tg-me.com/laa_ilaaha_illallohu/2292
Last Update:
#BIR_HADIS_SHARHI
Abu Hurayra roziyallohu anhudan rivoyat qilinadi:
Rasululloh sollallohu alayhi vasallam shunday dedilar:
“Allohning bir toifa farishtalari borki, ular ko‘chalarni kezib, zikr etayotganlarni izlaydi. Allohni zikr etayotgan jamoatni uchratganda, bir-birlariga:
“Bu yoqqa kelinglar, izlaganlarimiz bu yerda ekan”, deya ovoz beradilar va zokirlarni ko‘kka qadar qanotlari ostiga oladi. Ko‘k yuziga chiqqanlarida, Alloh taolo–har narsani bilgani holda–ulardan:
– Bandalarim nima deyishyapti? – deb so‘raydi.
Farishtalar:
– Senga tasbih, takbir va hamd aytishyapti. Seni ulug‘lashyapti,– deydilar.
Alloh taolo:
– Ular meni ko‘rishganmi? – deb so‘raydi.
Farishtalar:
– Allohga qasamki, yo‘q, Seni ko‘rishmagan,–deya javob beradilar.
Alloh taolo:
– Meni ko‘rganlarida, nima qilgan bo‘lar edilar?–deb so‘raydi.
Farishtalar:
–Agar Seni ko‘rganlarida, yanada ko‘p ibodat etar, yanada ko‘p ulug‘lashar va Senga yanada ko‘p tasbih etardilar, – deydilar.
U Zot:
– Ular Mendan nima so‘rashyapti? – deydi.
Farishtalar:
– Sendan jannat istayotirlar? – deb javob beradilar.
Alloh taolo:
– Ular jannatni ko‘rishganmi? – deb so‘raydi.
Farishtalar:
– Allohga qasamki, yo‘q, ular jannatni ko‘rishmagan, – deb javob beradilar.
Alloh taolo:
– Agar jannatni ko‘rganlarida, qanday bo‘lar edi? – deb so‘raydi.
Farishtalar:
– Agar ular uni(jannatni) ko‘rganlarida, jannatga bo‘lgan ishtiyoqlari yanada kuchayar, u yerni istab, hech toqatlari qolmas, ibodatlarini yanada kuchaytirardilar, – deydilar.
Alloh taolo:
– Ular nimadan panoh so‘rashyapti? – deydi.
Farishtalar:
– Jahannamdan, – deya javob beradilar.
Alloh taolo:
– Ular uni(jahannamni) ko‘rishganmi? – deb so‘raydi.
Farishtalar:
– Allohga qasamki, yo‘q. Ular uni ko‘rishmagan, – deyishadi.
Alloh farishtalardan:
– Agar uni(jahannamni) ko‘rganlarida, qanday bo‘lar edi? – deb so‘raydi.
Farishtalar:
– Agar jahannamni ko‘rganlarida, yanada qattiq qo‘rqib, undan Senga shiddatla qochardilar, – deya javob beradilar.
Bu javobni eshitgan Alloh taolo:
– Sizlarni guvoh qilib aytamanki, Men ularni mag‘firat qildim, – deydi.
Shunda farishtalardan biri:
– Ularning orasida bir kishi borki, u aslida ulardan emas, bir yumush bilan kelgan, xolos,–deydi.
Alloh taolo u farishtaga:
– Ular shunday suhbatdoshki, ularning suhbatdoshi ham baxtsiz bo‘lmaydi, – deydi”.
(Buxoriy va Muslim rivoyati)
(davomi bor)
@laa_ilaaha_illallohu
BY Лаа илааҳа иллаллоҳу
Warning: Undefined variable $i in /var/www/tg-me/post.php on line 280
Share with your friend now:
tg-me.com/laa_ilaaha_illallohu/2292