tg-me.com/jbrjbrjbr/3884
Last Update:
ماخفت المنية.
ياليث الرزيه.
صولاتك. يمسلم
صولاتك. يمسلم
ـــــــــــــــــــــــــــــــــــــــــ١
جيش، ايزيد شتته وحدك أسد كوفان.
وكل الجمع ما هبته. من تثور بركان.
أبن عمك أبو فاضل. عشيره وكلها شجعان
حاروا بيك يامسلم. تحصد روس عدوان.
وحسينك هويه.
ياليث الرزيه.
صولاتك. يمسلم
صولاتك. يمسلم
ـــــــــــــــــــــــــــــــــــــــــــــ٢
قصر الطاغي حاصرته. سيف الوصي سيفك
العساكر يمك من تحير. تفنيهه اعلكيفك.
ذوله الخارجين عليك. منهم اخذ حيفك
ذوله الخانوا العشره. مابيهم يخيفك.
يارمز القضية
ياليث الرزيه.
صولاتك. يمسلم
صولاتك. يمسلم
ـــــــــــــــــــــــــــــــــــــــــ٣
سلامك من صل لحسين. حياك ابن عمك
تنفي افواج فوگ افواج. ماينتهي عزمك
تحسم حربك بكيفك. ياجيش اليحسمك.
تبقى المنتصر مولاي. ياحق من نكلمك.
الشعلة الهاشمية
ياليث الرزيه.
صولاتك. يمسلم
صولاتك. يمسلم
ـــــــــــــــــــــــــــــــــــــــــــ٤
شلت راية علي الكرار. بيدك يبن الخيار.
صحت لازم نطيع حسين. يبقى رمز الاحرار.
ربنه وصى بالقرآن وصه النبي المختار.
الطاعة واجبه لحسين. وتچوي الخالفه النار.
الثورة الفاطمية.
ياليث الرزيه.
صولاتك. يمسلم
صولاتك. يمسلم
ــــــــــــــــــــــــــــــــــــ٥
اختاريت الشهاده بعز . رفضت الذله مولاي
متت عطشان مثل حسين.گلبك ماروه الماي.
ربنه يحبك وعلاك. الزهره تحبك هواي.
صوتك ماسكت لليوم. نسمعه بكل وكت جاي
لحسينك ضحيه.
ياليث الرزيه.
صولاتك. يمسلم
صولاتك. يمسلم
ـــــــــــــــــــــــــــــــــ
حيدرموسى الرميثي
BY حيدرموسى الرميثي
Warning: Undefined variable $i in /var/www/tg-me/post.php on line 280
Share with your friend now:
tg-me.com/jbrjbrjbr/3884