tg-me.com/kurdishNationalism4/47571
Last Update:
🔴دادگای دەوڵەتی تێروریستی تورکیا سزای 108 کەس دەدات لە دۆسێی کۆبانێدا کە هاوسەرۆکەکانی پێشووی هەدەپە فیگان یوکسەکداغ و سەڵاحەدین دەمیرتاشیش و ئەحمەد تورک هاوسەرۆکی شارەوانی ماردینیشی تێدان.
🔺دادگاکە لەسەر بنەمای ئەو چالاکییانەی کە لە ڕۆژانی 6-8ی مانگی دەی ساڵی 2014 دژی هێرشەکانی داعش بۆ سەر کۆبانێ کران، دانراوە. دوای هێرشەکانی داعش لەو کاتەدا هەدەپە و ژمارەیەک لە دەزگا و پارتە کوردەکانی دیکە لە تورکیا چالاکیان ئەنجامدا و داوایان لە حکومەتی تورکیا کرد ڕێگەی ناردنی هاوکاری بدات بۆ شەڕڤانەکانی کە دژی داعش شەڕیان دەکرد، بەڵام داواکەیان ڕەتکرایەوە و ژمارەیەکیشیان لێ دەستگیر کران.
🔺بە گوێرەی زانیارییە سەرەتاییەکان، یوکسەکداغ سزای 19 ساڵی مانەوەی لە زیندان بەسەردا سەپێندراوە، سەڵاحەدین دەمیرتاش بە تۆمەتی "یارمەتیدان لە تێکدانی یەکڕیزی و یەکپارچەیی دەوڵەت" سزای 20 ساڵ زیندانی بەسەردا سەپێندراوە لەگەڵ 4 ساڵ و شەش مانگیش ساڵیش بە تۆمەتی "هاندانی ئەنجامدانی تاوان."
🔺ئەحمەد تورک، هاوسەرۆکی شارەوانی ماردین بە تۆمەتی "ئەندامێتی ڕێکخراو" بە 10 ساڵ زیندانی سزادراوه، بڕیارەکەی 22هەمین دادگەی سزا قورسەکانی ئانکەرە بۆی هەیە گرژییە سیاسییەکانی تورکیا لە لەسەر پارتی دیموکراتی گەلان (هەدەپە) کە لە دۆسێیەکی جیادا ڕووبەڕووی شیانی قەدەغەکردن بووەتەوە و لە پەرلەماندا پارتێکی تری سەر بە کوردەکان (پارتی دەم) جێگەی گیراوەتەوە، قوڵتربکاتەوە .
🔺ئەوانەی سزادراون لەنێو 108 تۆمەتباردا بوون، لەنێویاندا کەسایەتییە باڵاکانی هەدەپە، کە بە 29 تاوانی کە بریتین لە کوشتن و زیانگەیاندن بە یەکپارچەیی دەوڵەتی تورکیا تۆمەتبارکراون. هەدەپە ئەو تۆمەتەی ڕەتکردەوە.
#داگیرڪەر_بۆ_دەرەوە
#کوردستان_گۆڕستانی_فاشیستان
🔹Telegram 🔹 Instagram
🔹 کاناڵی ناسیۆنالیزمی کوردی
🔹 ئینستاگرامی ناسیۆنالیزمی کوردی
BY ناسیونالیسم کوردی
Warning: Undefined variable $i in /var/www/tg-me/post.php on line 280
Share with your friend now:
tg-me.com/kurdishNationalism4/47571