tg-me.com/laithjawdat/2
Last Update:
الامام الحسين يخاطب السيده رقيه سلام الله عليهم
ها يوجه العافيه
شو بكيدج غافيه
ميته والدمعه بقت بجفونج
زغيره وكبار التشوفه عيونج
النص...
شفتي كل الصار بينه حقج دموعج تهل
وينج و وين البواجي وين صعدات الهزل
يوجع صياحج يبويه اه يصرخات الطفل
جفوفج انتي الحيل ترفه هسه مجتوفه بحبل
كربت النار.. على جدمج.. كربت النار
جفوفج زغار.. وجوتهن.. جفوفج زغار
شلي بيهه العافيه انه بدونج
زغيره وكبار التشوفه عيونج
النص الثاني..
اميه ردتي وماشربتي جي حكم خصمج قوي
وانه جبت الماي بيدي من تشربين ارتوي
انتبهي لو طريتي دربج خاف جدمج يلتوي
كون بيه ولا بنتي ريته كلبي الينجوي
رايحه لوين ..على هونج.. رايحه لوين
موش الحسين.. اليكودج.. موش الحسين
وانه خوفي بجفهم يضربونج
زغيره وكبار التشوفه عيونج
النص الثالث..
الهوه الماجاب عطرج ما اشمه من يهب
اشوف كل الناس انتي هيج حال الي يحب
اليفكد اعزاز عله كلبه حتى ضحكاته جذب
من المهد لليسر رحتي ماشبعتي من اللعب
بيه هضمه..من رحيلج..بيه هضمه
وجهي الطمه..من اذكرج..وجهي الطمه
وبغيابي هسه انتي شلونج
زغيره وكبار التشوفه عيونج
النص الرابع....جواب السيده رقيه
بكلبي متروسه السوالف بس ابد ماسولفت
اخذو الجنت انه احبهن بالحبل انه انكدت
عزيزتك اخذوهه غربه والله لو تدري اشفت
ما متت بالسيف اني ومن شفت راسك متت
تفل الحبال..انتضرتك..فل الحبال
لمة رجال..على بنتك..لمة رجال
سكتي ياروحي ترى يهضمونج
زغيره وكبار التشوفه عيونج
BY ليث جودت__Laith Jawdat
Warning: Undefined variable $i in /var/www/tg-me/post.php on line 280
Share with your friend now:
tg-me.com/laithjawdat/2