tg-me.com/kjhgkkb/4208
Last Update:
#_الشاعرة_أم_ذو_الفقار_
#حصريا🔥🔥🔥
#قصائد_الإمام_علي_ع
كأني بمولاتنا زينب ع تخاطب اخاها الحسن ع عندما هدأت انفاس أمير المؤمنين ع وخرجت روحه الطاهره بعد معاناة ثلاث ليال من الوجع من الجرح والنزف الدائم من هامته الشريفه كأني بها تقول،،،،
ـــــــــ❋❋❋ ـــــــــــ
غمض اعيونه وحلتله النومه
ارتاح توه من الجرح وادمومه
خويه عدل رگبته…لايفز من نومته
غمض اعيونه وحلتله النومه
ـــــــــ❋❋❋ ـــــــــــ
غمض عيونه الولي غصبن علينه
گوه فارگنه الحنين وجاس بينه
خله يرتاح الجرح كثر ونينه
ادري تكتل فركته… لايفز من نومته
غمض عيونه وحلتله النومه
ـــــــــ❋❋❋ ـــــــــــ
ادري تكتل فركته وتعبان حيله
خويه خله ينام ويهود دليله
صار يومين الولي مانام ليله
تهد گلبي ونته …..لايفز من نومته
غمض عيونه وحلتله النومه
ـــــــــ❋❋❋ ـــــــــــ
خويه بهداي البجي يابو المروه
انتهت وي الولي عشرة الحلوه
راح ابونه الجان هيبه وجان سلوه
خويه خلي اعمامته…لايفز من نومته
غمض عيونه وحلتله النومه
ـــــــــ❋❋❋ ـــــــــــ
خويه خلي اعمامته يابو المحنه
تبقى ذكره من الولي وريحة اهلنه
بعد مايرجع المات وماكو ضنه
مايمر ببنيته …لا يفز من نومته
غمض عيونه وحلتله النومه
ـــــــــ❋❋❋ ـــــــــــ
مايمر جنه ابونه وساد عينه
واشتره ثوب الشهاده بدم جبينه
شلون بالعيد الاجه وماكو ولينه
روحي تنطر جيته ….لايفز من نومته
غمض عيونه وحلتله النومه
ـــــــــ❋❋❋ ـــــــــــ
تمت بعون الله وتوفيقه🧿
ام ذو الفقار اسراء اللامي✍️
غير مبري الذمة من ياخذ المفردات ويحورها وينسبها لنفسه خصيمه ابا الفضل العباس ع
العمل مهدات لصاحب الزمان عج
https://www.tg-me.com/us/الشاعرة ام ذو الفقار إلمانيا 🇩🇪 إسراء اللامي /com.kjhgkkb
BY الشاعرة ام ذو الفقار إلمانيا 🇩🇪 [إسراء اللامي]
Share with your friend now:
tg-me.com/kjhgkkb/4208