tg-me.com/laeileealaneen/6627
Last Update:
▪️ويّانه المنيه▪️
في مسير الركب الحسيني الى كربلاء
طور عذابي ياشهرمنك عذابي
للملا باسم الكربلائي
مشينه وتمشي ويانه المنيه
وعيني تربي لاولاد الزجيه
تهل عيني على احسيني
وعلى اولاده
————-
مشينه نوره الوالي علينه ايحف
وبيارق غيرته فوق الظعون ترف
يَخوفي امن الدهر يگفي وحنانه ايجف
نبض دلالي اعليهم حزن ينزف
يامحلا لمة اخواني سويه
عطر امي ونسايم حيدريه
علا اونيني على احسيني
وعلى اولاده
——————
يسولف قلبي احزان ويرتل هم
يَخوفي افگد الوالي ولا يسلم
بعد هاللمه ماظني ابد نلتم
عليهم تشبح اعيوني ابگلب مهتم
يامحلا رفچة اخواني وسمرهم
بعدهم تذبل ايامي بعدهم
نعي اسنيني على احسيني
وعلى اولاده
—————
طريق وادري يمشونه لمناياهم
ازفهم للمنيه وروحي وياهم
وقلبي ينظر ابهضمه لحجاياهم
يواروني الثره اتمنه او لا واريهم
السلامه ادعي ياربي السلامه
إلهضمنه لاحت ابروحي علامه
انا احنيني على احسيني
وعلى اولاده
——————-
دلال اخواني ابد مثله ولا شفنه
يحفّونه ابحنان وهالسعد حفنه
معاهم كل حزن والهم وألم عفنه
يبارينه الولي وإلنه فرش جفنه
غطانه رمشه واعيونه غطانه
ويرف ابزود ابوفاضل لوانه
يبچيني على احسيني
وعلى اولاده
—————
حزينه روحي ماادري انا اشبيها
اريد الزهره تحضرني واحاجيها
واگلها لوعتي لوعه وحرت بيها
وصلنه كربله يمه ومحاريها
علينه هبت ارياح المصايب
وشفناها علامات النوايب
ايلوعوني على احسيني
وعلى اولاده
—————
تمت بحمد الله تعالى
بقلم:#بنت الشمري
BY ليالي الأنين الأولى
Warning: Undefined variable $i in /var/www/tg-me/post.php on line 280
Share with your friend now:
tg-me.com/laeileealaneen/6627