tg-me.com/majedhabeb/1165
Last Update:
اشمايطر وجه الفجــــر…
أحــــسب ايـــام العُـمـر
خاف اموت وما اشوفك…
وانـــــه ياالمهدي انتضر
★★★★★★★
ظلت امخـيـمـه ابدليـلـي حَــسـرة وافـراگ
وانـــــه يومــيه يمهـــدي الوجهــــك اشتاگ
ابياشريعه ايصير منــــــي گلبــــــي ينــباگ
ازغير انـــه وبيه احس هــــذا الفـلك ظــاگ
اسهر واحسب دمـــع …. واعلگ اسنيني شَمـــع
ياحبيبي البعد فتره ... وحن علي كافي الهجــر
★★★★★★★
احسب اسبوعي اويجرحــي وبيه دمعه
ومنتضر جَيــــــــتك يغايب جمعه جمعه
گمــــت اهديـــــلك صلاتـــي ركعه ركعه
المهم بس صوتك حبيبي امنيتي اسمعه
شلت وجهي للســمـــه …. وبــيدي سبحــــة فاطمـه
سَبَحت بجروحي كلهـا… اورْدْت يالمـــهدي اتحَضر
★★★★★★★
گاعد وايـــدي اعله خــــدي بـنــص الدروب
الناس كل ظنها انـــه اجدي واكسر اگـلـــوب
انفتحت ابگلبي اويبيتي ألجيـــتك بــــــوب
وانـــــــه منتَظرك تجيني وچــــــل الاغروب
النــاس تـتصدق عَـــلــي…. يامُـحـــمــــد ياعــلـــــي
بستغاثه ودمعي يجري… بلكــــي گلــــــبك ينكسر
★★★★★★★
ليلة الجمعه انـــــه اروح وگلبــي مكسـور
ادري هــــاي اليــله تلفي ابكربـله اتـــــزور
امشي يـــــم عـباس اشد ابــابــه الانــذور
وأرد لحســين واطشن حنــطــــه واطيور
أبــقــه اتانـــي ابعَـتبته …. وبــيدي شــايــــل تُربـته
واقره بالنُدبه واصيحن … انــــته ويــــن ابــياكـتـــر
★★★★★★★★★★
اشتاگت اعيوني ارد اشوفك والحلم طــــــال
يــمــته اشوفــك وانـــه گاعد ازرع امـــــال
ابمسجـــد السهله انتظرتك والظعـن شــــال
يالعفتنــي بــس اعــانـــي گلـــــــبك اشگال
منتضر وسط الصَـحَــن…. خادمك يـــبن الحســـن
يالعفتني ابلـــــيل اتاني… وحشتك مثل الگــــــبـر
★★★★★★★
يمته يالمــهـــدي تجينــي وتـشفـــــي الجروح
بـــيه غـــرگــــة چَـم سَفينه وماحصَل نـــــــوح
ابعيني چم حسين اشـــوف اگــبالــي مذبـوح
وچـــم أميره ابـــــلا كفــيل أو للسبي اتـــروح
تــلـگه يـــم شاطي النهــر…. رايــــه وچــفوف وگمَــر
وعدنا چم ام بالماگابـــر … زارعــــه اورود وصـــــبر
ــــــــــــــــــــــــــــــــــــــــــــــ
ماجد حبيب الخيكاني
ونسألكم الدعاء
BY الشاعر ماجد حبيب الخيكاني
Warning: Undefined variable $i in /var/www/tg-me/post.php on line 280
Share with your friend now:
tg-me.com/majedhabeb/1165