💔🏴 آجرك الله يا مولانا يا صاحب الزمان 💔🏴


أرشيف نواعي استشهاد شباب الأئمة مولانا باب المراد الإمام محمد #الجواد عليه السلام


https://www.tg-me.com/ليالي الأنين الثانية/com.laeileialanin2/2876

#جديد
#الامام-الجواد
#كوريز
كما في جنّات الخلود : تورّم جسده وكان يقطر جلده شبه الدم ، فلمّا قضى نحبه أمر المعتصم بأن يرموا جسده الشريف من أعلى السطح إلى الأرض ، ومنع الناس أن يحملوه ويشيّعوه ويدفنونه ويدنوا منه ، وبقي جسده ملقى على الأرض أياماً بلا غسل ولا كفن ولا دفن ، وكان يسطع منه رائحة المسك والعنبر ، فلمّا علم المعتصم ذلك خاف الفتنة وخشي الفضيحة أمر بدفنه.»
📚 نور الأبصار للشيخ المازندراني ٢٧٦


اشسوه الجواد وليش مسموم
موّرم تراه ويگطر ادموم
شكواه للواحد القيوم

ذبوه من سطح البنايه
هذا الذي من الله آيه
امام على ايده الهدايه

ابسم العدا دلاله مجروح
ثلاث تيام يا ويلاه مطروح
مثل الحسين المات مذبوح

ثلث تيام ظل فوگ الترايب
بس ما رافچت اخته الغرايب
ولا شافت اهوال ومصايب
گلبي على اخت احسين ذايب
—————
مدري اشراح من همه ولجمات(ولا كم آت)
ودليله اشگد يشيلن هم ولجمات
عليش امن السطح ذبوه ولجمات
بيدينج سگيتيه المنيه
———-
#بنت_الشمري

نعي
لسان حال العليله عليها السلام

▪️مجردات وعاشوري ▪️


اتودع اهلها ابدمع نثار
تبجي وتون الليله بالدار
ضعن الغوالي للغرب سار
وگلبي عليهم والله كالنار

اتهل دمعها وتبجي واتنوح
مرضانه يبويه وگلبي مجروح
لاحيل تدري وجسمي مطروح
ودمعي على الوجنات مسفوح


اليوم العليبه اتريد اهلها
وتريد شيالة حملها
وين الهواشم چا محلها
ظلت دموع الهم تهلها

اليوم العليله اتريد ابوها
وتريد اهلها الدللوها
من حملوا ماحملوها
عزلوا ضعنها وفارگوها

————-
طور لفى عاشور
اطوار البحر الطويل

مشى ظعن الاهل عني
وعافوني اون بالدار
عليله والله يدروني
وشبت بالدليل النار
يبويه موحشه الدنيا
وبعدكم هالدمع نثار
مشيتوا وشنهو يبگالي
بعدكم يالاهل تذكار
يبويه اوياكم اخذوني
تخزن بالقلب اكدار
———-
طور زينب اجت احسينها
الكبرى تهل اعيونها
ماشيبن وايخلونها

صاحت يبويه الغالي تدرون بيها احوالي
وانتم شدهتوا بالي يا دار واتنزلونها

عفتوا ديار الهادي اتهل الدمع واتنادي
گلي يبويه اشسادي دار النبي اتعوفونها

شال الضعن خلاني اصرخ وما تناني
زوّد عليّه احزاني اتلّوح ولا ايشوفونها

ريض ياعمي الحادي والله شلعت افادي عني ضعنهم غادي تحسب ولا ايعوفونها
————
#بنت_الشمري
٢٠٢٤

#العليله

في ملاقاة العليله لعمتها زينب حين عادت من كربلاء

اشمالج يعمه امغيره اللون
محروق الوجه ومزورگه اجفون
وابكثر الدمع غارت لج اعيون
امحدب مشيج اموَرْمه إلمتون

هاي انت زينب لا تقولين
وحدج دخلتي ووين الحسين
ووين الحياده عمه چا وين
ظلج يحرسه جان إلحنين

———-


▪️حدي▪️
طور الجفيري

اشبيچن يعمه امغيرات
اشبعتن هضم واملوعات
لا حيل اشوف امهدهدات
وامن الظهور امحدبات


وين الحياده عمه وين
چانوا لظلج حايطين
وين النفل عمي الحنين
ويت اتركوجن حايرات


عبدالله مااسمع نغاه
عمه ولا صوت لبچاه
يايمه وينه وشل دهاه
شو منه اديجن خاليات

مااشوف الاكبر والشباب
وعمي القمر مااشوفه غاب
اشبعتن اظن امن العذاب
جنتن اظن ميسرات

لابويه لا اشوف الزلم
ويمشي اويه ظلچن بس الم
ياعمه يا ريته حلم
ويمي اشوف مخدرات

———
#بنت_الشمري