ابوذيات نعي في حق الإمام جعفر الصادق (ع)

جعفر جان للشيعه علمهه
جن وانس بفكاره علمهه
مثل بجي العقيله ابهم عله امهه
خل نبجي عليه صبح ومسيه
.............................
يبو الكاظم تره امبين مراداك
وعدوك قرر ابموتك مرادك
رحت ياسيدي وواضح مرادك
تريده ايزول فكر الجاهليه

الشاعر
ياسر العارضي

عباس ليث المعركه وحامي الضعن
مــا تـمــيـِز ضـربـتـه مـِـن المــِـزَن
هذا ابن حامي الحميه
...........................
من زغر سنه اعله سيفه اجفوفه مفطومه الشهم
إليـنـعـد ابمليـــون فارس يـمــرد اشـبــــــاه الزلم
ســور دون امخيــم أخته مـــن الـمـحـــال وينهدم
كـــافـل اخته من المدينه ويــه كـِــل نكَـلـة جـِـدم
وابوفاضـل ذخـــر زينب بالحرب
ايرجف اركان الاعادي من يطب
هوه ليث الغاضريه
هذا ابن حامي الحميه
..............................................
احــزام ظـهـر حسين اخيه ويفدي روحه العيلته
سـكـنـه وايــتـــــام وارامل والعـطـاشــــا اتنخته
برز شــــايل جـربـــــه بيده والاعــــــادي حاطته
وابـكـثـــر مــــا عنده غيره النـهـر صار ابجربته
مارجف كَلبه الكثر جـمــع العده
ومن عركَـ سيفه وكع منه النده
كَطع جيش الناصبيه
هذا ابن حامي الحميه
......................................................
رسم بالطــف الملاحم لختـه زينــب من حِلَف
كَلهه عد عيـناج خويه جـــرد السيــف وهتف
صـــــاح والكرار ابوي المنـدفن بارض النجـف
إلا اخــلي اعـداي مني الفارس وسيفه ارتجف
ورجف العدوان من طب وارتجل
هــا أنـا العبـــاس ابن ذاك الفحل
نازل ابروحه الأبيه
هذا ابن حامي الحميه
...........................................................
تحت رجلين ابــوفاضل يخجـل اتــراب الطفوف
الكاع تخجل مـن عليهه اتكطع اجفوفه السيوف
وتنطفي عينه ابسهمهم بعــد يـرجـــع مايشوف
بالعمد ينصـــــاب رأسه ويحـمــل آلام الحتـوف
من كرب منه الاجل ناده الحسين
ابدون ناصر كَله تبقه ولا مـعـين
ابلا جفوف اعله الوطيه
هذا ابن حامي الحميه
...........................................................
ضل وحيد حسين بعــده وظهره من بعده انكسر
راح ابوفاضل عضــيـده الجان اِله احزام الظهر
اتوسد الحومه الصميده ضــامي وابصف النهر
ما شرب مــــاي وتـروه وعـالعـطش كَلـبـه صُبَـر
انطه درس الخوه فوك المشرعه
يبقه ضامي والسيـــوف اتكَطعه
اتحمل آلام الرزيه
هذا ابن حامي الحميه




ياسر العارضي

قصيدة منبريه
للعباس ع

بحماك انه وخدري وهلي
كَالتله بيدك محملي
عباس عباس
...................................................
هاج اعله عدوانه وغضب
موت اعله عدوانه انكتب
ماجت بارضها كربله
هزاهه بعيون المله
عباس عباس
ظنهم نزل حيدر علي
حملاته حملات الولي
ولهذا زينب من اجت
كَالتله بيدك محملي
عباس عباس
.......................................................
راح وجهبها المشرعه
كل طاغي سيفه امروعه
والماعرف شنهو الخبر
كَالوله عباس الحظر
عباس عباس
ماتنعرف يسره ويمين
طشرهه بدر الثائرين
هذا التكفل اخته من
كَالتله بيدك محملي
عباس عباس
....................................................
راح اعله عدوانه وهتف
هذا آنه ابوي البالنجف
متهمني جيمان الكفر
وبسيفي ازيح اهل الغدر
عباس عباس
وبصوته زلزل كربله
صوته اعله كل صوت اعتله
مِن مثله كَالته الاخت
كَالتله بيدك محملي
عباس عباس
....................................................
عاليمنه جاب الميسره
وبسيفه نهر الدم جره
وجفوفه كَطعوه الكفر
بجفوفه بس جاب النصر
عباس عباس
واللي جره اعليه ماجره
عينه انطفت والدم سره
والحره تنتظره لأن
كَالتله بيدك محملي
عباس عباس
.................................................

مزنه وتطيح من السمه
عباس راعي الموزمه
ماي الوكَع من جربته
وي دمه سال ودمعته
عباس عباس
وبصدره يتلكَه الارض
وابطيحته ايأدي الفرض
من زينب الحره استحه
كَالتله بيدك محملي
عباس عباس

ياسر العارضي