tg-me.com/h_ameer2/25331
Last Update:
تمتم الگلب يابو گلبي بـ أسمك وسألته
عن نبضته منهو أثاري گلبي نفسك أنت
….
احبك
وبدمعي أكتبك
ليليه أندبك .. يامالك الدمعه
بوحدّتي
مي كصتي أبيعن
وتلگاني أضيعن .. بعزياتك الوسعه
هويته دربي البسمك عشته وأجيلك أسير
يشاري دمعي برخص بچيهم ، عبدكم أصير
كل عبد يشوفك گلبه وطبعه بي يحبك
المو اله يمسحه ويرجع لأسمك ويكتبك
….
چبيري
أنتَ وأميري
أنتَ بمسيري .. يچويني بس جمرك
ينوحي
وصَمتَك جروحي
صرت ويـ روحي .. نسولف سوه بنحرك
كسرته حاجز خوفي الهايم بس من زمان
يماكو منّه ووين ألگالي بدرب بي حنان
يا حنان أشوفه بغيرك ، مثلك أنتَ وينه ؟
أحتظنت الحوافر روحك هالكثر حنينه
….
خدمتك
غايه لوجودي
ومصدر خلودي .. يامأوى للرحمه
نعمتي
بيك ورحمتي
بچفك خدمتي .. يامصدر الخدمه
يتالي عمري البدونك أگضي چذب مو عمر
مثل أمبلل تشوفه ربعه بشموس الضهر
ياعمر بدونك يحلى حتى اخلصه وحدي
هو وحده بيّه حسيني ياهو غيره عندي
….
يمرني
هاجس عفتني
لوحدي وتهدني .. وتتركني بالهيمه
لچنّك
گلبي توّحَد
ومن عضمي يبرد .. حارگلي چم خيمه
تهت وأگولن منوّه أليه وأشوفك خيال
شفتني تايه صحت حبيبي أشتريتك تعال
من صحتلي صوتك خذاني وأشتراني ألكم
ويالخيم صرت آنه خادم خادم أبخيمكم
….
لگيته
بيه وخذيته
لگلبي ورويته .. وأسمك روه سنيني
تكابر
جوه الحوافر
وطلعت مناير .. وصارت ضوه بعيني
ردت أگلك أسمك بيّه انطبع بالدليل
وردت أگلك وصتني أمي بخدمتك خليل
ياخليلي يالماكو منك ياجرح أحبه
وكل دقيقه بأسمه أسولف أسمه كله نُدبه
….
عبد الرحمن حميد الفضلي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
BY قصائد منبريه مكتوبه 📚
Warning: Undefined variable $i in /var/www/tg-me/post.php on line 280
Share with your friend now:
tg-me.com/h_ameer2/25331