قناة الشاعر ابو احمد الصالحي

*للجواد ع*

ودعنا الجواد… ...يم باب المراد
لو نفدي النحور نبقى إلكم نزور
يم باب المراد
----------------------

بالحزن صاح النجف والغاضريه
عالشباب إلي سقط بالكاظميه
نعلن افنون الحداد بهالرزيه
والحداد أصبح شعار الرافضيه
أعلنا الحداد… ...من باب الجواد
والمدمع يسيل آه للرحيل
يم باب المراد
---------------------

ياجواد اليمه إبن الميامين
شيعتك بترابك بدمهم مخضبين
مثل جدك ظل ثلاثه بغير تكفين
ثلث تيام إنت تتقلب بلا معين
ناديت الغريب… ...يحضر إله الحبيب
خل يطوي الفلا وين إبن الرضا
يم باب المراد
-----------------------

من وصل سبط الرضا وشاف العلامه
صاح يانبع المكارم والإمامه
اليوم ظلت بالحزن تبكي عمامه
راح ميزان الأبوه والشهامه
جيتك من بعيد… ...يابويه الشهيد
بالهم إعتنيت لكن اشلقيت؟
يم باب المراد
-------------------

غسليتك بيدي بويه وانت تدري
لكن ادموعي عالخدي بدت تجري
شفت ويه الماي چن حسين يسري
وزينب الحره تنادي خدري خدري
ظل دمعي يهل… ...بطلت الغسل
شديت الجروح شيصبر الروح؟
يم باب المراد
---------------------

شيعوا نعش الجواد بأجل هيبه
وبو اليمه حسين ظل جثه غريبه
مابقى واحد من العترة النجيبه
شافوا أنواع المحن وأعظم مصيبه
بنتك حيدره… ...تمشي ميسره
يالليل الظلام لاتروع الأيتام
يم باب المراد
---------------------
ابو احمد الصالحي

www.tg-me.com/us/قناة الشاعر ابو احمد الصالحي/com.hmza84/29656

1.1K viewsAug 20, 2017 at 15:11

tg-me.com/hmza84/29656

Create: 2017-08-20
Last Update: 2024-06-01 10:32:35

BY قناة الشاعر ابو احمد الصالحي

Warning: Undefined variable $i in /var/www/tg-me/post.php on line 280

Share with your friend now:
tg-me.com/hmza84/29656

قناة الشاعر ابو احمد الصالحي Telegram | DID YOU KNOW?

Telegram Auto-Delete Messages in Any Chat