tg-me.com/hussainedan/25
Last Update:
بأربعينج امنيه عند الخدم
تشمي مشايه ويرفعولج علم
ترتفع_ رايتهم
الخدم _غايتهم
تمشي مشايه ويرفولج علم
أمنيتهم بأربعينج……… ترتفعلج رايه
وكون من يم ابو فاضل ……تطلع المشايه
كل حلمهم يم ضريحج…… تنقري لقرايه
هاي خدام ابو فاضل…… دوم الج وفايه
كل حلمهم موكب ابابج يدگ
هاي اول وادم اتحب من صدگ
وحده بس نيتهم
الخدم غايتهم
تمشي مشاية ويرفعولج علم
التعب عدهم ذهب يم …… خدمتج يلگونه
الزار گبرج بين ناسه…… زينبي ايسمونه
كل تعبهم يم ضريحج …ينتهي وينسونه
انتي زينب لاجلج انتي _كل تعب يشرونه
التعب بالخدمه للخادم كنز
الثواب ايحصل ابتعبه حرز
بالتعب راحتهم
الخدم غايتهم
تمشي مشايه ويرفعولج علم
الحزن عدهم تبين…… عل الوجه اثاره
كل فرد بيهم يحس ……ابروحه نقص ازياره
الما يزورج تبقه روحه…… ابكل حزن محتاره
دربج البيه القداسه…… وخدمتج اسراره
الحزن بين عليهم والجرح
وبس تجارة خدمتج اعظم ربح
تنعرف قصتهم
الخدم غايتهم
تمشي مشايه ويرفعولج علم
كلهه تتمنه الحضرتج ……هل الخدم تتعنه
زينب الزاير حضرتج ……يعني زار الجنه
بالدمع تحيي اربعينج…… واللطم والونه
بالمشي حته جدمهم……بالتعب تتهنه
انتي زينب بيج معروفه القيم
بالمشي ايواسوج لو حرك الخيم
بالدمع عشرتهم
الخدم غايتهم
تمشي مشاية ويرفعولج علم
هل الخدم الله رزقهم……_بالمجالس عبره
كل مجالسهم عظيمه……تحضر الهه الزهره
والكصد صوب المجالس…بالعلك شد ضهره
اليطب مجلس عزائج…جنه طب الحضره
الجراح البيهم امگد الوطن
تكبر اشما ينذكر طاري الضعن
عل الجرح_لطمتهم
الخدم _غايتهم
تمشي مشايه ويرفعولج علم
BY الشاعرحسين عيدان
Warning: Undefined variable $i in /var/www/tg-me/post.php on line 280
Share with your friend now:
tg-me.com/hussainedan/25