tg-me.com/laeileealaneen/6693
Last Update:
#الدفن
طور : والله حيره حيرتي
.
وكأني بحال بني أسد وهم وقوف على جثة الإمام الحسين عليه السلام وبقية القتلى ..
اشلون ندفن هالسليب
امغطى بِدْماه او تريب
والجثث متغيِرَه
ويلي من حر اللهيب
ياهو احسين .. مَنِدري .. ياهو احسين ؟!
حضروا ورادوا يدفنون المچاتیل
بس يويلي احتاروا وظل الدمع سيل
الجثث مخلوطه لحمها ابسحگة الخيل
ابلايه روس امغسِّله بِدْماها واويل
منهو بيهم بو علي ؟
ومنهو الأكبر علي ؟
ومنهو عباس الگمر
جثث مرميه ابخلي
ياهو احسين .. مَنِدري .. ياهو احسين ؟!
وعالنهر مطروحه جثه اموذريها
ابلايه راس ابلا چُفوف امگطعیها
اتگطع افاد النِظَر بالعین ليها
بيها محتارين او لن داروا عليها
جثه ريحتها تفوح
عطر غيره وي جُروح
والگِعَد يم جثته
عنّه ما يگدر يروح
ياهو احسين .. مَنِدري .. ياهو احسين ؟!
بهالوضع يمهم حضر راعي المصيبه
محني ظهره ودمعته بخده سچيبه
ابلايه روس الجثث يا ويلي غريبه
وهو بس اليندلِ ويُعرف حبيبه
إلهم أشَّر بالدفن
حفره لآل المؤتمن
وحفرة لأصحاب الحسين
و الحبيب المَنْدِفَن
ياهو احسين .. مَنِدري .. ياهو احسين ؟!
اتعنى وادموعه دمه بخده جريه
لجثة اللي اموزعه بالأعوجيه
بالحصيره ارتجت السبع العليه
بيها من جمّع أوصال ابن الزجيه
اعضاه كلها امنثره
والإعظام امكسره
وشاله بيده وقبِّله
آيا ويلي خنصره
ياهو احسين .. مَنِدري .. ياهو احسين ؟!
نزِّل المظلوم الإمگطع بگبره
ووسّد اعله الترب آيا ويلي نحره
ابلايه راس الطفل خلاه اعله صدره
ابعين گلبه تنحب ايشاهد الزهره
وحاضر اوياها الرسول
ينحب بگلبه المَهُول
وي أمير المؤمنين
ايعاونونه اعله النزول
ونزل احسين .. اويلي .. نزل احسين
____
#فاطمة_كريم وخادمة الحسين عليه السلام
BY ليالي الأنين الأولى
Warning: Undefined variable $i in /var/www/tg-me/post.php on line 280
Share with your friend now:
tg-me.com/laeileealaneen/6693