tg-me.com/laeileealaneen/6686
Last Update:
#جديد
#التطبير
الطور : قريب لطور : آنه ملكك
.
.
هذا راسي اللي ابمحَبْتك مرتفع
اشلون ما شِجّه إلك وگت الجزع
رايد اويه الحره هاليوم انفجِع
ووي دماهه اجري دمي يا حسين
حيدر حيدر
حيدر حيدر
لعلي للأكبر رايد او دم رگبته
الوذروهه گطعه گطعه جثته
هامتي اطْبرهه وأبچي لهامته
واصرخ الله ايعين گلبك يا حسين
حيدر حيدر
حيدر حيدر
ريت اواسي ابدمي عريس السمه
الجِثِّته حنوهه من فيض الدمه
راسي اطَبْره الليله واسعِد فاطمه
وادمي راسي اليوم لعيون الحسين
حيدر حيدر
حيدر حيدر
آنه من غير الشعائر والله اضيع
احسين يا أعظم جرح بينه فجيع
اليوم راسي اطبره لنحر الرضيع
منذبح عطشان بين إيد الحسين
حيدر حيدر
حيدر حيدر
خلني أطبر راسي او كلي گصور
ياللي دمك ظل على الغبره يفور
كلكم اعله الگاع وابلايه نحور
طبرتي اشقيمتهه والله يا حسين ؟!
حيدر حيدر
حيدر حيدر
إنته يا مولاي مگطوع النحر
وفوگ چتلك صدرك ابخيل انكسر
وجسمك الطاهر غده والله وِذَر
اشما أقدملك امگصر يا حسين
حيدر حيدر
حيدر حيدر
____
تمت ببركات مولانا الحسين عليه السلام
#فاطمة_كريم
٢٠٢٢ م
BY ليالي الأنين الأولى
Warning: Undefined variable $i in /var/www/tg-me/post.php on line 280
Share with your friend now:
tg-me.com/laeileealaneen/6686