دارمي بحق الامام الكاظم عليه السلام
مهيمن يوسف الموسوي ١٤٤٥هـ ٢٠٢٤م


يالمهدي يا مولاي إلمن تهل عين
للكاظم المسموم لو للولي احسين
......
يا حُجّة المعبود آخر لأئمّه
گلبك يمهدي شلون وبعالي هَمّه
مِنّ العِده الغدار وبلايه رحمه
لموسى الولي وحسين وهواي ماذين
......
گلب و قهر موجود وليا مصيبه
للي انذبح مغدور من كل كتيبه
لو لنسجن مظلوم وچثته غريبه
فوگ الجسر خلوه كل المعادين
......
إبن النبي المختار وإبن الزچيّه
جيش و عطش و اخطار من آل اميّه
وقدّم دِمَه مذبوح بالغاضريه
لجل النصر و انصاف كل غايته الدين
......
موسى الإمام هواي گلبه تفطّر
من كل بني العباس بسّ الأذه و شر
بظلم و حقد مسجون وبحاله يصبر
رغم الاعادي حيف وبكثره ماذين
......
حزنك إمامي شلون و الحاله صعبه
سابع ولي و حسين بالموته غربه
مو بالمدينه يموت وكل اهله قُربه
بنص الغرب يا حيف وبحسره ميتين
......
سبط النبي و عطشان حالة وفاته
وموسى الولي مسموم هيجي جزاته
كل واحد و معروف كل تضحياته
وكلهم نسل لاطهار وبهايه طيبين
......
حزنك على الأجداد خله الگلب نار
نار الحزن متهيد من العده الجار
جور و ظلم موجود ويضد لاطهار
نوحه فلا كل نوح واثنين نوحين
......
نوح بألم و اشجان موجوده حسره
بگلبك امامي شبيه مقهور كثره
بلوعه تهلّ العين وتسيل عبره
ويّه المحب وتنوح ويّه المُعزّين
......
آه شكثر مولاي حزن و مناحه
لابن الوصي المذبوح تنزف جراحه
لو تذكر المسجون عالي السماحه
لو بالعزه موجود عند الموالين
......
شصبرك امامي شلون نص الگلب هَم
حزن و مناحه بيك قهر والم عَم
وضعك يمهدي شبيه وبفكرك الغم
والشيعه هذا اليوم لجلك منادين


مهيمن يوسف الموسوي
٢٠ رجب ١٤٤٥هـ
٢٠٢٤/٢/١م يوم الخميس ١١:٤٦م

بحق الامام الكاظم عليه السلام
مهيمن يوسف الموسوي ١٤٤٥هـ ٢٠٢٤م

يالكاظم المظلوم زوار اجت هاليوم
للكاظميّه بهاي الرزيّه
لموتك گلبها هموم زوار اجت هاليوم
..........
يا موسى بن جعفر اجت يا سيدي يالكاظم
الزاير يگصدك بالمشي بهمّه و عزيمه قادم
بهاي المسيره الخالده باقي رغم كل لائم
وشما يقدم لو نطه لجلك ابد ما نادم

ايحسّ بفخر موجود عقله بأمر معگود
فكره و إراده بيها اعتقاده
لموتك گلبها هموم زوار اجت هاليوم
..........
متحزّمه يا بالرضا هاي الجموع الزوار
من كل مكان و گصدتك لا ما تردها الاخطار
وتحمل عقيده ثابته ونهج و معارف و افكار
بحبّ و ولائك تستمر بيها امامي احرار

نذرو الك لسنين للدوم مفتخرين
يبقى بثباته بهايه صفاته
لموتك گلبها هموم زوار اجت هاليوم
..........
خمسة و عشرين برجب وبكل سنه مشايه
هالشيعه لجلك سيدي يا يالرضا وفايه
لزيارتك ولمرقدك عدهم عظيمه الغايه
باقي الموالي معتقد هاي القضيّه و غايه

موقف ثبت بالروح بعمره يظل ميروح
بحسره و أنينه قدّم سنينه
لموتك گلبها هموم زوار اجت هاليوم
..........
يا كاظم الغيظ الولي كل شيعتك متوحدين
رغم التعب لجلك فده بهاي المسيره ماشين
من اول اسنين العمر لجلك امامي امضحين
اتحسّ ابقصور شما الك تنطي و تقدم اسنين


تفدي و تقدم اعمار يبن النبي المختار
وكلها ذكرها لجلك أمرها
لموتك گلبها هموم زوار اجت هاليوم
..........
للكاظميّه و اعتنو بهاي الزياره مولاي
بلهفه تزورك گاصده كل شيعي بيهم وفاي
وفّو عهدهم ما تزل عن العقيده و الراي
روح و گلب بي معتقد لزيارتك حين الجاي

يا يالرضا تدريه گلب الموالي شبيه
يسري بدمانه لجلك ولانه
لموتك گلبها هموم زوار اجت هاليوم
..........
بين البشر من كل صنف ديني الشخص لو مُلحد
شيعه نفسها ما أجد هيچي بشر تتوحّد
رُغم الخلافات التُمر كلها الضريحك تگصد
ابنِيّه و عقيده ثابته وحبهم فلا يتحدّد

لكل المذاهب و الدين نفس اليزورك وين
بس شيعتك هاي عدها الصفه و راي
لموتك گلبها هموم زوار اجت هاليوم
..........
خلها الديانات الذي بهذا الأمر متعجبه
من كل دول لجلك إجت لا ما تحسّب صعبه
لگبرك تزوره بهالأمر عدها أراده و رغبه
لو ما تزورك سيدي اتحس بالحزن و الغربه

روح و گلبها اوياك بالدم فخر يفداك
كلمن يواليك بيها يحيّك
لموتك گلبها هموم زوار اجت هاليوم
..........
من يوم موتك بالغدر كل شيعتك متحدّه
درب النجاة امن الخطر بيك الأمن معتقده
مثل الجبل صبر المُحب قوّه و ثبات العنده
رغم العده بكيده و حقد رايد يمنعنه ايردّه

هذا الامر معروف ثابت يظل موصوف
كلمن تعنّه وبگلبه ونّه
لموتك گلبها هموم زوار اجت هاليوم
..........


مهيمن يوسف الموسوي
٢١ رجب ١٤٤٥هـ
٢٠٢٤/٢/٢م يوم الجمعة ١١:١٧م

ابوذيات للامام الكاظم عليه السلام
مهيمن يوسف الموسوي ١٤٤٥هـ ٢٠٢٤م

على الكاظم دمع عيني وسيله
إمامي بالدعه إلنه وسيله
الحوائج يگضي لو أگصد وسيله
بمصابه اعتني للكاظمية

بولائي كل خطر منه وسلم
إذا زرت الولي الكاظم وسلم
عمري ينكضي كله وسلم
أجر وبدنيتي و يوم المنيه


مهيمن يوسف الموسوي
٢٧ رجب ١٤٤٥هـ
٢٠٢٤/٢/٨م يوم الخميس ١:١٠م

للمبعث النبوي
مهيمن يوسف الموسوي ١٤٤٥هـ ٢٠٢٤م

نبينه بكل فخر لجله وَدّينه
نحبه و نلتزم بأمره ودينه
سلام بشوگ نبعثله ودِينه
رحمه انبعث لاهل البريه

يربّي قدّر ارزقني وأمر بيه
ازوره المصطفى بلهفه ومر بيه
ولائي بالگلب دايم ومربيه
يوالي المصطفى و حامي الحميّه


.........
بفضل النبي المصطفى دين الجلاله وصل
دايم نبينه يظل النه شفيع و وصل
حين الدعه نذْكره انسلّم محبّه وصل
بدينه نظل نلتزم بقوه و ثباته وجد
نفسه فلا بالارض يلكه الموالي وجد
الطـٰـه يظل كل محب کلبه الرسوله وجد
حگه نبينه علينه بهالمحبّه وصل


مهيمن يوسف الموسوي
٢٨ رجب ١٤٤٥هـ
٢٠٢٤/٢/٩م يوم الجمعة ٨:٤٥م

ابوذيات ولادة الامام الحسين عليه السلام
مهيمن يوسف الموسوي ١٤٤٥هـ ٢٠٢٤م


لحسين الولي محفل حيينه
بولائه وذكره كلنه من حيينه
إذا نبعث سلام بشوگ حيينه
لابن خير البشر و ابن الزجيّه

إمامي ثابت بنهجه وسر بيه
وذكره بمولده بشوگي وسر بيه
ولائي ما خفي اعلن وسربيه
حسين و حبّه يبقه للمنيّه

دليلي بحب ابو اليمه ولا زل
ثبت من عالم الذر دوم ولازل
ولائه بالگلب يبقه ولا زل
على الناس افتخر و بهالقضيّه

اليعادي العتره كلها ولا ردّ
يظل ذكري بابو اليمه ولا رَد
و على كلمن يعادينه ولا رِد
موالي و افتخر بين البريه

حُسين بمولده حزني وحِلّه
ولائه و كل ذكر منه وحْله
بروحي و الگلب يزهي وحُلّه
حياتي امنوّره تصبح زهيّه

مشاعر بالگلب لجلّه وحسين
إمامي بمولده اذكر وحسين
فضله باقي كل عمري وحسين
ديني و الفكر حسّن سويّه


مهيمن يوسف الموسوي
٢ شعبان ١٤٤٥هـ
٢٠٢٤/٢/١٣م يوم الثلاثاء ٦:٣١م

للإستشهاد الامام علي " عليه السلام"
لحن : حاجيني يا ارض الشام ، باسم الكربلائي


تاسع عشر من رمضان صار الحزن بالأكوان
أعظم جرح بوجه الصبح
صار الحزن بالأكوان
..............
بفجر تاسع عشر رمضان جرح صاير أشد لجروح
إمام المتقين إنصاب راسه منطبر مجروح
بالسيف انطبر حيدر دمّه عالأرض مسفوح
ركن من الديانه طاح بمحرابه صُبح مطروح

طايح إمامي الكرار راسه نطبر من غدار
دمه يسح بوجه الصبح
صار الحزن بالأكوان
..............
مثل طود الجبل و انهار علي حين انطبر مغدور
وبسيف الغدر صابوه بالهامه تره مطبور
بصلاته حيدر الكرار تصيبه أهل العده و الجور
تحده المجرم بفعله و هدّم للديانه سور

جرحه علي بالمحراب دين النبي بيه انصاب
هذا اتضح بوجه الصبح
صار الحزن بالأكوان
..............
و بجرح الولي الكرار تغيّر كل نظام الكون
سمه و ارض و كواكب حيل علامات الحزن و تكون
يحسها كل محب ويشوف متكدره و نظرها شلون
نظر واعله السمه بعينه بيها للحزن هاللون

و شاف الموالي المهموم شيعة علي تبجي اليوم
كلشي صُبَح بوجه الصبح
صار الحزن بالأكوان
..............
حين اللي درت كلها علي براسه انطبر هاليوم
موالينه إجو لجله تشوف المرتضى المظلوم
مصيبه اتصيح وا ويلاه حزنانه بگلب مالوم
تدعي بالشفاء ايكون بٱمر الخالق القيوم

ليش انطبر من اشرار هذا الوصي للمختار
صار المدح بوجه الصبح
صار الحزن بالأكوان
..............
لجل المرتضى صارت ملائكة السمه السبعه
حزنانه على الكرار مقهوره لجل وضعه
و صارت تبعث الاحزان ولحيدر صفت تنعه
حقها للوصي تحزن ربنه هواي ومرفعه

فضله و مقامه عالناس عالي و كثر ما ينقاس
هو اليصح بوجه الصبح
صار الحزن بالأكوان
..............
مغدور الوصي مولاي وباحسن شهر هوه
أبن ملجم يضربه حيف ابد ما شايل امروّه
رغم چان ابرباته سنين طلع خاين بلا نخوه
خان اللي يعيشيه اوياه نذاله بطبرته سوّه

و شگد حقد عنده هواي للمرتضى ايغدره بهاي
حيف و فرح بوجه الصبح
صار الحزن بالأكوان
..............
تأذّه المرتضى بجرحه والهامه نزفها الدم
تلوّع من طبرته هواي إمامي هواي متألّم
و رغم هذا بقى بصبره أمره للصمد سَلّم
يدري ابموتته گربت لجله حيدره مهتم

جهز وصيته المعصوم وجرحه و طبرته ادموم
كلشي انطرح بوجه الصبح
صار الحزن بالأكوان
..............


مهيمن يوسف الموسوي

للإستشهاد الامام علي " عليه السلام"
لحن : شفت الفصول الاربعة ، باسم الكربلائي


حيدر علي راسه انطبر صابه العده باعظم شهر
دمّه يسيل اعلى الأرض و صار الموالي منقهر
......
لمّن يصلي للصمد خاشع إلىٰ رب السمه
حيدر اجه ليه العده راسه نطبر نازف دمه
بالهامه صارت طبرته من الأعادي الظالمه
بفعله ابن ملجم فلا روحه ابد ما نادمه

يضرب إمامي حيدره وبكل خيانه يغدره
بسيف الحقد من يطبره بخسّه و نذاله والغدر
......
يطبر وصيّ المصطفى وبكل غدر من انضرب
ما عنده جرئه ايواجها ما يگدر اويا بالحرب
وشگد لئيم بفعلته و خلّه الدمه منه يصب
رحمه فلا عنده ولا صاير يرف لجله الگلب

خاين إمامه و سيده انذل شخص من العده
روحه شكثر من حاقده للمرتضى فارس بدر
......
بهاي المصيبه كل خلق والحيدره عقله نذهل
هذا الوصي هذا الولي تالي انطبر من النذل
يغدر ابن عم النبي راد بضربته ينقتل
راسه انگسم حيدر وسف و بطبرته راح الامل

آخر حياته نعرفه بيها الألم و نوصفه
بس الحزن بالعاطفه لمّن بده ايروح العمر
......
ظل حيدره و بطبرته عانه شكثر منها الألم
نفسه تلوع امن الجرح حگه تره راسه نگسم
حاله صعب ما ينوصف حين العده جاه بظلم
يغدر إمامي و يضربه ماكو مثلها بالأمم

بمصابه صارت شيعته تدعو ايتشافه ابطبرته
الها يرد و بصحّته يرجع علي وبلا ضرر
......
لمّن درت كل شيعته صارت حزينه و بس تون
متجمعه ابابه كثر رادت تشوفه و تطمئن
للمرتضى صار المحب گلبه بقهر و بهالمحن
محنه و مصيبه بلا شبه جرحه علي بهذا الزمن

هذا علي بوصفه حرت وشما اوصّف لو گلت
جن و انس كلها درت و بطبرته حزنت كثر
......
كل الملائك بالسمه حزنانه لجل امصيبته
لمن درت حيدر اله اتعنه العده و بضربته
عرفت علي براسه نطبر تنزف صفت كل هامته
و جسمه انمله بسم العده ضربة عدوّه أذّته

مقهوره حيل تلوعت بقهر و مناحه اصبحت
بهاي الرزيه واعرفت قربت منيته بهالأمر
......
بين الموالين اصبحت والهالمصيبه الفاجعه
حسره بگلبها و الشجن صارت كثر متروّعه
للمرتضى بطول الوكت يهمل صفه كل مدمعه
تدري علي بموته گرب صارت إله و تودّعه

منهو بعد حيدر علي الها يصح نفسه ولي
لموته الحزن ما ينجلي يبقى مصابه ينذكر
......

مهيمن يوسف الموسوي
1444هـ 2023م

للإستشهاد الامام علي " عليه السلام"
مهيمن يوسف الموسوي


يا بالحسن ويّاك هالشيعه ما تنساك
تنصب عزيّه بهاي الرزيّه
هالشيعه ما تنساك
.............
يالمرتضى وكل شيعتك كل الموالين
بمصيبتك من تذكرك هماله هالعين
هاي الرزية باقيه موجوده لسنين
ننصب الك نبقى العزه رغم المعادين

يا حيدره مولاي باقي المحب وفّاي
حدّ المنيّه بهاي الرزيّه
هالشيعه ما تنساك
.............
يا سيدي و بمقتلك اعظم مصيبه
لجلك بجه بحسره المحب عالي نحيبه
عنه ارحلت و بموتتك صعبه و عجيبه
وبغيبتك مثلك فلا احنه نجيبه

بيك المحب مهموم يچي عليك ادموم
صار بأذيه بهاي الرزيّه
هالشيعه ما تنساك
.............
تدري شجانه يالولي شفنه المعانات
لكن فلا نتركك نظل يا بو الكرامات
نبقى نردّد يا علي بهاي العبارات
إنته إمامي و افتخر يا طيّب الذات

ومصيبتك بالروح عنه ابد متروح
تبقى وصيّه بهاي الرزيّه
هالشيعه ما تنساك
.............
بينه تعيش امصيبتك نذكرها كلنه
يا سيدي بحسره وقهر هامل دمعنه
بطول السنين و باقيه رغم اليضدنه
وشكد يأذينه و فلا هو منعنه

ثابت عهدنه دوم ميهمنه كل اللوم
بين البريّه بهاي الرزيّه
هالشيعه ما تنساك
.............
حين تصلي نذكرك لمن يغدروك
و انته ابن عم النبي كلهم يعرفوك
تالي بخيانه تنقتل هيجي يجازوك
بحقد و نذاله منطبر من اليعادوك

بكره و حقد مصيوب راسك وسف مضروب
فوگ الوطيه بهاي الرزيّه
هالشيعه ما تنساك
.............
ننصب الك هذا العزه بحسرة گلبنه
نار الحزن متلهّبه هذا وضعنه
و المقتلك يا سيدي هامل دمعنه
و هاي الرزيه و الحزن باقي المنه

منّه تهل دمعات للمرتضى بحسرات
وبكل مسيه بهاي الرزيّه
هالشيعه ما تنساك
.............
فضلك إمامي و مقتلك دايم ذكرها
ليش الأعادي ظلمتك و بكل غدرها
بالمسجد او جاك العده و واضح أمرها
تنهي حياتك يا علي و طفّت بدرها

نورك علينه غاب لمن إجاك إصواب
بونّه شجيّه بهاي الرزيّه
هالشيعه ما تنساك
.............
مهيمن يوسف الموسوي

بحق الامام علي "عليه السلام" ١٤٤٥هـ ٢٠٢٤م
مهيمن يوسف الموسوي

مقتلك أذّانه يا علي مولانه

*١*
يا علي بكل عام حزنك سيدي يتجدد
باقي ذكرك ما نتركه بهالأمر نتّعهد
كل موالينك يحيدر بالحزن ما تنعد
هالعقيده ثابته بالزمن تتخلّد
نفدي كل ادمانه يا علي مولانه

*٢*
سيدي واجب علينه هالأمر منعوفه
بيك كلّ الحق مسيره ما يزل ونشوفه
لو نذكرك وبصفاتك عالملا معروفه
من عدوك منطبر بيها الغدر موصوفه
بالقهر تبيانه يا علي مولانه





*٣*
وبمماتك يا علي مثلك ابد ما شفنه
ساجد بمحراب تعبد و العده يتعنه
هامتك بالسيف يطبر وبخيانه منه
يا إمامي ولمصابك وبكثر ألّمنه
ظل يعيش اويانه يا علي مولانه

*٤*
يا علي وشلون نترك هالحزن و الطبره
كل سنه لجلك مجالس ننصبه وبحسره
بالگلب مولاي حزنك والجرح ما يبره
كل صفاتك و الفضل عند الموالي ذكره
عالصدك خلانه يا علي مولانه

*٥*
يا ولي و اول لأئمّه من بعد هادينه
شلون ابن ملجم يغدرك هالأمر ماذينه
وانته للمختار تنصر عالعده كل دينه
عالبشر نذكر مصابك يا علي تدرينه
لو كثر عدوانه يا علي مولانه



*٦*
يا مصيبه اعلى البشر تشبه مصابك حيدر
من شخص خاين عشرتك وبنذاله يغدر
بسيف مسموم و يضربك هامتك تتطبر
وانته تعبد خالقك ربنه الجليل الاكبر
وبألم سوّانه يا علي مولانه

*٧*
سيدي يا بالحسن لجلك عهد و نقدمه
يفدي دمه و كل حياته بالموالي هَمه
من اجل ذكرك امامي لو يقدّم دمّه
رايدك ترضه لعطائه بهالقضيّه اتسلمه
لو أذه اتعنانه يا علي مولانه




مهيمن يوسف الموسوي
٢٧ رمضان مبارك ١٤٤٥هـ
٢٠٢٤/٤/٦م يوم السبت ٢:٠٥م

اجمل قنوات التلجرام لنشر وتلحين القصائد الحسينية👇
https://www.tg-me.com/+QYhwKvqAiD7e_b1P

دعم مؤسسة منبريون الحسينية
#افضل قناة للنعي
https://www.tg-me.com/+P0VV4bLqtzuKdcQS
#للاشتراك بالدعم @ahmed_alziwar0