tg-me.com/hxzeu1/60413
Last Update:
مــن الخيمة للخيمة ركضنه
خرز سبحة تطشرنه شيلمنه
ندورك وين ما أدري يحسين وحرت بامري
يحسين
...............................................
عجت خيل هجمت والخيــم طاحت
وحده وحده ركضت عمتي صاحت
زينب يا خـــــو زينب للنهر راحت
كعدت يـــــــــم أخوها ونت وناحت
كلتله كــــوم يا عباس ردنه
خرز سبحه تطشرنه شيلمنه
بعدكم منكسر ضهري يحسين وحرت بامري
يحسين
..........................................
نايم عالنهر ضــــــي عيني واجفوفه
بيدين الشمر مرفـــــــــوعه وانشوفه
ركضت أعليك ركضت طفله ملهوفه
لمن شال راسك عالنســــــــى أيطوفه
خفت لا شافتك يحسين سكنه
خرز سبحه تطشرنه شيلمنه
ورقيه ويلي لو تدري يحسين وحرت بامري
يحسين
.................................
من الخيــــــل داست صدرك بجيده
رجعت وعفتك أركض وسطة البيده
شفت فــــــــارس أجه يتبختر أبهيده
ضل يفتـــــــــر علينه وراسك أبأيده
ضحك من شافني خويه وفجعنه
خرز ســــــبحة تطشرنه شيلمنه
يسئلوني وشنو عذري يحسين وحرت بامري
يحسين
.....................................................
رقيه شافتـــه ودم راسك أبثوبه
سألـت عن جسد واثيابه مسلوبه
من شافت لحيتك جتني مرعوبه
عمه وين أبويه بيا كتـــر صوبه
عمه أمشينه كالت والوحدنه
خرز سبحة تطشرنه شيلمنه
شفتها وشيبت عمري يحسين وحرت بامري
يحسين
...........................................
جبتها وجيت جيت كسرة الخاطر
ويـم جسمك كعدنه كعدت أمسافر
لكينه أعله الصدر طابع أثر حافر
ولكينه العشره تسعه ويلي يالعاشر
ضيعة خنصرك يحسين ضعنه
خـــــرز سبحة تطشرنه شلمنه
جزع من الصبر صبري يحسين وحرت بامري
يحسين
.............................................
خادم خدمة الحسين
الشاعر
محمد الموالي
BY الناشر مصطفى المياحي
Warning: Undefined variable $i in /var/www/tg-me/post.php on line 280
Share with your friend now:
tg-me.com/hxzeu1/60413