هذا الإعلان خاص فقط بطلاب طب الأسنان.

🥇لأكثر من عام و احنا بنقدم في imentor خدماتنا التعليمية المميزة لطلابنا في الإمارات و السعودية، بتدريس مناهج طب الأسنان من خلال أساتذة جامعات متخصصين في الشرح بأسلوب إبداعي، مع متابعة فريق عمل imentor مع الطلاب على مدار السنة الدراسية للمساعدة في ترتيب خطط الحصص الخاصة مع الـ mentor الخاص به.

💯ليس فقط هذا و لكن نساعده في ترتيب خطط مذاكرته مع مساعدته في إنهاء الـtasks المطلوبة من الكلية. لنقدم له مسار تعليمي رائع و متّزن على مدار العام الدراسي حتى اجتيازه للامتحانات بتفوق.

✅و مع بداية موسم الدراسة يمكنك أن تحصل على كل هذه المميزات و أكثر من خلال الحجز الآن في الـ Dental course الخاص بك، وفقاً للمواد الدراسية اللي انت حاببها.

✉️أرسل لفريق العمل على واتس اب: https://wa.me/message/VC7Z2NRNQZMGJ1

و استفِد من العرض، و ابدأ الآن في الانطلاق في رحلتك الدراسية باستمتاع و روقان.

#imentor 👍
#LearnFromTheBest
#be_the_best

⏱الTimer أحد أسراري في تبديل تركيزي بين أعمالي المختلفة و التركيز و زيادة معدّل الإنجاز و استغلال الوقت! تعالوا هكشف لكم السر؟

من أكثر الأشياء التي ترهق ذهني و اللي أعاني منها هي كثرة أعمالي و تنوّعها بشكل كبير، فبيكون عندي مهام كتير و مختلفة تماماً عن بعضها، فبالتالي دايماً تفكيري طول حياتي إن إزاي أركز، أستغل الوقت، أضاعف معدّل إنجازي، و هنا هكشف لكم أول سر و هو الTimer.

١- مخك مش هيقدر يركز على أكتر من عمل في وقت واحد، و مش هيقدر يركز بجودة عالية ما دام هو مشغول بعمل آخر ينتظره مش عارف يرتب له وقت أو مساحة لإنجازه. فبالتالي هتلاقيه بيفصل منك كل شوية بشكل لاارادي و يروح يفكر ف المهمة الأخرى.

٢- مخك بيفصل كل ٤٠ دقيقة بشكل تلقائي و ده أنا شرحته قبل كده كتير للمتابعين من زمان، فبالتالي لو معرفتش تنتبه ل ده هتلاقي وقت كبير بيضيع في اليوم بدون إنجاز حقيقي.

٣- الفكرة مش ف المجهود و لكن في الجودة. يعني أنا ميهمنيش أقعد ١٠ ساعات أشتغل أو أذاكر، يهمني الQuality، هنجز أد ايه؟ و هقدر أركز وقت أد ايه تركيز صافي حقيقي؟

الثلاث نقاط اللي شرحتهملك هيوصلوك لسر الtimer. و هو إني عشان أحمي ذهني من التشتت و الهروب بقوم رابطه بالtimer. بظبط الtimer على ساعة مثلاً و بقعد على الtask سواء شغل أو مذاكرة أو تمرين أو قراءة… و بقول مش هقوم من على الحاجة دي إلا أما الtimer يرن.

و عشان هدفي الجودة و التركيز الصافي، فلما بظبط الtimer فتأكّد مليون ف الميه إنّ الوقت ده تركيز صافي تماماً، لأن ذهني مش هيتحوّل و لا تركيزي هيتغير على حاجة تانية خلاص أنا هنا على المهمة دي فقط.

يعني لا هرد على تلفون، و لا هقوم أتكلم مع حد، و لا هاكل، أنا مركز تركيز صافي و وقت حقيقي بنجز فيه إنجاز حقيقي مش إنجاز وهمي.

اشتقتوا للمحتوى ده صح؟ و أنا كمان الحقيقة. لو مبسوطين قولولي و هكمل لكم في الرسالة التالية بقية أسراري في استخدام الtimer.

#صلاح_قطب

👀في أوقات عصيبة بمرّ بيها لما يكون عندي deadline لحاجة مهمة أوي. لامتحان مثلاً، أو لإنجاز عمل معيّن زي كتاب جديد، أو حتى task مهم في البيزنس، و الدنيا مكركبة فوق دماغي و فعلاً مفيش وقت! بعمل ايه؟

🔜الtimer و هو إني بحدد لكل مهمّة عدد معين من الساعات للعمل عليها. و زي ما قلت لكم يهمني الجودة و الكفاءة فبحدد الوقت الصافي المطلوب للتركيز على المهمة. بظبط التايمر و ببدأ… تعالى أقولك تقسّمها إزاي صح؟

لما كان عندي امتحان في الجراحة مثلاً و مفيش وقت و الدنيا مكركبة، تخيل كنت بحدد كام ساعة للمذاكرة؟ ١٠ ساعات؟ و لا ٨ و لا ٧؟ و لا ده و لا ده! كان أخري ٥ ساعات بس و لو أنجزتهم فأنا بطل!
🆒
تخيّل! ليه؟ انت متخيل يعني ايه تركيز صافي مخك ميفصلش دقيقتين فيهم لمدة ٥ ساعات؟ ده مجهود ذهني مش قليل.

و زي ما قلت لك الجودة و الكفاءة، فكنت بركز أنجز أكبر كم بجودة في أقل وقت. فمعدل الإنجاز عالي بالنسبة للوقت المستخدم.

🔍و عشان تاخد كفاءة عالية من مخك لازم استراحة كل ساعة ع الأقل لمدة ١٠ دقايق. و كل ساعتين تلاته هتلاقي نفسك تعبت شوية محتاج بريك ساعة عشان تدخل ع اللي بعده بتركيز.

فلو جيت حسبت ال٥ ساعات تركيز صافي ممكن ياخدوا معاك اليوم كله. ليه؟ لأن ممكن حاجات كتير تعترض يومك حتى و انت ف البيت. فبالتالي ٥ ساعات حقيقيين معدل حلو جداً.

📎التايمر بظبطه على ساعة و نص لما أحس نفسي متحمس و نشيط و بنطلق. لقيتني لسه في طاقتي زود كمان ٣٠ دقيقة قفلهم ساعتين. خلصت خد بريك نص ساعة براحتك. أرجع تاني أظبط التايمر على ساعة و نص. اخد بريك ربع ساعة حقي أنا عمال أجري و مركز أوي.

📎اخر شوية دول بيبقوا تقال أوي. اظبط التايمر على نص ساعة، اخلصهم. كمان نص ساعة. ليه؟

عشان بضع لمخي تارجت قريب عشان يتحمس و يركز انه يخلصه و اعطيه الشعور بالإنجاز كل شوية فيتشجع أكتر لحد ما اخلص.

💯هاااايل. أنجزت النهارده التارجت المطلوب. بكره نظبط الآداء أكتر.

⭐️ايه رأيك ف التايمر؟ ايه رأيك ف فكرتي؟ نكمّل الرسالة القادمة و أقولك مثال حقيقي بعمل ايه بالظبط ف الوقت اللي بركز فيه ده؟ سواء شغل أو تفكير أو مذاكرة أو تمرين أوكتابة؟ اختر مهمة من دول أحكي لك عنها.

#صلاح_قطب