tg-me.com/lx_lv/19949
Last Update:
اللهم ارفع عننا الغلاء يارب..
أنتم متخيلين إن في ناس محتاجة صدقات من أيام ماكان الدولار بـ ١٥ أو أقل كمان ؟ .. جملة "كل حاجة غليت" الي بنعقب بيها بعد أي حاجة احنا قادرين نشتريها لكن غليت شوية ف بنشكي همنا .. في ناس ما كانتش قادرة تشتري الحاجة قبل الدولار ما يغلى أصلا!
غلو الأسعار خلانا نختار الاختيار الأرخص واحنا مقموصين لكن في ناس فعلا غلو الأسعار حرمها من نوع أكل معين!
الي عندهم وظيفة ثابتة مرتبها كذا ألف جنيه محتاج فلوس فما بالكم بالي بياخدوا باليومية؟ أو أي محل بسيط أو حد فارش في مكان معين ؟
ممكن نتخانق مع السواق عشان غلى الأجرة بس في حد تاني مش هيركب أصلا ويروح مشي عشان ماعهوش حق الأجرة القديمة قبل الغلاء
من ساعة ما الأسعار ما غليت حد فيكم نام جعان ؟ .. في واحدة اضطرت تشتغل عشان فعلا محتاجة؟
سبحان من أدام علينا نعمة الستر رغم الي حصل
لكن في ناس كانت محتاجة وازداد احتياجها
أنا بقيت بشعر إن أي حدة ماشية ف الشارع معاها أطفال دة أكيد محتاجة فلوس سواء زوجها عايش ولالا أو بيشتغل ولالا!
فـ الصدقة الصدقة ، مافيش حاجة تنفع للفترة دي غيرها.. تصدقوا بالي تقدروا عليه والله أي مبلغ هيفرق
اشتروا من المحلات البسيطة ، ما تردوش أي سائل يسألكم مال
حوشوا من مصروفكم أو شغلكم فلوس على جنب عشان الصدقة..
ما تستنوش رمضان عشان نعمل إطعام أو صدقات .. الاحتياج دلوقتي ف موسم الدراسة وكسوة الشتاء أهم ودة واجب الوقت
وأخيرا ، هتحوشوا لإيه؟ .. هتحوشوا فلوس قيمتها بتقل يوم عن يوم؟
الفلوس نفسها حاليا مش مضمونة ف يكفيكم ضمان "ما نقص مال من صدقة"
BY المتفائلات بالفردوس🌱
Warning: Undefined variable $i in /var/www/tg-me/post.php on line 280
Share with your friend now:
tg-me.com/lx_lv/19949