tg-me.com/milliymarkaz/1589
Last Update:
TIMSS tadqiqoti javoblarini baholash jarayoniga tayyorgarlik ishlari davom etmoqda
Xabaringiz bor, Oʻzbekiston ilk marotaba oʻquvchilarining matematika va tabiiy fanlardan savodxonligini baholovchi TIMSS 2023 ishtirok etmoqda.
Ayni kunlarda Maktabgacha va maktab taʼlimi vazirligi huzuridagi Taʼlim sifatini baholashning xalqaro tadqiqotlarni amalga oshirish Milliy markazida TIMSS tadqiqotining asosiy sinov jarayonlarida oʻquvchilarning strukturalangan savollarga bergan javoblarini kodlashtirish (baholash) jarayonlarini tashkil etish yuzasidan treninglar o‘tkazilmoqda.
Ushbu videoda matematika yo‘nalishi bo‘yicha o‘tkazilayotgan trening jarayonlari aks etgan.
Tadbirda soʻzga chiqqan Milliy markaz direktori Abduvali Ismailov TIMSS 2023 savollariga berilgan javoblarni baholash jarayonlari juda muhim bosqich ekanligini taʼkidlar ekan, bu borada xalqaro standartlarga qatʼiy amal qilinishi maʼlum qildi:
"Oldimizda muhim jarayonlar turibdi. Ushbu tadqiqotlar qat'iy va murakkab standartlarga asoslangan. Shuning uchun biz bir qancha bosqichlardan o'tishimiz zarur. Asosiy sinov jarayoni ortda qoldi degani tadqiqot yakunlandi degani emas. Aslida, hozir O'zbekiston haqiqatan TIMSS'da qatnashdi degan maqomga ega bo'lishi uchun mutaxassislar ishtirokida yana taxminan 1 yil faoliyat olib borishimiz lozim. Biz 2024-yilning dekabr oyida TIMSS jarayonining hisobotlari IEA tomonidan e'lon qilinganida O'zbekiston ham ushbu ro'yhatga kirishiga erishganimizda xotirjam bo'lishimiz mumkin.
Tadqiqotning texnik talablari shunday yaxshi tuzilganki, xolis bo‘lishga majbur qiladi.
Kimningdir tajribasi kamroq, kimningdir bilimi ko'proq bo'lsa, kimningdir yondashuvi boshqacharoq bo'lsa, kimdir oliy ta'limda, kimdir akademik litseyda, kimdir maktabda dars bergan bo'lsa, shunday yondashuvni bir xillikka olib kelish uchun Milliy markaz tomonidan tayyorlangan qo'llanma yordam beradi."
📍Milliy markazning rasmiy sahifalariga ulanish
Telegram | Facebook | YouTube |Instagram