أمل الشيخ 🔐💜 | Telegram Webview: loolynazar/625 -

#أميرتي_قاصرة16
بقلم امل الشيخ

مر علي يوم من اسوء ايام حياتي بعد وفاة امي ، ما اتعودت اعيش يوم م بشوف فيه عزو ، غيابه طول اليوم اثبت لي انو معتز مهم في حياتي ولو انكرت كده ، معتز حيفضل المهم والاهم ، معتز اسرتي واهلي وعزوتي وأماني واطمئناني ♡
انا بدون معتز ضعيفة ! اي شي يحصل لي بتذكر انو معتز معاي !
سمر اختي ما صرحت لي بس من خلال كلامها معاي فهمت اني عندي كانسر حماكم الله ،
ما زعلانة انا ، شعور مخيف لمن الزول يعرف انو عندو مرض خبيث بس انا يوم من الايام اتمنيت اي حاجة تاخدني من الدنيا واحصل اهلي وشكلو ربنا استجاب !
كنت منتظرة معتز احكي ليه واحكي معاه عن شعوري والحاسة بيه وانو ماف داعي يتهرب مني عشان م يوريني !
طلعت من غرفتي سامعة صوت سمر بتضحك ، بتضحك باعلى صوت ، ضحكتها الزمان ! جيتهم طالعة لقيتهم عاملين سرامس الشاي بباللبن وجايبين كيك وباسطة !
سمر لما شافتني قالت لي سحر تعالي شوفي وليد بقول شنو وليد قالي اهلا بالسكر ازيك قالي رايك شنو تجي تتونسي معانا ! جيت قعدت جمبهم ! سمر كبت لي شاي وناولتني صحن الكيك !
كنت ساكتة ! كنت بلاحظ بس لي ضحك سمر الي انا حرفيا اشتقت ليه !
من يوم م سمر رجعت وم شفنا ليها ضحك ! ولا كلام ولا اي شي ..
شربت الشاي وانتهيت قمت منهم قلت ليهم م يساهرو ! وطلعت نمت بس فشلت ف اني انوم !
الصباح صحيت وكان يوم خميس كان اجازة عشان كنت ممتحنة السبت ، صحيت قعدت اقرا بس م كنت قادرة اقرا وانا حاسه ب اني ممكن اموت تحت اي لحظة ! كنت شايفة اني مافي داعي اتمسك بالدنيا اكتر من كدة ، اذا الدنيا م عايزاني اعيش فما حعيش !
________________
اول ما الممرضة قالت لي ابوك عايزك جريت عليه جري !
دخلت عليه ولقيت كمية من الاجهزة مركبة شعور كعب شديد لما تشوف انسان بتحبو ف وضع بالشكل دا ..
كيفك ي ابوي انت كويس ؟
قالي تعال اقعد جمبي هنا ! جريت كرسي وقعدت جمبه قلت ليو انا متاكد انك حتقوم بالسلامة ! ابتسم لي ابتسامة باهتة ! سكت مسافة كده بعدها قالي انا حتى لو م كنت قلت ليك اني بريدك ي ولدي انت عارف مش؟ قلت ليو ولو م كنت بتريدني انا بريدك ي ابوي ! قالي والله انا بريدك والله عالم ، يمكن اهملتك اهمال كبير وم فهمت يعني شنو طفل فقد امه حيبقى محتاج لابوه ! فكرت ف نفسي ، ومشيت عرست وكرست حياتي لمرتي وشغلي وكانك مافي الصورة عايزك تعفي لي ، تعفي لي بس
قلت ليو عافي ليك انا دايما ، انت زاتك اعفي لي على تقصيري ! والله م كنت عارف انك عيان ! قالي عارف وعارف طباع مرتي م تشتغل بيها وان شاءالله ربنا يفتحها عليك محل م تقبل يا ولدي ، عايزك تسمعني شوية بس كح شوية وبعدين واصل الحياة من الموت م معروفين ف محامي اسمه صابر العزمي طبعا من سنوات طويلة احساسي ب اني هاملك بخليني اكتب ليك حاجات كتيرة باسمك ! هو حيوضح ليك الحاجات دي من الحاجات بتاعت الورثة ! قلت ليو تف من خشمك م عايز ورثة وم عايز اي شي ربنا يطول لي في عمرك وافرح بيك وبوجودك معاي ! قالي حاسي نفسي م حعيش طويل وانا احسن لي اموت من اتجهجه بالاجهزة دي مسكت يدو بوستها ليهو وضميتا علي ربنا يطول ف عمرك ي حاج يارب م افقدك يارب م افقدك قالي لو حصل لي اي شي ، اي شي هو حيتصل عليك عايزك تلم مياس عليك امها الشافتها عيني دي م عندها اي شغلة بيها ، مياس دي كانت عايشة معاي وكنت ليها ام واب والله ، قلت ليو مياس ف عيوني وانت زاتك حتطلع من هنا وتحميها وتحفظها ف عيونك ! قالي ربنا يبارك فيك ويديك السعادة وتتعلى مراتبك دايما يا ولدي اوصيك تاني اختك يا معتز اختك شيلا لي ف عيونك عارف مسؤولية بنات خالتك حارة عليك بس مياس اختك احفظها وصونها وواديها لي ود الحلال عليك الله قلت ليو سمح ي ابوي سمح بس انت م تقول كده حتتعالج وح تطلع من هنا ان شاءالله ، بقيت حاضن يدو علي وساكت ، هو سكت وانا نمت جنبو يمكن للصباح !
فجاة صحيت بالدكاترة والممرضين بتجارو ! ووبقوموني من جنبه بقو واقفين كلهم ف راس ابوي !
قلبي وقع مني وبقيت م عارف اعمل شنو ! لحدي م شفت دكتور غطاهو وقال انا لله وانا اليه راجعون ! مات خلاص
اكيد بتهيأ لي ! دا ابوي صح ؟ هو قال انا لله وانا اليه راجعون ! جريت عليهم وبقيت ازح فيهم زحيت الغطا من ابوي بقيت انادي فيه ابوي انت حي صح انت م متا كيف تموت عليك الله لا عليك الله ي ابوي م تمشي ! حضنتو وبقيت ابكي ابكي شديد لدرجة اني سامع صوتي !
ابوي مات انا لله وانا اليه راجعون ، طلعت برة لقيت مياس بتصرخ لالا ابوي م مات كيف يموت واااي ي قلبي واااااي انا لله وانا اليه راجعون واي قلبي واجعني واي ي ابوي المشيت وخليتني كيف اعيش بدونك كيف واااااي ي معتز ابونا فات ابوي م ودعني ، ابوي م حضني ابوي م قال لي انا ماشي والمسا القاك جهزتي لينا كباية الشاي حقتنا وااااي ي حرقة قلبي انا ابوي فات وخلانا واااي واااااااي انا دا م فات براهو دا شال روحي معاه مشيت عليها وبقيت حاضنها هي بتكورك وانا دموعي نازلة ابوي فات وخلانا

www.tg-me.com/us/أمل الشيخ /com.loolynazar/625

523 viewsJan 31, 2022 at 09:11

tg-me.com/loolynazar/625

Create: 2022-01-31
Last Update: 2024-05-27 23:57:59

BY أمل الشيخ 🔐💜

Warning: Undefined variable $i in /var/www/tg-me/post.php on line 280

Share with your friend now:
tg-me.com/loolynazar/625

Open in Telegram

أمل الشيخ Telegram | DID YOU KNOW?

Date: 2024-05-27| أمل الشيخ

Look for Channels Online

You guessed it – the internet is your friend. A good place to start looking for Telegram channels is Reddit. This is one of the biggest sites on the internet, with millions of communities, including those from Telegram.Then, you can search one of the many dedicated websites for Telegram channel searching. One of them is telegram-group.com. This website has many categories and a really simple user interface. Another great site is telegram channels.me. It has even more channels than the previous one, and an even better user experience.These are just some of the many available websites. You can look them up online if you’re not satisfied with these two. All of these sites list only public channels. If you want to join a private channel, you’ll have to ask one of its members to invite you.

Why Telegram?

Telegram has no known backdoors and, even though it is come in for criticism for using proprietary encryption methods instead of open-source ones, those have yet to be compromised. While no messaging app can guarantee a 100% impermeable defense against determined attackers, Telegram is vulnerabilities are few and either theoretical or based on spoof files fooling users into actively enabling an attack.

أمل الشيخ from us

Telegram أمل الشيخ 🔐💜
FROM USA