tg-me.com/hussainedan/21
Last Update:
دافن بيدي روحي
زهرتي اعليهه نوحي
بعدها ماكو شي بلدنيا يسوه
بقيت الوحدي وللموت اهوه
زهرتي اعليهه نوحي
ادفنت زهرة زماني وروحي وياها
وجسد ضليت من اسهام فركاها
راحت من حياتي سوره اهواها
نزلها الاله لوحدي اقراها
ضهري اعليهه حدب
راسي اعليهه شيب
يادنيا البعدهه بعيني تسوه
بقيت الوحدي وللموت اهوه
زهرتي اعليهه نوحي
رجعت امن الدفن بس روح ما عندي
ادفنت روحي اويه روحي وارجعت وحدي
بقيت انا اون حد ما فطر جبدي
صفه حته الدمع اثاره عد خدي
صفيت اوي اليالي
اون الها تعالي
عشت مثل الغريب المالة مأوه
بقيت الوحدي وللموت اهوه
زهرتي اعليهه نوحي
بعدها الدنيا ضلمه ونور مابيهه
شمس الله ضواها عايش اعليهه
صفت كل الكواكب ضلمه تاليهه
كل ليلة ابدمع وبنوح احييهه
الخلائق كلهه ناحت
عليها اعيون طاحت
من عدها جنت كل يوم أروه
بقيت الوحدي وللموت اهوه
زهرتي اعليهه نوحي
اصد للباب لحضة وتبتدي العبره
اثر عل الباب باقي كسرة الزهره
روحي اوياها جانت عايشة وخضره
روحي ابدون روحي يابسة وصفره
اثرها باقي بيه
زهرتي وكلشي هيه
عشت ويه السنين وحزني يروه
بقيت الوحدي وللموت اهوه
زهرتي اعليهه نوحي
#اليالي الفاطمية الثالثة
#حال الامام علي بعد فقد عزيزته الزهراء ع
دافن بيدي روحي
BY الشاعرحسين عيدان
Warning: Undefined variable $i in /var/www/tg-me/post.php on line 280
Share with your friend now:
tg-me.com/hussainedan/21