tg-me.com/latushka/2950
Last Update:
Беларусы памятаюць!
Заўтра Радуніца, нашае традыцыйнае свята, калі мы пойдзем на могілкі ўшанаваць памяць родных, якія нас пакінулі. Мы прывядзем іх могілкі ў парадак, пакінем для іх вялікоднае яйка, узгадаем пра сваіх родных, пра свае карані за памінальнай трапезай.
Не ўсе беларусы сёння маюць магчымасць наведаць могілкі родных праз рэжым Лукашэнкі. Не ўсе могуць прыехаць дадому, каб аддаць даніну нябожчыкам. Бо Лукашэнка адбірае ў беларусаў не толькі свабоду і жыцці, але і традыцыі. І нават могілкі.
А яшчэ ў гэты дзень мы хочам папрасіць тых з вас, хто знаходзіцца ў Беларусі — наведайце могілкі Аляксандра Тарайкоўскага, Рамана Бандарэнкі, Вітольда Ашурка, Алеся Пушкіна і ўсіх тых, хто стаў ахвярай рэжыму. Пакіньце там кветкі, каб паказаць, што Беларусь памятае сваіх герояў. Нельга забываць годных беларусаў, забітых антыбеларускім і антычалавечым рэжымам Лукашэнкі.
За памінальнай трапезай узгадайце, калі ласка, імёны нашых загінулых ваяроў-добраахвотнікаў: Івана «Брэста» Марчука, Міраслава «Мыша» Лазоўскага, Зміцера «Тэрора» Апанасовіча і іншых герояў, што аддалі свае жыцці за свабоду Украіны і Беларусі.
Памяць народа, нашыя традыцыі, памяць пра нашых продкаў і герояў — гэта найважнейшая каштоўнасць. Беларусы памятаюць. Мы памятаем і таму, Жыве Беларусь!
BY Павел Латушка
Warning: Undefined variable $i in /var/www/tg-me/post.php on line 280
Share with your friend now:
tg-me.com/latushka/2950