tg-me.com/laa_ilaaha_illallohu/3566
Last Update:
#РУҲИЯТ
📝АЛЛОҲ СЕВГИСИ
Севмоқ, бу–иймонни топмоқ демакдир...
Қалбга тўлганида ибодат завқи,
Ўзга бари нарса гўё эрмакдир,
Сиғмай қолар энди дунёнинг шавқи.
Ҳаловат топар дил ибодатидан,
Зикри ором берур, руҳларга мадор,
Нажотни кўрганда итоатидан,
Беихтиёр дейсан: "Ё Парвардигор!"
Муҳаббат–Аллоҳнинг инъомидир, бас,
Ҳирсий ишқмас, олий туйғу эрур бу!
Фақат фидо бўлмоқ, қовушмоқ эмас,
Боши ҳам, охири танҳо Ўзи–У!
Эй, кибрига мағрур нодон кимсалар,
Аллоҳга ошиқлик даъво қилганлар,
Муҳаммад ишқида "куйиб-ёнганлар",
Туҳматдан тўхтангиз, ўзни билганлар.
АЛЛОҲГА ОШИҚЛИК ИБОДАТ ЭМАС,
ҲАТТОКИ, БУ–ҲАҚҚА ИТОАТ ЭМАС.
АММО, ИБОДАТНИНГ ЎЗИ СЕВГИДИР,
СЕВГИСИЗ АМАЛЛАР ҲЕЧ ТОАТ ЭМАС.
Динда ишқ нелигин кимки билгайдир
Ошиқлигин айтиб асло лоф урмас.
Расулга эргашиб қуллик қилгайдир,
Тоат-итоатдан ҳеч ҳам юз бурмас.
Муҳаммад Аллоҳнинг қули ва Расул,
Иймоннинг аввали танъ олмоқ шуни.
Ҳаттоки Расул ҳам аввало бир қул,
Ягона Аллоҳнинг севилган қули.
ФАҚАТ ҲАҚҚНИ ТАНИШ КАМ ЭРУР БУ ОН,
ҲАҚҚНИНГ ҲАҚҚИН АГАР ЭТМАСАНГ АДО.
АМАЛ УЧУН ТУШГАН ИЛОҲИЙ ҚУРЪОН,
КЎР ҚОРИЛИК БИЗГА МАНСАБМАС АСЛО.
Аллоҳни севмоқлик–ўзни қул билмоқ,
Ўзга бир маънони ахтармоқ абас.
Ҳар не буюрганин шавқ билан қилмоқ.
ЭНГ ОЛИЙ ДАРАЖА БАНДАЛИКДИР, БАС!
🕊Шаҳобиддин Одил✍
Дўстларингизга ҳам улашинг 👉🏼 @laa_ilaaha_illallohu
BY Лаа илааҳа иллаллоҳу
Warning: Undefined variable $i in /var/www/tg-me/post.php on line 280
Share with your friend now:
tg-me.com/laa_ilaaha_illallohu/3566