#بارت١٨


وددت لو كان باستطاعتي أن أخبّئك بين أضلعي
و أن لا أجرّب مَرارة المسافة بيننا أبداً"


علي الآكبر : لكككككككك انور شمه دمك مهددوووووور .

دُر : رياااااان لك رياااااان .
لزم علي الآكبر ريان من قميصه ويصيح بصوت رعد كلبي بي رعد
_ لك ريااااااان روح من وجهي لااااااا تخليني اضررررربك
انطيني هذا العاااااار انطيني انوووووووووور .

ريان : نتفاهم نگعد ونتفاهم الخاطري اذا عندي خاطر يمك .
علي الآكبر: راح اضررررررربك لك ريان .
ريان : انور اصعد اصعد بسرررررعة .

هو گال هيچ وعلي الآكبر دفعه مصدوم أعصابه
متشنجه وتحركاته متصلبة، انور ظل بمكانه
علي الآكبر: تحمي واحد مثل انور ريان ؟
ريان : لا تتسرع افهمك كلشي والله .
علي الآكبر: وسفه ريان وسفه عليك تحمي واحد خطف اختي .

ضربة بوكس ودفعه على اخر لحظة ريان لزم بالمحجر
عاف ريان وركض صعد على انور ضرب راسه براس انور بكل قوته
انور : اكدر اضربك بس لازم روحي لا تجبرررررني .
ريان : علي الآكبر لا تجبرني اجبرك تسمع كلامي .
دُر : الله يخليك علي الآكبر انزل بس انزل .

سحب علي الاكبر انور من شعره وشمره
على حايط عصر رگبته بيده وهو يصيح
_ عااااااار لك انتَ مووووو زلمة انت عاااااااار
تبيع بطولات على اختي لك هاي ايدك هاااي ضربت بيها اختي .

دفعه انور وهو يصيح من أيده عوجها عوج بيده
_ اكسرررررهااااا وابو راس الحار اكسرررررر ايدك .
نام على انور يضرب بي بوكسات بكل قوته لطمت
على وجهي وصراخي اني وحرة هز البيت ولا عبالك
يضرب بكل قوته ريان بس يريد يرفعه مايكدر

ريان :علي الآكبر راح تجبرني اضررربك لك اسمعني بس اسمعني خرب
رووووووووح عمامك انوووووور انعل شيب الخلفووووك انور .
علي الآكبر: اهدر دمك اليووووم منووو يخلصك مني .

انور من وجع ايده هجم على علي الآكبر وضربه بوكس ودفعه
وريان كتف ايد علي الآكبر وانور يساعد بي نزلوا
جوة دخلوا بغرفة ريان وهو يسب بيهم ويهدد
ريان : نحجي وشنو تريد تسوي جاهزين والله .
علي الآكبر: انت وياه صرت مووووو سهلة ريان تدلل .
انور : ارجف بعد ارجف .

علي : خرب اهلك ولك وتحجي عينك صلفة ابن يووووووسف .
ريگي نشف وراسي يفتر بلا اكل اجيت ومناعتي صايرة ضعيفة
ومشكل عندي فقر الدم لزمت بالمحجر وكعدت على درّج اباوع
عليهم ودموعي تجري حرت ادافع لعلي الآكبر لو الإخواني
صرت بوسط النار وبس اشوفهم ما اكدر اتحرك جسمي يرعش
اجت حرة حضنتني وهي ترفع بوجهي : شبيچ دُر .
_ ماي اريد ماي .

ركضت للمطبخ ورجعت بيدها كاسة جبيرة
_ اشربي بسرعة شبيچ لچ عيني .
اخذتها شربت شوية ورجعت ظهري على درج
من بين الهوسة صدت عيون علي الآكبر وشافني
اختلف كل كلامة وصرت اسمع يصيح بيهم
علي الآكبر : طرررريق اشوف شبيها افتح طريق .

ريان وانور ما فاهمين قصده مايقبلون يطلع وهو تخبل
_ اريد اطلع طريق راح اسطرررررك
مد ايده وريان لازمه بكل قوته صاح بـ اسمي وهو يمهم
علي الآكبر: دُررررر بوية دُر شبيچ ؟

التفتوا اثنينهم شافوني هو دفعهم وطلع من الغرفة
كعد مقابيلي لزم وجهي يتفحص شكلي واخذ ايدي
_ ايدچ ترجف باردة شنو بيچ حاجيني بوية فهميني ؟
_ خايفة .
_ لاااا لااااا لتخافين ماكو شي بعد والله ماكو شي .

ريان : ناخذها مستشفى؟
دار وجهه ورفع اصبعه على شفايفه
_ اشششششش لا تسمعني صوووووتك .

ركزت بعيونه ودموعي تنزل مكسور خاطري
_ لا تبجين .
_ لا تصيح .
_ يستاهلون افلشهممممم .
_ لا تصيح حباب لا تصيح .
_ صار بس لا ترجفين .

_ لا تتضاربون .
_ وحقي .
_ حقك والله حقك بس .
_ مايستاهل تخافين عليه هذا نذل .
_ اخوية .
_ لا تصيرين حنينة دُر تتعبين .

اجه ريان بيده بطل ماي فتح القبق
_ اشربي .
سحبه علي الآكبر من ايده وصاح بي
_ روحوا مناااا لا تخلوها تشوووفكم .

رفعني من الدرج لان بارد ثلج دخّلني للإستقبال
حرة طلعت بقيت بس اني وياه ظل يفتر ويرجع
_ يتخربط حالج على واحد عفطي .
_ لا خفت عليكم .
_ خفتي عليهم .
_ وعليك .
_ عليهممممم .
_ والله خفت عليك والله .

جر نفس طويل ويضرب ايد بيد بس يريد يطلع
خليت راسي على تخم ومديت ايدي
_ علي الآكبر .
_ دُر لا تعذبيني .

بقيت رافعه ايدي استسلم وتقرب لزمها وگعد بصفي
رفّع اديناته يدلك براسي وهو يحجي
_ اذا اشوفچ ترجفين بعد على واحد بيهمّ اضربچ .
_ تضربني ؟
_ اي .

نزلت راسي خليته على صدره وهمست
_ عينك تخوف من تصير عصبي .
_ انتِ عيني دُر .

ابتعد مستعجل من سمع صوت برا
_ لا تطلع اذا ماتحلف تلزم اعصابك وتتفاهمون .
_ اتفاهم انا وهل شمه هل نكره؟
_ انور يستاهل كلشي يصير وياه ما انسى عذابي بين ايده
بس متأكده ريان مستحيل يحمي انور هيج اكيد اكو شي صاير .
_ مايهمني كلهم بعد مايهموني حتى ريان شلت ايدي منه .

عافني وطلع فاتت حرة تريد تشوفني توسلت بيها
_ عليچ الله ساعديني اخذيني يمهم .
_ دخل زوجج للغرفة وقفل الباب والله .
_ قفل الباب ؟
_ اي وريان وأنور موجودين بيها .

مشيت وايدي على كلبي أسمع صوتهم شلون يتصايحون
لو كل حيلي خلص بقيت افتر وافرك بيدي مرعوبة مو بس خايفة
دقايق وتخبلت من سمعت صوت صراخهم اصواتهم خشنة
تخليني اخسر عافيتي من اسمعها اتمرض ضربت الباب بكل قوتي
_ الله يخليكم لا تتعاركون ابووووس ايدك بس كافي كافي .

انور : لك ريان الزم هل محبل راح اضررب والله راح اضرب .
علي الآكبر: تعرف الله وتحلف بي يعااااار ولك اذا ما اخلي
راسك شهررررر كامل يوجعك مثل ما سويت بيهااااااا
اعتبررررني ** خوووش .
بس كمل علت اصواتهم من خوفي صرت الطم طلعت للكراج
روحي تلوب رجعت فتت اصيح عليهم ابتعدت من سمعت
صوت المفتاح طلع علي الآكبر ايده كلها دم وريان يصيح
درت على صوت طبه قوية صارت التفتت وشفت حرة بالگاع
لا من ايدها ولا من رجلها فاقدة الوعي ركضت رفعت راسها
صايرة ثلج علي الآكبر يريد يشوف شبيها ما يكدر يقترب
_ حرة لچ حرة تسمعيني ريااااااان فدوة ريان .

طلع يريد يعرف ليش اصرخ دفع الباب واول ما شاف حرة
فتح عيونه وصاح وهو متعجب : شبيهااااا حرة شبيها .

شالها ودخلها الأستقبال نومها بمكانها واستدار
_ دُر شبيها .
_ ما ادري يمكن من الخوف شوفها عفية .

لمحت علي الآكبر بالكراج يغسل ايده من الدم
عفتهم ورحت للغرفة شفت انور كاعد على سرير
ولازم راسه يجري دم وبيده كلينكس يمسح وجهه من الدم
من رفع راسه وصارت عيونه بعيوني بهتت تراجعت
واني اتذكر كل ضرباته ولسانه ويايه إهانته اليه بكل وقت
_ دُر .
_ تستاهل الصار بيك وبعد اكثر تدري ؟
غمض عيونه ودار وجهه مني ورفع أيده يأشر على باب
_ اطلعي دُر روحي لا تزيديها عليَّ دخيل ربچ .

دخلت وكفت مقابيله دموعي تجري
دُر : رحت خطفت البنية وخليتني على طرف جبل
اذا اتقدم اوگع واموت واذا ارجع الناس وضميري يموتوني
شسويت بيه انت شوكت اخلص من مصايبك لك شوكت .

ظل ساكت مانطق بحرف كعدت مقابيله على ارض
وهو على سرير مسحت دموعي بس تتسابق
دُر : بسببك وبسبب تعذيب عمامك سويت عملية
شنو هل عملية ونجحت لو لا ما ادرررري
ويمكن بعد حتى ام ما أكدر اصير واذا صدك وماصرت
ام يا انور عمري كله اخلصه ادعي عليك اي والله
ادعي على اخوية الجبير لان دمرتني هدمتني خلصت طاقتي .

وكفت اريد اطلع لزمت الباب وكملت اخر شي عندي
_ خليتني اخجل من العالم لأن انتَ اخوية
نزلت راسي انور انت نزلت راسي بأفعالك .

رجعت للإستقبال شفت حرة توها تفتح بعيونها
وبلا وعي ايدها متمسكة بقميص ريان وتهلوس
_ مات مصطفى دم مصطفى بملابسي مات بيدي
ابوية موت مصطفى بيدي اخذوا گلبي مات گلبي .

سكن وتصلب ريان مقابيلها وهو يستمع لكل كلمة
تنطق بيها ، طگ رگبته والتفتت شافني اشر على ايدها
_ تعالي شيلي ايدها مني .
_ شبيها .
_ هدموا گلبها مثل ما هدموا گلبي .

تقربت منهم لزمت ايدها وخليتها بيدي
بنفس الدقيقة طلع ريان وبعيونه حزن الكون ملتم
فتحت البردة شفت ريان طلع وعلي الآكبر يلف بيده
اريد اسمعهم شنو يحجون بس اشوف علي الآكبر
من العصبية يرجف رجف مصاير وريان منزل راسه
مشيت اريد اطلع شفت انور على مغسلة يغسل وجهه من الدم
دخلت للغرفة طلعت منشفة من الميز وطلعت
_ هاك اخذها .
سحبها بكل هدوء اريد اروح ويحب ايدي
_ دُر لا تدعين عليَّ ادعيلي .

_ انت غلطت بحقي هواي غلطت
بعد بعمري ما اعترف بيك وهذا طبع بيه مو بيدي .

اريد اروح ولزم ايدي يحاول يحجي بس مايكدر
دُر : اخاف عليك وخوفي بالفطرة ولو بيدي اشيل هل صفة مني
وانقهر من اشوفك بهذا حالك ، بس ارجع واتذكر ضربك
ومن تقصدت تدعمني بسيارتك وكسرتني ، ومن تسمع كلام يسار
وتأذي اختك حتى ترضي هل حيووووان يسار كلهن بگلبي
يعذبني والله انور ذكريتك تعذبني خليت كسرة بكلبي شكبرها .

عافني وصعد على درج صحت بصوت مسموع
_ على الأقل اعتذر مني لو بين انت متندم .
_ اعتذاري مايفيد .

كمل طريقه وهو يتجنب يشوفني دخل ريان شافني امسح بوجهي
_ علي الآكبر يريدچ دُر .
_ نروح ؟
_ اي .
_ شصار .
_ انور لازم يرد اعتبارهم علي الآكبر واخوانه
ما يمررون الصار بـ اختهم هيج بالساهل .
_ هذا حقهم وانور وعمامك يستاهلون .

ريان : احجي وياه فتح راس انور ويمكن هو من الضرب ايده
متأذية فرني وفر انور فر لا يتفاهم ولا يقتنع بشي
هسة اريد احجي وياه ضربني بوكس شل نص وجهي .

دُر : على صار اليوم حتى اخاف احجي كلمة اروح
من الخوف الف راسي وانام ، وهذا انور يستاهل .

قبل لا اطلع تذكرت ورجعت
_ شلون أروّح وحرة وحدها .
_ مابيها شي بس هبطت هسة اطلب اكل اخلي يمها
وعلاج وكلشي تحتاجه حتى تظلّ بالغرفة .

رحت يمها حضنتها خجلانة شلون اعوفها وهيَّ بهذا حالها
كعدت يمها فهمتها لازم اروح وهيَّ شوية تركز بيه
وبعدين ترفع عيونها مدمعة تركز بريان وتشكيله
وهو يحجي حتى يطمنها بس مايريد يحسسها
ريان : روحي انتِ دُر اني موجود واي شي يصير اخابرچ .

دُر : ها حرة ؟
حرة : ميخالف روحي بس باجر تعالي .

بوستها وطلعت منتظرني بالسيارة ملامحة
كلها غيض منفعل من العصبية مايتحكم برجفة جسمه
مشغل جگارة يجر النفس ويطول بي ، صعدت بصفه
هو حتى ما يلتفت حرك بسرعة الهوا يذب الدخان بوجهي
رفعت ملابسي خليتها على خشمي اخاف أحجي ويسطرني راشدي
بدون مايشوفني ما ادري شلون لمحني شمرها ومد روحه سحب
معطر من جهتي ورش السيارة الطريق كله مافتح موضوع
رجعنا شفت الساعة بالمطبخ بـ 10 بليل كلهم ماكلين وكاعدين
يشوفون مسلسل دخل هو قبلي
_ السلام عليكم .
كلها ردت السلام سلمت اني وعمتي صاحت
_ يمه متعشي .
كف ردن التشيرت وطلع تلفونه وجاوبها بكل برود
حتى مايفشلني وينقل صورة حلوة على اهلي
_ مجهّزين ألأكل من برا اشكال بس ما اشتهيت .

ام حسن : عشاكم بالمطبخ دُر يمه حميّ ألأكل
حتى تاكلون انتِ وعلاوي .

هزيت راسي ورحت للمطبخ حميت الأكل اجت شهد
يمي تعلمني بس ما تلزم شي تريدني بس اتعلم شلون
احمي الأكل واجهز الزلاطة وارتب الصينية ، كملت
ودّيت الأكل كاعد على تخم ثنه رجله وافتر حتى اكعد مقابيله
نزلت الصينية وبدون ما اشوف وجهه همست
_ بالعافية اروح ابدل .

بدون ما انتظر لو اسمع كلمة وهو اصلا مايحجي
لان كله اهله موجودين بس لمحته يتبعني بنظراته
صعدت بغرفتي بدلت على سريع وفتحت التلفزيون
شغلت مسلسل وطفيت كل اضاءة الغرفة وشغلت الهيتر
وتمددت بفراشي صارت الغرفة دافية عطرها هادئ
ركزت بالمسلسل ثلث ساعة والباب اندك
_ ادخل .
مدت شهد راسها وهي تضحك وجهه صاير احمر دم
_ تستقبلين ضيوف .
_ تعالي ولچ .
_ جود ويايه يريد يفوت .
أنتبهت على ملابسي مستوره عدلت كعدتي وصحت
_ هيلب جود .

دفع الباب وهو يصيح
_ شواربچ هيلب ، اگلج مو وصيتچ اريد مثقفة .

دُر : شسوي بالزواج يحضي .
جود : انغل من المتزوجين ماكو مرتاحين حياتهم
بوووووس وحضن ومو تسألهم على زواج لا تتزوج
ولكم فلوس وماتريدون الناس تاخذ مثلكم .

بيده صينية نزلها مقابيلي مسوي اندومي وحلويات
ولفات صاج حارات مبين هسة مجهزينها
_ اكلي من خيري اخلص عمري اعلف عليكم .

شهد : راح يظل اسبوع يعير بيچ اكلي .
كعدت اكل وياهم ونسولف ونضحك جانت
هل اجواء حلم وصارت حقيقة تبدلت وحدتي
بناس اذا اخليهم على جرح يطيب دفع الباب
سيف الدين وهز ايده وهو يمشي صعد يمنا كعد
_ تاكلون بدون شميت ريحة أتبعتها واجيت .
جود : جلب طالع على اخوك .
سيف الدين : ياهو منهم .
جود : علي الآكبر .
دُر : عزا علي الآكبر .
جود : اي علي الآكبر .
دُر : هسة يسمعك .
جود : أي شيسوي .
دُر : الله اعلم بس هو هسة عصبي .
جود : هو كتلني وصعدني .

رفع القميص طلع ظهره صاير عبارة عن طبع ايد احمر
دُر : تستاهل السانك طويل .
جود : الفاهية السانچ طويل .
باوعت على شهد صافنة وتاكل ولا عبالك ويانا
دُر : شهد الو .
انتبهت واخذت اندومي اكلت وحاولت تتهرب من نظرات اخوانها
جود : شبيچ .
شهد : مابيه شي .
ركز جود وياها وتغيرت كل ملامحه لدقايق سحبها وحضنها
جود : باجر نروح نشوف آلمدرسة الجديدة وترجعين .
شهد : والله .
جود : وداعتچ .
شهد : ابوية وأخواني مايقبلون .
جود : اني وعلي الآكبر قابلين عرفيهم احنا نقنعهم .
شهد: من اروح فدوة الكم تعال والله ادور إلك مثقفة .
جود : بالله شهد احجي مثقف .

دُر : جود عندك الثقافة من الكلام .
جود : أريد مثقفة فاهية مثل زوجة اخي .

شهد : اخوك محظوظ انت حظك معروف .
جود : يا محظوظ هم هيج حظ ماريد انشگ نصين اخوچ .

نحجي وسيف الدين وگع على اكل خلص نصه لطم جود وسحبه
_ ولك عوفها تاكل هسة تلگي على درج سيطرة .

اكلت من شبعت اخذت شهد الصينية وجود لملم أغراضه
شهد : اكلتي .
دُر : اي .
سيف الدين : شبعتي .
دُر : اي والله .
جود : ضحكتي .
دُر : ههههه اي .
جود : يلة يا جماعة خلص شغلنا نروح نستلم المصاري .

ما فهمت كلامهم من طلعوا آخذت فرشة اسناني والمعجون
رحت للحمام واسمع صوت جود وشفت شهد راحت للمطبخ
وسيف ألدّين يأشر بـ اصابعه بحركة الفلوس
وعلي الآكبر مستند على محجر يسأل بيهم ويطلع المحفظه
_ اكلت .
جود : خلصت الصينية كلها غسلت المواعين المثقفة.

علي الآكبر: ضحكتها ؟
جود : والعباس ضحكتها وسولفت وياها هوووواي تونست .

علي الآكبر: هاك خمسة الك والشهد والسيف وممنوع يطلع صوت
صاعد انام بس تتنفسون انزل اخبزكم خبز العباس وحگ العباس .

كملت اسناني ركض ودخلت للغرفة بطني احس بيها فراشات
وكلبي يدگ بصورة جنونية شلون اخفي ضحكتي شلووون
دخلت بفراشي ارجف من البرد ويمكن من الفرح دقايق وفات
اخذ ملابس بدون مايطلع صوت وطلع للحمام بقيت انتظر
من سمعت خطواته رجعت امثل النوم دخل شرّ المنشفة على تخم
وبعثر شعره بيده بـ إهمال ونام على سرير احس بي ما مرتاح
يتگلب بالفراش يجر نفس ويذب حسرة درت وجهي حتى بدون
ما يحس اشوف شبي ، مخلي ايده على راسه ويرجع ينزلها
يصفن بالسگف وكل شوية يدلك براسه مبين يوجعه التفت
غمضت عيوني بسرعة ويتمعن بالنظر بكل ملامحي سمعت
بلع ريگه حسيت يقترب اكثر واكثر مني صار قريب
تلمس خدي وقرب نفسه طبع بوسة على طرف شفتي وابتعد .

تحركت ودرت نفسي من شفت جرح صاير بيده من عركته اليوم
سمعت صوته يدندن بصوت خافت
_ انعل ابو الزعل اللي يمنعني منها .
اقترب مد ايده جوة راسي اخذني بحضنه بقيت مغمضه عيوني
نزل راسه بركبتي جر نفس عبالك غرگان وطبع بوسات متواصلة
_ دُرر روحه لعلي الآكبر .

التفتت رفعت راسي صارت عيوني بعيونه لاعب خصلات شعري
وصوت حنون سألني وبنفس نبرة الحنية بصوته جاوبته
_ شلون صرتي بوية .
_ زينة .
_ خفتي اليوم ؟
_ هواي خفت والله .
_ لا تخافين مني دُر .
_ اني بس يمك آحس بالآمان .
_ بعد ما اتعارك وانتِ موجودة لو على موتي .

لزمت أيده مسحت على جرح وحجيت بفضول
_ توجعك ؟
_ جانت توجعني .
_ عالجتها ؟
_ سكنت كل جروحي من شفتچ نايمة بغرفتي .

ترددت اسأل بس ماكدرت اسكت
_ شنو راح تسوي بـ انور ؟
_ موته حلال بس ماردت اصير كتال اخوچ .

دُر : ريان زعلت منه مو ؟
رجع شعري وباس خدي
_ انتِ شنو تريدين .
_ ريان حباب والله افتهم منه كلشي .

سكت لدقايق ورجع باس خدي وهو يسألني بهدوء مايريد اخاف
_ من رحتي الهم دُر سطل الماي وثلج بالغرفة شنو شغله
_ ياسين الله لا يوفقه يضربني بوكسات من افقد يسبحني
بي ويعوف الشبابيك مفتوحه ثلجني من البرد ومرضني .

خليت راسي على صدره ونمت دقايق وحسيت بي نزلني من ايده وطلع
انتظرت لبس تعبت ونمت الثاني يوم نزلت البيت صاير هوسة
شهد وبتول عمتي على راسهن يشيلون بالزوالي وميثاق وريمان
مطلعات الكاونتر يجلفن بي برا باوعت على ساعة ب 12 الظهر
والحجية تخوزر بيه من جوة تصيح
_ نزلت المسعدة .
ام حسن : بعدها عروس حجية بعدين تتعود .

نزلت وكفت يمهن عمتي اشرت على فرشات
_ دُر ساعدي شهد صعدوا هاي الزولية اغسليها .
رحت الشهد شلتها وياها همزين مو ثگيلة صعدناها فوك
وعمتي صاحت عليها نزلت وعافتني صفنت بالفرشة
شلون اغسلها وبشنو بعمري ماغسلت ولا شايفة ناس تغسل
شكلت الصوندة حاولت أفرشها لجمتني عمليتي رشيت ماي
سمعت صوت صار جوة مديت راسي من السطح شفت
ريان نزل من السيارة وأنور ينتظر بيها طلع جود يضرب
على جام السياره علي الآكبر سحبه وما اسمع شنو يحجي وياه
نزلت ركض للغرفة سحبت الشال وكملت الدرج عمتي متعجبة
_ وين وين لچ دُر .
_ اخواني برا .
_ اثنينهم ؟
_ ريان وانور .

شهد : خليني اطلع اكتل المدگدگ بالنعال .

عفتها وطلعت فتحت الباب ماكو احد بس صوت وين هذا الصوت
وجعت فتت فتحت الباب بين البيت والمطعم واشوف
جود وعلي الآكبر نايمين على انور بنص المطعم يكتلون بي
وسيف الدين وسراج الدين لازمين ريان مايقبلون يتحرك
انور : خرب عشيرتكم اجيت اعتذر ولكم بس احجي .
علي الآكبر: البارحة مو نبهتك ماريد اشوف وجهككككككك .
جود : اليوم والدي والديك احرگهمممممممممممم .

شفت انور وگف بس يريد يفتهم صار ازرگ بيدهم
وجهه اطبر اطبر بلا وعي فتت للمطعم صرت مقابيلهم
حضنت انور وصرخت : علي الآكبر الله يخليك كافي راح يموت .

لزم علي الآكبر اخوانه بس جود فاقد يريد ياكل انور اكل
دفعه حيل على ميز وصاح بعلو صوته
_ كافي موووووو احجي وياك .

شفت شهد طلعت من وره الباب وبيدها نعال نزلت راسي
رفعت ايدها وضربته على انور وگع على وجهه لزم
وجهه ورفع راسه يشوف منو لمحها بس هي بسرعة فاتت
انور : خرب اهلهم كلهم شاخطين .
دُر : اسكت لا يسمعوك .

رن تلفون ريان جاوب وهو يصيح
_ وعليكم السلام ابو حسن وصلنا يمكم ولدك ضيفونا
اي والله ضيفونا بالمطعم ذيچ الضيافة الزينة .

رفع على الآكبر حاجبة ولزم ريان من قميصة
_ اگعد هنا ارتاح حتى اكمل ضيافتكم .

دُر : علي الآكبر احترم شوية .
لزمت انور من أيده وسحبت الكرسي
_ اكعد هنا اجيب الك ماي تشرب وجهك صار اصفر .
فتحت العارضة اخذت ببسي وفتحت القوطية
_ اشرب منها شبيك دخت ؟
لزم راسه ورجع جرح البارحة يطلع دم
_ راسي .

مسحت دموعي كلبي راد يطلع من مكانه كسر خاطري
اخذت كلينكس هواي خليته على الجرح انترس دم
وريان ويايه يمسح الدم من انور نزل على ركبته
شهگت بصوت مسموع واني امسح بالدم
دُر : اخذه للمستشفى دمه خلص .
ريان : يستاهل حتى يعرف بنات الناس مو لعبة
ومو كلها مثل عمامة يسكتون ، شرفهم عزيز ويريدون حقهم منه .

فات ابو حسن من شاف أنور ضربة راشدي فر وجهه فر
_ انت بيوم واحد موتتني الف موووووته من ذاك اليوم
لهذا اليوووووم استحي ارفع عيوني بعيووووون بنتي
ولك من خطفتها وضربتهاااا مافكرت عدها اهل وست اخوان
مستهين بيهمممم انت والله بودهم يموتووووك والله
بس انا واكف بعيووووووونهم لك عار انت مو زلمة والله مو زلمة .

سكتت ما نطق بحرف تعجبت ما صدكت والله معقولة انور مايحجي
كل هل تجاوز والضرب وبعده ثابت بنفس المكان وماطلع
ريان : ابو حسن هاي إِنّي واخوية عدكم شنو تريدون
احنا بالخدمة موووو انوووور .

دگ أنور صدره وكمل على كلام ريان
_ حقكم محفوظ واني مستعد اعتذر منكم ومن كريمتكم .
علي الآكبر : اي دگ صدرك قلد القرودة يا قرد .

دفع عمي الباب بين المطعم والبيت وصاح
_ طررررريق .
دخل ريان وأنور للإستقبال اريد اطلع من المطعم
لزمني علي الآكبر ماقبل اطلع سحبني للمطبخ الداخلي
فتح الماي يغسل بيدي من الدم مسحها بكلينكس
علي الآكبر: فوتي للبيت ممنوووووووع تدخّلين للإستقبال .
دُر : والله ادخل .

علي الآكبر: تربطين ايدي دُر تربطين ايدي لا تعبيني .
دُر : الزلمة مو كلمة اثبت على كلمتك لا تتعارك يمي .
علي الآكبر: لا تستغلين الوضع وضعفي فوتي دخيل ربچ فوتي .

عفته ودخلت على استقبال وياهم وهو يعض بيده
جود : شعجب تنازلت واجيت ابن الرررررررياش .
ريان : جود انور بخطر اذا نسلم ياسين انور يروح بالرجلين
زين ياسين اخذه علي الآكبر البارحة بليل ومايقبل يگول وين
وعلي الاكبر معاند وساحب ايده شسوووووي خربتوا كلشي انتوا .

جود : سلمهم انور خليهم يموتوا يستاهل الحيوان .
انور : متحملك اني تسكت لو أنهش ضلوعك .
جود : منوووووووو ينهشششششش ضلوعي اب**** ..
لزم علي الآكبر جود وصاح بي
_ لا تضرب اسمعععععع الكلام ولا تتعارك هسة .
جود : ماتسمع شلووووون يحجي .
علي الآكبر: سهلة ميخالف عادي سهلة لا نتعارك عادي .

انور : انتوا ما تحترمون الخاطر ريان ساعدني واجيت اعتذر منكم
لا تحجون ولا تتفاهمون ولا تسمعون وايدكم والضرب والسب .

جود : انت سالفتك لا تنغفر ولا تنسي لك اريد اشرب من دمك والله .
علي الآكبر: خلي يحجي عايش دور الفقير لان بيت الرياش
رفعوا ايدهم منه لو بعدهم وياه مانشوفه مو استاذ انور .
انور : صحيح شيف علي الآكبر .

ريان : علي الآكبر الخاطري ماعندي خاطر يمك .
علي الآكبر: ماخليت خاطر تحمي انور بنص بيتكم وتسوي نفسك
ادور عليه ويايه تضحك عليَّ ريان اني تضحك عليَّ .
ريان : خلي نفسك بمكاني ادا جود غلـ .
علي الآكبر: اشششش لك اششششش دير بالك تكمل
تقارن اخواني بـ أنور اخواني يخطفون نسوان افاااااا
بيدي ادفنهم وحگ هو علي بيدي ادفنهممممممم .

انور : اني دخلت واجيت استسمح منكم قبلت عندي استعداد
ابو راس ابو حسن واعتذر منك ماتريدون براحتكم .
جود : تمنن حضرتك ؟
صاروا يحجون وتحد يرفع والثاني يكبس بس لا علي الآكبر
يتعارك ولا اخوانه بنص الكلام وعمي صاح
_ دُر كلينكس لأخوچ من جوة هذا خلص .

عفتهم ودخلت لا على بالي ولا متوقعتها اطلع بالكلينكس
ومتجاهله كلام ريمان وميثاق واسمع صوتهم اريد بس اوصل
للباب رجلي صارت خيوط من الهبطة ضربت على باب مقفول
عبرت من المطبخ على بال الداخلي يدخل على استقبال
فتحته من شافني علي الآكبر نزل ايده من انور
وبس ابتعد انور خشمه يجري دم وراسه قبض ايده
وضرب علي الآكبر بوكس وره الثاني ودفعه وجود واخوانه
هجموا يريدون يضربون انور واخذه ريان وطلعوا
رفع علي الآكبر ايده وصاح مقابيلهم كلهم
_ عيونچ دُر عيونچ لا تخزرني .

ميثاق : بيتنا ويتجاوزون وهمَّ الغلطانين .
درت عليهه وصرخت واني روحي تلوب محروك گلبي
_ يريدون يعتذرون موووو يتعاركون .

ريمان : غير ضربوا زوجج .
دُر : وهوه ضربهم .

ميثاق : ضربهم غيّر كسروا اخته .
دُر : ما كسرررررررهااااااا .

ميثاق : خطفهاااا اذا عدكم عادي عدنا مصيبة .
ام حسن : الخطف عدنا موووو شي هين هل اثنين عصابة
اهلچ كلهم لا نريدهم ولا نسامحهم ولا نريد نشوفهمممم .
ميثاق : الحمدلله اهلنا مستورين اله هل مافيا
ما ادري منين دخلوا حياتنا.

جاوبتها واني اشهگ اريد اكمز من كلامهن كلهن
يصيحن بصور واحد يتعاركن ويايه صرت بوسطهن
الساني انربط بس كلبي يفور عليهن درت وجهي
مقهورة منه وموقفه صعب بعيوني بس ماعندي غيره يخلصني
دُر : علي الآكبرررررررررررر .

صار ورايه لزمت ايده بكل قوتي لزمني گعدتي على تخم
جسمي يرجف مثل السعفة واناشغ امسح بدموعي ومركزة
بعيونه همست بصوت ما يسمعه غيره
_ فشلتني واني رافعه راسي بيك خليتني عاجزة اهون عليك .

بردت نظرات الحقد بعيونه مال راسه وهو يهز راسه بـ لا
علي الآكبر: شهددددددد عباية دُررررررر بسرعة يلة بسرعة .
ضميت وجهي بيدي لزم ايدي نزلها واخذ عباتي من شهد
سحبني يلبسني بعباتي مقابيلهم كلهم مثل الطفلة الصغيرة
ابو حسن : وين رايح ؟
علي الآكبر: اعتذر من اخوانها .

ام حسن : شنووووو ؟
علي الآكبر: غلطان اني الغلطان مو همه غلطانين .

ميثاق : هذا علي شبي معقولة وحگ الله مو صاحي .
سراج الدين : علي الآكبر لا تكبر راس انور الخاطر الله .

لزمني من ايدي وطلعني مايهتم للكلام اخذ سيارة عمي
وصعدني ساقها بدقايق وصلني بدون ماينطق بحرف واحد
سيارة ريان موجودة مد ايده وفتح الباب ودفعه
نزلني من السيارة حضن ايدي بين ايده ويمشي سريع
دفع باب المطبخ شاف ريان يضمد براس انور من شافونا
لا ملامح ولا تعابير ينطون بس صافنين منتظرين نحجي
علي الآكبر: والله ما تستاهلون لان حيوانات وزمايل و****
بس اسف الخاطرررررها اسف .

انور : فتحت راسي اسف بشنو تفيد .
علي الآكبر: ادور فوائد الخايس ، احممممم اقصد تعال اخذك
اضمد جرحك الخاطررررهاااا لو باقي عليَّ ادوس بـ مصارينك .

طلع اريد اروح وياه جاوبني بهدوء عكس
عاصفة الغضب بملامح وجهه
_ ابقي هنا عيوني ابقي هناااااا .

طلع هو وانور وريان بس يشاهد مكتف ايده مبتسم
تركته ورحت للإستقبال شفت حرة نايمة
دُر : شلونها ؟
ريان : ما ادري .
دُر : ليش ماتدري مو عايشين بنفس البيت .
ريان : بعد ما طلعت بس بوقت الأكل تطلع
تاخذه من الكاونتر وترجع تفوت بس ..

توتر وتراجع عافني وراح سديت الباب ورحت للغرفة مالته
_ شكو خوفتني شنو بس .
_ ماكو شي .
_ احجي اسمع .
تردد بس بعدين استسلم
_ بليل تحلم بكوابيس دُر وو ..

دار وجهه وزفر أنفاسه بنفاذ صبر جاوبني
_ ما اريد احجي هواي بهذا الموضوع سدي ماكو شي .
رجعت من سمعت صوت بغرفتها دخلت شفتها تعدل ملابسها
_ حرّة اني اجيت .
ضحكت وحضنتني وهي خجلانة
_ عادي أحضنچ مو ؟
_ طبعاً عادي اكيد .

حجيتها واني اتذكر ضغط عيالي كعدت ابجي على تخم وهيه تخبلت
ماعرفت اعبر على صاير ويايه بقيت ساكته الغصه بلعومي
حاولت اصبر نفسي وانهض مثل كل مرة امثل القوة
طلعت على ريان وحرة طلعت على حمام
_ ريان تلفوني ماتعرف وين آخر مرة بالمستشفى
قبل لا اروح عندك ؟

جاوبني وهو يغير التيشيرت
_ اي صح عندي .
_ وينه .
راح على جرارة اخذه التلفون وقبل لا يسلمني حاول يفهمني
_ صديقتچ نرجس كل يوم تخابر تطمئن عليچ .
_ سودة علية نرجس هسة شصار بحالها .
ريان : لا تخافين خابرتها البارحة وحجيت وياها جانت خايفة .

قلصت عيوني متعجبة
_ نرجس جاوبتك ؟
ريان : كذا مره حجيت وياها بس بحدود لايروح بالچ بعيد .

قاطعت كلامنا حرة ابتسمت بوجهي ورجعت للغرفة
فتحت تلفوني بس نرجس ذاكرتني فتحت محادثتي
اني وعلي الآكبر وريان رجع للغرفة كعدت
اقرأ بيها كتبت ( قد اصبحت هوس داخل عقله )

من دزيتها سمعت صوت الشعار برا
شافها ودخل للبيت يباع على تلفون بيدي
_ تلفونچ مو عدهم .
جاوبته بدون ما ارفع راسي واشوفه
_ لا عند ريان .

طلع ريان بسرعة من سمع صوتهم وانور صعد بدون ما يحجي
_ قبل لا تروح عندي حجي وياك .
علي الآكبر: مااااااا عندي حجي وياك انت بالذات ما اريد احجي وياك .
دُر : ليش ؟
علي الآكبر: بكيفي براحتي بمزاجي .
دُر : صيح بعد بوجهي عادي تعودت على اسلوبك الجديد .

ريان : عاملها بهمجية طلع وجهك الحقيقي .
علي الآكبر: لا تتنفسسسسسس .
دُر : يموت ؟
علي الآكبر: امشي نروح .
دُر : احجي وياه حباب ، واني اروح اشوف حرة .

طلع بدون مايحجي وريان وراه دخلت على حرة
سألتها على وضعها وتعامل ريان وياها طمنتني
حرّة: احسن من قبل يوفر كلشي .
بقيت أحجي وياها الى ان كملوا طلعت رجعنا للبيت
اول ما دخلت صاحت عمتي : الفرشات بالسطح بس الفرشات
شغلچ احنا خلصنا البيت كله .

عفتها وصعدت ريمان وميثاق وبتول عيونهن تبث حقد
صعدت ذبيت ملابسي وصعدت للسطح عمتي صعدت ويايه
رحت بحجة اجيب الزاهي اخذت تلفوني وكتبت
_ شلون اغسل الفرشات علمني استحي اگول ما اعرف .
شافها ما جاوبني رجعت صعدت بيدي الزاهي لگيت عمتي
ترش بيها بس ما تحجي ويايه زعلانة ترست سطل وذبت
قاصر وزاهي لزمت الفرشة وما اشوف غير جود وسيف الدين
صعدوا وجود يصيح ويضحك
_ فرقة الإنقاذ هناااا للمساعدة .

اخذ من ايدي الفرشة وسيف شال السطل شمر الزاهي
جود : يتزوجون مثقفات ونبتلي بيهن .

ام حسن : ولكم انزلوا لا تلعبون .
جود : اساعدج يمه جهد شخصي مني لا عبالج
دزوني وراح احصل فلوووووس .

ام حسن : هو يشتغل منا يخسرهن عليكم منا .
جود : محد ضربة على ايده يتزوج مثقفة .

اشر على فرشة وهو يجلف بيها بكل حيله
_ شوفيني شلون اجلف وتعلمي عيني تعلمي .
دُر : اعرف اجلف احسن منك .
سيف الدين : اخليها تجلف هسة ونضحك .
جود : ما نحصل فلوس اجلف ولك اجلف .

ام حسن : دُر افرشي هاي الثانية تتنگع بالماي .
كمز سيف الدين اخذها من ايدي وجود يصيح
_ ولك افررررشهااا لا تعب مرت اخووووك .

كمل جلف فحطان يلهث
_ يمه شني شكد طلع منها وصخ .
_ يمه من عرس علاوي وبعدبن المشاكل الصارت
وناس داخله وطالعة ماعندي وكت والله .
جود : يوم لأغسل زوالي عرسي .

فرش الثانية والثالثة وكل شوية شامر كلمة
دقايق وعمتي نزلت تريد تنزل وصعد علي الاكبر
يسوي نفسه ولا يم الموضوع يتصرف طبيعي
بيده عصير وكيك فتّح الكيكة وهيَّ تباوع
_ اكلتي ؟
دُر : لا بعدني .
_ أكليها .
اخذتها من ايده وهو صاح بصوت هادئ
_ يمه تعالي اريدچ .

اخذها ونزل واني كعدت اكل بالكيك واشرب بالعصير
أربع زوالي كلهن غسلوهن ونزلوا مسحت السطح وشلت
السطل ونزلت خليتهن جوة طلع علي الآكبر من غرفة امه
صب جاي وطلع للمطعم ، دقايق وطلعت عمتي عصبية
روحها بخشمها بس صدمتني من صاحت بينا
_ باجر اخوان دُر معزومين عدنا من الصبح كلها يمي .
ميثاق : اخووووان منووووو ؟
_ دُررررر .
ريمان : على شنو تعزموهم معترفين بيهم لازم
شو اهلي من موقف العرس بعد لا عزمتوهم ولا رحتوا يمهم ؟
ميثاق : وهذولي عملوا مصايب وعمايل وعازميهم يا عزيمة هاي .
ام حسن : روحن تعاركن انتن وعلي الآكبر اني تعبت من الحجي .

باوعت ميثاق بوجهي ابتسمت وطلعت للمطعم اشرت
اله من بعيد اجه مستعجل ومايقبل يطول
_ ها .
_ شكراً علي الآكبر .
_ على شنو ؟
_ هواي بس عرفت باجر عزيمة .
_ رد اعتبارچ برگبتي مو حرمة علي الآكبر تصير عاجزة .

مديت راسي شفتهن بس ميثاق وريمان عيونهن على باب المطعم
جود وسيف بالمطبخ الداخلي يتبلون بالأكل ابتسمت ورجعت
ايدي ليوره ومديت خدي همست
_ اخذ بوسة تستاهل .
نزل نفسه طبع بوسة ما حب يفشلني
_ هل بوسة تعذبني يوم كامل انا اريدچ كلچ
من تصيرين جاهزة انا انتظرچ .
_ انت تحبني ؟
_ هيمان بتفاصيلچ .

ضحكت ورجعت للبيت تجاهلت كل كلامهن ادري
محروگ گلبهن بس شهد اختفت بالغرفة من سمعت
بعد ما طلعت ابد رجعوا كلهم على غدا فرشنا سفرة
واجتمعنا دخل اخر واحد علي الآكبر مشيت كعدت قريب منه
اكل قليل وصعد بدل ملابس مرتبة غير ملابس الشغل
وطلع للمطعم بعد ما شفته واني التهيت وياهم
احاول اكمل الشغل واتعلم بس هواي افشل
صعدت للغرفة مهدود حيلي فتحت تلفوني شفت رسالة
من رقم غريب وقبلها اكو رسالة ثانية صار الها شهر
فتحتها تلت بغرفتي وبفراشسشفت صورة قديمة وبالثانية تقرير حاولت اقرا
تقارير العملية ، كعدت اركز بيهن نزلت على الرسالة مكتوب
"ياترى شنو راح يكون رد فعل علي الآكبر من يعرف بعمره
ما راح يصير اب ، راح تحرمين الرجال يكون اب من دون اخوانه
الوحيد بيهم خسر كلمة بابا "

شمرت التلفون اهز براسي حذفت الرسالة وغلقت التلفون
خليت التلفون بـ الكنتور وقفلته حتى الكنتور كعدت بصف
السرير اهز بروحي اذا يعرف يرجعني الهممممم الكم يرجعني
وترجعون تعذبوني يصبر سنة سنتين خمسة ويمكن اكثر
بس بعدين يلين ويرجعني الكم يتزوج يمكن يتزوج وما اتحمل
واشرد منه وماكو مكان غيركم واضطر ارجع الكم .

يبس حلگي بقيت بمكاني ما اكدر حتى استوعب الكلام
عبالك بحلم يمكن يجذبون عليَّ يريدوني استسلم واطلع
من علي الآكبر .

ختلت بغرفتي وبفراشي لا اكدر اواجهه ولا اتحمل اطلع احجي
نمت ومن الصدمة الثاني يوم كعدت من وكت لفيت شالي
واحاول ابين نفسي طبيعية وماكو شي ، بس نزلت لكيت عمتي
وحدها تفتر بالمطبخ صبحت عليهه وكلشي تعلمت منهم
ساعدتها بي دخل سراج الدين بيده صواني سمج اربعة
_ البنات وين .
ام حسن : عافني وحدي والله شنو تعزمون اهل دُر ماننزل .

هو عيونه صارت براسه عافها وصعد فوك بدقايق نزلت ميثاق
وجهه يريد ينفجر من العصبية بقيت أساعدها اطنشها
وبنص الشغل جود نايم بحضن بيبيتهم يسولف ربع ساعة
وبعد وصلت حدها وياه صاحت على عمي تعبت منه
_ وينك صفوووووان تعال اخذ هل مخبل مني خلصني
منه لا اروح على جسر انتحر .

فات عمي يصيح على جود راح منها وهو يدردم
جود : انتِ اذا تشمرين روحچ من الجسر تسوين أزمة ماي على عالم
لو طوفات غير بعروررض بغداد جدتي .

وهي تصيح : يااااا شوف ابنك شلون يحاجيني .
جود : دايح بس يزوجني اعقل.

ابو حسن : ازوجك وانت حافي .
جود : عندي نعال بوية شبيك بس زوجني .

فات عمي على مطبخ يشوف التحضيرات
لابس دشداشة لون ابيض ومزين مرتب نفسه عجبني بلا وعي حجيت
_ الله عمو طالع عبالك عروس .

جود : واني العريس وخده طماطة لا تگولين محمر .

دُر : اقصد عريس عموو والله .
عمي جاوبني وهو خربان ضحك وجهه احمر دم
_ ادري عمو .
جود : يعرف فاهية ، بوية هي هاي مرت ابنك .
ابو حسن : عود نشوف مرتك بعدين .

فات علي الآكبر ونسمع صوت شهد بدون كلام دخلت الغرفة
راح الها عمي اسمعها تبجي : صالح المدگدگ علمود خاطر
مرته واني بوية وخاطري .
ابو حسن : ميخالف قابلين الخاطر علاوي انا وامچ
ماعدنا غيركم وانا ما اريد واحد من ولدي يطلع من بيتي زعلان .

رجعت للمطبخ شفت اخواني دخلوا اثنينهم ميثاق شوية وتنتحر
وصعدت نزلت ريمان ، بس كل ما افوت من الاستقبال اسمعهم
يتجادلون ، جهزوا سفرتهم سيف وجود دخلوا كل الأكلات
بنص الهوسة وصاحت ميثاق من الدرج
_ منوو هنااا .
ام حسن : هاا .
_ الزولية وگعت خلي يجي احد يساعدني بسرعة .
شهد بالغرفة وريمان تجهز صينية الحجية والشباب
كلهم بالاستقبال صاحت بيه عمتي
_ دُر روحي ساعديها .

ما ردت اعارض صعدت على اعصابي اساعد ميثاق
وابن عز الدين يلعب بالسطح هو وجهال حسن
شلتها وياها اول زولية وصعد واحد من جهالهم يصيح
_ عمه دُر عمه دُر ابوج وعمامچ جوة كلهم يريدوچ
وعمو علي الآكبر عصبي يريد يموتچ .

بهتت وجهي انخطف لونه باوعت على ميثاق حتى هيَّ تعجبت
_ شصاير .
دُر : ما ادري والله .

اريد انزل وصار صوت ماي عالي درت وجهي التانكي مفتوح
وبس أصابع ناعمة تغوص ركضت على تانكي لزمت ايد الطفل
اريد اسحبه خدرت ايدي وكلبي دكاته صارت براسي والگاع
تفتر بيه من صياح ميثاق وموتت رجلي من اسمها تلطم وتصرخ
_ بنت الرررررياش موتت جهالنا الطفل مات بيدهااا يبووووو .

بقيت اسحب بالطفل ثگيل طفروا الولد للسطح دفعني سراج
الدين سحب الطفل وجود يصيح : ولكمممم لاااااااا لااااااا .

ميثاق : جر شعرها وشالته وشمرت الطفل بطن التانكي
ولچ بتووووووووول ولچ ابنچ راح بيهااااا بتووووول .

عز الدين : دُررررررر علي الآكبر ابني هذا ابني .

يتبع ..

ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد ..

#بارت١٩


في كل مره تحاول اخفاء آثر لجريمتك
تترك أثر آخر !


ميثاق : جر شعرها وشالته وشمرت الطفل بطن التانكي
ولچ بتووووووووول ولچ ابنچ راح بيهااااا بتووووول .

عز الدين : دُررررررر علي الآكبر ابني ولكم ابني .

اخذت الطفل من ايد سراج الدين وبديت آسوي الإسعافات
الأولية وعز الدين يلطم على راسه بصفي وسراج الدين
وجود يصيحون بعلو صوتهم : ياااا علي يااا علي .

واني اسعف بي هجمت بتول على شعري سحلتني
وتضرب بكلّ قوتها على راسي دفعها علي الآكبر
وجود سحبها صار مقابيلها حتى ما ترجع عليه
وريمان وميثاق وراها يدفعن بيها بالكلام
مديت ايدي لزمت ايد علي الآكبر وهي بعدها تدافع
نزلوا يركضون كلهم بالطفل وهو صاح : رايح وياهم
روحي للغرفة اقفليها .

نزل واني اركض دخلت للغرفة ملابسي كلها مي جسمي كله
من الهبطة ميت ، واني البس بالدشداشة الباب تكسر تكسر
ميثاق: اطلع لج اطلع من البيت شني ها صلافة عندچ
تموووووتين بالطفل وكاعدة بالبيت امشي ولي اخوانچ
العصابة برررررا اطلعي .

دُر : لو تموتين ما اطلع حيوانه خلي يرجع ويعرف الحقيقة
اذا ما اخليچ انتِ تطلعين من البيت يا جلبة .

ميثاق : يا حقيقة هاي ولچ يا حقيقة اليوم لو تموتين
ما تبقين بهذا البيت كلها اطلعچ دفررررات من البيت .

طلعت تلفوني واني احجي وياها فتحته مكالمات
هواي من ريان وانور فتحت خط على ريان وتجاهلت انور
ريان : مو اخابر وينچ بدلي واطلعي بسرعة .

واسمع صوت انور عصبي يسب ويغلط
_ نسوانهم همج ولكم همج هاي وين ورطتنا
اختيارها لعبان نفسسسسسس غبية .

دُر : ريان ما أكدر اطلع .
ريان : ليش تبقين يهينون بيچ .
دُر : قبل تصرفت بكيفي بدون علمه وشبعت تعنيف وضرب .
ريان : نروح البيتي مو بيت يوسف .
دُر : افهمني فدوة صعبة اطلع بدون علمه بعده ما مسامحني .
ريان : أخابره اني هسة وأرجع اخابرچ .
دُر : اذا يقبل اروح وياكم .

سد المكالمة مني بقيت افتر مصدومة ياربي مصدومة
انوب اريد اتذكر شصار وين جان هذا الطفل ما ادري
ما مركزة بيهم كل تركيزي اريد انزل واشوف شصار
وليش علي الآكبر عصبي من كلام اهلي ؟
واهلي شعدهم جايين ؟ جنت بمصيبة وصرت بـ بلوة .

رجع ريان خابرني جاوبته وصوتي احس راح من الهبطة
_ ها ريان .
_ مايقبل .
_ شگال ؟
_ يگول ممنوع تطلع .
_ انتظر يرجع احسن ريان .
انور : تريد يموتوها ماتقبل تطلع تريد تنكتل .
دُر : عادي اني وين ما اروح انضرب مو شي جديد
شنو انور يخاف عليه هههههههه كم مرة موتني جوة ايده كم مرة .

سد ريان الخط بدون ما يحجي كلمة
بقيت بالغرفة تعبني التفكير اروح وارجع اكل بأظافري
بالضيم حالي حتى اريد اكعد ما اكدر من القلق والتوتر
ولا ساعة ولا ساعتين مختفين ماكو احد
متت الف موته بالدقيقة اذا يصير شي بالطفل
وين انطي وجهي سمعت صوت عمتي جوة
وياها الحجية وميثاق تلطم اكثر من لطمهم
تسوي نفسها مقهورة الحقيرة الله لا يوفقچ
شلون تهمة لا على بال ولا على خاطر .

انضرب باب غرفتي واسمع صوت عمتي ام حسن
_ دُر افتحي الباب .
مشيت فتحته دفعته ودخلت وجهه صاير من الطم ازرگ
ومخرمش تخرمش دشداشتها من فرك مشگوگة اشرت
على روحها تشوفني حالها فاتت شهد لزمتها وهي تحجي
وتشهگ بحرگت گلب مو تمثيل لو خبث لا ابد جانت ام متلوعه
ام حسن : دخلتي بيتنا من اول ما شفت وجهچ ما ارتاحيت
شفتي بيتنا كله حب والإخوان گلب على گلب وهدوء مرتاحين
گلتي ادخل بيتهم اهجمهم هجم مو هاي الغاية ؟

دُر : بالقران لا تفكرون بيه بهل طريقة اني انقهر على قهركم
وافرح على فرحكم مايهون عليَّ اشوفكم متعذبين والله .

ام حسن : من دخلتي على بيتي يا يمه ما شفت الراحة
المطعم والطفل احترك ، ولدي كلهم ماتوا وربچ رحم بحالي
ورجعهم تكتلوا بالشارع ، هذا يركض وراج للموت ويخلي
ولدي كلهم يركضون وراه والله اخوكم واجب عليكم
راحوا سجون ولدي وانا اسكت واتحمل ابلع بالمصايب
الخاطر ابني اتحمل مو الخاطر احد يگلي احبها .

دُر : اني شنو بيدي والله ما اليه ذنب بكلشي يصير
بس اريد اعيش يوم بدون مصايب كلشي ضدي .

ام حسن : چا هو يحبچ احنا شني ذنبنا نعيش بالخوف والقلق
تعبنا ارحمي بحالنا ومثل ما دخلتي بالحسنة اطلعي
نسوان ولدي عمر عايشات ويانه مشاكلهم بسيطة تنحل بساعة
من دخلتي المشاكل صارت مصايب ، انتِ ما توالمين حياتنا
ولا احنه مناسبين عوفي عايلتنا لا تهجميها بيني نيتچ
الصافية وروحي مناا دخيلچ .

دُر : وين اروح .

دخل علي الآكبر صار وراها هيه ما تشوفه ولا تدري بي جاوبتني
ام حسن : انا ما اتعارك وياچ ولا اتجاوز عليچ عزيزة علي الآكبر
انتِ يگول اللي يأذي دُر يأذيني وانا عندي ولدي بالدنيا كلها
ما اكدر ارفع ايدي عليهم ما ارفع ايدي عليچ ، اجيت دخيلة
عندچ ابوس راسچ بس روحي اطلعي منا اخوانچ موجودين
عوفي ولدي لا تخليهم واحد يكره الثاني
بيتي ينهجم ما اريد بيتي ينهجم .

اجت يمي باست راسي كعدت ابجي وهي تبجي
وكملت على كلامها وهو ساكت ما نطق بحرف
ام حسن : خلي يتعذب شهر شهرين سنة وينسى
بس انتِ اطلعي ولا ترجعين لا تخليني اشوفهم
يتضاربون ما اتحمل اموت ولچ يمه تعبنا بيهم
انا وابوهم خلص حيلنا عليهم والله .

دارت على باب تريد تطلع وشافت علي الآكبر
شفت وجهه بصف عيونه زراق ضربة بوكس
نزل راسه من شافها لان حالها يبجي الصخر
عافتنا وطلع وشهد ما تباع بوجهه زعلانه
لزمتها ونزلتها سد الباب بقت عيوني ترفض
تبعد نظراتها منه ، يريد يحجي ويايه وسمع
صوت صراخ شهد : يممممممممه ولچ يمممممه تسمعيني يمه .

نزل يركض يصيح على شهد
_ شهد عبايتها شهددددد يمه حاجيني يمه
افتحي عيونچ يا نظر عيني يمهههههه .

مشيت من فوك اشوفهم كعدت الطم بلا صوت
من شالها لا من ايدها ولا من رجلها فاقدة
وجود وياه أخذوها يركضون ظل البيت بس
ريمان وميثاق وشهد بي اسمع الدعاوي اشكال
يدعنها عليَّ رجعت للغرفة من سمعت صوت التلفون
وشفت ميثاق صعدت حتى تتعارك قفلت الباب وجاوبت
ريان : دُر اني بالباب انزلي .
_ علي الآكبر مايقبل اطلع .
ريان : دُر علي الآكبر خابرني گال اخذ اختك .
_ شنو .
_ گال اخذها .
_ بعد ما يريدني مو ؟
_ دُر مو وقتها انزلي بسرعة .

سديت الخط وفتحت محادثتنا واني ابجي اكتب بيها
" تريد اطلعني من حمايتك علي الآكبر
وانت تدري اذا طلعت منك الدنيا كلها تصير ضدي لا تخليني وحدي "

انتظرت بالربع ساعة بس ردت يقراها ماكو ما جاوبني علي الآكبر
واني ألملم بملابسي صوت عز الدين رج البيت رج وقبض گلبي
عز الدين: كافي الى متى نتحمل ونصبر موقف موقفين مصيبة
مصيبتين من يوم تزوج هجم حياتنا هجم يزعل اذا واحد ينصحه
البنية اهلها ما يريدوك راح تعارك وياهم واخذها بدون رضاهم .

جود : يحبها شلون بالله كفر اذا حب يكفررررر .
عز الدين : انجب يحبها شنو ، اهلها من جهه صايرين
محارب الخرب العالمية بيناتنا ، ومن جهه لا هيه صافية
وتسلك وياهن ولا هذني يريدنها وصل الحقد للجهال .

علي الآكبر: مشكلتهن مووو مشكلتي ما يريدنها شنو
نمشي على مرامهن حلوة هاي .
عز الدين : ونظل احنا كاتل ومكتول .
علي الآكبر: لا انا اخذها واطلع منكم .
ابو حسن : هوووووو هذا الحل عنددددددددك موتتني
ترررررريد تموتني انت تريد تخبلني هووو هذا حل .

علي الآكبر: چا شنو الحل عدكم ، ادري وين تريدون توصلون
لاااااااااااااا تفكرون حتى تفاتحني بالمووووووووضوع .

عز الدين : لا والله احجي وطبك مرض ابني بين الموت والحياة
بسببكمممممممممم طلگهااااااا لك بابا طلگهاااا ماترهم ويانه
لا مثلنا ولا على نمط حياتنا بكلشي تختلفففف .

علي الآكبر: وحگ ابو فاضل اشگ حلگك شگ اذا تعيدها
انتووووووووووا طلگوا نسووووووانكم .

طلعت على صوتهم هز بيتنا وصراخ نسوانهم والطم وعمتي
بيدها مغذي وراجعه للبيت تشيل بروحها وترگعها من شافت
عز الدين من قهره على ابنه يتضارب هو وعلي الآكبر
واحد يدفع بالثاني سحب عمي علي الاكبر ودفعه على تخم
وبكل قوته يضرب بي بوكسات وهو جامد مايبدر منه رد فعل
كل ما يضربه يرجع وجهه ويركز بعيون ابو وهو يرجع يضربه
وعمي خبلني من يصيح : كافي تريدون امووووووووته راح امووووته
واخلص منه امووووووته وترررررررتاحون .

انشلت رجلي على المنظر ضربات عمي قوية
ذب جود نفسه على علي الاكبر متخبل
_ لااااا بوية الله يخليك لاااا اكتلني انااااا اكتلني .
وعمتي تلزم بعمي دايخة ماتتحمل توگف كل شوية توگع
وشهد تدفع بعز الدين يلزم ابوها وعمي فقد يضرب بلا وعي
تعب وصار يجر النفس بصعوبة لمحت علي الآكبر طلع
منتهي وجهه أزرك وخشمه يجري دم عمي انهار لأول مرة
اشوف عمي يبجي وهو يصيح : اررررررتاحيتوا ضربته
راد يموووووت بيدي علاوي من وراكمممممم ولكم انا
ما اريدددددد اضررررربه هو ما مرتاح والله ما مرتاح .

جود ركض طلع وياه وعز الدين بعد ما سمعت صوته
وعمتي بس تتحسب وميثاق وريمان يمها يدلكن بيدها
وبرجليها صعدت اخذت كم غرضي نزلت وصلت للمطبخ
واسمع ميثاق تحجي هي وريمان : هسة يرجعون انا احجي
براس سراج الدين وانتِ اكلي عقل سراج الدين اكل خليهم
يصحون على زمانهم هذا علي الآكبر يوم بعد يوم يطغى اكثر .

ريمان : يعني يطردوها ؟
دخلت عليهن بيدي الجنطة ابتسمت بقهر ورديت
_ لا تتعذبن اني طالعة بس حسبي الله ونعم الوكيل
بيچ يا ميثاق اشوف بيچ يوم انتِ واهلي .

من شافتني طالعة بهتت بالبداية وبعدين استوعبت
لزمتني من ملابسي وسحبتني للباب دفعتها مني
وهي تصيح : يلة برررررا يلة .

دُر : الدنيا دوارة ويجي يوم ادور عليچ.
اريد اطلع وصلت للباب وصاحتني شهد
وصوتها من البجي مبحوح عيونها صايرة حمرة دم
_ دُر وين رايحة وعايفة علي الآكبر .
_ اني وياه ما اتركه وطلعت لان هو طلب مني اطلع .

طلعت وانور صار مقابيلها تقرب يريد ياخذ
الجنطه سحبتها منه وكملت طريقي ما قبلت يساعدني
وشهد بمجرد شافت وجهه طبگت الباب بكل قوتها
صفن على باب لثواني هز ايده ورجع صعد بالمقدمة
درت وجهي على شباك لا اني احجي ولا واحد بيهم يحجي
وصلني على بيت نزلت وريان ويايه آخذ الجنطه بس انور
طلع دخلت من جهة المطبخ شفت مساعدة جايبينها جديدة
وحرة بصفها عصبية : ولچ ميمي موووو احجي وياج حاجيني .

ريان : شكو ؟
حرة : خبلتني احجي وياها ولا عبالك شنو جايبها ماتسمع ؟
ريان : تسمع .
حرة : هاك شوووف ، ميمي احجي وياج اريد تشغلين الغسالة
لچ ميمي يااااااا هاي شبيها .

دُر : ها شبيچ بس تتعاركين .
حرة : تعالي شوفي هاي هم عرفت حظي .
دُر : شبي حظچ ؟
حرة : واحد اخرس بهل بيت راح ورجع جايب مساعدة طرشه .
ريان : حتى المساعدة طلعت روحها منچ .

حرة : شنووووو يعني شنو قصدك .
ريان : طلعت روحي من مشاكلچ وصوتج غثني غث .

حرة : سمعتي حتى من ارد جواب بوجهه واخلي
صدك تطلع روحن ما تحجين شفتي المعاملة السيئة
بعينچ سمعتيها بإذنچ لوووو هم تغشمين نفسچ .
دُر : لا حقچ ردّي براحتج اني اروح ارتاح بالغرفة.

حرة : كلها تريد ترتاح سباتكم ما يخلص بزعت روحي منكم .
عفتها وفتت واسمعها تتعارك هي وريان
ريان : عوفيها تشتغل لا تشرد من وراج .
حرة : أحجي وياها خليها تحترمني .
ريان : حاجيها عدل .
حرة : ميمي احجي وياج حبيبتي جاوبيني .
ريان : بكيفها ماتريد تجاوب.
حرة : لازم تجاوبني .
ريان : هلو ميمي .
ميمي : هاي بابا .
حرة : لا يا ام الزلم .
ريان : هههههههههههههههه .

شفتها طلعت من المطبخ وهي تسب وتغلط على ميمي
وتتوعد قفلت باب الاستقبال عليهه وبعدها تحجي رجعت
اخذ جنطتي شفت ريان يضحك من شافني خفه ضحكته
ورجع للجدية: اني داخل للغرفة ممنوع تدخلون عليه
وما اريد اسمع صوت احد اشتغلوا بهدوء .

رجع بغرفته مثل قبل اعتكف على نفسه اخذت ملابسي
وصعدت فوك فتحت باب غرفة شفت الفراش مخربط
وملابس انور على سرير عرفته هنا ينام ، بقت بس غرفة
اخيره صغيرة دخلت عليهه بيها بس سرير نفر وكنتور صغير
خليت أغراضي وضميت نفسي بفراشي تعبت صدك تعبت
التفكير زرف راسي والله يريدني لو كرهني
صدگهم لو يعرفني ما اسويها ، شلونه هسة وين هوه
لا اراديا صرت افكر بي واحتل تفكيري وكلبي يوجعني
بي اتذكر شصار بي ، ليش ما نرتاح ياربي ليش .

بقيت بالغرفة نهار كامل بليل اسمع صوت طقطقه جوة
نزلت شميت ريحة اكل طيب دخلت على مطبخ شفت حرة
لمت كل شعرها وتطبخ تفتر منا وتروح هناك من شافتني ابتسمت
_ ها دُر نزلتي .
_ شصاير هنا .
_ آسوي عشه جوعانه انتِ اكيد ؟
بقيت ساكتة وكعدت يمها ميمي تغسل بالكراج
وحرة تحجي عليهه
_ ولا ساعدتني هاي الحقيرة.
_ عوفيها هي تتأقلم .
رجعت تكمل اكل وتثرم بالسلطة
حرة : روحي صيحي اخوانچ .

دُر : هههههههه صدك تحجين لو تشاقين ؟
حرة : احجي بكامل قواتي العقلية .
دُر : اخواني ما ياكلون سوية ولا ينلمون
وهذا اهم اسباب حالتي عانيت من الوحدة نهشتني نهش
ريان معتزل دائماً عايش بعالم خاص بي لا ياكل ولا يشرب
ولا يطلع ولا يحجي هواي كله وحده مايحب احد يقترب منه
وانور كل ما أحاول انسى الصرب والاهانة منه واقترب يأذيني اكثر
وصلت وياه مرحلة اذا يدخل البيت اقفل غرفتي من الخوف
اووووف شنو احجي بعد گلبي مورم منهم عوفيهم لا توصلين يمهم
تعالي ناكل اني وياج احسن .

حرة : اني اختلف عنج بشي اخواني وابوية يجبروني اطبخ
وانظف رغم عدهم خدم وحشم بس يحبون يذلوني
مرات يجبرني اغسل ملابس الخدامة تدرين ليش
حتى مايصير عندي وقت ادرس بس جانّ مصطفى
يحفزني اكمل شغلي واصبر وما اجادل احد واتحمل
ويسهر بليل يفتح مكالمة ويدرسني ويضبط منبه
هو يكعدني والصبح ينتظرني باب المدرسة ينطيني
اكلي ويصبرني بكلامه هو جان عوض بس حتى العوض
راح مات بسببهم خطبني اجه من الباب وخطبني
مرة ومرتين وأربعة وعشرة وصاروا يراقبوني اني وياه
و اخخخخخ دُر لو ادري ما رحت لو ادري ما طلعت .

حضنتها وهيه تبجي وجهه انصبغ احمر دم تناشغ
وتحضني بكُل قوتها متمسكة بيه مسحت على شعرها وهي نحجي
_ اتمنى بس اروح اشوف اهل مصطفى كرهوني لو يعرفون
اني مو ذنبي والله مو ذنبي دُر موتوا اهلي السبب
اريد اعترف عليهم ادري بيهم خايفين ويدورون عليَّ
يدرون بس تجيني فرصة اعترف عليهم كلهممم .

دُر : عزا يعني مستحيل ينسون امرج .
حرة : ذاك اليوم ريان يخابر وسمعته يگول يدورون عليَّ
واخواني حالفين بس يعرفون مكاني واوگع بيدهم يموتوني
وادري بيهم مثل ابوهم گول وفعل .

دُر : انتبهي فدوة انتبهي على نفسچ بعدج صغيرة .
حرة : حياتي مو مهمة وروح مصطفى تدرين المهم
عندي اعترف عليهم واذكر المكان وما اخلي دم مصطفى
يروح هدر اريد اعترف عليهم بس تصير عندي فرصة
ادمرهم وعادي بعدين اموت واروح عنده مصطفى ينتظرني .

عافتني وهيَّ تمسح دموعها وتحاول تبين نفسها طبيعية
تتظاهر بالقوة بس الكسرة مبينه بعيونها وهالاتها الواضحة
من السهر والكوابيس وتعب التفكير وفوضت عقلها
حرة : هذولي عوفيهم اني ادبرهم .

_ العناد عندج كارثي لازم تفشلين نفسج وياهم .
جهزت الاكل وراحت على غرفة ريان ضحكت واني اصيح بيها
_ هههههههه راحت على عقدة .

اشرت بيها انتظري ودكت على باب كذا مرة ماكو جواب فتحته
شفت ريان كاعد على لابتوب يشتغل رفع راسه اشر الها شكو
_ تجي تاكل بالمطبخ لو اجيب لأكل هنا بغرفتك ؟
_ شنو ؟
_ اختار تجي لو انت لو نجيك احنا .

_ مو حذرتكم ممنوع الباب هذا ينفتح كاعد اشتغل .
_ ناكل وارجع .
_ منو گال جوعان ؟
_ انت اكلت شي من الصبح الخد هسة رحت على اساس
معزوم رجعت مسحول دمشي اكل لا تتخربط .

_ اني اتخربط ؟
_ اي .
_ شكبرني شگدي اتخرررربططططط .
_ سبحان اللي ما يتخربط ربك وحد تتخربط طبيعي مو انسان .
_ دروحي مني روووووحي .
_ اوكي .

طلعت عافت الباب مفتوح نقلت الاكل بصينية ومشت على غرفته
وهو مصدوم منها ومن تصرفاتها
_ يلة دُر تعالي ناكل عيني جوعانين.
فاتت على غرفة وهي تضحك
_ شلون سويت اكل طيب انطيني رأيك من تخلص .
ريان : عجيب .
تريد تنزلها اخذها من ايدها وهو يصيح
_ انتظري امشي اطلعي اجي اني اجي بس اطلعي .
طلعت وهو يمشي مقابيلها رجل الصينية على ميز
يريد يكعد وتذكر راح وكف بصف الدرج وصاح
_ انوووووور .
كررها اكثر من اربع مرات سمعنا صوت الباب وصوت انور
_ ها .
_ تعال .
_ شكو ؟
_ علي الآكبر يريدك يگول اجيت احود انور حود واسبي سبي .

_ اي مو مگرم ماعندي ايد ورجل .
_ انزل لعد تعارك وياه .
_ اهووووووووو .
رجع للغرفة شوية ونزل يدور على علي الآكبر
_ وينه ؟

ريان : تعال أكلّ ويانا .
_ شنو ؟
_ تعال يمعود خلصني اريد ارجع اشتغل .
_ ما اريد .
_ غير يجي .
_ ما اريد .
_ اسمع اذا ما تاكل هاي تنگ فوك راسي .
_ منوو .
_ بنت عمك .
_ بنت عمي شكو .
_ تحجي هواي خبلتني .
_ اضربها توبها .
_ مو اني حيوان مثلك .
_ دولي انت وياهن .

راد يروح حرة خلت الصمون وهمست قريب منه
حرة : صيح خلي يجي ياكل مابيه احجي هواي ونعسانة اريد انام .
ريان : تعاااااااااااااااااال يا نعال تعال .
حرة : عفية عليك هيج اريدك .

التفت عليَّ ياشر على حرة لازم نفسه
ريان : دُر احجي وياهااااااا ترا بزعت لا تحجي هيج .
دُر : انت تسمع كلامها قابل البنية شمسويه .
ريان : تحجي هوووووووووواي .
حرة : نسمع لا تصيح شبيك .
ريان : عوفيني بحالي .
حرة اكعد اكل وصيح اخوك حقق حلم اختك
ريان : حلم اختي ؟
حرة : اجتمعوا على ميز طعام واحد شصار عليكم .

كعد على ميز وراسل انور شوية ونزل بدون ما يحجي
هو هم صار مقابيل ريان ياكل بدون صوت
حرة : طيّب الاكل؟
دُر : يموت نفسچ طيبة بالأكل عاشت ايدچ .
خلت ايدها على خدها ومالت راسها على جهة ريان
_ شنو رأيك .
ريان : ما ترتاح اذا ما تحجي .
_ شنو رأيك ؟
ريان : اكل عادي شنو علم الذرة .
_ شنو رأيك؟
ريان : مابي شي .
_ شنو رايك .
ريان : يخبل الواحد يمووووت اكلج طيب كلش طيب .
_ الحمدلله عجبك .

دارت وجهه على انور باوعت وضحكت
_ شنو رأيك؟
رفع حاجبة وهو يخزرها
انور : اششششششش .
حرة : ريان سمعت يگول اشششش .
ريان : عوفي .

حرة : شسويت سألت على اكل طيب لو لا .
ما جاوبها رجعت تحجي
حرة : ريان احجي شي .
انور : كافي .
حرة : ريان انور يگول كافي .
ريان . انور لا تجاوبها اسكت دخيل الله اسكت .
حرة : ليش مايجاوب؟
انور : راح اضربها راشدي اصحيها على زمانها .

حط ريان ايده على راسه ما متحمل هو اكثر شي يكره الكلام
حرة : اني بيت ريان مايقبل احد يضربني مو ريان .
ريان : اي .
حرة : هاي حركة يوسف ابوك .
ريان : مو طبيعية والله .
حرة : انور شنو رأيك .
انور : طيب .

حرة : هاي ام مصطفى علمتي اطبخها .
انور : مصطفى منو ؟
ريان : حبيبها .
انور : شنوووو ؟
حرة : مثل ما سمعت .
انور : شو ماتستحين ديوث اني وتحجين هيج مقابيلي .

رفع ايده يريد بضربها سحب ريان الكرسي مالتها وگف صار مقابيلها
ريان : لا تضربها يمعود .
انور : ماتسمعها .
ريان : راد يخطبها عمك وإخوانها موتوا .

عاف انور الاكل وهو يسب بيها ويغلط صعد فوك
وريان التفت عليهه : ممنوع بعد تذكرين اسمه .
_ ليش ؟
_ عيب .
_ ليش عيب ؟
_ مو خطيبچ .
_ راح اشتكي عليكم .

حجتها وراحت للغرفة رجع عيونه على ماعونها
ريان : بعدها ما اكلت شي .
دُر : وجانت جوعانه .
ريان : اخذي اكلها تاكل بغرفتها وتسكت حجي زايد ما اريد .
اخذت ماعونها وفتت للغرفة
_ ولچ شكد تحجين .
حرة : علمودج اريد افتح مواضيع وياهم حتى يحجون وتشوفيهم .
_ يعني انت ماتحبين تحجين هواي .
حرة : تدرين اتمنى اروح مكان بعيد مابي احد واعيش وحدي
بس اريد اترك ذكريات حلوة بيني وبينج لان انتِ تستاهلين
ما انسى شلون عرضتي نفسج للخطر وساعدتيني احسن من امي .

حضنتها واني اضحك جاوبتها
_ الحمدلله تعرفت عليج ، ياربي المشاعر اكلي واسكتي عوفي
هل سوالف تنزل دموعي واني عيوني تعبت من البجي.
ماقبلت تاكل بس بقت تسولف على مصطفى الحد ما نامت
غطيتها وطلعت بيدي اكلها مثل ما هوه شفت ريان بعده ياكل
وبيده التلفون نزلت الماعون رفع عيونه عرفها ما اكلت
عاف المكان ورجع للغرفة ، اجت ميمي اخذت المواعين غسلتهم
واني صعدت فوك فتحت تلفوني بعده علي الآكبر ما شايف الرسالة
هربت من كلشي بالنوم نمت الثاني يوم كعدت جسمي من المشاكل
والصدمات مكسر تكسر ، اخذت تلفوني شفته ماكو علي الآكبر خبلني
ما ترددت اكتب اله رسالة من الصبح
" بعد ما تريدني عادي اذا ما تريد دُر احجي لا تخليني انتظرك "

نزلت جوة شفت ريان لابس رسمي ويريد يطلع عطره
كفخني نزلت شافني ونزل راسه يعدل بالساعة
دُر : صباح الخير .
ريان : هلو .
_ خابرت علي الآكبر .
_ ما يجاوب .
_ اخاف صار شي بالطفل .
_ رجعوا الطفل للبيت الحمدلله مابي شي .
_ لعد ليش ما يجاوبني ؟
_ متعارك هوه واهله .
_ جرب تخابر من شفت البارحة عمي شلون تعارك وياه
لليوم والله جرعت المر مايستاهل علي الاكبر .

اتصل مايجاوب بدون مايحجي بعد سد الخط وطلع
من البيت رجعت للغرفة وسديت الباب ورجعت بفراشي
نمت حاربت حتى انام كعدت الظهر راسي يوجعني
نرزلت اكلت شوية وصعدت اسمع صوت انور يتعارك بالتلفون
انور : مو شغلي راقبهااااا زين من ترجع للروضة تبلغني .

عرفت المقصودة شهد دخلت علية عيوني غيمت من قهري
_ بعدددددك تفتررررر وراهااااااا دمرررتها شنووو تريد من البنية
لك هاي مدللة اهلها ما يرفضون الها طلب لا تلووووثها بيك .
انور : اريد احجي وياها وبس ماعندي نية سوء .
_ حتى لو نيتك صافية لا تقترب منها جيت حذرتك
مرة الثانية وحق الله ما ارحمك وانطي علم العلي الآكبر
وتعرف علي الآكبر يطم عارك طم ويحودك حووووود .

انور : تطلعين لو تريدين نعيد الماااااااااضي .
دُر : طالعة بس يا انور اذا اقتـ .
اريد احجي صرخت من اقترب مني لزمني من طرف ملابسي
وطلعني دفع شمرني على بال غرفتي ورجع وهو يسب ويغلط
_ تحجي مثل كلامه صايرة تقلّد الهمجي .

بقيت يوم كامل بغرفتيّ محبوسة اكل بروحي
باليوم الثالث ميمي صعدت رتبت الفوك واني
دخلت للحمام من طلعت اخذت عصير اريد اشرب
معدتي تگلب ذبيت البطل وبقيت افتر بالبيت حتى حرةً
اعتزلت ما تحجي لو تفتر مثل قبل البيت عبالك ميت
رجعت للوحدة وللروتين حتى اكلي من احس راح اتخربط
اضطر اكل شوية وارجع انام من دوخة التفكير
باليوم الرابع اخذت تلفوني ابحث على اشياء عامة
والعصير يمي اشرب واكل كيك واقرا لليل طلبت اكل
تعشيت شي قليل وسحبت مخدتي حضنتها ونمت .

الساعة بـ3 الفجر حسيت حركة غريبة يمي وايد باردة
تنمد على خصري ، وايد ثانية تتلمس خدي وشعري
فزيت مرعوبة حضني بكل قوته سيطر على حركتي
وهو يهمس : هذا انا بوية دُر .
بعدت روحي منه وكعدت رفعت شعري اعدل بنفسي
_ لا تلزمني .
_ بوية انا شوفتچ تكفيني .

_ جذاب .
_ اقبلها بس منج .
_ ليش اجيت هااا ليش .
_ التعب بيه ماينوصف بس من اشوفچ يرد حيلي يا كل حيلي .

سحبني من خصري عيونه على رگبتي بلع ريگ
عاشق ولهان ويريد يرتوي منعته وهمست
_ عفتني .
_ دام اكدر اوصل الج واعرف انتي وين مرتاح انا .
_ واني شلون اوصل الك .
_ وحگ رجفتي وضعفي بكل مره تصيرين بين ايدي
يمج انا بكل وكت لو ادري بيچ تحتاجيني اهدم اللي
ماينهدم واوصل الج وافديچ بروحي .

_ شلون صعدت هنا ؟
_ من الدرج .
_ علي الآكبر .
_ روحه لعلي الآكبر .

سحبني بكل قوته من خصري وهو يبتسم
يحاول يخليني ما ارتبك
_ انا تعبان دُر .
_ وين جنت ؟
_ تحبيني ؟
_ شبيك ؟
_ الله لا يگولها واعيش فراگج الموت ارحم .
_ ليش مارديت على رسالتي .
_ اتجرع السم بفراگچ انا اتعب هواي اتعب .

وكفت مرتبكه وهو يحاول ما يجبرني على اي تصرف يبدر منه
تنفسه سريع عيونه اكلتني ايده ترجف بس يريدني اقترب
_ كشفت الحقيقية .
_ ياهو حبچ بگدي .
_ ماكو احد غيرك .
_ اتحداهم يوصلون الربع من حبي الج انا عاشگچ .
_ بس علاقتنا عقدة كل ما نقترب تتشابك اكثر .

نهض صار قريب مني لمعت عيونه وتغيرت نبرة صوته
_ راضي انا راضي اتجرع السم واحصل حتى لو دقيقة وياج .
_ كلها رافضة علاقتنا .
_ بوية انا والله ما اشوف غيرج وصلت مرحلة ما يهمني غيرج .

_ راح تمل بيوم مني وتعوفني ؟
_ انتِ بنيتي ما املج بس الموت ياخذني منج .

رنّ تلفونه فتح خط يمشي ولازم راسه
_ ها جود .
_ وينك تحوم بهل ليل جنك بنت ليل .
_ رحت الدُر .
_ بيك مرض .
_ اسمة دُر .

طلعت للحمام غسلت وجهي وطلعت شفت انور صعد
اريد ارجع للغرفة صاحني : علي الآكبر هنا ؟
_ اي .
_ شكوووووو بهل ليل .
_ ترا زوجي .

طلع علي الآكبر استند على حايد ورفع اصبعه سحبه
على خشمه يقلد اهل المخدرات : ها شمه تصيح على دُر .
_ شعندك هناااا ماتشوف الساعة .
_ انجب انت شعليك .

انور : تقبل هيج وكت اروح لأخت*
لزمني علي الآكبر من ايدي وفوتني بالغرفة حتى مايتعارك
مقابيلي نمت بالگاع اباوع عليهم
رجع هجم ضرب انور بوكس قبل لا يكمل
وانور رجع الضربة واثنينهم واحد يضرب بالثاني
ما اشوف غير علي الاكبر دفر انور ونام فوكاه
ورفع ايده غمه بنص وجهه وصاح : ولك جنك تريد تنغمممممم
يااااااا اغممم وعلي اغمك غم يا اغممممم احوووودك حود
ولك انا اسبيك سبي لااااااااا دخل روحك لا تصيح بوجهههههه .

صعد ريان يشاهد من بعيد ما يدخل من كملوها عافهم ونزل
بدون ماينطق حرف لزمني علي الآكبر من ايدي ورجعني
للغرفة وهو يصيح : اريد اسمعه يحجي .
وانور يزيد بالحجي ما ينفقص يريد يطلع وكفت على باب
ارجف بهل ليل وين نولي اذا واحد بيهم صار بي شي .
انور : انعل شيب الخلفووووووووك صاير رجال تضرب
اطلع اشگك شگ سا**

دُر : هو يستفزك لا تطلع الله يخليك بداعتي .
وانور يصيح من برا .
_ اطلععععععع لك اخليك عبرة والله امسح بيك الشارع اليوم .
دُر : لا تسمع خيولي الله يخليك الخاطري علي الخاطري .
لزمني حيل من ايدي يريد يطلع رفعني يريد يبعدني من الباب
هو رفعني واني حضنته وبدون وعي طبعت بوسة على شفايفه
وهمست واني ارجف خايف
_ بوسني لا تطلع بوسني .

ذبلت عيونه بس رجعت أبوسه اخذ شفتي وبساعتها
انتهت لأصوات وكان صار حجب سمع واحساس بكلشي
حضني بكل تملك ويطبع بوسات بكُل رغبة من تمادى
وانور راح صوته ابتعدت وهو يلزمني
_ لا لا تروحين .
_ علي الآكبر .
_ مستوطنة بعقله وبگلبه .

حضني وهو يحاول يسيطر على نفسه ويمنع نفسه
حتى يبين هو متفهم رغبتي ، ابتعد يجر النفس بصعوبة دايخ
_ اريد ماي دُر .
عفته ونزلت اخذت بطل ماي ورجعت للغرفة شفته طبيعي
يختلف عن قبل شوية ابتسم بوجهي وهمس
_ تعالي يمي .
اجيت قريب منه اخذ ايدي بين ايده
_ تحتاجين شي ؟
_ عادي تحجيلي شصار .
_ لا دوخين نفسچ الچ الصافي.
_ بس اني اريد آعرف .
_ آلف شغله براسي مابيه والله .

بست خده واني ادلل عليه
_ كشفتوها .
علي الآكبر : ابن عز الدين زين بس مايقبل يحجي شي
كل ما نقترب منه يصرخ ويصيح مبين خايف .

دُر : اخاف ميثاق تهدد بي .
علي الآكبر: طز .
دُر : والله اني ما دفعته .
علي الآكبر: هههههههه تحلفين حتى اصدگ لچ اعرف بنيتي
على اخوانها اللي ماشايفه منهم شي ترجف من الخوف شلون
الطفل تفدي بروحها .
دُر : اي والله علي الآكبر اني جنت ......
وبديت احجي كلشي بالتفصيل شصار تذكر موضوع اهلي
ملامحه تغيرت ومبين عليه العصبية اقترب باس راسي مستعجل
_ نامي .
_ لا تروح .
_ عندي شغل .
_ ما اريد تبتعد عني .
_ هل ايام ترجعين رافعه راسچ واحسن منهن كلهن
وعد زلمة اخلي النسوان كلها تغار منچ .

حضني وباسني بوسة سريعة بخدي وراح
بقيت لازمة خدي دقايق وسمعت صوته يحجي
هو وريان وفات عليهم انور رجع علي الآكبر
يستفز بي ويسوي حركة متعاطين المخدرات
وانور يربد بس يهجم وريان يهدي بالوضع
دقايق وطلع هو وريان رجعت للغرفة وقفلت الباب
ثواني وتذكرت حرة نزلت مستعجلة
_ حرة ..
بقيت اصيح بيها الحد ما فتحت الباب
دخلت يمها وسهرنا نسولف غفيت وجهه الصبح
فريت من سمعت صوت برا راح حرة فتحت الشباك
وهيه فتحت الباب طلع جود بسرعة دار وجهه .
_ السلام عليكم .
_ وعليكم .
_ بلا زحمة اخوي يمكم .
_ اخوك ضايع ، لو احنا مستشفى، دار تايهين ؟

سكت مصدوم فتحت الشباك اريد اشوف جود ابو لسان شيسوي
_ بلا زحمة اريد ريان .
_ ريان لو اخوك ؟
_ اي واحد .
_ وات از يور نيم ؟

هو داير وجهه مو حجت هيج ما تحمل ضحك
والتفت يباوع عليهه : مثقفة واني مثقف .
دُر : جووووووود .
مد راسه وصاح وهو يغمز
_ دُر هيلب بليزززززز .
_ شواربك هيلب تعال تعال .

حرة : تعرفي ؟
_ اخو زوجي .
حرة : اها اوكي كُلش تمام تفضل ادخُل .

طلعت وفتحت الباب حتى يدخل وفاتت حرة وطلع ريان
_ هلا بجود .
_ اخابر عليك وينك .
_ اخوك صار عصبي وكسر تلفوني .
_ واضح حادك حود وسباك سبي .
ريان : ومتحمله ، تعال فوت تعال .

التفت عليه وهو يهز جتف : عدكم مثغفات اموت عليهن .
دُر : بالجديد اجت .
_ تضمين عليه يدُر نسيتي زيناتي .
ريان : يا مثقفات ؟
دُر : ها يقصد ميمي مو جود يحب البنات من يحجون انكليزي .
ريان : صار ساعة ساحل روحك سحل على ميمي ؟
جود : هاي منين خطابة بعلي اليوم اجيب ابوية وعمامي .
ريان : لك كل عقلك ميمي ميمي ؟
جود : دُر هيه اسمها ميمي .
دُر : اي اسمها ميمي .

ريان : ميمي عجبتك ؟
جود : خطابة وحگ العباس .
ريان : امشي جوة امشي الله يكمل عقلك
رايدك بشغل يحتاج يا فارس بدر ونصيد .

دخل هو وريان واني رجعت للمطبخ جهزت
الجاي اني وميمي على السريع واخذته ودخلته
دُر : المثقفة جهزت الجاي الك .
جود : جاي مثقفات اويلي عليك جود .
ريان : والله لو يدري علي الاكبر عينك على ميمي .
جود : بالحلال على سنة الله ورسولة شنو اظل عانس .

قدمت الجاي وطلعت رحت الحرة أتابع مسلسل
حرة : ها راح اخو زوجج .
دُر : لا بعده كاعد هو وريان يسولفون .
حرة : هم يعرف يسولف ريان .
دُر : قابل وحد .
حرة : ذاك اليوم انور وريان صاروا عليه مطي مقابيل مطي .

فززها وفززني من تحمحم وصاح
_ اعتذري .
_ مو عليك .
_ اعتذري حرة هسة تعتذرين مني .
_ ما أحبّ الاعتذارات .

تقدم رفعها من ايدها لزمت ايده وصحت
_ عوفها حباب مو قصدها لا تصير مثلهم بس تصيح وتضرب .
حرة : نزلني عوفني .
ريان : اني مخبل اكثر منهم احترمي نفسچ لا تجاوزين عليَّ .
حرة : بعد ما أعيدها عوف ايدي اذيتني .

ريان : اذا تتكرر اموووووتچ .
حرة : عادي موتني مايهم .
ريان : لا تستفزيني لا تجبريني اتصرف
تصرفات مانع نفسي منها .
حرة : شايف نفسك زايد عن الزووووووم .
دفعها على تخم بقت تصيح سد شفايفها بيده
وضغط عليهه وهو يحذرها
_ صوتچ نصي صوتچ ممنوع يرتفع بالبيت .

دُر : عوفهاااا شبيك .
دفعها وهي شالت الريموت وضربته قريب منه
رجع أعصابه تفوور يريد يضربها وكفت تنتظر يضربها
رفع ايده وسحبها وهو يضرب على شفايفه
_ اسكتي ولچ اسكتي .
حرة : آعتذر مني ريان .
ريان : اني اعتذر لوووووو انتِ .
حرة : لمستني بدون رضاتي انت اعتذر ريان .
دفعها يريد يطلع ركضت هي تركض وعثرت وگعت على وجهه
التفت مصدوم رفعت راسها من الفشلة ما ادري من الوجع تبجي
رحت اريد أشيلها ماتقبل وتمسح بدموعها .

ريان : تستاهلين .
دُر : ريان عضت لسانها شبيك طلع دم .
تقرب منها وصاح : اوكفي يلة .
حرة : اعتذر .
تخوصر غضبان
_ كافي ما تملين .
حرة : اعتذر ريان شبيك اعتذر .

عافها وطلع فقدت تلطم من القهراخذتها غسلت وجهه
اريد افوت وياها ماتقبل قفلت الباب عليهه
ورحت للمطبخ اسمع الباب تفلش تفلش طلع ريان ونزل انور
فتحوا دفع ابوية البوب وفات من شافني دار وجهه
يوسف : حتى اخجل بيج مع الآسف انتِ بنتي.
دُر : مع الاسف انت ابوية .

حجيتها اريد اروح وفات ريان صاح بي
_ شكووو شلون عرفت العنوان .
يوسف : مو صعب علينه وانور يدري ها امور سهلة .
دخل يسار مركز بـ انور ويخزر بي يحاول يثير عصبيته
راح ريان برا بحجة يسد الباب بس لمحته يخابر
ورجع حذر يحجي وياهم وينتبه على مسدسات عدهم
يوسف : اريد ياسين .
ريان : مو عندي .
يوسف : لعد وين .
خفت ريان يحجي اسم لان مبين اكو خطه بالموضوع
ريان : ما ادري روح دور على اخوك يمكن مسافر .
يوسف : وبنت ياسين وين اخوانها يدورون عليهه .
ريان : شيسوون بيهاااا .
يوسف : اخوانها شعليك بيها .
دُر : عدهم عار مو يريدون يخلصون منه.
يوسف : لا تسمعيني صوتچ انتِ حسابچ ما خلص .

بعدهم يحجون وصوت النجدة برا طلع ريان فتح الهم الباب
وهو يدخل يحجي وياهم ، فتت قبل لا يوصلون بس بعدني اشوفهم
ريان : هذولي داخلين بيتي مسلحين يريدون يقتلونا
واني واخواني بس بالبيت يدورون ورانا بدون سبب يذكر
بس احتمال يريدون نتعاطى مخدرات وياهمممم .

اخذوا المسدسات من البناطيل
الضابط : بيهن رخصه ؟
يوسف : لا .
الضابط : اخذوهم .
اخذهم للسيارة ابوية حقد على ريان وانور وريان يقهر بي
يضحك بشماته طلع وريان راح وياهم حتى يرفع بلاغ بيهم
اول ما صعد بالسيارة ضحك ورفع ايده ليسار
وشغل يا فارس بدر بصوت مسموع .

انور قليل يحجي معتزل لو طالع لو يصعد بس راحوا
وراها بساعة يريد يطلع مبدل وبس وصل للكراج رجع
بابنا ينضرب ضربات والسب والغلط والحلفان مخيف برا
طلع الهم انور وصاح بيهم بصوته الخشن
_ نعمممممم شكووووو سالمين سلامات .
طلعت اباوع عليهم شيوخ وزلم كبار وشباب يصيحون
_ مطلوبين اذا بتنا تطلگ بسبب بتكم نخلي الدم للركب.
انور : انجب لك يخلي الدم للركب شلون گصاب .
_ انجب انا انجب بكبر ابووووك تگلي انجب .
انور : اختصرررررر منو انتوووووا .
_ اهل حرمة سراج الدين من راس بتكم بتنا وصلت للطلاگ .

رجه ريان وقبل لا ينزل من السيارة عبالك عرفهم اتصل بالتلفون
واجه عليهم دفعهم وصار قريب من انور
_ نعم ؟
_ كلامنا ما يتكرر تجي بتكم وتفهمهم لان اذا صار شي
مانخلي واحد بيكمممممممممم عايش .
_ تفهمهم علي شنوووووو .
دفعه انور ورجع لزمه من ياخت الدشداشه
ريان : ترررروح مناااااا لا والله ادرسك بحذائي انت وبتكم الصلفة .
هو حجه هيج وكلها هجمت يضربون وانور وريان يضربون بيهم
وكلهم بيدهم تواثي كل وحدة شكبرها تخبلت من شفت عددهم
يضربون اثنين بس اخواني رتح يرررروحون بيهاااا
أخذت الماسحة وطلعت اضرب بيهم واصرخ فقدت
وحرة طلعت على صوت الصراخ تضرب بيهم ويايه
من بين الهوسة حسيت انرفعت من بطني ودخلت البيت
اريد اضربه وانصدمت من شفته رفعت ايدي اشرت عليهم
_ اخواني علي الآكبر اخواني .

دخلوا حرة وسد الباب بدون ما يحجي نزل جود يغلط
ويفشر وعلي الآكبر يرفع بـ انور يضرب بواحد منهم
بكل قوته وريان يصيح على علي الآكبر حتى يوگف
انور لان الولد راح يموت ، وجود يكتل بواحد جبير
بنص الهوسة دخل عمي بيناتهم وصاح بصوت
عالي واضح : علي الآكبررررررررررررر .

بسّ وكف يريد يشوف ابو اجه واحد يركض شايل خشبه
ضرب علي الآكبر على راسه لزمه وگع على وجهه فاقد .

يتبع ..

ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد ..

من هو النبي الذي ارتبط اسمه بالصبر...؟

◯ يونس عليه السلام

◯ أيوب عليه السلام

◯ يعقوب عليه السلام»