tg-me.com/FlutterDasturchi/106
Last Update:
Dasturchiga matematikadan ko'ra mantiq ko'proq kerakmi? 🤷♂️
Barcha matematik jarayonlar mantiqqa asoslanib ishlab chiqilgan bo'lsada, har ikkisi xilma-xil maqsadlarga ega bo'lgan turlicha vositalardir.
Menga qolsa matematika va mantiq bir-birini to'ldiruvchi qarama-qarshiliklar deb aytgan bo'lar edim. Oddiyroq qilib aytadigan bo'lsam matematika mantiqiy aniqliklarni aniqlaydi.
🔸Matematika raqamli natijalarni aniq beradi, ammo jarayon va natijani intuitiv tushuntirmaydi.
🔹Mantiq jarayon va natija haqida ko'proq tushuncha beradi, lekin odatda miqdoriy natijalarning faqat birinchi darajasinigina baholay oladi xolos.
🔸Matematika faqat raqamlar bilan bog'liq masalalar uchun foydalidir, mantiq barcha masalalar uchun foydalidir va asosan ijodiy fikrlash jarayoni bilan juda yaxshi kelisha oladi.
🔹Mantiq intuitiv yolg'on taxminlar tufayli xatolikga moyil bo'lsa matematikada intuitiv noto'g'ri xulosalar paydo bo'ladi.
🔸Matematik formalizm - bu bosqichma-bosqich qat'iy qadam bo'lib, faqat oldinga siljish mumkin.
🔹Mantiq deduksiya va induksiya jarayonlarini o'z ichiga oladi. Shuning uchun, u jinoiy qidiruv yoki boshqa bir muammolarni bartaraf etish kabi holatlar uchun yaxshi instrument. Bundan tashqari, dastur bosqichlarini ishlab chiqish, raqamli qurilmalar uchun integral mikrosxemaning muhandisligi kabi qismlarda ham yaxshigina qo'l keladi.
🔸Matematikani turli metodlar asosida rivojlantirish va uni qismlarga bo'lib o'rgatish mumkin.
🔹Mantiq uchun aniq bir ta'lim shakli ishlab chiqilmagan. Odatda bu hayotiy tajriba va muhit orqali o'rganiladi.
🔸Muammoni hal qilish uchun qancha matematikani qo'llash kerak bo'lsa, yechim shunchalik murakkablashadi.
🔹Muammoni hal qilishda siz qanchalik mantiqqa amal qilsangiz, shunchalik sodda yechim topasiz.
Birinchi savolga qaytsak. Dasturchi uchun matematikadan ko'ra mantiq ko'proq kerakmi?
Ha albatta. Umuman matematikadan xabarsiz odam dasturchi bo'la oladi. Bugungi kundagi yuqori darajadagi dasturlash tillar inson tilidan farq qilmaydi va buyerda matematik hisoblardan ko'ra mantiq yaxshiroq qo'l keladi.
Dasturchi faqatgina hisoblarni yuritishnigina emas muammo uchun tezkor va muqobil yechim topa olishi ham kerak. Bu esa o'z o'rnida matematikaga emas balkim mantiqqa asoslanadi.
Manuchexr Usmonov