tg-me.com/laeileealaneen/6630
Last Update:
🏴ونت احروحي🏴
في وصول القافله الى كربلاء
طور محمد الجنامي
راحت احجاية ياهلا
اوصلنه يغالي إلكربله وونت جروحي
جنها المنيه مجبله تسولفلي روحي
بالله استعدي للهضم
وودعي الدلال اويه الزلم
واتلگّي إلمصاب
————
حطوا ضعنه ابكربله والدمعه تجري سايله خوفي تروح اخواني
ضحكتهم الروحي ترد
جنهم بساتين وورد
بيهم تزيل احزاني
كل كدر بيهم ينجلي
اغصان من غيرة علي
كلمن علينه حاني
قلبي عليهم كالجمر
فدوه الجدمهم هالعمر
خوفي تميل اغصاني
حطوا ضعنه ودمعتي
امن اعيوني تجري
للزهره اوجه شكوتي
وبيّه ادري تدري
حكم الله ابلوح وقلم
ودعي الدلال اويه الزلم
واتلگي إلمصاب
————-
تحلى السوالف والسمر
همّ إلشجر طه الثمر
واحلى لحن بسنيني
يااحنان والغيره سما
عمري معاكم ماضما
حبكم نهر يرويني
ارض المنيه ووانزلت
صلقه يروحي اشگد گلت
وكلهم دفا يغطيني
ياقلبي هوّد واستجن
وصبّر ونينك لاتحن
امر الله مو بيديني
ارض المنيه والذبح
والها وصلنه
بشمة هواها انجرح
وبيها نزلنه
ريت ومنازلنه حلم
ودعي الدلال اويه الزلم
واتلگي إلمصاب
——————
اتخط بيمينك مصرعك
واتشوف عيني واسمعك
اتون وعليك التموا
عطشان تصرخ يا بشر
ويمك يصب هذا النهر
خويه ابد ماحنوا
خويه يبو القلب العطوف
اتنازع ابروحك واشوف
سهم المثلث خلوا
يحز ابوريدك وانظره
والخيل صدرك تكسره
وعالرمح راسك علوا
كل هذا يبن امي انظره وعيني تشوفه
وينه كفيلي مادره وايسل سيوفه
اشلون بيّه وبالحرم
ودعي الدلال اويه الزلم
واتلگي إلمصاب
————-
عينك على الشط وتون
احجيلي هدّك ياحزن
ياحسين يا ضي عيني
حس ابدليلك والوجع
عباس جاك ومنفجع
يگلك فداك اسنيني
شتريد آمر يالولي
حزنك اريده ينجلي
اليسرى الك وايميني
فدوه اروح الكافلي
ميلي ويگلي ادللي
خوفي الدهر يجويني
ايدك على ظهرك صحت واهنانه موته
بطيحة اخيج هل طحت
ووياه اخوته
هبت نسايم من ألم
ودعي الدلال اويه الزلم
واتلگي إلمصاب
————
تمت بحمد الله تعالى
بفلم:بنت الشمري
BY ليالي الأنين الأولى
Warning: Undefined variable $i in /var/www/tg-me/post.php on line 280
Share with your friend now:
tg-me.com/laeileealaneen/6630