tg-me.com/kuatrSD/19772
Last Update:
» تسنيم أولادي ديل من يومك الجيتي بقو كل مرة يسألو الاذان اذن الأذان اذن؟ ، وأول م يسمعو الاذان بالله جري يتوضو محمد يصلي فـِ الجامع كمان وضحى تشيل عبايتي والطرحة وتدخل جوووة وتصلي لأ وكمان اسي زارّاني إلا دايرة عباية طوييلة للصلاة ، ياما قلت ليهم صلو صلو صلو م كانو بشتغلو بَي انتِ عملتِ ليهم شنو عليك الله !
- 😅 ، م عملت ليهم ااي شي ، حكيت ليهم عن الرسول _صلى الله عليه وسلم_ ، وعن ربنا وكرمُه ، وعن النار و الجنة ، وبعد م وصفت ليهم الجنة وحكيت ليهم عنها كتير وقلت ليهم اننا فـِ الجنة ح نسمع القرآن بصوت محمد _صلى الله عليه وسلم_ سألتهم العايز يدخل الجنة ويشوف ربنا ويسمع القرآن بصوت الحبيب منو ، فكلهم اتحمسو و أنا أنا أنا فـ طوالي اتكلمت ليهم عن الصلاة 💜 #بس .
------»🌸
• يا سُكر انت وهي طفلك د (اختك ، اخوك) أول م يبدا يفهم الكلام أحكي ليه عن الرسول والجنة ورغبيهُ وخلي يحب الحكاوي عنها ، وبعدين كلميهو عن الصلاة ، جيبي ليه ابريق صغير ومصلاية صغنونه ، جيبي ليها عباية (لازم تكون طويلة تغطي رجليها) وطرحة وخصصيهم للصلاة ، عشان يتحمسو أكتر ، م لم تصلي حتى تسأليهو صليت لا لم تجي تتوضي ناديهو قولي ليه يلا نصلي ، خلي يعمل زيك ، حفظيه ولو الفاتحة والإخلاص ، و خلي يصلي مع ابوه الصلوات الجهرية عشان يعرف أكتر.
_ (إن الصلاة كانت على المؤمنين كتابا موقوتا)💜
_ (الصلاة عماد الدين)💜
_ (العهد الذي بيننا وبينكم الصلاة) 💜
🖇 أكيد أكيد أكيد لو حببتي طفلك فـِ الصلاة وعودتيه يواظب عليها لم يكبر مهما كانت الظروف وايا كان الحاصل عليه م ح يمر عليه يوم بدون م يصلي فروضو الخمسة فـِ وكتها💜
#أم_أحمد
BY خواطر سودانية 💚🌻
Warning: Undefined variable $i in /var/www/tg-me/post.php on line 280
Share with your friend now:
tg-me.com/kuatrSD/19772