رواياتي📖📚 | Telegram Webview: hobcanat/72238 -

#نهاية_أكتوبر_بدايتنا [1] :-
بقلم :- # روان_محي_الدين

* الحرب فرقت الحبايب .. فرقت الأهل .. فرقت الاصحاب .. انتهت من التعليم .. دمرت أرض الوطن .. اغلب السودانيين هاجروا .. و اغلب الأهالي نزحو و للان بنزحو ! .. من منتصف شهر ابريل 2023 لحد اليوم ، م معروف مصير البلد دي حيكون شنو ؟! .. وحسبي الله ونعم الوكيل ! .. *

الروايه بلسان بت .. و واقع من حياة اتنين حبو بعض ف الظروف القاسيه دي ! .. بس بالنسبه ليهم كانت احلى شي حصل ف حياتهم ! ..
عرفو بعض عن طريق * صحبتهم * الاتوسطت ليهم و شجعتهم على التعارف دا ..

* شخصيات الروايه *

_ روان البكر لاربعه اولاد بعدها بالترتيب " خالد .. محمد .. اياد .. مراد " .. أمها جواهر .. ابوها محي الدين ..
_ مزمل رابع الخمسه " نذكرهم لاحقاً " .. أمه صافي .. أبوه " نذكره مع أحداث الروايه " ..
_ مريم صحبة روان بالروح .. ايلاف .. اسيل .. " صحبات من الثانوي " ..
.. " أما باقي الشخصيات ثانويه و ظهورها محدود " ..
# حتسرد القصه روان ..

* في ولاية الشمالية * في إحدى القرى المجاورة للعاصمه دنقلا *

_ كنت قاعده ف السرير و بتزكر الحصل معانا من اول يوم ف الحرب لحد اليوم و جلستي دي ..

* 15/4/2023 *
_ صحيت الصباح زي اي يوم عادي .. بس دا كان غير الايام العاديه .. كنت مخلصه امتحانات السمستر الأول لي ف الكليه .. و دا اليوم الثالث من بداية الإجازة اصحى مبسوطه .. كنت بجهز ف شاي الصباح لمن سمعت أمي بتناديني و بتقول ي روان خالتك رقية - جارتنا و ف نفس الوقت بت خالة امي - دقت و قالت إنه ف حرب قايمه ف الدنيا دي تعالي افتحي لي الجزيره و اي قناه المهم نعرف .. ثواني و فتحنا قنوات الاخبار بس م لقينا شي فيهم بقيت ابدل بينهم لمن فتحنا قناة الحدث .. و الكان حاصل صدمنا كلنا المهندسين مليانه بقوات الجيش و ميليشيا الدعم السريع و الناس تجري و الدخان و حاله صعبه ! .. و جا اخوي محمد جاري و قال : ي أمي تعالي اسمعي صوت الرصاص و شوفي الدخان الفي السماء دا !
امي : لا اله الا الله محمدا رسول الله
طلعنا كلنا الحوش و شفنا الدخان و كمان صوت الرصاص و الصوت تبع المدافع ..
و بابنا كان مفتوح و جو خالتو رقيه و جارتنا نعيمه داخلين و خالتو رقيه قالت : جواااهر .. ارح الدكان نشتري المواد لانه قالو ماف زول يطلع من بيتو الايام دي
امي : طيب دقايق البس عبايتي و اجيك .. اتلفتت علي و قالت ادي اخوانك الشاي لمن اجي ! .. و مشت على كدا ..
انا مشيت المطبخ و دقائق ماف جيت طلعه و شايلة صينية الشاي .. ناديت اياد و مراد الا محمد لانه أصر يمشي مع امي ..
بعد خلصنا غسلت العده و بقيت بنصف ف البيت .. أثناء نضافتي دي جات صحبتي اضواء - بت خالتو نعيمه - و قالت : رواااان .. شفتي الحاصل دا ؟! .. البلد خربت !
قلت : وااااي ي بت ! .. احساس زول م تم اجازتو تقوم البلد دي تقلب ! و كمان ف رمضان !
اضواء : اي ! .. ياخ اسي بقولو ف رصاص طايش بقتل الناس طوالي و ف منهم الاتصاوبو .. و كان شفتي جامعة الخرطوم الطلبه محجوزين م قادرين يمرقو !
قلت : ربنا يساعدهم ف محنتهم !
اضواء : آمين ي رب
قلت : اها و اخوك عمل شنو ؟
اضواء : امي أبت تخليه يطلع .. اتخيلي كان داير يمشي يحارب !
قلت : غايتو عادل دا الله يهديه !
اضواء : دعواتك بس
ف الوقت داك و انا و اضواء لسا بنتونس .. خلصت من النظافة و سبحان الله انا و اضواء فتحنا سيرة ابو القاسم و ف نفس الوقت لقيته مرسل لي ف الماسنجر ..
قلت : قاسم مرسل لي !
اضواء : والله قاسم بتاعك دا .. الواحد اصلو م يجيب سيرته 😂
قلت : ي زوله ود حلال ! 😂 .. خليني ارد بعدين نتفاهم ي بت !
كان مرسل لي : ي بت الحاصل عليكم انتو كويسين ؟
رديت : اي كويسين الحمدلله م تخاف
رد : لا انتو مش قريبين من المهندسين دي ؟
رديت : اي لكن م للدرجة البتخلي حاجه تجينا !
رد : ي بت عليك الله حافظي على نفسك و م تطلعي من البيت نهائي
و انا بكتب رداً على رسالته هو دق ..
قلت : م تخاف ي قاسم !
قال : ياخ كيف م اخاف و انتو الحرب عندكم ؟
_ طبعا هو ساكن ف دنقلا
قلت : اي هي عندنا بس احنا بنسمع صوت بس !
قال : صوت ولا غيرو .. من البيت م تمرقي !
قلت : حاضر ي قاسم ..تأمر تاني بحاجه ؟ 😂
قال : بس خلي بالك من نفسك و من اخوانك
قلت : طيب م تخاف
قال : بتكلم معاك بعد شويه ! اسي مشغول حبه
قلت : اخد راحتك
قال : بحبك
قلت : وانا كمان
و قفلنا على كدا .. و اضواء تضحك ساي ..
اضواء : زولك دا خواف ياخ 😂
قلت : انتِ حاشره اضانك ف المكالمه مالك ي زوله 😂
قالت : قلتِ لي العاشق اااا 😂
قلت : ي بت م تغيري السيره !
قالت : كدي نكون جادين .. انا ماشه البيت ادخل عدنان و عدي - اخوانها الصغار - لحد م امهاتنا يجو

www.tg-me.com/us/رواياتي/com.hobcanat/72238

3.2K viewsMay 3 at 09:54

tg-me.com/hobcanat/72238

Create: 2024-05-03
Last Update: 2024-06-17 23:55:08

BY رواياتي📖📚

Warning: Undefined variable $i in /var/www/tg-me/post.php on line 280

Share with your friend now:
tg-me.com/hobcanat/72238

Open in Telegram

رواياتي Telegram | DID YOU KNOW?

Date: 2024-06-17| رواياتي

If riding a bucking bronco is your idea of fun, you’re going to love what the stock market has in store. Consider this past week’s ride a preview.The week’s action didn’t look like much, if you didn’t know better. The Dow Jones Industrial Average rose 213.12 points or 0.6%, while the S&P 500 advanced 0.5%, and the Nasdaq Composite ended little changed.

Spiking bond yields driving sharp losses in tech stocks

A spike in interest rates since the start of the year has accelerated a rotation out of high-growth technology stocks and into value stocks poised to benefit from a reopening of the economy. The Nasdaq has fallen more than 10% over the past month as the Dow has soared to record highs, with a spike in the 10-year US Treasury yield acting as the main catalyst. It recently surged to a cycle high of more than 1.60% after starting the year below 1%. But according to Jim Paulsen, the Leuthold Group's chief investment strategist, rising interest rates do not represent a long-term threat to the stock market. Paulsen expects the 10-year yield to cross 2% by the end of the year. A spike in interest rates and its impact on the stock market depends on the economic backdrop, according to Paulsen. Rising interest rates amid a strengthening economy "may prove no challenge at all for stocks," Paulsen said.

رواياتي from us

Telegram رواياتي📖📚
FROM USA