🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 48 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🍁🍃

صباح يوم جديد....
عند بيت أبو تغريد ع طاولة الطعام جالسين يفطرون.
علياء بقهر:يقولون عفو عن تغريد مدري كيف طلعوها براءه وهي م تستاهل.
أم تغريد بفرحه كتمتها:لا تقولين عن أختك كذا
علياء: الحين صارت اختي! مو قبل سنه ونص معتبرينها ميته !! وع فكرة طلعت براءه بقضيه المدرسه مو بقضية الشقق المشبوهه والمخدرات استغفرالله العظيم
أبو تغريد:علياء
علياء:سم يبه ؟
أبو تغريد: إفطري وانتي ساكته مابي اسمع عنها شيء
علياء سكتت بقهر وهي تأكل
.
عند غيث
دخل الحجز هو والدكتور وانصدموا بتغريد اللي جالسه وكأنها عارفه بزيارتهم وتنتظرهم ولا ملامحها الظاهره كانت مبتسمه ووجها مُشرق
غيث طالع بالدكتور وهو مصدوم وحرك رأسه بمعنى شسالفه!
الدكتور كان مصدوم جداً مو متخيل هذي اللي أمس منهاره!! عيونه م تصدق اشر لغيث بمعنى ندخل ونكون هادين
غيث دخل وابتسم:سلام صباح الخير
تغريد: وعليكم السلام صباح النُور
غيث جلس مقابل لها ع الطاوله والدكتور بالكرسي المعتاد البعيد شوي عن الطاوله والسرير
غيث ابتسم: كيفك اليوم؟
تغريد ابتسمت: أحسن من كل يوم
غيث تنحنح بتوتر:قالوا لي امس إنك من...
تغريد بمقاطعه وهي ترفع يدها بمعنى اسكت: أمس ماضي وراح احنا اليوم وابتسمت: ايوا اتوقع كل شيء بخصُوص القضايا قلته
الدكتور تطمن ع الوضع وانسحب بهدوء
غيث سكتت وملامحه واضحه فيها الصدمه
تغريد طالعت فيه بمعنى انتظر كلامك
غيث رجع ظهره ع الكرسي وهو يتكتف:مو علي ي تغريد
تغريد عقدت حواجبها وبلعت ريقها وضحكت بتهرب:هو أنا قلت شيء!
غيث ابتسم وهو بهز رأسه بأسف:صحيح مالي ٥شهور اعرفك لكن هالشهور كفيله بإني اصير عارفك نفس دكتورك شتغير أمس كنتي مهزوزه تماماً واليوم ثابته تماماً !
تغريد ابتسمت:مابي أحلم وأحلامي تطيح فوقي وتهدمني كلي م أعيد الغلط مرتين مع الأسف ببقى أنتظر هالغيث لو بعد دهر لكن مُستحيل يكون في أمل الأمل راح مع اللي راحوا
غيث ابتسم وهو يتذكر كلمات أمه له وكلماتها له هز رأسه بمعنى ايوا
تغريد بثقه وهي تطق سبابتها ع الطاوله:اليوم م عدت مثل م كنت م راح أستحي وهم اللي لازم يستحون م ببكي واتضايق وهم اللي لازم يبكون بدل الدمع دم أنا مُش تغريد اللي أمس م راح أتخلى عن ولا شيء أحبه بحلم وبحلم وأحلامي بتتحقق وببقى أنتظر هالغيث والنُور لقلبي لو بعد دهر وحيكون بقلبي أمل م تهده جبال !
ابتسمت وهي تقفل عيونها:مثلاً أول شيء بسويه بعد م أطلع بروح البحر ولا لا بروح لشخص بعدها البحر
غيث عقد حواجبه وأول ما جاء بباله وليد:بتروحين له وهو تخلى عنك!
تغريد فتحت عيونها وتغيرت ملامحها ورفعت حاجبها الأيسر: وإذا رحت ؟!!!...
غيث تنحنح:براحتك ذا شيء يرجع لك اللي علي اطلعك من هنا وبعدها كلن بيمضي بطريقه
تغريد سكتت بجمود وتكلمت بنبره مختلفه جداً: صح وبتنساني وبتنسى إنك بيوم عرفت وحده إسمها تغريد بتعيش حياتك مع زوجتك وعيالك
ورفعت عيونها تطالع فوق تخبي دموعها وتمنعها من النزول ضحكت:ايوا ي حضرتك وين وصلنا
غيث اخذ نفس عميق وابتسم وهو بداخله شعور غريب جداً مو مرتاح أبداً
.

بعد مرور أسبوع ونص....
عند فوز.....
كانت جالسه تذاكر لإختبارات نهاية العام هالسنه بتتخرج وأخيراً جت نيهال وبطنها بدأ يبرز كثير مع إنها بالشهر السادس المفروض يوضح أكثر لكن م بدأ يوضح الا بهالشهر
فوز ضحكت وهي تطالع فيها:جت البطريقه
أم رائد قرصت اذنها:اهجدي
نيهال ضحكت:يارب اشوفك وانتي حامل ي إني بطقطق عليك طقطقه ارد حركاتك
فوز ضحكت:ماش ماش مطوله أنا
أم رائد:وين رائد؟
نيهال ابتسمت:يقول بطلع اودي ابوي يتمشى شوي يغير جو تعرفين نفسيته
أم رائد:زين يسوي
فوز جت بجنب نيهال و وجهت الكاميرا عليها نيهال ابتسمت وفوز تصورها
قاطعهم دخول رائد اللي شافها تصورها اخذه بدون مقدمات وهو يبتسم:معليش اغار ع زوجتي
وحفظه وهو يحذفه:لو ارسلتيه لحد كسرت اصبعك
نيهال ضحكت على شكله ..
فوز خزته ولفت لأمها:يمه معليش ذا الولد مو اخوي مو نفسي غصب يناشبني مين بياكل زوجته؟
رائد وهو يجلس بجنب نيهال ويمسك يدها بيده ويطالع في أبوه:شرايك بالي سويته يبه من حقي صح ولا؟
أبو رائد بتعزيز:من حقك من حقك
فوز بزعل:يبه لا توقف معه
نيهال ضحكت:ولا تزعلين يلا تعالي نصور من جديد
فوز ابتسمت:كفووو
رائد طالع فيهم بنص عين:هي إنتي وهي أنا المسؤول عنها وم أسمح لك تصورينها
نيهال بعناد: أنا أبي أصور ..

🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁

🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 49 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🍁🍃

رائد:شفت يبه توها قبل إسبوع عاقله وهاجده من لما سمح لها الدكتور تتحرك وهي صايره سوسه
نيهال ضحكت:خلاص امزح تبيني اصور ولا؟
رائد:صوري بس يا ويلها
وهو يأشر ع فوز:ترسل الصور لأحد
فوز وهي تمسك الجوال وتسلك: إن شاء الله من عيوني كم عندي ردرد؟
نيهال كانت مبتسمه وبتصور إلا إنها م قدرت تكتم ضحكتها من نظرات رائد اللي صار مقابل لها بجنب ابوه بعد م سمع ردرد
رائد: تكفين لا تدلعيني ترا مو دلع ذا تشويه اسم اكرميني سكوتك احسن
فوز وهي تاخذ صوره سريعه لما ابتسمت ونزلت جوالها وهي تطالع فيها:ايش مو عاجبك حبي؟!
رائد:لا والله ما عجبني ولا قاله الله
فوز:بسيطه مو لازم يعجبك أهم شيء عجبني
ولفت لنيهال:ها عجبك نيهال؟
نيهال ضحكت:مرا بصير اناديك كذا بعد
فوز:كفووووه بنت كفووو
ولفت لأمها اللي تضحك:وه يا ناس جعلني فدا الضحكه
وراحت وهي تقرص خدودها
أم رائد ضحكت بخجل ومن قرصت خدودها وهي تضربها ع يدها:ي بنت استحي ع وجهك أمك أنا
فوز لفت لأبوها:ي حظك يبه عندك القمر شتبي بالنجوم!
رائد ضحك وهو يطالع نيهال:تبي تمدح بس ما تعرف
فوز:اسكت بس حسبالك أنت بس تعرف أنا اعرف
وابتسمت بتذكر:صح ترا الأسبوع ذا أخلص اختبارات واتخرج لا اوصيكم ابي حفله تخرجي تكون حلوه
نيهال:مو المفروض تكوني بالجامعه؟!
فوز:ايوا تركت سنتين مدري سنه
نيهال:اها...
أم رائد: إن شاء الله ي إمي إنتي بس اتخرجي ومن عيوني الاثنين أحلى حفلة
فوز:فديتك هذي الأم السنعه
نيهال ورائد وأبو رائد ضحكوا... .
.
.
عند ولاء
كانت جالسه في مكانها المعتاد جاءها اتصال كانت تنتظره فتحت الخط وهي تخفي نبرتها المتلهفه:لقيتهم؟
الرُجل:مع الأسف
ولاء زفرت وهي تجلس بتعب وتضغط ع يدها بقوه وقهرر: الله ياخذه الحقير
الرُجل:مُمكن م طلع من البلد
ولاء:الشرطه طالبه إسمه الحقير مستحيل م يهرب
الرُجل:ماعليك أنا بدورها
ولاء:دورهم طلعهم من سابع أرض أهم شيء تلاقيهم ووقتها اطلب اللي تبيه
الرُجل: إن شاء الله
ولاء قامت وهي تمشي بٱتجاه الشباك اللي فوق ويطل على بيوت مهجوره أخذت نفس عميق والضيقه تمكنت منها قاطعها صوت أقدام تقترب منها لفت بحركه سريعه وهي تمسك يدها وتلفها بدون م تنتبه للشخص
شافت يده اللي انسحبت بحركه سريعه ولولا أنها بنت كان كسر لها يدها
عبدالله وهو يعدل شماغه:شفيك إنتي بسم الله
ولاء لفتت وهي مالها خلقه وم راح تعتذر:محد قالك تدخل مكان مو مكانك وبهالطريقه
عبدالله طالع حوله: والله مكانكم حُلو حتى الجني ما يمر من هنا
ولاء وهي تطالع بجهة الشباك:مر ودخل حتى
عبدالله: أقول مين كنتي تكلمين !
ولاء لفت له :وقح إنت! أولاً شدخلك ثانياً مين سمح لك تتسمع والا كمان بمكاني!
عبدالله ضحك بسخريه:لو أبي اعرف بعرف صدقيني
ولاء سكتت بتجاهل وهي تتكتف: الحين المطلوب شتبي؟!
عبدالله:حاولي تستعجلين بقضية غيث باقي ٣ أسابيع ع المحاكمه
ولاء:شدخلك انت!
عبدالله:غيث صديقي واخوي متعرف عليه من أيام المتوسط فأكيد بساعده
ولاء :لا تكثر معي لكن إذا كلمته لازم ترد عليه
عبدالله نزل الملف:خذي اقري هالملف كويس هالشخص لزوم نلاقيه لزوم تراه داهيه ومو بعيده يكون هو السبب بكل ذا وعندي خبر يقول إنه هو المسؤول عن التهريب ويعطيكم وانتوا عليكم التوزيع
ولاء سكتت بإستغراب ما فيه غير شخص واحد مسؤول عن التهريب فتحت الملف وهي تقرأ الإسم بصدمه لكن سرعان م ادعت إنه عادي
ولاء: هو هنا؟
عبدالله:لو مو هنا م دورت عليه حكومتنا!
ولاء خزته وهي تنزل عيونها للملف
عبدالله بفضُول: بندر أخوك يدري بكل ذا؟
ولاء رفعت عيونها له وعرفت لوين يبي يوصل ورجعت نزلتها بتجاهل
عبدالله: والله بينصدم
ولاء:تمام فهمت اللي علي تقدر تروح
عبدالله:بنصحك لوجه الله تراه يحبك ويعزك يكون أحسن إذا قلتي له بطريقتك
ولاء طالعت فيه:احتفظ بنصيحتك لنفسك
عبدالله هز رأسه بأسف وهو يطلع ومستغرب شخصيتها لكن فضوله كيف وصلت لهنا وكيف صارت كذا !
.

عند عهد....
كانت جالسه بالريسبشن ع جوالها وم عندها شغل...
لفت من سمعت صوته يناديها
عهد:هلا
أحمد(ممرض): شرايك نطلع شوي
عهد:ي..
قاطعها صوت إياد اللي جاي ع اساس يكلمها لكن سمع حوارهم من بدايته:هاي عهد
عهد لفت بصدمه من أسلوب الميانه ابتسمت من خلف النقاب:هلا تبي شيء؟
إياد: إذا ممكن تستأذنين من الدوام أبيك بموضوع
ورفع أنظاره لأحمد:مهم م يتأجل
عهد هزت رأسها:تمام
ولفت لأحمد:اسفه عادي نإجلها ليوم ثاني
أحمد ابتسم:عادي عادي وراح وتركهم ..

🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁

🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 50 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🍁🍃

عهد وهي تكلم صحبتها بإنها بتطلع أخذت شنطتها وهي تطلع وتمشي بعيد عنه شوي طلعوا وجلسوا ع كراسي المستشفى الخارجيه لكن بعيد عن الأنظار شوي مقابلين بعض
عهد:شبغيت؟...
إياد: طبعاً إنتي الوحيده اللي تعرف شصار لي
عهد بلعت ريقها:ايوا
إياد إبتسم بتذكر:قبل ٥ سنوات تزوجت عبير عن حُب كنت ع قد حالي ومكتفين باللي معنا لكن بعدها بسنه ولدت وجابت تالين و وقت ولادتها توفت
حط يده ع فمه من مرارة شعوره اللي يحس فيه:توفت بيوم ولادتها شعور غريب جداً لما كنت أنتظر زوجتي وبنتي يطلعون بالسلامه وفجأه يجي الدكتور يقول لي زوجتك ماتت وبنتك حالتها حرجه كنت واقف وصامد رغم تبعثر الشعور اللي بداخلي كنت أحبها أكثر من كل شيء أكثر من نفسي حتى بس كنت صامد مدري ليش بعكس اللي بداخلي كنت ابي انهار بس قلبي يرتاح م قدرت بعد شهرين من وفاتها ومن ولادة تالين اللي تحسنت حالتها لكن بقى معها مشكله بالقلب ولازم إذا صار عمرها ٣ سنوات وفوق اسفرها للخارج م فيه علاج عندهم انهرت بوقتها خفت أفقدها نفس عبير
وضحك وعيونه تدمع وضغط بأسنانه ع شفايفه : أنا اللي كنت ما أرضى بالحرام سويته أنا اللي أصلي وأذكر ربي وصلت لهالمرحله انحديت كنت مستعد أسوي أي شيء بس تعيش بنتي وتتعالج قابلت ولاء بالمستشفى وكان وقتها عمر تالين ٣ سنوات وشوي عرفت بمشكلتي لما سمعت كلامي مع الدكتور وبدون م تسأل قالت لي إذا أبي اشتغل هي بتطلع لي شغل وللأمانه قدمت لي وظيفه شريفه وكانت بشركه معروفه لكنهم رفضوني يقولون مكتفين رحت لولاء من جديد وقلت لها ابي اشتغل معك رفضت وقالت بنتك م تتعالج بالحرام وهالطريق ما منه رجعه إلا أني فوق ٣ مرات كلمتها إلى أن قالت لي تمام
عهد: ياخي هالبنت مدري ليش تبين عكس شخصيتها
إياد: الأيام تعلم
وكمل: اشتغلت سنه كامله وجمعت المبلغ وما بقى إلا كم يوم ع السفره كانت تلعب معي وفرحانه وتضحك
ونزلت دمعته:فجأه حطت يدها ع قلبها قلبي فز ارتبكت م ادري شسوي خذيتها بسرعه ورحت المستشفى وتعرفين الباقي
مسح دمعته وهو م يدري ليش يسمح لنفسه بالإستسلام أمامها ممكن لأنه حسها شاركته همه وحزنه طول هالسنوات كاتم لكن م عاد للكتم فايده ....
عهد وهي ودموعها نزلت وخلصت وحمدت ربها إنها تلبس نقاب ولا كان صارت حفله ابتسمت:بس الشيء الحلو خذيت أجر كل هالسنوات وإنت لك شهور موقف م توزع معنا واتوقع علشان كذا كان بينكم خلاف إنت وولاء
إياد:لا ولاء كانت تحاول تضغط علي عشان اترك هالشغل تقول إنت عندك بنت بس لو تركته وين بشتغل قدمت ع مليون وظيفه وكلها م انقلبت فيها وصار بيننا خلاف لأنها دفعت فلوس سفرة تالين لأن الفلوس اللي معي ما تكفي مصاريف السكن والأكل والمستشفى والسفر كمان وما دفعتها من فلوس شغلها دفعتها من فلوسها الخاصه
عهد:اي خاصه؟!
إياد سكت وتكلم بغرابه: أدري مصدومه إني معرفك مرا وتكلمت لكن انتي الوحيده اللي تعرفين عن موضوعي
عهد:عادي مو مشكله
إياد: أنا قررت أتزوج بما إني لقيت وظيفه
عهد رفعت رأسها:مو تحب زوجتك؟
إياد تنهد: أبي أنسى إذا عشت كذا بموت من الذكريات
عهد:وين لقيت وظيفه؟!
إياد:بشتغل بجامعه ولو أن هالوظيفه جت متأخره بعد م فات الفوت بعد ما بلغ الذنب منتهاه
عهد: أنا عارفه كلنا سوينا شيء جداً سيء لكن احنا ندمنا وتبنا وم صرنا نسوي هالشيء والحين بنصلح غلطنا وباب التوبه مفتوح مع العلم إخواني لو عرفوا ممكن يتبرون مني لكن م رضيت بالعجز لهم م رضيت بمنة الناس عليهم
إياد إبتسم:كلن شايل همه ع أكتافه دنيا عجيبه!
عهد ضحكت؛جداً
وتفكيرها مين بيتزوج وتحس بمشاعر غريبه استولت عليها
.

الساعه ٧:٠٩ مساءاً
عند نُورا كانت لابسه روبها وأمام تسريحتها تحط كريم ليدها ورجولها
قاطعها دخول غيث اللي نزل شماغه ورمى نفسه ع السرير؛سلام ياقلبي
نُورا ابتسمت:وعليكم السلام،كيف يومك؟
غيث: أبد رحت لتغريد عشان قضيتها ومريت عبدالله ورجعت
نُورا سكتت وهي مقهوره من هالتغريد ولو إنها ما تعرفها لكن أغلب مواضيعهم عنها
غيث:تذكرين أول مره قابلتك
نُورا بتذكر ابتسمت: ايوا وهي تجلس بجانبه بعد م جلس هو
غيث:قولي لي كيف قابلتك نسيت أول مره....
نُورا خذت نفس عميق: كنت بإفتتاح مكتب أمك الجديد وأنا جيت مع أبوي على أساس ابارك لها معها و انصدمت إنك ولدها
ضحكت بخجل: والله من لما شفتك حبيتك أعترف
غيث ضحك: ماشاءالله طلعت أخطف قلوب البنات
نُورا ضحكت:وقابلتك مره ثانيه بالمطعم وكنت مع أمك ومن يومها حبيتك أكثر
غيث:عاد ولا مره حسيت الصراحه
نُورا ضحكت:كيف بتحس يعني
غيث:يعني بلاحظ
نُورا:لا كنت ثقيله وضحكت وبعدها أمك خطبتني وتزوجنا وفرحتي فيك كبيره ومحظوظه جداً لأن زوجي إنسان متفهم وناجح وحنون
غيث ابتسم وهو يمسك يدها ويبوسها
..
🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁

🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 51 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🍁🍃

عند علياء دخلت بيتها...
ودخلت غرفتها وهي تشوف صالح منسدح وكأنه تحسن شوي نزلت عبايتها وهي تطالع فيه:سلام كيفك الحين؟
صالح:وعليكم السلام كويس مريت ببالك وسألتي!
علياء:شدعوه صالح حبيبي تراها حراره عادي يعني تحمل
قام وهو يدخل يتسبح علشان يصحصح أكثر وتروح الحراره..
.

الساعه ١١:٤٣ مساءاً
عند عهد في البيت...
كانت جالسه تكلم نيهال
عهد بحماااس:تكفين لي شهر م شفتك طلع لك بطن وللحين حمل بدون بطن
نيهال ضحكت:طلع طلع
عهد:بكرا بكرا نتقابل تمام؟
نيهال:ايوا تكفين طفشت من البيت لي ٥ شهور ما طلعت الا ٣ مرات وكلها بالسياره وارجع رائد يقول م تتحركين بس الحين بفلها وبتحرك
عهد ضحكت: أنا ما بخليك تتحركين غير شوي شوي
نيهال:يصير خير
عهد:قال لك رائد وافقوا الدكاتره عن المشروع اللي بنسويه بس باقي نكلمهم
نيهال:لازم تكلمون أهلهم بدون علمهم عارفه وضع المدمنين مش مستقر ممكن ينتحرون إذا عرفوا
وبخوف:مرا خايفه ياختي وآيش حتكون ردة فعل الأهل إذا قلنا لهم....
عهد:تبين الصدق حتى أنا احس لما استرجع كل اللي صار أحس شيء م يدخل العقل يارب ساعدنا و خايفة منصور وسعد لو عرفوا ي خيبتهم فيني
نيهال :م سويتي هالشيء إلا إنتي مضطره
وبنبره مختلفه:أنا اللي مالي عذر معي فلوس تعيشني بس مدري ليش رحت هالطريق كنت وحيده كل اللي ابيه شيء م لقيته ببيتنا
عهد وهي تغير الموضوع: هي صح خلي فوز تطلع معنا ويكند يمدي تذاكر
نيهال ضحك: ي ربي هالبنت ياختي تضحك عسل عسل
عهد:ايوا اخر مره طلعت معنا وربي غيرت جوي ومودي كله
نيهال ابتسمت: الله يسعدها ويوفقها مونستني وتساعدني كثير،المهم بقولها وبشوف
عهد: آمين،يلا بقفل بروح أنام م اشوف تعبت اليوم
نيهال: تمام يقلبي نوم العوافي .
.
.
يوم جديد الساعه ٤:٥٥ العصر..
عند ياسمين....
كانت جالسه وتفكر بملامح البنت اللي تشوفها دائماً بأحلامها تشبه تغريد تماماً وتكتب الجمل اللي تسمعها بين العصوف الذهنيه الي تجيها
كتبت جمل كثيره قرأتها بصوت واضح وكأنها توضح لنفسها وتحاول تتذكر:
ايوا والله ي استاذه احنا شفناها تدفها
لا لا مالي دخل هذي اختي شلون اسوي كذا
ياسمين ياسمين تكلمي تكفين ياسمين لا تحطيني بهالوضع
حضرتكم ياسمين تعاني من فقد فالذاكره لهالحدث والأحداث اللي حصلت مؤخراً
تستاهل اللي يجيها
قلت لك وليد لي لا تقربين منه بس م فاد فيك
سكرت عيونها وأمام عيونها لقطه ضرب بس م تدري هي موجوده في الموضوع والا مين معها ومين ذي اللي تكرر اسمها وتستنجد فيه
رمت الدفتر بقوه وهي تمسك رأسها بصداع
قوي عليها نزلت دموعها واللي عرفته من بندر البنت اللي بالسجن انظلمت ومو هي اللي سوت كل ذا لكن م قال لها إذا تعرفها ولا
رغم احساس ياسمين بأنها تعرفها وقد مرت عليها نظراتها وإبتسامتها كلهم مروا عليها بس م تدري مين هي بالضبط
قاطعها طق الباب ياسمين مسحت دموعها قبل تدخل امها وتنتبه
أمها:مساء الخير كيفك يروحي؟
لها:مساء النور تمام الحمدلله
أم ولاء وهي تجلس ع الكرسي مقابل لياسمين:تخرج بندر بعد اسبوعين ونص
ياسمين اخذت نفس عميق: إن شاء الله
أم ولاء:وعمليتك بتكون بعدها بشهر
ياسمين بخوف يراودها من قرب تخرج بندر:مستحيل اسوي العمليه وأنا لسّى م تذكرت اخاف اكون ظلمت احد واسويها وأموت وأنا م اعتذرت للشخص
أم ولاء بخوف:بسم الله عليك لا تقولين هالكلام بتسوينها وبتكونين بخير ليش هالسلبيه
ياسمين بضيقه:ترا أعرف العمليه خطيره جداً ونجاحها ضعيف م يحتاج تكذبون علي
أم ولاء :لا حول ولا قوه الا بالله إن شاء الله خير
ياسمين:متى ناويه تكلمين ولاء ترجع!
أم ولاء ضحكت بسخريه:م راح اكلمها ما تربت الوقحه لو فيها خير جت تعتذر مني لها شهرين ونص م شفتها ولو اعتذرت ما بسامحها م تستاهل شيء
ياسمين ميلت فمها بسخريه:وتقولين ليش هي قاسيه كذا وم تربت منك يمه ترا مو من غيرك تركتيها عند أبوها ٣ سنوات وابوها كان بيزوجها هربت منكم فتره ولا همكم بس بلغتوا الشرطه ولما لقيتوها شسويتو خربتوا حياتها شيء طبيعي بتكره نفسها حرفياً هدمتوا حياتها بأكملها المفروض إنتوا اللي تعتذرون
أم ولاء طالعت فيها بقهر:خليك بنفسك احسن لك
وطلعت وتركتها متضايقه ومقهوره على ولاء .
.
🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁

🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 52 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🍁🍃

عند نيهال كانت تلبس نقابها..
رائد:يلا نيهال تأخرت ع المستشفى بطلع انتظرك وفوز لا تتأخر ترا تجلس ساعتين م عندها مشكله
نيهال:يلا يلا
وخذت شنطتها وهي تلحقه وطلعت وهي تروح لفوز الي تلف حجابها ساعتين
نيهال:يلا بسرعه البسي نقابك رائد ينتظرنا
فوز وهي تلبسه:يلا اطلعي بلحقك
نيهال طلعت وهي تركب السياره وفوز خذت جوالها وشنطتها وطلعت .....

.
فالمول دخلوا نيهال وفوز..
وهم يتوجهون للكافيه شافوا عهد رفعت يدها وهي تقوم ويدخلون الغرفه الخاصه الي حجزتها
عهد عشان ياخذون راحتهم وبعد م سلموا ع بعض جلسوا
عهد:كيف الإختبارات معك ي خريجه؟
فوز:ماش ماش
نيهال:يمه منها وتقول لخالتي تجنن عسل
فوز خزتها:عاد انتي خذي وخلي لا تصدقين كل شيء أقوله
عهد ضحكت:وتعترف إنها كذابه بعد
فوز:اعترفي انتي م قد كذبتي!؟
عهد ضحكت:تبين الصراحه ايوا الله يهدينا
نيهال:م يستحون بعد
فوز:انتي استحي بس عنا وعنك
عهد ضحكت
فوز:هذي كل شيء تستحي فيه إذا رائد مسك يدها قدامنا تقولين باسها م مسك يدها
نيهال قرصت يدها بقوه
فوز وهي تمسك يدها:يُمه منك
عهد وهي ماسكه بطنها من الضحك:فديت اللي تستحي
نيهال خزتها:توك معها روحي زعلت خلاص
عهد:افا افا تزعل حلوتنا !
نيهال ضحكت
فوز:اقولكُم قلبها يجنن م تقدر تزعل علينا فديتها ماشاءالله
عهد ضحكت:عمري والله ،يلا يلا تقهوو علشان نروح نتمشى ونتسوق
فوز:يلا وجلسوا يتقهوون ويسولفون ويضحكون ويطقطون ع بعض..
.
.
الساعه ٨:١٧مساءاً
كان جالس يلعب مع بنته بعد ما تحسنت صحته
ماريا كانت تطالع فيه وتضحك
ماريا:بابا
صالح:هلا حبيبتي؟
ماريا:متى تدي عمتو (متى تجي عمتو)
صالح تنهد وم رد م لقى اجابه يقولها لبنته حتى
علياء نزلت جوالها بانتباه:م راح تجي الوقحه ال**
صالح صرخ :ابلعي لسانك ولا تتجرأين تعيدين هالكلام قدامي ولا وراي مو نيهال اللي تسوي كذا
علياء وهي توقف بزعل وبقهرر:ايش كذبت؟! م كذبت هذا الصدق والا كيف تزوجت بدون ما ندري وحملت اجل فيه بنت مُحترمه تتزوج بدون علم أخوها!
صالح وقف بعصبيه:ي مُحترمه إنتي أجل فيه زوجه مُحترمه تترك زوجها تعبان بالبيت وتروح بيت اهلها ولا همها !! حتى م كلفتي ع نفسك تتصلين يكفي إنك تبليني عليها لما تعبت منا وصار اغلب يومها بشغلها والحين مو راضيه تريحينها من لسانك
علياء رفعت صوتها: والله اختك م تستحي راحت وصارت مثل بنات الشوارع
قاطعها كف قوي انطبع ع خدها الأيمن:متحملك من اسبوع ابيك تفهمين وتعقلين لكن خلاص م عاد اتحملك انتي.......
.
.
الساعه ١١:٥٦
عند غيث كان جالسه مع أمه بالصاله ونُورا تسوي لهم اكل
قاطع حديثه مع أمه اتصال من ولاء
ولاء:برسل لك لوكيشن تعال بسرعه
غيث قام بسرعه:تمام
وقفل الخط وهو متوجه للباب حق البيت بيطلع بسرعه لكن استوقفه صوت هيا:شفيك يُمه؟
غيث:موضُوع مُهم يُمه اذا رجعت بقولك انتبهوا لنفسكُم م راح اطول ان شاء الله
هيا هزت رأسها وهي مُو متطمنه من الموضُوع ابداً
أما غيث طلع بسرعه .
.
.
عند ولاء
كانت مقابلته وجالسه ع الكرسي.أمامه تماماً وحاطه رجلها اليُمنى ع رجلها اليسرى
أما هُو كان مُقيد ع الكرسي وعُيونه مغطيه بقطعة قماش
ولاء تنحنحت:ايوا حضرتك متى ناوي تتكلم
ضحك بسُخريه:متوقعه بقولك!؟
ولاء ضحكت وهي تجاريه:لا ابد م اتوقع تقول لِي بهالحاله لكن مُمكن اذا عدلنا ملامح وجهك مثلاً ! ولا اقولك م احب امد يدي ع اشباه الرجال
ضغط ع شفايفه بأسنانه بقهر من كلامها اللي يستفزه
ولاء طالعت بالرجُلين اللي واقفين خلفه ومنزلين عيونهُم
ولاء أشرت عليهُم:تصدق يعني مستخسره أخلي الرجال يأدبونك حتى لأنك وبكُل بساطه شِبه رجُل لا أكثر
ورفعت صوتها شوي:رجُل م فيه شيء قذِر م سواه وكُله علشان الفلوس
مُعاذ ضحك بقوه وبسُخريه:لا يكُون إنتي أنظف مني نسيتي إنك معنا بتصريف البضاعه !!!
ولاء رفعه حاجبها وهي تهز رأسها بسُخريه:شنسوي عاد لكن ببقى أنظف منك بكثير وقلتلك يدك إذا تطاولت علي مره ثانيه بكسرها لكن عرفت إنها تطاولت ع غيري وم بكتفي بكسرها بقطعها لك بطريقه جديده بخليك عاجز تماماً
مُعاذ سكتت والخوف بدأ يتسرب لقلبه
غيث دخل وهو يطالع المكان بإستغراب حوله عالم ظلام وخراب واللي يشوف هالمكان يقول لا والله م يعيش فيه إنسان ولا يطري ع البال ابداً دخل وشاف ولاء واللي قدامها
ولاء وهي تقوم:كويس وصلت استلم بضاعتك تراه اليد اليمنى لمُديره المجهول ...
غيث:تمام عندي ..

🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁

🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 53 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🍁🍃

ولاء:اتوقع سويت اللي علي الباقي عليك،وايوا صح أسمح لك تقتله عادي نغطي وغمزت له
غيث ضحك:م وصلنا لهدرجه الحمدلله
ولاء ابتسمت وهي تهز رأسها:حمدلله،يلا سِيوو
وطلعت وتغيرت ملامحها تماماًما كأنها اللي قبل ثواني تبتسم لكن صح م هي إبتسامتها الحقيقيه ابتسامة تصنعتها من سنوات
تنهدت وهي تركب سيارتها وتتوجه الفندق دخلت وتسبحت وطلعت وهي لابسه بجامتها سوت لها قهوه وخذتها هي وايبادها لتكمل شغلها المُتراكم عليها لأنها من أيام م فتحت آيبادها أبداً
طالعت بالصُوره اللي طلعت لها أول م فتحت الآيباد تنهدت بضيقه وهي تتذكر

فلاش باك***
بعد خُروجها من البيت وبدُون علم احد كانت تسحب شنطتها وتمشي بالشارع بدُون هدف ما تدري وين ترُوح لوين!! كيف بتعيش! كُل ذا م فكرت فيه أبداً أهم شيء عندها تبتعد وتهرب عنهُم ضيعوا شبابها وطُفولتها بالوقت اللي كان المفروض فيه تلعب وتضحك تطلع مع صحباتها تدرس بكُل قناعه تحدد حلمها كانت تعاني من علاقة أمها وأبوها كُل أسبوع مرميه عند واحد منهُم وأخيراً وقفت بتعب من كثرة المشي التفتت حولها
ابتعدت عن بيتهُم كثير صارت بحي ثاني وبشارع ثاني بنت وبوقت الفجر لوحدها بالشوارع !!
ذَا الشيء الغريب لكُل من مر من هالشارع
رفعت أنظارها على المناره الي توزع من خلالها صوت الأذان وهو يكبر ويعلم الناس إن وقت الصلاه دخل تنهدت بعُمق وهي تردد وراءه فتحت شنطتها وفيها ٣١٥٠ ريال وذَا مصروفها اللي م تشتري منه ولا شيء وم يعجبها شيء مُمكن يعجبها لكن فقدت هالنوع من الترفيه عن النفس
فتحت جوالها وهي تطلب لها اقرب أوبر بهالحي صحيح عُمرها ١٧ لكن عقلها أكبر من عُمرها وجداً عاقله والواقع حدّها ع هالعقل والثقل كُله
شافت السياره اللي توقفت أمامها تأكدت من نوع السياره ورقم اللوحه وركبت وهي تقول له أقرب فُندق عوائل .
.
صحت ع واقعها ..
وهي ترجع شعرها اللي طاح ع عيونها رفعته وهي ملاحظه بدأ يطول تنهدت وهي تفتح آيبادها من جديد وتكمل شغلها المجهول للكثير ...
بعد مرُور نص ساعه نزلت أيبادها وهي تتمغط بتعب نزلت عيونها ع الطاوله وشافت جوالها فتحته وهي تشوف مُكالمات من بندر وياسمين
تنفست بعُمق وهي تتأفف دقت عليها

عند ياسمين..
كانت صاحيه وجالسه ترسم ملامح الإنسانه اللي تجيها بذكرياتها وبرضوا بأحلامها لكن ولا حِلم له تفسير مُقنع نزلت قلمها من سمعت رنة جوالها شافت الإسم وابتسمت بفرحه وردت بسرعه:وحشتيينننيييييي
ولاء ابتسمت بذُبول وبسُخريه:الحمدلله اوحش أحد
ياسمين:افا وبندر من أول يتصل عليك ليش م رديتي !!
ولاء:كنت مشغوله
ياسمين:ايوا م قلتي شصار معك بكُل هالأيام؟
ولاء:ولا شيء
ياسمين:فهمت م تحبين تسولفين
ولاء: الحمدلله فهمتي
ياسمين:ماعليك بسولف عني وعنك المُهم عرفتي متى عمليتي ؟
ولاء:ايوا جاني خبر
ياسمين بصدمه:بِسم الله من وين عرفتي بندر يقول م كلمك !!!!
ولاء :مصادر خاصه يلا برُوح أنام
ياسمين:ياختي م وحشتك !
ولاء سكتتت وم ردت
ياسمين تأففت بقهر:كابري كابري لما أموت
ولاء بلعت ريقها من تعبها وسمعت الصوت اللي يعلن إنها قفلت الخط

ياسمين حطت يدها ع وجهها وهي تحاول كثر م تقدر تمسك نفسها وما تبكي لكن كُل شيء حولها يخليها تنهدم وتنهار كُل ما أقدمت ع القُوه تلاقي نفسها متراجعه للخلف أكثر
دخل عليها بندر اللي كان مار من الغُرفه وسمع صوت بُكائها اللي واضح تحاول تكتمه لكن عاجزه تماماً هُو عجز جسدي ولا عجز نفسي ! إحتارت م تعرف آيش اللي متعبها أكثر
بندر طق الغُرفه ودخل وم إنتظر إجابتها
ياسمين مسحت دُموعها بسرعه وهي تحس بضِيقه إستحوذت قلبها م تعرف سببها الحقيقي لكن الأكيد كُل شيء حولها جالس يضغط عليها
بندر وهُو يجلس عند رجُولها ع ركبه ومسك يدها الثنتين وهو يحضنها بين يدينه: افا ي أخت بندر تتضايقين وما تشاركين ضِيقتك ! تبكين وما تشاركيني سبب دُموعك !.
ياسمين رفعت كتوفها ودُموعها جاريه ع خدها وتكلمت بنبره غير مُتوازنه ابداً:مدري آيش السبب ولاء واللي صار وأسلوبها والا عمليتي والا البنت اللي إنظلمت بسببي والا النوم الي صار عدوي وأكثر شيء يأذيني أكثر من نفسي ياخوي تعبت والله تعبت وغطت عُيونها اللي إنفجرت دُموع وكأنها ما صدقت العقل يعطيها إشاره لـ تُعبر عن نفسها !!! وعن اللي بقلب ياسمين !
بندر وهو يرفع نفسه ويمسح دمُوعها وإبتسم بتفاؤل:قولي لِي تعرفين تغريد ذِي اللي إنظلمت ؟
ياسمين هزت رأسها بـ لا وهي تمسح دُموعها ببراءه ..

🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁

🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 54 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🍁🍃

بندر وهو يتربع على الأرض وعند رجُول ياسمين:أبشري الحين أقولك قصة سجنها غير قضيتك اللي إنتي عرفتيها من دِفاع المُحاميه
ياسمين هزت رأسها بـِ معنى أسمعك
بندر:ي طويلة العُمر بعد ما طحتي نقلوك للمُستشفى وتغريد كانت أختك كنتي تحبينها مرا لِدرجة كنت أطقطق عليكُم وأقولك أخاف إنتوا توأم وغلطنا فيكُم بالحضانه
ياسمين ضحكت ضحكه ممزوجه بِبُكاء لكن سُرعان م مسحت دُموعها:ايوا؟
بندر:كنتوا مع بعض دائماً بالمدرسه وبالجوال ي تراسلون بعض ي تكلمون بعض والا تجيك والا تجينها المُهم بعد م نقلوك للمُستشفى هي كانت معك وطبيعي مصدُومه بإتهام البنات لها وإفتراء ذِيك الي م تربت عليها لكن م كانت مستوعبه شيء كِثر إنك بالعنايه مدري عن باقي التفاصيل لأني م كُنت موجُود لكن يقولون طلعت من المُستشفى وراحت لِشقه مشبوهه وغير كِذا ممنوعات وتوزيع وتهريب وكُل شيء ينباع يتم هناك كُل مُدمن يرُوح يأخذ اللي يبيه والعياذ بالله
ياسمين نزلت دُموعها
بندر:تبين الصدق؟
ياسمين طالعت فيه وتنتظره يكمل
بندر:من لما نشروا هالموضُوع ومسكوها الشرطه ولقوا معها السِم وبالمكان المشبوه م صدقت لو نجي للعقل م في إنسان يكُون منهار يرُوح لهالمكان وينمسك بـ ٣ جرائم بـ ١٢ ساعه وحتى صاحبي عبدالله كان مستغرب هالموضُوع وجاءت وبعد م مسكوها حكموا عليها وطبعاً أهلها م جاؤا لها نِهائي كنت بين فتره وفتره أسأل عنها عشانك ولولا الأدله والله العظيم لا أحلف إنها بريئه من قضيتك أما القضيتين الباقيه حلفت وخلصت قال لِي عبدالله بعد م طلبت يسأل عنها إن البنت تغيرت كثير صارت عِدائيه مع الأشخاص الجُدد تخاف وتنهار وتقلب ويقولون مرض نفسِي بعدها بِسنه ونُص مسكوا قضيتها بدُون م تطلب وأثبتوا براءتها بأول قضيه باقي قضيتين بعد اسبوعين اعتقد
ياسمين نزلت رأسها وبكت وهي تغطي وجهها :أنا السبب باللي صار لها لو م فقدت الذاكره كان م صار ذَا كُله ع الأقل
بندر وهو يمسك يدها: أنا م قلتلك علشان تبكين وتلومين نفسك!!! وتعذبينها قلت لك علشان أقولك إذا هِي بالسجن ومُتهمه بِ ثلاث قضايا وم فيه أحد م تكلم عنها وقذفها ظُلماً وإذا هي عاشت وحيده حتى أهلها م سألوا عنها وإذا هي عاشت سنه ونُص مُستقبلها ودراستها راحوا وم زال الأمل بقلبها وهو يرفع يده ويعبر لها:ولو رُبع ذره ليش م يكُون عندك أمل قولي لِي عُمري قصرت معك حتى ولاء الي تكابر لحد الموت وم توضح مهتمه لكن م توضح وأمي وأبوي وكُلنا مهتمين لأمرك م نبي ضِيقتك !
ياسمين: م عُمرك قصرت معِي بس افهموني تعبت من كُل شيء حولي تعبت من أمي وتعاملها المُتناقض مع ولاء ومعِي من جرحها لها ومن نفسي ومن عقلي اللي مُو راضي يتذكر شيء من الأحلام اللي تعذبني
وحطت يدها ع قلبها:تكتمني ي بندر والله تكتمني تخليني عاجزه عاجزه هلكتني هلكتني هالدنيا ي بندر
بندر وهو يهمس بهمسات أدخلت في قلبها الراحه: {قالُوا أَإِنَّكَ لَأَنْتَ يُوسُفُ قَالَ أَنَا يُوسُفُ وَهَذَا أَخِي قَدْ مَنَّ اللَّهُ عَلَيْنَا إِنَّهُ مَنْ يَتَّقِ وَيَصْبِرْ فَإِنَّ اللَّهَ لَا يُضِيعُ أَجْرَ الْمُحْسِنِينَ (90)} (يوسف) عارفه أجرك عند ربك كبيرر اصبري وانا اخوك كُل صبر نهايته جبر للقلب
ياسمين خذت نفس عميق وهي تمسح دُموعها وتبتسم من كُل قلبها:الحمدلله إنك أخوي
بندر ابتسم وهو يقوم ويبعثر شعرها :والحمدلله انك اختي
وضحك بمزح:يلا فليتيها بالدراما رُوحي نامي
ياسمين ضحكت وهي تدف كرسيها المُتحرك بجهة السرير
بندر جاء وهو يشيلها ويسدحها ع سريرها ويغطيها :تصبحين ع خير
ياسمين ابتسمت:وانت من اهله
بندر مشى وهو يخرج من الغُرفه ويعلن خُروجه من الغُرفه بصوت تسكير الباب
ياسمين طالعت بسقف غُرفتها وخذت نفس عميق وهي تحس بأن الحِمل الي ع أكتافها خف سكرت عُيونها مُحاولةً للنوم....

.
عند غيث...
رجع البيت بعد م خلص شغله مع مُعاذ
دخل الصاله لقى أمه تنتظره إبتسمت من شافته:م بغيت يُمه !! وينك كُل هالوقت!؟
غيث وهو يبوس رأسها ويجلس
هيا:يوووه ي الغيث م قلت لك لا تبوس رأسي تكبرني!
غيث ضحك:لسّى انتي شباب ي هيون
هيا ضحكت وتذكرت:يلا تكلم ترا م نسيت
غيث ابتسم:كنت أدور ع أدله بخصُوص قضية تغريد وتعرفين ولاء اللي كلمتك عنها هي اللي ساعدتني حتى اعطتني أسامي كثيره لكن ولا شخص لقيت عليه ثُغره تقول إنه سوا هالشيء
هيا بتفكير:ع كلام تغريد بالمُلاحظات اللي كتبتها إن فيه شخص بليلتها هُو اللي مسك يدها وجلس يماطل إلى أن جاؤا الشرطه صح ولا؟

🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁

🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 55 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🍁🍃

غيث بتفكير وهو يحاول يفهم ع أمه:صح ! يعني!؟
هيا طالعت فيه تنتظره يفهمها
غيث وهو يطق الطاوله اللي بجنبه بحماس:اكيد يعني اللي مسكها يعرف ومُو بعيده هُو اللي اعترض طريقها هي وطليقها!
وبتذكُر:ع طاري وليد يقولون بعد ما طلقها سافر
هيا:لا تأخذ بالأقاويل خِذ بالأدله
غيث:بُكرا بتفاهم مع مُعاذ الحقير وأخليه يتكلم حِسباله صدقت إنه م يعرف شيء
هيا:مِين هالمُعاذ
غيث:مُعاذ ذَا تقول ولاء بأنه اليد اليُمنى لصاحب الشقه اللي كاتبها بإسم وهمي لجل محد يوصل له
هيا هزت رأسها:كُل مُهربين المُخدرات عندهُم ثلاث خُطط ورفعت يدها وهي تبدأ تعدد:الخُطه ألف
وقفلت إبهامها والخُطه باء وقفلت سبابتها والخُطه جيم وقفلت الوسطى
غيث ضحك:والله وطلعتي خِبره بهالناس ي هيون
هيا ضحكت:خِبرة السنين ي الغيث !
غيث إبتسم:نُورا نامت؟
هيا:مدري والله
وطالعت فيه وخذت نفس عميق:يُمه غيث خفف من شغلك وإهتم فيها شوي حرام ي يُمه لا تزعلها وإنت عارف إنها تحبك وعاذرتك ع شغلك لكن مُو معناته م تكلمت تزيد
غيث وهو يأشر عيونه بإبتسامه:من عُيوني ي سِت الكُل
هيا ابتسمت:تسلم عُيونك
وقامت:يلا برُوح أنام عندي جلسه مُهمه بُكرا تصبح ع خير
غيث ابتسم :وانتي بخير
وشافها لما صعدت فوق وقام وهو يتوجه لغُرفته دخل ولقى نُورا نايمه إبتسم وهو يدخل يبدل ملابسه طلع وهُو ينسدح وفتح كومدينته ومد يده ليأخذ المُذكرة لكن تردد وسكر الكومدينه بتراجع وهو ينسدح ويحط يده ع عُيونه منعاً لنفسه بالتفكير في القضيه أو بأي شيء
لف لجهة لنُورا وإبتسم وهو يلعب بِشعرها إلى أن نام بدُون م يحس.......

.
عند عهد..
كانت تجهز لدوامها وقدام مرايتها تلف حِجابها وتلبس نقابها سمعت صوت الباب اللي انفتح بعد م طقه
سعد:صباح الخير
عهد ابتسمت:صباح النُور
سعد وهو يطالع ساعته:لسّى باقي نص ساعه
عهد:ايوا ابي اخلص بدري عشان لو جاء السواق فجأه تعرف م ينتظر
سعد وهو يجلس:بِما إنك خلصتي تعالي بكلمك بموضُوع
عهد جلست بتوتر:هلا
سعد طالع فيها:عهد فيه شيء مخبيته عنِي؟
عهد بتوتر وهي تلعب بأصابعها وتطالع فيها:ه..اءلا شفيه؟ م فيه شيء اخبيه ابد ل..ليش تسأل!؟
سعد وهُو يطالع بحركاتها اللي وضح فيها توترها وتنزيل عُيونها:عهد لا تكذبين علي !
عهد رفعت عيونها وهي تحاول كثر م تقدر م تطيح عينها بعينه بيقفطها
قامت بتهرب:السواق السواق جاء باي اخوي حبيبي
وطلعت بسرعه
سعد بصوت عالي:بتجين وتتكلمين اقولك من الحين
عهد طلعت وهي تدق ع السواق اللي م جاء للحين وم هي الا دقايق وجاء وركبت معه وهي خايفه من ردة فعل سعد لو عرف ايش حيسوي . .
.
.
عند نُورا صحت من النوم وبدلت ملابسها ورتبت شكلها وجت بجنبه وهي تصحيه:غييث غيث يلا اصحى
غيث عقد حواجبه بإنزعاج:صحيني شوي لسّى دوامي
نُورا:ادري بس قوم اجلس معنا والا نطلع نفطر برا يلا
غيث:وربي تعبان ابي انام
نُورا بضيقه:افف كُل يوم تعبان ياخي
غيث فتح عين وحده وهُو يطالع فيها:نعم؟
نُورا:ولا شيء نام احسن
وكانت بتقوم الا انه ضحك ومسك يدها وهو يجلس ويضمها:استهبل معك اساساً حاجز بمطعم فطُور بطلعكُم
نُورا ابتسمت وهي تضحك:ترا كنت بزعل وم برضى
غيث:افا تزعلين وم ترضين علي !
نُورا:ايوه ..
غيث ضحك:اقول يلا تجهزي وقولي لأمي
نُورا:من عُيوني
وقامت وهي تطلع من الغرفه اما غيث فتح جواله وانصدم بعدد المُكالمات من عبدالله
قام بسرعه للحمام عشان يتوضأ ويصلي ويرجع يشُوف شسالفته
.
.
في بيت أبو تغريد كان أبو تغريد وأم تغريد جالسين يشربون قهوه
أم تغريد بِضيقه:يعني م بتزورها !!
أبو تغريد بحرقه:ليش ازورها شسوي عندها !
أم تغريد:بنتك هذي ياخي شلون إنت بكُل هالثبات شلون قلبك م يعورك عليها !
أبو تغريد وهو ينزل فنجان الملف اللي بيده وبسُخريه:ماشاءالله الحين حسيتي ع دمك وين كلامك ذَا من سنوات كان عادي عندك !
أم تغريد ودموعها نزلت:كنت أقول أبوها يعني نفس نفسي انا أمها اهاوشها ساعات لمصلحتها وأقول يربيها ماعليه وأمشي هواشك المُستمر لها
أبو تغريد ضحك بقوه وبسُخريه:اكذبي ع نفسك بهالكلام مُو علي
أم تغريد وانهارت بُكاء:حسبي الله عليك كُله منك حتى منعتني عن بنتي ما تركتني ازورها حتى حرمتها من حياتها بظُلمك لها منعتها عن كُل شيء كانت دائماً تحاول ترضيك بنجاحاتها لكن بكُل مره تصدها ووصلت فيك تمد يدك عليها حاولت تصير لك ولد لكن إنت خربت حياتها كانت تحبك حتى أكثر مني لكن إنت كرهتها فيك

🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁

🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 56 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🍁🍃

أبو تغريد وهُو مُو متحمل اكثر صرخ:خلاص اسكتي مابي أسمع صوتك
أم تغريد وهي تمسح دُمووعها ضحكت بسُخريه:الحقيقه أوجعت قلبك هاه ؟ قول لِي ضامن حياتك يعني اقولك روح لها واعتذر اذا فات الفوت ما ينفع الصوت وانا الحين متأكده مثل إسمي إنك عارف إنها بريئه بس كُله من راسك اليابس وعنادك اللي وصلنا لهِنا
وبكت بتذكُر
.
فلاش باك**
كان يمشي بممرات المُستشفى والأرض مُو شايلته من الفرحه بيجي ولده المُنتظر الي بيشيل
إسمه بيجيه يُوسف وبينادونه بـ أبو يوسف وي فرحة قلبه بهاللقب طلعت الدكتوره من غُرفة الوِلاده
ونزلت الكمامه وبإبتسامه:مبروك جتك بنت مثل القمر ماشاءالله تتربى بعزكُم
انخطفت ملامح وجهه وكأنه إنضرب وإحتلت تقاسيم وجهه ملامح الصدمه:بنت !
الدكتوره بإستغراب:ايوا
وبعد ثواني من سُكوته : بننقلها الحين لغُرفة التنويم والطفلة للحضانه ،عن إذنك
أبو تغريد تسند ع الكرسي وهو يجلس بصدمه الولد اللي إنتظره كُل هالتسع شُهور بِفارغ الصبر وبكُل حماس م جاء يُوسف اللي تمناه م جاء !!!!!
.
.
بعد ثلاث ساعات من تفكيره العميق استجمع نفسه ودخل عندها وهو يطالع فيها بكُره: قلتي لِي ولد علشان كِذا م كنت تتركيني أدخل معك المُستشفى !!!
أم علياء(وتغريد) بلعت ريقها بتعب:بنتك هذي ارضى بالأمر الواقع
أبو علياء صرخ بقهر:ارضى ايوا لكن ليش تكذبين علي ليش تخليني أنتظر ٩ شهُور بحماس ليش تخليني أتأمل إن هالولد بيجي !
أم علياء بصوت مبحوح من التعب:بعدين نتفاهم وبعدين ما كذبت إلا من ضغطك علي
أبو علياء سكت وهو ناوي ع موال لكن إذا طلعت من المُستشفى
دخلت المُمرضه وهي تدف سرير الطفله الصغيره اللي حاضنتها بطاني حُولها
إبتسمت ام علياء وهي تطالع في ابو علياء اللي طالع في هالطفله بكُل كُره ونُفور منها .
.
صحت ع واقعها
: من ذاك اليوم عرفت إنك ما بتحبها من نظرة الكُره اللي لمعت بعيونك عرفت من خيبة الأمل اللي إحتلت تعابير وجهك عرفت ي أبو تغريد وضغطت ع آخر كلمه
أبو تغريد صرخ: لو م كذبتي م وصلنا لهالمرحله كنت تقبلتها نفس علياء بس كذبتي علي وكُل الي صار فيها منك حتى إنتي بنفسك م حبيتيها ولا اهتميتي نفس إهتمامك بعلياء
أم تغريد وهي واقفه ودُموعها جاريه ع خدها رفعت صوتها:ولو م ضغطت علي كُل هالضغط م سويت كِذا كنت صبح وليل تقول هالكلام شتبيني أسوي انا اللي أختار ولد والا بنت ولا تكذب علي علياء م اهتمت فيك رُبع الرُبع من إهتمام تغريد كانت م تاكل قبل م تجي م تطلع بدُون إذنك ترتب مكتبك عشان م تعصب وتجي تحط حرتك فيها م كانت خايفه من ضربك كثر م هي خايفه عليك من هالعصبيه
أبو تغريد:خلاص ازعجتيني انتي وبنتك اللي تو تعرفين انها بنتك بطلع لشغلي مابي اتأخر
وخذا ملفه وطلع
اما أم تغريد جلست ع الكنبه وهي منهاره تماماً .
.
بعد دقايق فزت ع صوت الباب اللي انفتح ودخلت علياء وهي تضم امها وتبكي ومنهاره وما لاحظت دُموع أمها اللي اقوى من حالتها
أم تغريد بلعت ريقها وسيطرت ع نبرتها:شفيك ي يُمه شصار معك ؟
علياء وهي تبكي:يُمه مد يده علي عشان أخته الحقيره جعل ربي ياخذها هي وتغريد بنفس مُستوى القذاره واعتلى صوت شهقاتها ودُموعها
أم تغريد سكرت عيونها بضِيقه من دعوة بنتها ع أختها وعلى أحت زوجها بنتها اللي م تشوف الناس شيء
أم تغريد:ليش مد يده؟
علياء:عشاني قلت عن أخته حقيره وما تستحي وسبيتها
أم تغريد ابتعدت عنها:منجدك انتي وم تبينه يضربك كويس م طلقك
علياء :كان بيطلقني لو ما...
ونزلت دُموعها بقهر وهي تتذكر شصار

فلاش باك*
قاطعها كف قوي انطبع ع خدها الأيمن:متحملك من اسبوع ابيك تفهمين وتعقلين لكن خلاص م عاد اتحملك
انتي...
قاطع آخر كلامه صوت مارِيا اللي إنهارت بكي خوفاً من صراخهُم وضرب أبوها لأمها
صالح وهُو يصرخ:انقلعي عن وجهي مالِي خلق أشوف وجهك
علياء دخلت غرفتها وهي تقفل الباب بخوف من عصبية صالح اللي ولأول مره تشُوفه كِذا وبكُل هالعصبيه .
عند صالح جلس ع رُكبه ومسك يدين ماريا
صالح بهُدوء:ماريا حبيبتي أنا وماما كنا جالسين نمثل مُو صدق
ماريا وهي تبكي:بس إنت دربتها بقوه(ضربتها)
صالح:لا بس نمثل ياعيوني
وبتهرب من الموضُوع:تبين نطلع نشتري من البقاله؟
ماريا ضحكت ببراءه:ايوا
وقام وهو ياخذ بُوكه من على الطاوله ويطلع

رجعت لواقعها**
علياء :بس وجاء الصباح وجيت هنا م كلمته حتى
أم تغريد:تستاهلين شهالوقاحه تسبين أخته وتقذفينها وإنتي ما تعرفين عن الموضُوع
علياء بقهر:كِذا يعني إنتي أمي مُو أمها علشان تدافعين عنها
أم تغريد رفعت صوتها:وتبيني اشوفك تظلمين البنت بدُون دليل واسكت تستاهلين اللي يجيك
وقامت لغُرفتها وهي مالها خلق بنتها ومشاكلها المُستمره
أما علياء بكت بقهر وهي ناويه تقول لأبوها وتخليه يتفاهم معه .

🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁

🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 57 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🍁🍃

عند غيث خرج من الحمام أكرم القارئ لكن نسى يتصل ع عبدالله
وخرجوا للمطعم هو ونُورا لأن هيا عندها جلسه بهالوقت وما تقدر تطلع معهُم وطلعوا لوحدهُم
دق ع عبدالله وجاءه صوت عبدالله اللي حوله ازعاج سيارات شرطه وصراخ وإلخ..
غيث:اتصلت علي كثير شفيك؟
عبدالله بِربكه:غيث وليد إنقتل
غيث كح بقوه من الصدمه؛متى؟ ووين مُو كان مختفي
عبدالله بضيقه من اللي شافه:الواضح القضيه أكبر من اللي تتخيله وأتخيله يعني هالثلاث قضايا تجر وراها ٣ قضايا ثانيه يعني لو مسكنا المسؤول عن ذَا كُله سحبنا عِصابه كامله وراء هالموضُوع وإنت عارف كُل قضيه من هالنوع لازم يترابطون فيها تُجار المُخدرات
غيث وهو مصدوم تماماً كيف وليد ينقتل بعد ما كان مختفي عن الأنظار وهُو الوحيد اللي كان عنده مفتاح الأدله مُعاذ ما تكلم ايش بيسوي الحين ما بقى إلا أسبوعين وكم يوم!
غيث بلع ريقه:ببيته؟
عبدالله :للأسف إذا تبي تعال بعد ما يجون الفريق الجِنائي تشُوف مُمكن تلاقي بمكتبه شيء
غيث سكر عُيونه بقهر مُستحيل يكُون إنقتل بدُون سبب قوي ! وجُرأة المُجرم تخطت الحُدود كيف يدخل بيته !؟
نزل الجوال
ونُورا تطالع فيه بإستغراب:شفيك؟
غيث ابتسم رُغم القهر اللي يحس فيه كان قريب من الحقيقه جِداً ما يدري شصار الحين:ولا شيء حبيبتي وأخذ المنيو
وعُيونه فيه لكن عقله أبداً مُو هِنا ويفكر بردة فِعل تغريد آيش حتكون !؟ بتبكي عليه؟ ميل فمه بسُخريه و بصوت خفيف:قالت لك بتبقى تحبه تبيها م تبكي عليه!!
نُورا رفعت عُيونها ونزلت المنيو:غيث
غيث طالع فيها:هلا؟
نُورا:شفيك؟ ياخي قول لِي مُو أنا زوجتك !
غيث:الشغل ومشاكله مابي أشغل بالك فيها بتنحل إن شاء الله
نُورا خذت نفس عميق:ياخي ليش لما نطلع يتصلون يكفي نص يومك معهُم أبي أسولف معك إتركهُم عنك إذا رحت لهُم بتعرف صح ولا!؟
غيث ابتسم وهو ينزل المنيو ويحط يده ع يدها:صح من عُيوني كم عندي نُورا؟
نُورا إبتسمت:وحده طبعاً
غيث ضحك:يلا اخترتي؟
نُورا:ايوا .
.
.
عند تغريد كانت جالسه وتكتب في مُذكرتها...
أعيش تناقضٌ غريب لا أعلم
هل مازلت أحب ذلك الشخص!
أم أنني نسيت بفضل هذا الشخص !!!
لكنني لا أستطيع تحمُل كُل هذا الظُلم ي الله !
لم تعد لدي طاقة التحُمل
لا أريد أن أعيش تلك الخيبه من جديد
لا أريد أن أتخلى.....
سكرت مُذكرتها وهي تقوم وتمشي في الحجز الخاص فيها خذت نفس عميق وهي تحس نفسها يضيق بشكل غريب تحس بهم وضيقه مُو طبيعيه جلست ع الكرسي وهي تعض شفايفها بقهر من جاء ببالها

بالمحكمه....
بعد م خرجوا كُلهم بإنتظار حُكم القاضي
كانوا مُسؤلات الأمن بياخذوها للحجز اللي بالمحكمه على بال ما يبدأ القاضي بجلسته الثانية
مسكوا يدها وهم يأخذوها لكن قاطعهُم صوت:تغريد
تغريد بلعت ريقها وهي تميز هالنبره كويس تعرفها أكثر من إسمها النبره اللي تهز ثباتها وكيانها كُله نبره إشتاقت لها،صنمت مكانها وجسمها كُله يرجف لفت رأسها وأمتلأت عُيونها دُموع ونطقت بصعُوبه:
ليتني ماقربت لك بيوم ليتني من الأساس ماحبيتك.
وليد بلع ريقه بندم:تغريد تكفين سامحيني صدقتها وكذبتك صدقتها وليتني م صدقتها طلبتك سامحيني بسوي كُل شيء بطلعك من هالقضايا
تغريد والدُموع متعلقه بمحاجر عُيونها ميلت فمها بِسخريه ومشت معهُم وهي مُو مصدقه كُل اللي صار كانت بتصير زوجته بس خرب كُل شيء حبته من كُل قلبها صار الحبيب والأبو والأخو والزوج وثقت فيه لكن مع الأسف الثِقه العمياء مُو متبادله صدق فيها اللي ما يتصدق .

نرجع للواقع****
خذت نفس عميق وهي تجلس ع الكرسي ونزلت دمعتها لكن سرعان ما مسحت دُموعها وهي تقوي نفسها
.
🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁

🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 58 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🍁🍃

الساعه ١٠:٠٦ مساءاً
دخلت البيت بتعب فزت بخوف ع صوته اللي خلفها:كويس جيتي
عهد لفت بخوف:شفيك خوفتني
سعد:لا تتهربين خلصي أنتظرك بالصاله
عهد بخوف وتهرب:تعبانه بُكرا نتكلم برُوح أنام
ومشت بسرعه لكن مسك يدها وطالع فيها بعصبيه:عهد م أمزح معك أنا !
عهد صنمت بخوف:تمام شفيك علي
سعد مشى وهي وراه جلس ع الكنبه وهي كمان جلست
سعد خذا نفس عميق وهو متضايق:تكلمي
عهد:م.....
قاطعها وهو يرفع إصبعه:قولي اللي عندك لكن والله لو أعرف إنك تكذبين وم تقولين الحقيقه م يصير بيننا كلام
عهد وم تدري كيف تبدأ وتقوله وتحس جسمها بدأ يرجف من التوتر اللي تحس فيه
.
.
عند نيهال...
كانت جالسه عند فوز اللي تذاكر
نيهال تأففت:فوز طفشت تعالي نسولف
فوز زفرت:هفف شفيك بذاكر بعدها بسولف معك ماني ناقصه أعيد السنه ع آخر سنه لِي بتخرج طفشت
نيهال:لسّى م جيتي الجامعه وطفشتي
فوز ميلت فمها:ع الأقل أرحم من المدرسه شويتين
وإبتسمت بفضُول:إنتي آيش تخصُصك؟
نيهال:تركت الجامعه بالسنه الثالثه تاركتها لِي ٤ سنوات
فوز:آيش كان تخصُصك؟
نيهال إبتسمت من تذكرت حِلمها اللي ما تحقق:تخصصُي كان طِب
فوز عقدت حواجبها:تستبهلين ليش تتركينها !
نيهال ابتسمت بضيقه:عادي قِسمه ونصيب
وبتهرب من الموضُوع:أقول يلا ذاكري أنا برُوح لخالتي
فوز سكتت وعرفت إنها ما تبي تتكلم بالموضُوع.
.
.
عند عهد ودموعها تنزل:ما كان عندي خيار ثاني من حيشغلني قول لي!!....
سعد صرخ:بس مُو كِذا مُو بذا الشيء مُو بالحرام الشغل بدله مليون شغل
وتسند ع طاوله وهو يحط يده ع جبهته ودُموعه تملأ عُيونه مُو مصدق أخته تسوي كِذا:قولي لِي شالفايده هدمتي بيوت علشان تصرفين علينا بكيتي أهل على عيالهُم بسبب اللي توزعونه !!!..
عهد وهي منهاره:ما كنت أبيكُم تحسون بنقص
سعد صرخ بقهر وهو يضرب الطاوله بقوه:ياليتنا متنا جُوع ولا كلينا من فلوس الحرام ياليتنا
منصُور دخل ووقف بصدمه من شكل سعد اللي ولأول مره يشوفه معصب لهدرجه وعهد اللي منهاره تماماً
منصُور بقلق:شفيكُم
سعد لف له:تعال تعال شف أختك شسوت كانت تصرف ع البيت بفلوس حرام واحنا الريجيل جالسين هنا وضرب الطاوله بيده بقهر:اهخخ بس
منصُور:شفيك اشرح لي زين !
عهد إرتفع صوت شهقاتها و وقفت بخوف:وربي كنت مضطره من وين بناكل وبنشرب ونعيش واحنا م كان معنا ريال واحد !
سند لف لها وهو يعض شفايف لجل م ينفجر عليها ويمد يده لأنه دائماً يقول الضرب مُو حل ولا يأدب:حتى لو م احنا محدودين ع توزيع السم ذا !
منصُور فتح عُيونه ع الآخر بِصدمه: السم !!!!؟
عهد بكت وهي تحاول تكتم شهقاتها
منصُور صرخ:ردي علي !!!؟
عهد بإنهيار:ءاا..اي.وا
منصُور إقترب منها وهُو ناوي يضربها وقبل م يوصل لها وقفه سعد ورفع صوته الجُهوري:انا ما مديت يدي فلا تمد يدك عليها
منصُور تراجع بقهر:كيف ياخي كيف عهد اختي العاقله تسوي كِذا عقلي ما يصدق هالشيء صراحه وجلس ع الكنبه وعقله مُو راضي يستوعب هالشيء
يبي أحد يجي يصحيه حقيقه مُره وقاسيه جِداً
سعد لف ودمعته نزلت وبتذكر ضحك بسُخريه والقهر ياكل قلبه: و تقول أشتغل ببيت وحده واحنا المُعفلين مصدقين عهد مستوعبه شسويتي انتي بكيتي أم ع ولدها قهرتي أبو ع ولده خيبتي أمل زوجه بزوجها خذيتي أبو من عياله وخذيتي بنات من أهاليهُم مستوعبه إنتي كُل ذا
وصرخ:هالسُم الأبيض ليش سويتي كِذا ليش خيبتي ظننا فيك تدرين عاد لما سمعت كلامك مع نيهال ما صدقت قلت مُمكن يتكلمون عن بنت ثانيه عهد أختي ما تسوي كِذا لو ايش م تبني سعادتها ع تعاسة غيرها م تبيع الحرام وتكسب من وراه فلوس....
عهد بصوت بالغصب طلع:متخيل إني ما ندمت أو إني ما تضايقت متوقع إني أنام مرتاحه يعني الله يشهد علي إني ما أرتاح وحتى لو كنت أبتسم يمر علي طيف المُدمنين كُلنا ندمنا وجالسين نحاول نصلح غلطنا حتى كنت بقولكُم بس بعد ما يتم المشروع
سعد وهو مُو قادر يتكلم أكثر:عهد رُوحي غرفتك لا تخليني أشوفك هالفتره مابي أكرهك
عهد نزلت دُموعها أكثر وحطت يدها ع فمها لتكتم شهقاتها وركضت لغرفتها وهي تقفلها
منصُور كان يطالع فيهُم يحس كُل اللي حوله ما هُو اكثر من حِلم مُش معقوله أخته اللي يحبها تسوي كِذا ..

🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁

🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 59 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🍁🍃

عند عهد ارتمت ع السرير بإنهيار
دارت الأيام والألم اللي بقلوب الأهالي صار بقلبها هُو بقلبها من سنين لكن اليوم وبهالساعه تضاعف بِشكل مُوجع شكل يكتم أنفاسها وينزل دُموعها قامت وهي متوقعه ردة فعلهُم لكن مُو متقبله أخوانها اللي يسوون عندها الدُنيا كُلها يكرهونها ويصيرون م يكلمونها ضمت رجولها لصدرها ورفعت رأسها لفوق وهي تدعي بقلبها إن ربي يسامحها ويغفر لها ويساعدها قامت وهي تدخل الحمام”أكرم القارئ“ وتغسل وجهها وتتوضي وبعد دقايق طلعت وهي تحط سجادتها وتصلي ركعتين تدعي فيهُم من قلبها ركعتين ينفعونها دنيا وآخره سلمت وهي تفتح المُصحف ع سُورة البقره
ومر الوقت وهي تقرأ بخشُوع تام وتدُبر للآيات
استوقفتها آيه وكأنها تنبهها وتجبر خاطرها ﴿ إِلَّا الَّذِينَ تَابُوا وَأَصْلَحُوا وَبَيَّنُوا فَأُولَئِكَ أَتُوبُ عَلَيْهِمْ وَأَنَا التَّوَّابُ الرَّحِيمُ ﴾ [البقرة: 160]
نزلت دُموعها اللي سُرعان م مسحتها هي تابت الى الله توبه صادقه وتحاول تصحح غلطها
سكرت المُصحف وهي تبوسه وتنزله وتقوم لسريرها وانسدحت محاولةً للنوم.
.
.
عند غيث كان ناوي يرُوح بعد م يطلع من المطعم
لكن عبدالله قاله صباح اليوم الثاني يجي وبعدها عنده موعد مع تغريد
جلس ع السرير بعد م طلع من الحمام ”أكرم القارئ“
نُورا كانت منسدحه تنتظره وبتنام شافته جلس و واضح انه ما بينام:م بتنام!؟
غيث ابتسم:شوي وبنام نامي إنتي تصبحين ع خير
نُورا سكتت وهي عارفه إنه بيقرأ هالدفتر اللي تموت وتعرف شفيه وبزعل:تمام
ولفت ع الجهه الثانيه وهي تتغطى
غيث سكت وهُو ماله خلق يكلم أحد فتح الكومدينه وطلع المُذكرات
نُورا سمعت صوت الكومدينه اللي انفتحت وانقهرت زياده
غيث فتح المُذكرات وهو يفتح الصفحه اللي وقف
عندها وبدأ يقرأ:
شعرت بالخيبه لقد كُنت سعيده لكنُه بكلامه خيب أملي
كنت أجتهد وأتعلم لِكي أُصبح الفتاه والشاب في نفس الوقت كُنت أريد أن أسمعه يُنادي بإسمي بقناعةٍ تامه بِنبرةٍ غير النبرة التي عهِدتها دوماً بنبرة رِضا أهذا كثير؟
لكنني مُت رُوحياً ولم أسمع م تمنيته مع الأسف لم أستطِع إرضائه بطريقه وبعد تخليه عني فقدت الأمل في أن يكون لِي أباً حقيقاً يوماً لكن لو أتى ذلك اليوم،اليوم الذي تغيرت بِه حياتي وإنقلبت رأساً ع عقب وقال أنا أصدق كلامكِ لا كلامهُم لاستطعتُ حِينها مُسامحته لكن الآوان فات ومازلت أبحث عن سببٍ واحد يجعلني
أسامحُك ي أبي.
أخذ نفس عميق وكأنه بدأ يلتمس الأحداث وبدأ يعرف سبب مُعاملة أبو تغريد لتغريد بهالطريقه الجافه بل القاسيه بس أمها وأختها نفس الشيء لهدرجه كرهوها من كُره أبو تغريد !!!
تكلم بنفسه:ما تنلامين باللي تسوينه هُمومك تكبر الإنسان١٠٠ سنه والله لكن كان الله بعون قلبك
نزل المُذكره بالكومدينه وإنسدح وهُو يحط الغطاء ع وجهه هُروباً من التفكير بوليد وتغريد وردة فِعلها والأدله...
.
.
صباح يوم جديد عليهُم
عند فوز كانت لابسه مريولها وجالسه ع طاولة الأكل وماسكه كِتابها بيد ويد تشرب فيها كوفي
أم رائد بنرفزه منها:بس ي فوز ذبحك هالكوفي وتشربينه بدُون فطُور !!!
فوز بضحكه:شسوي يُمه عشان عقلي يتفتح
نيهال ضحكت:يُمه منك بيتفتح بكوفي اقول اشربي حليب شيء منه فايده
أبو رائد:وهُم صادقين
فوز ابتسمت:خلاص لعُيونكُم بُكرا إن شاء الله اشرب المُهم وقامت:انا بروح النقل بعد شوي يوصل سِيوو وعطتهُم بوسه بالهوا وهي تلبس عبايتها وتاخذ شنطتها وتطلع
رائد وهو جاي من الغرفه وتو صحى:صباح الخير
أبو رائد وأم رائد: صباح النُور
نيهال إبتسمت:صباح النُور
رائد إبتسم وهُو يجلس بالكرسي اللي بجنبها
أم رائد وهي تصب لهُم شاي حليب:يلا افطر ونيهال معه افطري ترا م افطرت تستناك
رائد طالع فيها وإبتسم وهو يمد يده وياخذ كوبه الحليب حقها وينزله عندها
نيهال بتذكر:ترا اليوم السونار علشان نتطمن ..
أم رائد:اي والله بحملي برائد من الشهر الرابع للسادس رافضه نعرف قلت مفاجأه وإنت كنت تبي تعرف
أبو رائد إبتسم بتذكر
نيهال وهي تطالع برائد بخُبث:أقول خالتي شرايك تقولي لنا عن طُفولته المُره
رائد قرصها من تحت الطاوله
نيهال طالعت فيه بضحكه:لا تقرص لا تقرص
ولفت لأم رائد:يلا خالتي
أم رائد ضحكت:يلا بقولك
أبو رائد طالع بوجه رائد وضحك .

🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁

🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 60 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🍁🍃

عند عهد اتصلت ع المُستشفى وطلبت إجازه ٣ أيام ترتاح فيهُم وم تتوقع اخوانها يسمحوا لها هالأيام
قامت وهي جوعانه ما كلت من بعد أمس الصباح طلعت من الغرفه وحمدت ربها م لقت اخوانها بالصاله م عندها قُدره ع مُواجهتهم
دخلت المطبخ وهي تفتح الثلاجه وتطلع لها جُبن وتاخذ التوست وجلست وهي تاكل قاطع اكلها دخُول منصُور اللي ما تكلم وشرب مويا
عهد بتوتر:صباح الخير
تجاهلها وهو ينزل الكأس ويطلع ويتركها
عهد بِضيقه:هففف ياخي ونزلت التوست وتحس انسدت نفسها وطلعت لغرفتها
.
.
عند غيث كان نايم ومُو حاس بالوقت
جت نُورا عنده وهي تصحيه:غيث
غيث ما كان حاس فيها
نُورا جت عُيونها ع الكومدينه وبعد تفكير فتحت الكومدينه وهي تاخذ المُذكره وتقرأ أول صفحه ووضح لها إنها مُذكرات بنت
غيث لف لجهة الكومدينه لكن حس بوجُود أحد حوله فتح عيونه بصعوبه وشافها ماسكه المُذكرات وفز بسرعه وهو يسحبها من يدها
وصرخ:مِين سمح لك تمدين يدك ع شيء مُو لك !!!
نُورا نزلت عُيونها بخوف والدُموع ملأت عُيونها:كنت بشوف الشيء اللي شاغل تفكيرك اللي ما يخليك تنام آخر شيء طلعت هالبنت اللي بكُل جلسه يدخل إسمها بيننا
غيث:تستهبلين إنتي هالبنت شدخلها أقرأ هالمُذكره عشان أعرف كيف أحل القضيه...
نُورا طالعت فيه بقهر ونزلت دمُوعها:هالبنت وقضيتها ماخذه كُل وقتك تفكيرك فيها وفي قضيتها حتى طلعاتنا المُكالمات اللي توصلك عنها سُوالفُكم إنت وخالتي عنها ياخي افهمني أنا أحبك وراضيه بكُل شيء بس ع الأقل عطني نص هالوقت اللي كُله لتغريد ولقضيتها
غيث سكت
أما هي طلعت برا الغرفه وتركته غيث تنهد وهو يتعوذ من إبليس وندم ع صراخه و عصبيته عليها ودخل للحمام ”أكرم القارئ“ وهو يغسل وجهه خرج بدل ملابسه بسرعه وطلع لكن شافها جالسه بالحديقه راح لها وهو يجلس بجنبها
نُورا من سمعت صوت خطواته مسحت دُموعها بسرعه
غيث:اعذريني أعصابي هالفتره مشدوده هالقضيه مُهمه لازم أكسبها هي اللي بتفتح لي المجال وإنتي عارفه عشان كِذا م سافرنا شهر العسل قلتلك بعد قضية تغريد لأن تفكيري متحور حول هالقضيه لازم ألاقي أدله باقي أيام عليها
نُورا طالعت فيه:بس مُو كِذا ياخي حتى الوقت اللي يكُون لِي هي وقضيتها يشاركوني فيه
غيث إبتسم وهُو يمسح دُموعها بإبهامه:أبشري إذا طلعت معك بقفل جوالي مالك إلا اللي يرضيك
نُورا إبتسمت وهي تمسك يده اللي ع خدها وتبوسها
غيث إبتسم:يلا ياحُبي بطلع أنا تأخرت
نُورا:تمام موفق ياقلبي وقامت وهي تودعه وتدخل البيت .
.
.
#يـــــتـــــــبــــــــــع...

🚫 يسعدنا مشاركة الرواية ولكن لا نسمح بحذف توقيع القناة 🚫

https://www.tg-me.com/joinchat-AAAAAD1p6TqBBTyITQumpA

🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁