tg-me.com/humnajaalalaa/672
Last Update:
Asoosama Gabaabaa
Bu'aa ba'ii
Kutaa 11ffaa
Mucaa waggaa 8 ta'uu fi bifaan immoo baay'ee ibsaa fakkaatu argite. Hintalli ishee waliin turte "maali! Dinqee maal taate si dhukkubee?" jetteen intalli waliin turte. " Lakki nagaa koodha" jettee lafaa kaatee mana fincaanii seente.
Imimmaanni ishee hudheera garuu guyyaa gaa'ela isheetii akka boo'uu hin qabnee fi mucaan kun kan isaa ta'uu dhiisuu akka danda'u yaaddee obsite. Keessummoonni taa'aa turanii sa'aatiin deemnaan gara manaa galan. Kan hafanis iddoo hirribaa mijeeffachuu jalqaban.
Misirroonnis kara siree isaaniitti affeerraman. Ibsaan kana eegaa waan ture fakkaata, yerosuma utaalee ka'ee harka ishee qabatee kutaa isaanii seenan. Kanaan dura hariiroo wal-quunnamtii saalaa hin qaban ture, har'a garuu guyyaa Dinqeen kabajashee dabarsitee Ibsaaf kennituudha. Ibsaan suufii isaa ofirraa baasee huccuu halkanii godhate. Isheen dursitee jijjiirrattee jirti, garuu yaadaan as hin jirtu.
Ibsaan ishee eegaa jira, isheen ammas waa lama sodaattee jirti.
Tokkoffaa mucichi kan eenyuti? kan jedhu, lammaffaa immoo kanaan dura dhiira bira geessee hin beektu yookaan durbummaa qabdi waan-taatef sodaatte. Ibsaan obsuu hin dandeenye, guntuta ishee burtukaana fafakkaatan kana huccuu haphii keessaan ilaalaa jira. Hamma isheen isatti siqxutti jarjareera. "Kottukaa" jedheen, isheenis sossodaachaa "to.. to.. tole" jetteen. Siree irra gad taa'ee turerraa ol ka'ee ishee bira deemuudhaan ija keessa ilaale. "nii qaanofte moo nii sodaatte?" jedhee gaafate. Isheenis "lakkii" jetteen. Ibsaanis akka seequu ta'ee ol fuudhee ishee baatee sireerra kaa'e. Yeroo kana dinqeen garmalee sodaatte. Miirri itti dhagahamu tokko jiraatullee garuu sodaa isheetu caale.
Ibsaan dhufee yogguu itti gad jedhu "Ibsaakoo maaloo! maaloo nan tuqin jetteen. Innis itti seeqee ani bineensamoo kanin si tuqu? jechaa isheetti dhiyaatee bira ga'e. Isheenis sagalee guddaadhaan " ibsaa " jetteen, "ookoo" jedhee deebiseef.
Shurrubbaashee luuccaa irra harkasaa oofuu yeroo inni jalqabu harka isheetiin ofirraa dhiibuudhaan " narraa siqi maaloo! Ibsaa achi narraa siqi" jettee itti dubbatte. Inni garuu sodaashee balleessuuf jecha waan ishee dhaggeeffachaa jiru hin fakkaatu. Hojii isaa ittuma fufe, isheen garuu jalaa miliqxee utaaltee ka'uudhaan balbalatti hirkatte...
Itti fufa....
@humnajaalalaa
@humnajaalalaa
Barreessituun Seenaa Asaffaa
Gulaalaan Abdii Magarsaa.
BY Humna Jaalalaa
Warning: Undefined variable $i in /var/www/tg-me/post.php on line 280
Share with your friend now:
tg-me.com/humnajaalalaa/672