☆ ሀ_ሴቴ ☆

•••
ፍቅር ጠምቶኝ ፍቅር ናፍቆኝ ፣
ብቸኝነት ሲያሳቅቀኝ ፣
ባይተዋርነት ሲያስለቅሰኝ ፣
ሰማይ ምድሩ ሲርቅብኝ ፣
ዘመድ ወዳጅ ሲስቅብኝ ፣
•
•
•
•
የሁሉ አምላክ የላከልኝ ፣
ሀ_ሴት ብሎ የሾመልኝ ።
•••

እሱ ቢሰጥ አያልቅበት ፣
እሱ ቢሾም አይጎድልበት ፣
ጠዋት ማታ አይነጥፍበት ፣
አንችን ሰጠኝ ለበረከት ።

ሀ_ሴቴ ደስታዬ ፤
ሀ_ሴቴ ስኬቴ ፣
ሀ_ሴቴ ውበቴ ፤
ሀ_ሴቴ ድምቀቴ ፣
ሀ_ሴቴ ግርማዬ ፤
ሀ_ሴቴ እኔነቴ ፣
ሀ_ሴቴ ረሃቤ ፤
ሀ_ሴቴ ናፍቆቴ ፣
ሀ_ሴቴ መሪዬ ፤
ሀ_ሴቴ ጉልበቴ ፣
ሀ_ሴቴ ልደቴ ፣
ሀ_ሴቴ ሕይወቴ ፣
•••

ዘመኔን ከአንች ጋር ማርጀትን እሻለሁ ፣
እንደ አባት ወንድምሽ እሆንልሻለሁ ፣
አይቼ አልጠግብሽም እሳሳልሻለሁ ፣
የቤትሽ ምሦሦ ራስ እሆናለሁ ፣
ዘወትር እንደ አዲስ ሳፈቅርሽ ኖራለሁ ፣
እንደ እናት እንደ እህት እመካብሻለሁ ፣
ፈጣሪ እንደሰጠኝ ተቀብዬሻለሁ ፣
ለፍቅርሽ አምኃ ልቤን ሰጥቻለሁ ።
ሀ_ሴቴ አፈቅርሻለሁ ፣
ሀ_ሴቴ እወዳሻለሁ ፣
ሀ_ሴቴ ራሴን እሰጥሻለሁ ።
            ☆       ☆      ☆

ሀ_ሴትዬ የእኔ ውድ ....... ከዚህ በላይ ብልሽ ደስ ይለኛል። ግን አልችልም።


© ᵞᴱ'ᴬᴮᵀˢᴱᴳᴬ ᵞᴱ ᴴᴬˢˢᴱᵀ 💥