tg-me.com/ifargantech/604
Last Update:
DALL-E2 BEEKTUU? ( DUBBISAA )
---------------—————————------------
Yeroo ammaa kana odeeffannoon waa'ee Artificial intelligence hammaan ol fagaachaa jira. Keessumaa AI language model kan dhaabbanni OpenAi GPT-3 irraa kaasee eegale faana dhahuudhaan dhaabbileen hedduun model isaanii ifa gochuutti jiran. Isaan keessaas Google bard, Microsoft bing, Quora poe fi kanneen lakkaa'amanii hin dhumnedha. Kan nama ajaa'ibu baay'een isaanii akkaataa itti model sun 'coded' ta'erratti garaagarummaa qaba malee data(corpus) isaan fayyadaman kanuma GPT-3 ti. GPT jechuunis Generative Pre-trained Transformer jechuudha.
Ammammoo torbee kana keessa suuraan dureessicha beekamaa fi abbaan kaampaanii spaceX, Twitter, Boring Company fi kkf, addunyaa kana irratti nama teeknooloojiitti fayyadamuun dorgomaa olaanaa ta'e Elon Musk haadha manaa Robot oomishate, ishee waliinis jiraata, Qaama ishees password isaa cufee bana jedhanii fi oduuwwan baay'een deddeemaa jiru.
Ani akka dhuunfaatti maddeewwan garaagaraarraa adda bafachuuf yaaleera. Elon Musk waanta raawwatu hunda dursee Twitter isaarratti barreessa. Dhimma Robot wife kanaan wal qabatee garuu waan barreesse tokkoyyuu hin qabu. Maddeen danuus akka soba ta'e dhaamu.
-----------------------------------------
Animmoo adda baafadheera.
-----------------------------------------
DALL-E2 beektuu jedhee kanin eegales waa malee miti. Amma ammaatti odeeffannoon isin qabdan AI model kan language qofa yookaan immoo odeeffannoo barreeffamaa qofa kan generate taasisu qofa jettanii yaaduu dandeessu. Haa ta'u malee moodeloonni danuun kan suuraa fi video generate taasisanis danuudha.
Isaan keessaa kan dhaabbanni OpenAi chatGPT faana waltarree dhiyeesse DALL-E kan jedhamu AI image, suuraa haaraa generate gochuudhaan beekama, Model kun akkamiin hojjeta yoo jenne, jalqaba fayyadamtoota irraa prompt barreeffamaan fudhata. Ibsa guutuu erga qindeeffatee booda isarratti hundaa'ee suuraa abbaan sun barbaade kalaqaaf.
Kanaafimmoo moodelichi suuraawwan danuu barreeffamoota suuraa sana ibsan waliin bifa qindoomaan kan leenjifame, suuraa fi ibsa danuu of keessaa qaba. Yeroo fayyadamaan prompt haaraa dhiyeessu beekumsa isaarratti hundaa'ee suuraa namni sun barbaadu kalqaaf. Link kana (https://labs.openai.com/) tuquun seentanii ilaaluu dandeessu. Akka chatGPT garuu tolaan osuu hin taane $15 irraa kaasee kaffalchiisuun hojjeta.
Suuraan Elon Musk kan model akkasiin hojjetu ta'uusaa haala salphaan adda baafachuu dandeessu. Kanaafimmoo link ani siniif kaa'e sana jala seentanii suuraawwan DALL-E kanaan hojjetaman ilaaluu dandeessu. Dabalataanis google irratti "AI generated images" jettanii ilaaluu dandeessu.
Model kana malees kanneen akka StyleGan, Pix2Pix, CycleGAN, Progressive Growing of Gans illee suuraalee isin feetan siniif maddisiisuu danda'u.
Maal suuraa fi barreeffama qofaree? Model danuun isaaniimmoo kan video isniif dalaganis ni jiru. Jalqaba Robot barbaaddan filattu. Dhiira, durbaa fi color isaa. Achiin booda barreeffama keessan laattuuf. Robot sun facial expression barbaachisu mara fayyadamuun video keessan siniif dalaga. AKka fakkeenyaatti (https://www.midjourney.com/home/) fudhachuun ni danda'ama. Website kanas seenaa ilaalaa. Kana qofaa miti. DeepFake, SimGAN, Video GPT, TecnoGAN, DeepArt fi kkf ilaaluu dandeessu.
--------------------
Akka walii galaatti maal jechuu barbaadeenii? Yeroo ammaa kana suuraawwan, barreeffamaawwan, sagaleewwanii fi viidiyoowwan moodeloota AI n hojjetaman parsantii olaanaadhaan dhugaa fakkaatanii waan mul'ataniif namoonni keenya akka salphaatti amanuu fi ittiin gowwoomfamuu irraa akka ofeegan dhaamuun barbaada.
Erga amma kana dubbiftanii dhumarratti oolmaa tokko akka naaf ooltanin barbaada. YouTube channel baneen dhimmoota Technology akkasii irratti dhiyeessuu barbaada. Irratti hojjechaan jiras. Kanaaf Link ( https://www.youtube.com/channel/UC3vM4MszcNFerxlVKH3__NA ) kana tuquun seentanii Subscribe naaf gootanii akka baatan kabajaanin isin gaafadha. Dhiimma Technologyn kan walqabatus gaaffii barbaaddan yoo na gaafattan siniif deebisuu nan danda'a.
BY IFARGAN TECH ♻️
Share with your friend now:
tg-me.com/ifargantech/604