﻀﺤﻚ ﻭﺑﺘﻌﺠﺒﻮ
ﻓﺒﺮﺩ ﺑﻌﺪ ﺍﻟﻀﺤﻜﺔ " : ﻳﺎﺥ ﺯﺍﺑﻄﺔ ﻟﻠـ ... " ﻭﺑﻌﺪﻫﺎ ﺑﻜﻤﻞ ﺿﺤﻜﻮ
ﻭﺑﻴﺘﻔﺎﺭﻗﻮ ﻭﻫﻢ ﺑﻀﺤﻜﻮ ﻭ ﺍﻟﻤﻮﺿﻮﻉ ﺇﻧﺘﻬﻰ ﻋﺎﺩﻱ !
ﺷﻠﺔ ﺗﻜﻮﻥ ﻣﺎﺷﺔ ﻣﻊ ﺑﻌﺾ ﻓﻮﺍﺣﺪ ﻳﻬﻈﺮ ﻣﻊ ﺍﻟﺘﺎﻧﻲ ﻭﻳﻀﺮﺑﻮ،
ﺍﻟﺘﺎﻧﻲ ﻳﺰﻋﻞ ﻭﻳﻘﻮﻝ ﻟﻴﻮ " ﺃﻧﻌﻞ .... " ﺑﻲ ﻧﻬﺮﺓ ﻛﺪﻩ ﻭﺍﻷﻭﻝ
ﻳﻀﺤﻚ ﻭﻳﺠﺮﻱ ﻳﺮﺟﻊ ﻣﻨﻮ ﻋﺸﺎﻥ ﻳﺘﻔﺎﺩﻯ ﺍﻟﻀﺮﺑﺔ ﻭﺧﻼﺹ ﻳﻜﻤﻠﻮ
ﻣﺸﻮﺍﺭﻫﻢ ﻓﻲ ﺃﻣﺎﻥ ﺍﻟﻠﻪ ﻣﻊ ﺑﻌﺾ ﻣﺎﺷﻴﻦ ﻭﺟﺎﻳﻴﻦ ﻭﺍﻟﺠﻤﻠﺔ
ﺇﺗﻨﺴﺖ !
ﻭﺍﻷﻣﺜﻠﺔ ﻻ ﺗﻜﺎﺩ ﺗُﺤﺼﻰ ﻭﻟﺴﻪ ﻧﺤﻦ ﻓﻲ ﻏﻔﻠﺘﻨﺎ .
" ﺍﻟﻮ ﻳﺎ ﻓﺮﺩﺓ ﻳﺎﺩﻳﻦ ﺍﺳﻤﻌﻨﻲ ﺍﺳﻲ ﻭﺻﻠﻨﻲ ﺍﻟﺒﻼﻍ ﻃﺎﺳﻮ ﺷﻐﺎﻝ
ﻓﻲ ﺍﻟﻤﺤﻄﺔ ﺍﻟﻘﺪﺍﻣﻨﺎ ﺑﻌﺪﻳﻦ ﻣﺎ ﺗﻨﺴﻰ ﺟﻴﺐ ﻣﻌﺎﻙ ﺍﻟﺤﺎﺟﺎﺕ
[ ﺍﻟﺒﻨﻘﻮ ﻭﺍﻟﻜﻮﺍﻣﻴﺪ ] ." ﺻﺎﺣﺒﻨﺎ ﻳﻤﺸﻲ ﺍﻟﺤﻔﻠﺔ ﻭﻳﻌﺰ ﻧﻔﺴﻮ
[ ﻛﻤﺎ ﻳﺪﻋﻮﻥ ] ﻭﻳﺮﺟﻊ ﺍﻟﺒﻴﺖ ﺍﻟﺴﺎﻋﺔ 4 ﺻﺒﺎﺣﺎً ﻳﻨﻮﻡ، ﻭﺗﺎﻧﻲ ﻣﺎ
ﻳﻘﻮﻡ ﺧﻼﺹ !
ﻳﺘﻐﺴﻞ ﻭﺑﻨﺪﻓﻦ ﻭﻳﺼﻠﻰ ﻋﻠﻴﻪ ﻋﻠﻰ ﺃﺳﺎﺱ ﺇﻧﻮ ﻣﺴﻠﻢ ﻭﻫﻮ ﺳﺒﻪ
ﺍﻟﺪﻳﻦ ﻭﻃﻠﻊ ﻣﻦ ﺍﻟﻤﻠﺔ ﻓﻴﺨﺴﺮ ﺩﻳﻨﻮ ﻭﺩﻧﻴﺎﻭ ﻓﻲ ﻟﺤﻈﺔ ﻫﻈﺎﺭ
( ﻭَﻟَﺌِﻦ ﺳَﺄَﻟْﺘَﻬُﻢْ ﻟَﻴَﻘُﻮﻟُﻦَّ ﺇِﻧَّﻤَﺎ ﻛُﻨَّﺎ ﻧَﺨُﻮﺽُ ﻭَﻧَﻠْﻌَﺐُ ۚ ﻗُﻞْ ﺃَﺑِﺎﻟﻠَّﻪِ ﻭَﺁﻳَﺎﺗِﻪِ
ﻭَﺭَﺳُﻮﻟِﻪِ ﻛُﻨﺘُﻢْ ﺗَﺴْﺘَﻬْﺰِﺋُﻮﻥَ* ﻟَﺎ ﺗَﻌْﺘَﺬِﺭُﻭﺍ ﻗَﺪْ ﻛَﻔَﺮْﺗُﻢ ﺑَﻌْﺪَ ﺇِﻳﻤَﺎﻧِﻜُﻢْ ۚ ﺇِﻥ
ﻧَّﻌْﻒُ ﻋَﻦ ﻃَﺎﺋِﻔَﺔٍ ﻣِّﻨﻜُﻢْ ﻧُﻌَﺬِّﺏْ ﻃَﺎﺋِﻔَﺔً ﺑِﺄَﻧَّﻬُﻢْ ﻛَﺎﻧُﻮﺍ ﻣُﺠْﺮِﻣِﻴﻦَ ) .
ﺍﻟﺨُﻼﺻﺔ :
ﺳّﺐ ﺍﻟﺪﻳﻦ ﺧﺮﻭﺝ ﻣﻦ ﺍﻟﻤﻠﺔ ﻭﺍﻹﺳﻼﻡ ﻓﻴﻪ ﺍﻟﺘﻮﺑﺔ ﺑﺎﻹﻏﺘﺴﺎﻝ
ﻭﺍﻹﻗﺮﺍﺭ ﺑﺎﻟﺸﻬﺎﺩﺓ ( ﺃﺷﻬﺪ ﺃﻻ ﺇﻟﻪ ﺇﻻ ﺍﻟﻠﻪ ﻭﺃﺷﻬﺪ ﺃﻥ ﻣﺤﻤﺪ ﺭﺳﻮﻝ
ﺍﻟﻠﻪ ) .. ﻻ ﻭﺑﻞ ﺫﻫﺐ ﺑﻌﺾ ﺍﻟﻌﻠﻤﺎﺀ ﻟﻌﺪﻡ ﻗﺒﻮﻝ ﻣﻦ ﻳﺴﺘﺘﺎﺏ
( ﻣﻦ ﺗﺎﺏ ) ﻭﻗﺘﻠﻪ ﻭﻋﺪﻡ ﺍﻟﺼﻼﺓ ﻋﻠﻴﻪ ﻭﻻ ﺍﻟﺪﻋﺎﺀ ﻟﻪ ﺑﺎﻟﺮﺣﻤﺔ
ﻭﻻ ﺍﻟﺪﻓﻦ ﻓﻲ ﻣﻘﺎﺑﺮ ﺍﻟﻤﺴﻠﻤﻴﻦ، ﻓﺒﺎﻟﻠﻪ ﺍﻋﻤﻠﻮ ﺣﺴﺎﺑﻜﻢ ﻳﺎﺍﺍﺥ
ﺣﺘﻰ ﺇﺑﻠﻴﺲ ﻣﺎ ﺍﺗﺠﺮّﺃ ﻋﻠﻰ ﺳﺐّ ﺍﻟﻠﻪ ﻓﻘﺎﻝ "ﻭﻋﺰّﺗﻚ ﻭﺟﻼﻟﻚ" ،
ﺍﻧﺘﻮ ﻣﻨﻮ ﻳﺎﺥ ﻋﺸﺎﻥ ﺗﺴﺒﻮﻩ؟
ﺑﺎﻟﻠﻪ ﺍﻷﻃﻔﺎﻝ ﻋﻈﻤﻮ ﺇﺳﻢ ﺍﻟﻠﻪ ﻋﻨﺪﻫﻢ ﻓﻲ ﺍﻷﻛﻞ ﻭﺍﻟﺸﺮﺍﺏ
ﻭﺍﻟﻠﺒﺲ ﻭﺍﻟﻨﻮﻡ .. ﻋﻠﻤﻮﻫﻢ ﻳﺼﻠﻮ ﻳﺘﺼﺪﻗﻮ ﻋﺸﺎﻥ ﺇﺳﻢ ﺩﻳﻦ ﺭﺑﻨﺎ
ﻣﺎﻳﺒﻘﻰ ﻟﻌﺒﺔ ﻓﻲ ﺃﻓﻮﺍﻩ ﺍﻟﺼﻐﺎﺭ .
ﻭ ﺩﻭﺭﻧﺎ ﻧﺤﻦ ﻓﻲ ﻣﻮﺍﻗﻊ ﺍﻟﺘﻮﺍﺻﻞ ﻧﻌﻤﻞ ﺗﻮﻋﻴﻪ ﺑﺨﻄﻮﺭﻩ ﺳﺐ
ﺍﻟﺪﻳﻦ ﺗﻌﺎﻟﻮﺍ ﻧﻌﻤﻞ ﺣﺎﺟﻪ ﻧﻘﺪﺭ ﻧﺤﺪ ﺑﻴﻬﺎ ﻣﻦ ﺍﻟﻈﺎﻫﺮﻩ ﺩﻱ
ﻫﺎﺷﺘﺎﻕ ﻧﺸﺎﺭﻛﻮﺍ ﻓﻲ ﻛﻞ ﻣﻜﺎﻥ ﻋﺴﻰ ﻳﻜﻮﻥ ﺳﺒﺐ ﻟﻬﺪﺍﻳﻪ ﺍﻭ
ﺫﻛﺮﻱ ﻻﺣﺪﻫﻢ 💙💙💙💙🌸 .
#ﺍﻧﺎ_ﻣﺴﻠﻢ
#ﻻ_ﻟﺴﺐ_ﺍﻟﺪﻳﻦ
BY جواهر القول 💜🎧
Warning: Undefined variable $i in /var/www/tg-me/post.php on line 280
Share with your friend now:
tg-me.com/gwaher57gjvdt/1174