خواطر سودانية 💚🌻

ربنا سبحانه وتعالى أمر الرسول صلى الله عليه وسلم ♥️ بي انه يبدا الدعوة الجهرية لما نزل قوله تعالى في *سورة الشعراء الاية214*((وأَنذِر عشيرتك الاقربين)) ....ف من بعد الاية دي طوالي الرسول بدا في اتخاذ خطوات جديدة ومهمة جدا في مسار الدعوة ♥️
بس تفتكروا ليه مفروض الرسول يبدا أول بي اهله القريبين ليه شديد قبل اي زول تاني في الدعوة الجهرية ؟!
لانه كان من المهم جدا انه الرسول يكونوا معاه اهله عشان يأيدوه وينصروه لي قدام لانه زي ما عارفين انه بينهم حب *فِطري* ولو الحب دا بقا معاه تأييد على موضوع الدعوة ح يتشكل للرسول خط دفاع مهم جدا يقدر يقيف بيه قدام شر القبائل التانية لي قدام *((لانه حمية القبيلة والدفاع عنها كانت أهم بالنسبة لي قريش من الأكل والشراب يعني لو واحد بس من افراد القبيلة اتعرض لاذى مستعدين يقوموا حرب من أجل نصرته ف ما بالكم لو كان الموضوع بختص الرسول والدعوة؟))*
وغير كدا لو رجعنا لي المناهج ال اتبعها الرسول في بداية دعوته ح نلقى انه الرسول هنا بطبق في واحد منها ألا وهو منهج *المحبة ثم الحُجة* ♥️
وكمان الرسول هنا راعى لموضوع التدرج في إعلان الدعوة .
  ولو اتكلمنا عن موضوع العشيرة وانهم سند للداعية بالنسبة للانبياء زمان ح اضرب ليكم مثالين :
1/سيدنا لوط كان غريب وسط قومه فهم وما عنده فيهم أهل ..ف لما قومه ضايقوه شديد ورفضوا اتباعوا قال ليهم  : *كما ورد في سورة هود الأية 80:((لو أن لي بكم قُوة أو آوي إلى ركنٍ شديد))*
والمفسرين هنا فسروا كلمة ركن شديد بالاهل والعشيرة✨🤍
2/من جانب تاني سيدنا *شعيب* لما جماعة من قومه جوهوا وهم غضبانين منه و قالوا ليه :
*كما ورد في سورة هود الآية 91* *((قَالُواْ يَٰشُعَيْبُ مَا نَفْقَهُ كَثِيرًا مِّمَّا تَقُولُ وَإِنَّا لَنَرَىٰكَ فِينَا ضَعِيفًا ۖ وَلَوْلَا رَهْطُكَ لَرَجَمْنَٰكَ ۖ وَمَآ أَنتَ عَلَيْنَا بِعَزِيزٍۢ))*
ف بتضح الفرق بين النبيين في مدى تأثير وجود قوة من الاهل والعشيرة ✨♥️
ولو جينا نشوف الكلام دا في حياتنا ح نتكلم عن كلام مهم شديد 🤔🤔 تفتكروا ح نربطوا بي شنو ؟!!!
*وقبل ما نجاوب على السؤال دا خلونا نمشي نحيي سُنتنا ونجي إن شاء الله ♥️ ✨*
يتبع غدا إن شاء الله ♥️✨
وإلى أن نلتقي في أمان الله ما تنسوا الدعاء وما تنسوني من دعواتكم ....
#سيرة رسول الله
#الدعوة الجهرية
#آمال خضر

www.tg-me.com/us/خواطر سودانية /com.kuatrSD/19783

3.1K viewsMay 10 at 14:48

ربنا سبحانه وتعالى أمر الرسول صلى الله عليه وسلم ♥️ بي انه يبدا الدعوة الجهرية لما نزل قوله تعالى في *سورة الشعراء الاية214*((وأَنذِر عشيرتك الاقربين)) ....ف من بعد الاية دي طوالي الرسول بدا في اتخاذ خطوات جديدة ومهمة جدا في مسار الدعوة ♥️
بس تفتكروا ليه مفروض الرسول يبدا أول بي اهله القريبين ليه شديد قبل اي زول تاني في الدعوة الجهرية ؟!
لانه كان من المهم جدا انه الرسول يكونوا معاه اهله عشان يأيدوه وينصروه لي قدام لانه زي ما عارفين انه بينهم حب *فِطري* ولو الحب دا بقا معاه تأييد على موضوع الدعوة ح يتشكل للرسول خط دفاع مهم جدا يقدر يقيف بيه قدام شر القبائل التانية لي قدام *((لانه حمية القبيلة والدفاع عنها كانت أهم بالنسبة لي قريش من الأكل والشراب يعني لو واحد بس من افراد القبيلة اتعرض لاذى مستعدين يقوموا حرب من أجل نصرته ف ما بالكم لو كان الموضوع بختص الرسول والدعوة؟))*
وغير كدا لو رجعنا لي المناهج ال اتبعها الرسول في بداية دعوته ح نلقى انه الرسول هنا بطبق في واحد منها ألا وهو منهج *المحبة ثم الحُجة* ♥️
وكمان الرسول هنا راعى لموضوع التدرج في إعلان الدعوة .
  ولو اتكلمنا عن موضوع العشيرة وانهم سند للداعية بالنسبة للانبياء زمان ح اضرب ليكم مثالين :
1/سيدنا لوط كان غريب وسط قومه فهم وما عنده فيهم أهل ..ف لما قومه ضايقوه شديد ورفضوا اتباعوا قال ليهم  : *كما ورد في سورة هود الأية 80:((لو أن لي بكم قُوة أو آوي إلى ركنٍ شديد))*
والمفسرين هنا فسروا كلمة ركن شديد بالاهل والعشيرة✨🤍
2/من جانب تاني سيدنا *شعيب* لما جماعة من قومه جوهوا وهم غضبانين منه و قالوا ليه :
*كما ورد في سورة هود الآية 91* *((قَالُواْ يَٰشُعَيْبُ مَا نَفْقَهُ كَثِيرًا مِّمَّا تَقُولُ وَإِنَّا لَنَرَىٰكَ فِينَا ضَعِيفًا ۖ وَلَوْلَا رَهْطُكَ لَرَجَمْنَٰكَ ۖ وَمَآ أَنتَ عَلَيْنَا بِعَزِيزٍۢ))*
ف بتضح الفرق بين النبيين في مدى تأثير وجود قوة من الاهل والعشيرة ✨♥️
ولو جينا نشوف الكلام دا في حياتنا ح نتكلم عن كلام مهم شديد 🤔🤔 تفتكروا ح نربطوا بي شنو ؟!!!
*وقبل ما نجاوب على السؤال دا خلونا نمشي نحيي سُنتنا ونجي إن شاء الله ♥️ ✨*
يتبع غدا إن شاء الله ♥️✨
وإلى أن نلتقي في أمان الله ما تنسوا الدعاء وما تنسوني من دعواتكم ....
#سيرة رسول الله
#الدعوة الجهرية
#آمال خضر

BY خواطر سودانية 💚🌻