tg-me.com/laithjawdat/25
Last Update:
عتاب السيده زينب لاخيها ابا الفضل روحي فداهم
بعتابي اسولفلك عشك
مو كتلي ابد مانفترك
يل هيبه راسك للعكل
مشتاكه لسوالف كبل
بروح ابوك احجي الصدك
مو كتلي ابد مانفترك
▪▪▪▪
وياك انه من الزغر
من جنت تقرالي الشعر
ل أيامي ضميتك ذخر
راح الذخر ضل الشمر
أركض اجيتك وعثرت
ما صدكت كالو متت
كلبي وكف ما ضل يدك
بروح ابوك احجي الصدك
▪▪▪▪
انت الجبتني مخدره
حبيت احجيلك تره
ضربوني كلهم بالسره
چن زلمه ما چني مره
وبالروح احس صار الوجع
وحسين كدامي وكع
وبثيابي اشم ريحة حرك
بروح ابوك احجي الصدك
▪▪▪▪
ماتدري لو عندك علم
علويتك بين الزلم
جم متن بعدك منهشم
بلكت افز والكاه حلم
وجذبه تصبح كربله
ولا اشوف اخوتي مجتله
والثمر يرجع للعثك
بروح ابوك احجي الصدك
▪▪▪▪
تصرخ رقيه من الرعب
الفراشه مو حمل الحرب
رادو تراجيهه غصب
كلتله اخذهه بلا ضرب
كال الهه بت المنذبح
امنيتي اسويلج جرح
ضاع الهوه وضاك الخلك
بروح ابوك احجي الصدك
▪▪▪▪
جواب ابو الفضل
ضليت بفراكج اون
عفتيني ليش بلا دفن
من ايدي ضل بس المتن
وحسين ذاك بلا حظن
ولريتي ما يدخل هوه
الا لمن نرجع سوه
بعد العهد ما نفترك
وروح ابوج احجي الصدك
BY ليث جودت__Laith Jawdat
Warning: Undefined variable $i in /var/www/tg-me/post.php on line 280
Share with your friend now:
tg-me.com/laithjawdat/25