الشاعر ماجد حبيب الخيكاني | Telegram Webview: majedhabeb/1166 -

خل نصلي اليله وحشه..عالحمَل جبريل نعشه

نــبـچــــــي ونصلــي ركعــتـين…. يزينـب
البيت وحشه ابدون ابو حسين… يزينب
★★★★★★★★★

اهنا يزينــــب گابلينــــي ابـــدمــع العيون
انـــه اخوچ الحسن يمچ يختي يَم عـــون
ليش الي انحــبـــهـــم يــزيــنـب مايظلون
والله صعبه باالمگـــابــــر مــــن ينامــون

راح ابـونـا وفـارگانـه …. العيد جاي اويتمانــه

ابــلا أبـــو بيـمَـــن تعَــيــديــن…يزينب
البيت وحشه ابدون ابو حسين… يزينب
★★★★★★★★★

اتوضي بدموعچ يخيتي العَلگمي ابعيد
أوحَضري اهدومچ السود الجيـت العيد
انـــه ادري اجــــــروح گلبچ بعد مَتهيد
ازغيرة أنتي وبينَت بيچ التجـــــاعيد

بالمگابر غفوا ناسچ … وبين الشيب اعله راسچ

واللــــه حــگـــــچ من تشَيبين…يزينب
البيت وحشه ابدون ابو حسين…يزينب
★★★★★★★★★

اسم الله خويه حسين گلي اشينفع ابچاك
گـــــوم خويــــه وخل يجي العباس وياك
خل لبونــــــــا انصلي وحشه وزينب اهناك
واللــــه من تسمع بچيها اتگطع اچــــلاك

ليش شهر الله ابصيامه…خله اهل زينـب يتامه

فطــــر گلــبـچ مــن تفطريــــن.. يزينــب
البيت وحشه ابدون ابو حسين…يزينب
★★★★★★★★★

يابـــو فاضل من نصلـــي ونوگف اصفوف
ومـــن تگبر تـهـــد حيلي هـــــاي الچفوف
أذكـــر اوصــيَــت أبــونـا الــيـــوم الطفوف
بــاچـــر انتــه اتصير خويه حصت السيوف

تشوف زينب عاالشريعه…ذَنـي اچفوفك گطيعه

عالنهر لـــو شفــتـــــي چــفــين….. يزينب
البيت وحشه ابدون ابو حسين… يزينب
★★★★★★★★★

شمعه شمعه خل نصير ونضوي مُحراب
ونلطم احـــنه وتقره مُلايــــه ام الحجاب
اهنا يزينب نصي صوتچ أُمــــنه باالباب
لا تسمعچ نــــام ابونــا جـــــــوه التراب

أمي شو عافت گبرها …. وأجت مَحنيه ابكسرها

خـــــاف سمعت من تـــونـــــين….. يزينب
البيت وحشه ابدون ابو حسين… يزينب
★★★★★★★★★

خيمه ابـــــونـــــا وراح مـنه وبالگـــبر نـــام
يعنــي بــاچـــــر ماتـنـفعـــچ كــــل الاخيام
صــرنا مــن هســه يـــتامـــه والفَرح صَــــام
وبــاچــــر الوادم تـگــلـــــچ أُم الايـــــــتام

الراح ابوامايلگه راحه... وعيشي زينب بالمناحه

عالهـــزل مَچتوفـــه تمشــــين….. يزينب
البيت وحشه ابدون ابو حسين… يزينب
★★★★★★★★★

أنــة اخوچ الحسن هسه وچبدي مَمرود
كربــله ابعيني صورها انعـرظـــت اردود
چفچ ابحبل الشمـــــر من شفته مگيود
صفگت ايدي وصحت عنچ وين الحيود

من سمَع جبريل صوتچ…صاح زينب وين اخوتچ

امتربـــــه وعَــلـتَــل تصعديـــن…. . زينب
البيت وحشه ابدون ابو حسين… يزينب
★★★★★★★★★

ـــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء

www.tg-me.com/us/الشاعر ماجد حبيب الخيكاني/com.majedhabeb/1166

1.1K viewsMar 18 at 12:49

tg-me.com/majedhabeb/1166

Create: 2024-03-18
Last Update: 2024-06-06 05:27:17

BY الشاعر ماجد حبيب الخيكاني

Warning: Undefined variable $i in /var/www/tg-me/post.php on line 280

Share with your friend now:
tg-me.com/majedhabeb/1166

Open in Telegram

الشاعر ماجد حبيب الخيكاني Telegram | DID YOU KNOW?

Date: 2024-06-06| الشاعر ماجد حبيب الخيكاني

Importantly, that investor viewpoint is not new. It cycles in when conditions are right (and vice versa). It also brings the ineffective warnings of an overpriced market with it.Looking toward a good 2022 stock market, there is no apparent reason to expect these issues to change.

Find Channels On Telegram?

Telegram is an aspiring new messaging app that’s taking the world by storm. The app is free, fast, and claims to be one of the safest messengers around. It allows people to connect easily, without any boundaries.You can use channels on Telegram, which are similar to Facebook pages. If you’re wondering how to find channels on Telegram, you’re in the right place. Keep reading and you’ll find out how. Also, you’ll learn more about channels, creating channels yourself, and the difference between private and public Telegram channels.

الشاعر ماجد حبيب الخيكاني from us

Telegram الشاعر ماجد حبيب الخيكاني
FROM USA